جاڭا حابارلار

جەر-جەر مەملەكەت مەرەكەسىندە سالتاناتتى تۋ شىعارۋ سالتىن وتكىزدى

    كەلۋ قاينارى: شينجياڭ حالىق راديو ىستانسياسى    2018-10-02 12:52:56  

جيناق حابار: 10-ايدىڭ 1-كۇنى، رايونىمىزدىڭ جەر-جەرى سالتاناتتى مەملەكەت تۋىن شىعارۋ سالتىن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقتادى.
تاڭەرتەڭ ساعات 9 دا، كۇنەس اۋدانىنىڭ حالىق الاڭىندا، مەملەكەت تۋىن قورعاۋشىلار اترەتى ايبىندى دا اسقاق مۋزىكا ءۇنى ىشىندە، رەتتى قاداممەن مەملەكەت تۋىن مەملەكەت تۋى تۇعىرىنا قورعاپ جەتكىزدى. «ەرىكتىلەر مارىشى» ورىندالىسىمەن، بەس جۇلدىزدى قىزىل تۋ باياۋ كوتەرىلدى، اۋداننىڭ مەكەمە ورىندارىنان، اۋىل-قالاشىق، الاڭداردان كەلگەن 10 مىڭعا تاياۋ كادر مەن بۇقارا قۇرمەت ءبىلدىرىپ، بەس جۇلدىزدى نارت قىزىل تۋعا قاراپ تۇرىپ، مەملەكەت گيمىنىن بىرگە شىرقادى. كۇنەس اۋداندىق 2-ورتا مەكتەپتىڭ وقۋشىسى ءانيا داۋلەت قىزى بىلاي دەدى: «قازىر وتانىمىز بارعان سايىن قۇدىرەتتەنۋدە، وڭاي-وسپاق قول جەتپەگەن تۇرمىستى قادىرلەۋىمىز، بۇدان كەيىن وتاننىڭ تىرەگى بولۋىمىز كەرەك».
اۋات اۋدانىندا، دولان الاڭى شىت-جاڭا اشەكەيلەنىپ، مىڭعا تاياۋ كادر مەن بۇقارا ۇستىلەرىنە مەرەكەلىك كيىمدەرىن كيىپ، ءبىر جەرگە باس قوسىپ، مەملەكەت تۋىن شىعارۋ سالتىنا قاتىناسىپ، جاڭا جۇڭگو قۇرىلعاندىعىنىڭ 69 جىلدىعىنا دەگەن تاماشا تىلەگىن بىرگە جەتكىزدى. ىلە-شالا، پارتيا مۇشەلەرى تاعى تۋ شىعارۋ سالتى وتكىزىلگەن جەردە پارتياعا كىرگەندە بەرگەن سەرتىن قايتالادى. كوپشىلىك ارت-ارتىنان: اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اۆتونوميالى رايوننىڭ ءتۇرلى شەشىم-ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، باقىتتى تۇرمىس جاراتۋعا قاجىماي قۇلشىناتىندىقتارىن ءبىلدىردى. اۋات اۋداندىق حالىق شيپاحاناسىنىڭ ورىنباسار باستىعى يۇي جۋان: «پارتيا مۇشەسى سالاۋاتىممەن، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا مەن حالىق ءۇشىن بارىمدى ارناۋعا قاشان دا دايىن تۇرامىن»، ـــ دەدى.
جانعا جايلى كۇننىڭ شۋاعىندا، ماناس اۋدانى سۋ ساتقان اۋىلى مينما ەكولوگيالىق قىستاعىندا قازاق بۇقاراسىنىڭ 561 ۋاكىلى قىستاقتىڭ مادەنيەت الاڭىندا باياۋ كوتەرىلگەن بەس جۇلدىزدى قىزىل تۋدان كوز ايىرمادى، كوپشىلىك مەملەكەت گيمىنىن بىرگە ورىنداپ، جۇڭحۋا حالىق رەسپۋبيكاسىنىڭ كوركەيىپ-گۇلدەنىپ، جاراسىمدى دا قۇدىرەتتى بولۋىنا تىلەكتەستىك ءبىلدىردى. مالشى ءنۇريلا مۇحامەتجان قىزى بىلاي دەدى: پارتيا مەن ۇكىمەتتىڭ قامقورلىعىندا، باقىتتى تۇرمىسقا كەنەلدىك، كيىز ۇيدەن حالىقتى اۋقاتتاندىرۋ بەيقۇت ۇيىنە كوشىپ كىردىك، ەمدەلسەك، ەمدەۋدى قامسىزداندىرۋ كارتىچكامىز دايىن، بالالارىمىز تەگىن وقيدى، مال باقساق، جايلىم قوسىمشا قاراجاتى بەرىلەدى، تۇرمىسىمىز كۇننەن-كۇنگە جاقسارۋدا، ەگىنشى-مالشىلار پارتياعا شىن كوڭىلىنەن شەكسىز العىسىن بىلدىرەدى. جۇڭگولىق بولعان مەن مۇنى ەرەكشە ماقتانىش ەتەمىن.
تاڭعى ارايدا، بۇراتالا قالاسى التىن اتىراۋ ونەركاسىپ باقشا رايونىنىڭ اۋلاسىندا 300 دەن استام ءار ۇلت جۇمىسشى-قىزمەتكەرى تۋ شىعارۋ سالتىنا قاتىناستى، گۇما اۋدانىنان كەلگەن ءبۇپاتيما توحتى امەت بىلتىر وسى باقشا رايونىنا كەلىپ كاسىپتەنگەن، كىرىسى بارعان سايىن كوبەيىپ، وتباسىنىڭ ءال-اۋحاتى بۇرىنعىدان جاقسارا تۇسكەنىن ايتا كەلىپ بىلاي دەدى: قازىر، ايىنا 2 دە 3 مىڭ يۋان ەڭبەكاقى الامىن، مۇنىڭ ءبارى مەملەكەتتىڭ ماعان دەگەن قامقورلىعىنىڭ ارقاسى، بۇگىنگى وسى ەرەكشە كۇندە وتانىمىزدىڭ بارعان سايىن قۇدىرەتتەنۋىنە شىنايى تىلەكتەسپىن.
جەمەنەي اۋداندىق قوعام حاۋىپسىزدىگى مەكەمەسى 400 دەن استام حالىق ساقشىسىن مەملەكەت تۋىن شىعارۋ سالتىنا قاتىناسۋعا ۇيىمداستىرىپ، جاڭا جۇڭگوعا دەگەن ىزگى تىلەكتەرىن ءبىلدىردى، مەملەكەت تۋى استىندا، قوعام حاۋىپسىزدىك حالىق ساقشىلارى تاعى باتىل ءۇن قاتىپ، ايقىن پوزيتسيا ءبىلدىرۋ قيمىلىن وتكىزىپ، حالىقتىڭ قوعام حاۋىپسىزدىگىنىڭ مىندەتىن ادالدىقپەن اتقاراتىن، بورىشىن ادا ەتەتىن، قوعامنىڭ جاراسىمدىلىعىن، ورنىقتىلىعىن باتىل قورعايتىن، ءار ۇلت بۇقاراسىنىڭ باس اماندىعى مەن مال مۇلىك حاۋىپسىزدىگىنە كەپىلدىك ەتەتىن سەنىمى مەن بەكىمىن ءبىلدىردى. جەمەنەي اۋداندىق قوعام حاۋىپسىزدىك مەكەمەسى قاتىناس ساقشى ۇلكەن اترەتىنىڭ حالىق ساقشىسى گاۋ يانۋىن: «جەمەنەي اۋداندىق قاتىناس ساقشى ۇلكەن اترەتى قىزمەت ورنىندا تابان تىرەپ، بۇقارانىڭ سىرتقا شىعۋىن قورعايدى. وتاننىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق، حالقىنىڭ اناعۇرلىم باقىتتى بولۋىن، ەكونوميكاسىنىڭ اناعۇرلىم گۇلدەنىپ-كوركەيۋىن، مەملەكەت قۋاتىنىڭ اناعۇرلىم كۇشەيۋىن تىلەيمىز»،-دەدى.
تاڭەرتەڭ ەرتە، شىحىزى داشۋەسىندەگى مىڭنان استام وقىتۋشى-وقۋشى مەكتەپ اۋلاسىندا تۋ شىعارۋ سالتىن وتكىزىپ، وقۋشىلاردىڭ وتاندى ءسۇيۋ سەزىمىن بەينەلەدى. شىحىزى داشۋەسى ەكونوميكا جانە باسقارۋ شۋەيۋانى وداق كوميتەتىنىڭ شۋجيى ما يۇڭزى: «جاستار اعا بۋىندار سياقتى ىنتىماقتاسىپ جۇڭحۋانى كوركەيتۋى ، ناقتى ارەكەتىمەن وتاندى ءسۇيۋ سەزىمىن امالياتتا ايگىلەۋى، جاستىق اقىل-پاراساتىن ارناۋى ءتيىس»،-دەدى.


بەرىپ كەت ورامالىڭدى

دوستار

الىستاعى اق ەركە