جاڭا حابارلار

اعا بۋىن قاھارمانداردى ەسكە الىپ، وتانعا تاماشا تىلەك تىلەپ، مەملەكەت مەرەكەسىن قارسى الىپ، ارماندى بىرگە ورىنداۋدىڭ تىڭ داستانىن جازايىق

    كەلۋ قاينارى: شينجياڭ حالىق راديو ىستانسياسى    2018-10-02 12:46:11  

ستانسيامىزدىڭ تىلشىلەرى ديڭ شياۋدان مەن ايبىن راحمان ۇلىنىڭ حابارى: 10-ايدىڭ 1-كۇنى تۇستەن بۇرىن، ءۇرىمجى قالاسىنىڭ ورگان، مەكەمە ورىندارىنىڭ كادرلارى مەن جۇمىسشى-قىزمەتكەرلەرىنىڭ، ازاتتىق ارميانىڭ قارۋلى ساقشى وفيتسەرلەرى مەن اسكەرلەرىنىڭ، ورتا، باستاۋىش مەكتەپتىڭ وقىتۋشى-وقۋشىلارىنىڭ جانە ءار ۇلت بۇقاراسىنىڭ ۋاكىلدەرىنەن 3 مىڭنان ارتىق ادام شينجياڭ حالىقارالىق كورمە ورتالىعى الاڭىنا جينالىپ، «اعا بۋىن قاھارمانداردى ەسكە الىپ، وتانعا تاماشا تىلەك تىلەپ، مەملەكەت مەرەكەسىن قارسى الىپ، ارماندى بىرگە ورىنداۋدىڭ تىڭ داستانىن جازايىق» اتىنداعى مەملەكەت تۋىن شىعارۋ سالتىنا قاتىناسىپ، جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقادى. اۆتونوميالى رايوندىق پارتكومنىڭ تۇراقتى مۇشەسى، ءۇرىمجى-سانجى پارتكومىنىڭ شۋجيى، ءۇرىمجى قالالىق پارتكومنىڭ شۋجيى شۇي حايرۇڭ مەملەكەت تۋىن شىعارۋ سالتىنا قاتىناستى.
تۇستەن بۇرىن ساعات 10 جارىمدا، كوگىلدىر اسپان استىنداعى شينجياڭ حالىقارالىق كورمە ورتالىعىنىڭ الاڭى تىنىشتىققا شومدى، الىستان ەستىلگەن ەكپىندى دە رەتتى باسىلعان قادام ءۇنى جاقىنداعان سايىن كوكتى كەرنەدى، ازاتتىق ارميانىڭ قۇرمەت قاراۋىلىنان ۇيىمداسقان تۋ قورعاۋ شارشى توبى نىق قاداممەن، ايبىنمەن العا ءجۇردى. «ەرىكتىلەر مارىشى» ورىندالىسىمەن، بەس جۇلدىزدى نارت قىزىل تۋ تاڭ نۇرىنا مالىنىپ، باياۋ كوتەرىلىپ، الاڭداعى 3 مىڭنان ارتىق ادام مەملەكەت گيمىنىن بىرگە اسقاقتاتا شىرقادى. ۇرىمجىدە تۇراتىن بەلگىلى اسكەري ءبولىمنىڭ وفيتسەرى حى ميڭ بىلاي دەدى: «بەس جۇلدىزدى نارت قىزىل تۋ وتانىمىزدىڭ ەڭسە كوتەرىپ، بايىپ، قۇدىرەتتەنۋىنە وڭاي-وسپاق قول جەتپەگەنىن ەسكە تۇسىرەدى، ءبىز تاماشا ءداستۇردى ساۋلەلەندىرىپ، توڭكەرىستىك گەنگە مۇراگەرلىك ەتىپ، جاۋدى تىپ-تيپىل جويۋ ونەرىنە قاجىرلىلىقپەن توسەلىپ، قولىمىزداعى قارۋعا ابدەن جاتتىعىپ، وتانىمىزدىڭ ءار سۇيەم جەرىنە دەيىن، حالىقتىڭ تاماشا تۇرمىسىن باتىل قورعاۋيمىز».
«ەرىكتىلەر مارىشى» ورىندالىپ بولىپ، مەملەكەت تۋى تۋ باعاناسىنىڭ توبەسىنە جەتكەندە، بۇكىل الاڭنان شاتىرلاعان شاپالاق ءۇنى كوتەرىلدى. ءدىني قايراتكەرلەردىڭ ۋاكىلى ءباي شىڭفۋ بىلاي دەدى: « جەلبىرەگەن بەس جۇلدىزدى قىزىل تۋدى كورگەندە، كوكىرەگىمدى جۇڭحۋا ۇلاندارىنا ءتان وتانعا دەگەن شىنايى ىزەت-قۇرمەت پەن قىزۋ سۇيىسپەنشىلىك كەرنەپ، ەرەكشە اسەرلەندىم. جاڭا جۇڭگونىڭ مەرەي تويىندا، ەلىمىزدىڭ كوركەيىپ-گۇلدەنۋىنە تىلەكتەستىك بىلدىرەمىن. ءدىني قايراتكەر سالاۋاتىممەن، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ادال نيەت، دۇرىس ارەكەتىم ارقىلى دىنگە سەنەتىن بۇقارانى دۇرىس جولعا باستاپ، بەس مۇراتتاستىق تانىمىن شىنايى كۇشەيتەمىن».
مەملەكەت تۋىن شىعارۋ سالتى اياقتاعاننان كەيىن، باستاۋىش مەكتەپ وقۋشىلارى بالدىرعان بالا ۇندەرىمەن وتانعا دەگەن قىزۋ سۇيىسپەنشىلىكتەرى مەن تىلەگىن بەينەلەگەندە، قىزۋ شاپالاق ءۇنى تاعى ءبىر دۇركىن كوتەرىلدى. ءۇرىمجى قالالىق كاسىپتىك داشۋەسى پەداگوگيكا شۋەيۋانى 2-جىلدىعىنىڭ وقۋشىسى لي نا بىلاي دەدى: بۇگىنگى تۋ شىعارۋ سالتى مەنى قاتتى اسەرلەندىردى، سەنىمىم كۇشەيىپ، جىگەرىم تاسقىندادى. باس شۋجي: جاستىق كوكتەم كۇرەس جاساۋعا ارنالۋ كەرەك، ــ دەگەن بولاتىن، وداق مۇشەسى بولعان مەن، قۇلشىنا كۇرەس جاساپ جانە بەرىلە ۇيرەنىپ، ونەرىمدى ۇشتاپ، ءمورالدى دا ءبىلىمدى، جاپپاي دامىعان « ارمانى اسقاق، ءمورالدى، مادەنيەتتى، ءتارتىپتى» جاستاردان بولىپ جەتىلىپ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن ورىندايمىن.
الاڭداعىلاردىڭ ىشىندە ، بىر تۇتاس قىزىل سپورت كيىمىن كيگەن 113 باستاۋىش مەكتەپ وقۋشىسى ەرەكشە كوزگە تۇسەدى. ولار اۆتونوميالى رايوندىق ايەلدەر بىرلەستىگىنىڭ ۇيىمداستىرۋىمەن، قاشقاردان، حوتاننان، اقسۋدان ۇرىمجىدەگى مەملەكەت تۋىن شىعارۋ سالتىنا قاتىناسۋعا ارناۋلى كەلگەندەر. بۇل قاشقار قالاسى بەسكەرىم اۋىلدىق سەنترلى باستاۋىش مەكتەپ 6-جىلدىعىنىڭ وقۋشىسى كاريما نۇراليدىڭ ۇرىمجىگە تۇڭعىش رەت كەلۋى، ول بىلاي دەدى: «قاتتى تەبىرەنىپ تۇرمىن. مەن پيونەرمىن، بۇدان كەيىن جاقسى ۇيرەنىپ، ەسەيگەندە بەيجيڭگە بارىپ وقىپ، تيان-انمىنداعى مەملەكەت تۋىن شىعارۋ سالتىنا قاتىناسامىن. ەلىمىزدىڭ اناعۇرلىم كوركەيىپ-گۇلدەنىپ، جۇڭگو ارمانىنىڭ ورىندالۋىن ءۇمىت ەتەمىن».
قاشقار بەسكەرىم اۋىلى باشسىدە قىستاعىنىڭ كەدەيلەردى سۇيەمەلدەۋگە ارناۋلى جاۋاپتى كادرى ءاشىم وشىر بىلاي دەدى: « پارتيانىڭ ءتۇرلى جاقسى ساياساتىنىڭ ارقاسىندا، قىستاعىمىزدا كوپ وزگەرىس تۋىلدى، جولعا اسفاليت جاتقىزىلىپ، حالىقتى اۋقاتتاندىرۋداعى بەيقۇت ۇيلەر سالىنىپ، شاعىن زاۆوتتار قۇرىلدى، ديحاندار تۇرعان جەرىندە كاسىپتەنىپ، كىرىس كوزى كەڭەيدى. كەدەيلەردى سۇيەمدەلدەۋ كادرى سالاۋاتىممەن، كەدەيلەردى سۇيەمدەلدەۋگە، كەدەيلىكتەن قۇتىلدىرۋعا قاتىستى ساياسات-شارالاردى ويداعىداي تياناقتاندىرىپ، قىستاق تۇرعىندارىنىڭ كىرىسىن ارتتىرىپ، كەدەيلىكتەن تەز قۇتىلۋىنا كومەكتەسىپ، 2020-جىلعا بارعاندا، بۇكىل ەل حالقىمەن بىرگە جاپپاي دوڭگەلەك داۋلەتتى تۇرمىسقا جەتۋگە قۇلشىنامىن».


بەرىپ كەت ورامالىڭدى

دوستار

الىستاعى اق ەركە