جاڭا حابارلار

جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقتاۋ بايلانىسىمەن مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى

    كەلۋ قاينارى: شينجياڭ گازەتى    2018-10-02 18:45:00  

شي جينپيڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، ۋاڭ چيشان قاتارلىلار قاتىناستى 
لي كىچياڭ ءسوز سويلەدى، حان جىڭ قوناعاسىنى باسقاردى

9 - ايدىڭ 30 - كۇنى كەشتە، مەملەكەتتىك كەڭەس بەيجيڭدەگى حالىق سارايىندا مەملەكەت مەرەكەسىن قۇتتىقتاۋ بايلانىسىمەن قوناعاسى وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قىزۋ قۇتتىقتادى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جۇڭگولىق، شەتەلدىك قايراتكەرلەرمەن ءبىر اراعا باس قوسىپ، مەرەيلى مەرەكەنى بىرگە قۇتتىقتادى.
سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن

 شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. 9 - ايدىڭ 30 - كۇنى كەشتە مەملەكەتتىك كەڭەس حالىق سارايىندا مەملەكەت مەرەكەسى بايلانىسىمەن قوناعاسى وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قىزۋ قۇتتىقتادى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جۇڭگولىق، شەتەلدىك 1200دەن استام قايراتكەرمەن ءبىر اراعا باس قوسىپ، مەرەيلى مەرەكەنى بىرگە قۇتتىقتادى.
  حالىق سارايىنىڭ قوناعاسى زالىندا شام - شىراقتار سامالاداي جارقىراپ، گۇلدەر شەشەك اتىپ، دۋماندى شاتتىقتىڭ لەبى ەستى. ءتوراعالار مىنبەسىنىڭ جوعارعى جاعىنا ايبىندى مەملەكەت گەربى ىلىنگەن، ايشىقتى جازىلعان «2018 − 1949» جىل بەلگىسى نارت قىزىل تۋلارمەن اجارلانىپ، كوزگە وتتاي باسىلادى.
  ساعات 17دەن 30 مينۋتتاي وتكەندە، ويناقى «قوناق كۇيى» ورىندالىپ، شي جينپيڭ باستاعان پارتيا مەن مەملەكەت باسشىلارى قوناعاسى زالىنا كىردى، تۇتاس زالدى شاپالاق ءۇنى كەرنەدى.
  قوناعاسى باستالدى. اسكەري وركەستر «ەرىكتىلەر مارشىن» ورىندادى، زالداعى دۇيىم جۇرت ورىندارىنان تۇرىپ، مەملەكەت ءانىن اسقاقتاتا شىرقادى. مەملەكەتتىك كەڭەستىڭ زۇڭليى لي كىچياڭ ءسوز سويلەدى. ول الدىمەن پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ مەرەكەسىنە قۇتتى بولسىن ايتتى؛ شياڭگاڭدىق، اۋمىندىق باۋىرلاستاردان، تايۋاندىق باۋىرلاستاردان، شەتەلدەگى حۋاچياۋ باۋىرلاستاردان شىن ىقىلاسپەن حال سۇرادى؛ جۇڭگونىڭ قۇرىلىس، دامۋ جانە رەفورما جاساۋ، ەسىك اشۋ ىستەرىنە كوڭىل بولگەن، قولداۋ كورسەتكەن حالىقارالىق دوستارعا شىن جۇرەكتەن العىس ايتتى.
  لي كىچياڭ بىلاي دەدى: جاڭا جۇڭگونىڭ ايدىنى كەڭ تاريحي ۇدەرىسى − جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاسا كۇرەس جۇرگىزۋگە باستاعان، مەملەكەتتىڭ بەت - بەينەسىندە وراسان زور وزگەرىستەر جارىققا شىعىپ، حالىقتىڭ تۇرمىس دەڭگەيى ۇزدىكسىز جوعارىلاعان ۇلى تاريحي ۇدەرىس. جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز پارتيا 19 - قۇرىلتايىنىڭ رۋحى مەن ءتۇرلى ورنالاستىرۋلاردى جاپپاي دايەكتىلەندىرىپ، ىشكى - سىرتقى ورتانىڭ وزگەرىسى الا كەلگەن جاڭا سايىستارعا ۇستامدىلىقپەن توتەپ بەرىپ، كۇشتى جۇڭگونىڭ ءوز ءىسىن جاقسى ىستەۋىنە شوعىرلاندىرىپ، دامۋدىڭ ىشكى قوزعاۋشى كۇشىن نىعايتىپ، ءتۇرلى شارالار ارقىلى حاۋىپ پەن كومەسكى قاتەردى جويىپ، ەكونوميكانىڭ ۇيلەسىمدى ارالىقتا اينالىم جاساۋىن ساقتادىق. ءتۇرلى رەفورمانى تەرەڭدەتۋدە جاڭا ىلگەرىلەۋشىلىكتەرگە قول جەتتى، شارۋاشىلىق قۇرىلىمىن جاڭارتۋدىڭ بەتالىسى جاقسى بولدى. ىرىقتى تۇردە سىرتقا ەسىك اشۋدا اناعۇرلىم زور قادام تاستالىپ، سىرتپەن قارىم - قاتىناستا جانە حالىقارالىق سەلبەستىكتە جاڭا جاعداي اشىلدى. حالىقتىڭ ىرىسى ۇزبەي ارتىپ، قوعامدىق جالپى جاعداي ۇزدىكسىز تۇردە حاۋىپسىز، ورنىقتى بولدى. سوتسياليستىك وسىزامانداندىرۋ قۇرىلىسى ىستەرىنىڭ دامۋىندا جاڭا بەينە جارىققا شىقتى.

  لي كىچياڭ مىنالاردى اتاپ كورسەتتى: بيىل رەفورما جاساپ، ەسىك اشۋدىڭ 40 جىلدىعى. رەفورما − جۇڭگونىڭ دامۋىنىڭ ءتۇبىرلى قوزعاۋشى كۇشى، دامۋ − جۇڭگوداعى بارلىق ماسەلەنى شەشۋدىڭ نەگىزى مەن تەتىگى. قانداي دا الماعايىپ وزگەرىستەر ءبىزدىڭ رەفورما جاساۋ، ەسىك اشۋدى ىلگەرىلەتۋ بەكىمىمىزدى شايقالتا المايدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، سوتسياليزمنىڭ العاشقى ساتىسى جانە ەڭ ۇلكەن وركەندەپ كەلە جاتقان ەل سىندى وسى نەگىزگى مەملەكەت جاعدايىن تياناق ەتىپ، رەفورمانى جاپپاي تەرەڭدەتۋگە تاباندى بولىپ، قوعامدىق وندىرگىش كۇشتەردى ونان ارى ازات ەتىپ جانە دامىتىپ، «ۇكىمەت قۇرىلىمىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ» سياقتى رەفورمالاردى تەرەڭدەتىپ، بار كۇشپەن ۇكىمەت قۇرىلىمدارىن ىقشامداپ، سالىقتى ازايتىپ، اقىنى تومەندەتىپ، مال - مۇلىك ۇقىعىن قاتاڭ قورعاپ، ءتۇرلى مەنشىكتى كاسىپورىندارعا بازارلانعان، زاڭمەن جونگە سالىناتىن، حالىقارالانعان كاسىپكەرلىك ورتا ازىرلەۋ كەرەك. جاڭالىق اشۋدى جەتەكشى ەتكەن دامۋ ستراتەگياسىن اتقارۋعا تاباندى بولىپ، كاسىپكەرلەر مەن عىلىم - تەحنيكا قىزمەتكەرلەرىنىڭ جاڭالىق اشۋ بەلسەندىلىگىن ونان ارى ويداعىداي ساۋلەلەندىرىپ، حالىق بۇقاراسىنىڭ اراسىندا كومىلىپ جاتقان شەكسىز جاسامپازدىق قابىلەتكە اناعۇرلىم پارمەندى دەم بەرىپ، جاڭا قوزعاۋشى قۋاتتى جەتىلدىرىپ، كونە - جاڭا قوزعاۋشى قۋاتتاردىڭ الماسۋىن جەدەلدەتۋ بارىسىندا ەكونوميكانىڭ جوعارى ساپالى دامۋىن جەبەۋ كەرەك. ەرەجەگە نەگىزدەلگەن كوپ جاقتىلىق جۇيەسىن باتىل قورعاپ، اناعۇرلىم جوعارى دەڭگەيلى سىرتقا ەسىك اشۋدى بەلسەندىلىكپەن ىلگەرىلەتىپ، وزىندىك دامۋ مۇددەسىن قورعاپ، دامۋ ورايى مەن دامۋ جەتىستىكتەرىن الەم ەلدەرىمەن ءبولىسۋ كەرەك. «ءبىر بەلدەۋ، ءبىر جول» اياسىنداعى حالىقارالىق سەلبەستىكتى جەبەپ، ءوزارا پايدا جەتكىزۋ مەن تەڭ يگىلىكتەنۋدى ىسكە اسىرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، بۇقارانىڭ تىلەگى مەن قامىنا ناقتى شارالارمەن بەلسەندى تۇردە جاۋاپ قايتارىپ، حالىق تۇرمىسىنداعى مۇڭ - مۇقتاجدىق پەن قيىنشىلىقتاردى بار امالمەن مۇمكىندىكتىڭ بارىنشا شەشۋ كەرەك. كەدەيلىكتەن دالمە - ءدال قۇتىلدىرۋ جانە جۇمىسقا ورنالاستىرۋ، وقۋ - اعارتۋ، ەمدەۋ، زەينەتكەرلىك سياقتى جاقتاردا ۇسىنىلىمدى ونان ارى مولايتىپ، قامداۋدى ساپالىلاندىرىپ، قوعامدىق جونگە سالۋدى كەمەلدەندىرىپ، قوعامنىڭ ادىلدىگى مەن ادىلەتتىلىگىن جەبەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن نىعايتا ءتۇسۋ كەرەك.
  لي كىچياڭ بىلاي دەدى: ءبىز «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن ۇزدىكسىز تۇردە جاپپاي ءدال دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا ءىس جۇرگىزىپ، شياڭگاڭنىڭ، اۋمىننىڭ مەملەكەت دامۋىنىڭ جالپى جاعدايىمەن توعىسۋىن قولداپ، گۋاڭدۇڭ - شياڭگاڭ - اۋمىن شىعاناق رايونى قۇرىلىسىن ۇتىمدى وراي ەتىپ، ىشكى ولكەلەر مەن شياڭگاڭ، اۋمىن رايونىنىڭ اۋىس - كۇيىسى مەن سەلبەستىگىن تەرەڭدەتىپ، شياڭگاڭ مەن اۋمىننىڭ وتانمەن بىرگە گۇلدەنۋىن، دامۋىن جەبەيمىز. تايۋانعا باعىتتالعان قىزمەت جونىندەگى ءىرى باعىت - ساياساتتاردى ۇزدىكسىز دايەكتىلەندىرىپ، ءبىر جۇڭگو پرينسيبىنە تاباندى بولىپ، «92 - جىلعى ورتاق تانىمعا» تاباندى بولىپ، مەملەكەتتىڭ يەلىك ۇقىعى مەن تەرريتوريالىق تۇتاستىعىن باتىل قورعاپ، ءارقانداي «تايۋان تاۋەلسىزدىگى» ماقساتىنداعى بولشەكتەۋشىلىك پيعىل مەن قيمىلعا استە جول بەرمەي، ەكى جاعالاۋدىڭ ەكونوميكالىق، مادەني اۋىس - كۇيىسى مەن سەلبەستىگىن كەڭەيتۋ بارىسىندا قالىڭ تايۋاندىق باۋىرلاستار مەن كاسىپورىندارعا اناعۇرلىم كەڭ بازار، اناعۇرلىم كوپ دامۋ ورايىن ازىرلەپ بەرەمىز. ءبىز بەيبىت دامۋ جولىنان اۋىتقىماي، مەملەكەتتىڭ وزەكتى مۇددەسىن باتىل قورعايمىز، حالىقارالىق قوعاممەن بىرگە عالامدىق باسقارۋ جۇيەسىن كەڭەسپەن كەمەلدەندىرىپ، ەلدەر ورتاسىنداعى مۇددە تۇيىلىستەرىن كەڭەيتىپ، ادامزاتتىڭ تاعدىرلاس ورتاق تۇلعاسىنىڭ ورناۋىن ىلگەرىلەتۋدى قالايمىز.
  لي كىچياڭ سوڭىندا بىلاي دەدى: ۇلى ىستەر بۇكىل جۇڭگو حالقىنىڭ جۇمىلا كۇرەس جۇرگىزىپ، قيىنشىلىقتى جەڭۋىنە مۇقتاج. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، نىق قادام تاستاپ، ءورىس اشا جاڭالىق اشىپ، «قوس 100 جىلدىق» كۇرەس نىساناسىن ىسكە اسىرۋ، باي دا قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىنباي قۇلشىنىس جاسايىق!
  دۋماندى مۋزيكا ۇنىمەن، جۇڭگولىق، شەتەلدىك قوناقتار مەن دوستار جاڭا جۇڭگو قۇرىلعاندىعىنىڭ 69 جىلدىعىن قۇتتىقتاپ توست كوتەرىپ، جۇڭگونىڭ گۇلدەنىپ - كوركەيىپ، قۇدىرەت تابۋىنا، حالىقتىڭ باقىتتى دا باقۋاتتى بولۋىنا، جۇڭگو مەن دۇنيە جۇزىندەگى ەلدەر حالىقتارىنىڭ دوستىعىنىڭ باياندى جالعاسۋىنا تىلەكتەستىك ءبىلدىردى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قوناعاسىنى باسقاردى.
  كامبودجانىڭ پاتشاسى سيحاموني ۇسىنىسپەن قوناعاسىعا قاتىناستى.
  قوناعاسىعا بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ ورىنباسار زۇڭليلەرى، مەملەكەتتىك كەڭەستىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە باسشىلىق قىزمەتتەن بوساعان جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى، ىلگەرىدە ورتالىق اسكەري ىستەر كوميتەتىنىڭ مۇشەسى بولعان جولداستار قاتىناستى.
  ورتالىقتاعى پارتيا، ۇكىمەت، ارميا تاراۋلارى مەن بۇقارالىق تاراۋلاردىڭ جاۋاپتىلارى، دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى مەن پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنىڭ جاۋاپتىلارى، مەملەكەتكە ەڭبەك سىڭىرگەندەردى سالتاناتپەن ماراپاتتاۋ سيلىعى يەگەرلەرىنىڭ ۋاكىلدەرى، مەملەكەتتىك ەڭبەك ۇلگىلەرى مەن وزاتتاردىڭ ۋاكىلدەرى، ۇلتتىق وڭىرلەردىڭ ورنىقتىلىعىنا، دامۋىنا، ىنتىماعىنا ماڭىزدى ۇلەس قوسقان از ۇلت ۋاكىلدىك قايراتكەرلەرى، بەيجيڭدە تۇراتىن شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ ءبىر ءبولىم قايراتكەرلەرى، تايۋاندىق باۋىرلاستار مەن حۋارىن، حۋاچياۋلاردىڭ ۋاكىلدەرى، بەيجيڭدە ساپارمەن جۇرگەن ءبىر ءبولىم شەتەلدىك قوناقتار، حالىقاراعا تانىمال قايراتكەرلەر، ءار ەلدىڭ جۇڭگوداعى ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى، ءبىر ءبولىم شەتەلدىك ماماندار مەن ولاردىڭ جۇبايلارى دا قوناعاسىعا قاتىناستى.


بەرىپ كەت ورامالىڭدى

دوستار

الىستاعى اق ەركە