جاڭا حابارلار

قۇربانداردى ەسكە الۋ كۇنىندە حالىق قاھارماندارىنا گۇل شارباق قويۋ سالتى بەيجيڭدە سالتاناتپەن وتكىزىلدى

    كەلۋ قاينارى: شينجياڭ گازەتى    2018-10-02 18:55:02  

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

9 - ايدىڭ 30 - كۇنى ءتۇستىڭ الدىندا، پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭدەگى تيان - انمىن الاڭىنا كەلىپ، قۇربانداردى ەسكە الۋ كۇنىندە حالىق قاھارماندارىنا گۇل شارباق قويۋ سالتىنا قاتىناستى. سۋرەتتە: شي جينپيڭ گۇل شارباقتاعى جىبەك لەنتانى رەتتەۋدە
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى (تىلشىلەر ياڭ ۋيحان، جۋ جيچاي). ايبىندى قاھارماندىق جىگەر، اسقاق ۇلى وتان رۋحى. قۇربانداردى ەسكە الۋ كۇنى حالىق قاھارماندارىنا گۇل شارباق قويۋ سالتى 9 - ايدىڭ 30 - كۇنى ءتۇستىڭ الدىندا بەيجيڭدەگى تيان - انمىن الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءار سالا ۋاكىلدەرىمەن بىرگە سالتقا قاتىناستى.
  ايبىندى تيان - انمىن الاڭىندا بەس جۇلدىزدى نارت قىزىل تۋ جەلبىرەپ تۇر. الاڭنىڭ ورتاسىندا «وتانعا تىلەك» ۇلكەن گۇل شارباعى وتانىمىزدىڭ گۇلدەنىپ - كوركەيۋىنە، بايىپ - قۇدىرەتتەنۋىنە دەگەن ىزگى تىلەكتەردى بەينەلەدى. حالىق قاھارماندارى ەسكەرتكىشى اسقاق تۇر، ونىڭ سولتۇستىك جاعىنداعى گۇلتەكشەدە قىزىل، اق گۇلدەردەن قۇرالعان گۇل شەڭبەر جۇرتتىڭ حالىق قاھارماندارىنا دەگەن تەرەڭ ساعىنىشىن اڭعارتادى.
  ساعات 10عا تاياعاندا، پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار تيان - انمىن الاڭىنا كەلىپ، حالىق قاھارماندارىنا گۇل شارباق قويۋ سالتىنا قاتىناستى.
  جۇڭگو حالىق ازاتتىق ارمياسىنىڭ اسكەري وركەسترىنىڭ كەرنايشىسى «قۇرباندار كۇنى كەرنايىن» تارتتى، تەرەڭنەن تولقىپ مامىرلاعان اۋەن جۇرتتىڭ ەسىنە بوران - شاشىندى تاريحي جىلداردى ءتۇسىردى.
  «قۇرمەت قاراۋىلى ورىندارىنا جايعاسسىن!» دەگەن بۇيرىقپەن 3 ارميانىڭ قۇرمەت قاراۋىلى نىق قادام تاستاپ، ەسكەرتكىشتىڭ الدىنا باردى دا، مىلتىقتى سەرت ۇستاپ تۇرا قالدى.
  ساعات 10دا حالىق قاھارماندارىنا گۇل شارباق قويۋ سالتى رەسمي باستالدى. اسكەري وركەستر «ەرىكتىلەر مارشىن» ورىندادى، بۇكىل الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
  مەملەكەت ءانى شىرقالىپ بولعان سوڭ، بۇكىل الاڭداعىلار جىم - جىرت تىنىشتىققا شومىپ، جۇڭگو حالقىنىڭ ازاتتىق ىستەرى مەن رەسپۋبليكانىڭ قۇرىلىسى ىستەرى جولىندا ەرلىكپەن قۇربان بولعان قۇرباندارعا ءۇنسىز ازا ءبىلدىردى.

9 - ايدىڭ 30 - كۇنى ءتۇستىڭ الدىندا، پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭدەگى تيان - انمىن الاڭىنا كەلىپ، قۇربانداردى ەسكە الۋ كۇنىندە حالىق قاھارماندارىنا گۇل شارباق قويۋ سالتىنا قاتىناستى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

 ازا ءبىلدىرۋ اياقتالعان سوڭ، قولدارىنا گۇل ۇستاعان پيونەرلەر حالىق قاھارماندارى ەسكەرتكىشىنە قاراپ تۇرىپ، «ءبىز كوممۋنيزم ىستەرىنىڭ ءىزباسارىمىز» دەگەن ءاندى ورىندادى ءارى پيونەرلىك سالەم بەردى.
  بۇقارالىق شارشى توپتىڭ الدىنا ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق وتانشىل قايراتكەرلەر، حالىقتىق ۇيىمدار مەن ءار سالا جۇرتشىلىعى، ساقا جاۋىنگەرلەر، ساقا جولداستار جانە قۇربانداردىڭ تۋىس - تۋعاندارى، جۇڭگو پيونەرلەر وتريادى اتىنان ۇسىنىلعان 9 گۇل شارباق رەتىمەن قويىلدى. گۇل شارباقتىڭ قىزىل جىبەك لەنتاسىنا التىن تۇسپەن جازىلعان «حالىق قاھارماندارى ماڭگى جاسايدى» دەگەن سوزدەر ەرەكشە جارقىرايدى.
  اسكەري وركەستر تەرەڭ سەزىمگە تولى گۇل قويۋ مۋزيكاسىن ورىندادى. 18 قۇرمەت قاراۋىلى گۇل شارباقتاردى كوتەرىپ، حالىق قاھارماندارى ەسكەرتكىشىنە قاراي بايسالدى قادام تاستاپ، ەسكەرتكىشتىڭ تۇعىرىنا اكەلىپ قويدى.
  شي جينپيڭ باستاعان پارتيا مەن مەملەكەت باسشىلارى ەسكەرتكىشتىڭ تۇعىرىنا شىعىپ، گۇل شارباقتاردىڭ الدىندا كوز الماي قاراپ تۇردى. جايناعان حۇڭجاڭ گۇلى، قۇلپىرعان بايحى گۇلى، جامىراي اشىلعان ۋىنشينلان گۇلى حالىق قاھارماندارىنا دەگەن تەرەڭ ساعىنىشتى، وسكەلەڭ قۇرمەتتى ايگىلەپ تۇر.
  شي جينپيڭ الدىعا ءوتىپ، گۇل شارباقتىڭ جىبەك لەنتاسىن ىجداعاتپەن رەتتەدى. شي جينپيڭ باستاعان پارتيا مەن مەملەكەت باسشىلارى حالىق قاھارماندارى ەسكەرتكىشىنە ىززەت - قۇرمەتپەن كوز تاستاپ، باياۋ قاداممەن ءبىر اينالىپ شىقتى.
  پارتيانىڭ 19 - قۇرىلتايى جاڭا تاريحي باستامادا، ايبىنى اسقاق تا دابىرالى ءداۋىر اعىسىنا سايكەسىپ، جاپپاي دوڭگەلەك داۋلەتتى قوعام ورناتۋدىڭ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ايبىندى جوباسىن جاسادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭحۋا ۇلتى ۇلى گۇلدەنۋدىڭ نۇرلى بولاشاعىنا قاراي شىت جاڭا بەينەمەن ەرلىكپەن العا تارتۋدا.
  جاس وسپىرىمدەردىڭ جانە ءار سالا جۇرتشىلىعىنىڭ ۋاكىلدەرى دە رەتىمەن ەسكەرتكىش الدىنا بارىپ، قولدارىنداعى گۇلدى قويدى ءارى ەسكەرتكىشكە ىززەت - قۇرمەتپەن كوز تاستادى.
  گۇل شارباق قويۋ سالتىن ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي باسقاردى.
  بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ءىشىنارا ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ءىشىنارا ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى سالتقا قاتىناستى.
  ورتالىقتاعى پارتيا، ۇكىمەت، ارميا تاراۋلارى مەن بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى ساقا جاۋىنگەرلەردىڭ، ساقا جولداستاردىڭ جانە قۇربانداردىڭ تۋىس - تۋعاندارىنىڭ ۋاكىلدەرى، مەملەكەتتىك از ۇلت ەكسكۋرسيا ۇيىرمەسىنىڭ مۇشەلەرى، ورتالىق پارتيا مەكتەبى 16 - كەزەكتى اۋداندىق پارتكوم شۋجيلەرى ءبىلىم جەتىلدىرۋ كلاسىنىڭ كۋرسانتتارى، استاناداعى ءار سالا جۇرتشىلىعىنىڭ ۋاكىلدەرى گۇل شارباق قويۋ سالتىنا قاتىناستى.


بەرىپ كەت ورامالىڭدى

دوستار

الىستاعى اق ەركە