جاڭا حابارلار

تۋدى بىرگە شىعارىپ، جۇڭگو ارمانىنا قاتار قانات قاقتى

    كەلۋ قاينارى: شينجياڭ گازەتى    2018-10-03 18:36:15  

−رايونىمىزداعى ءار ۇلت كادر-جۇرتشىلىعى مەملەكەت مەرەكەسىن قۋانىشپەن تويلادى

10 - ايدىڭ 1 - كۇنى ءۇرىمجى قالاسى شينجياڭ حالىقارالىق ءماجىلىس - كورمە ورتالىعىندا مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقتادى. سۋرەتتە: تۋ شىعارۋ سالتىنان كورىنىس.
سۋرەتتى ءتىلشىمىز سۇي جىجيان تۇسىرگەن

  10 - ايدىڭ 1 - كۇنى تاڭ سارىدە، جاڭا عانا كوتەرىلگەن كۇن شۇعىلاسىندا تيانشان پەرزەنتتەرى مەملەكەت تۋىن بىرگە شىعارىپ، جۇڭحۋا حالىق رەسپۋبليكاسىنىڭ 69 جىلدىق مەرەيلى كۇنىن بىرگە قۇتتىقتاپ، ورتاق جۇرەك ۇندەرىن جەتكىزدى: «ۇلى وتان، سەن ءۇشىن ماقتانامىز، سەن ءۇشىن تىلەك تىلەيمىز، سەنى داڭققا بولەيمىز!». شينجياڭداعى 23 ميلليوننان استام ءار ۇلت كادر - جۇرتشىلىعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ءارقاشان باتىل دايەكتىلەندىرىپ، نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارىپ، شينجياڭنىڭ قوعامدىق جالپى جاعدايىنىڭ باياندى جاراسىمدىلىعى مەن ورنىقتىلىعىن بار كۇشپەن ساقتاپ، «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي كۇرەس جۇرگىزەدى.
  شىنايى العىس ايتىپ، جۇرەك قالاۋىن پارتياعا ارنادى  
  10 - ايدىڭ 1 - كۇنى تاڭ اتىسىمەن، ءۇرىمجى قالاسىنداعى ءار ۇلتتان، ءار سالادان 3000نان استام ۋاكىل شار تاراپتان شينجياڭ حالىقارالىق ءماجىلىس - كورمە ورتالىعىنىڭ الاڭىنا جينالىپ، مەملەكەت تۋىن شىعارۋ سالتىن سالتاناتپەن وتكىزىپ، جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقتادى. اسكەري وركەستر «ەرىكتىلەر مارشىن» ورىنداپ، بەس جۇلدىزدى قىزىل تۋ باياۋ كوتەرىلىپ، جۇرت بىركەلكى داۋىسپەن مەملەكەت ءانىن اسقاقتاتا شىرقاپ، اسكەري سالەم، پيونەرلىك سالەم بەرىپ، قادالا قاراپ قۇرمەت ءبىلدىرىپ، تۇرلىشە تاسىلدەرمەن مەملەكەت تۋىنا دەگەن قۇرمەتتەرىن، وتانعا دەگەن قىزۋ سۇيىسپەنشىلىكتەرىن جەتكىزىپ، ۇلى وتاننىڭ ونان ارى گۇلدەنىپ، قۇدىرەتتەنە بەرۋىن شىن جۇرەكتەن تىلەدى. اۆتونوميالى رايوندىق پارتكومنىڭ كەڭسەسى، اۆتونوميالى رايوندىق پارتكومنىڭ ۇيىمداستىرۋ ءبولىمى، اۆتونوميالى رايوندىق حالىق ۇكىمەتىنىڭ كەڭسەسى، اۆتونوميالى رايوندىق ايەلدەر بىرلەستىگى سياقتى 9 ورىننىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرى تۇرعان وڭتۇستىك شينجياڭداعى 3 ايماق، ءبىر وبلىستىڭ 9 اۋدانىنداعى 56 قىستاقتان 109 بالا ۇسىنىسپەن سول جەرگە كەلىپ وتاننىڭ تۋعان كۇنىن بىرگە قۇتتىقتادى. يەڭەسار اۋدانى سيتلا اۋىلىنان كەلگەن باستاۋىش مەكتەپ وقۋشىسى ءپاتيما مامەتتۇردى تەبىرەنە: بۇگىنگى مەملەكەت تۋىن شىعارۋ سالتى ەرەكشە ايبىندى بولدى! ءبىز قازىرگى تاماشا مەزگىلدى قاستەرلەپ، قۇلشىنا ۇيرەنىپ، پارتيانىڭ شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ەسەيگەن سوڭ وتانىمىز بەن مەكەنىمىزدىڭ قۇرىلىسى ءۇشىن ۇلەس قوسۋىمىز كەرەك! - دەدى.
  شاۋەشەك قالاسى مادەنيەت الاڭىندا، تارباعاتاي ايماعىنداعى ءار ۇلت كادرلارى، بۇقاراسى قولدارىنا مەملەكەت تۋىن ۇستاپ، رەتتى قاتار تۇزەپ، باياۋ كوتەرىلگەن مەملەكەت تۋىنا قاراپ قۇرمەتپەن تىك تۇرىپ سالەم بەرىپ، مەملەكەت ءانىن بىركەلكى داۋىسپەن شىرقاپ، كوكىرەك كەرنەگەن تەرەڭ سۇيىسپەنشىلىكپەن جاڭا جۇڭگو قۇرىلعاندىعىنىڭ 69 جىلدىعىن قۇتتىقتادى. شاۋەشەك قالاسىنىڭ تۇرعىنى نۇرقان الپىس قىزى 7 جاسار قىزىن ەرتىپ، مەملەكەت تۋىن شىعارۋ سالتىنا قاتىناستى، ول: پارتيانىڭ حالىققا ءتيىمدى ساياساتتارى بارعان سايىن جاقسارىپ، تۇرمىسىمىز كۇننەن - كۇنگە باقىتتى بولا تۇسۋدە. ءبىز بالالارىمىزدىڭ كىشكەنتايلارىنان پارتياعا العىس ايتاتىن، باس شۋجي شي جينپيڭگە العىس ايتاتىن، ۇلى وتانعا العىس ايتاتىن سۇيىسپەنشىلىك ورناتۋىنا، جارامدى ادام بولىپ وسۋلەرىنە، كورىكتى مەكەندى بىرگە قۇرۋلارىنا مۇمكىندىك جاساۋىمىز كەرەك، - دەدى.
  وتانعا بىرگە جاقسى تىلەك تىلەدى
  حوتان ايماعىنداعى 5000عا جۋىق ءار ۇلت كادر - جۇرتشىلىعى حوتان قالاسى ىنتىماق الاڭىندا مەملەكەت تۋىن شىعارۋ سالتىن وتكىزىپ، ۇلى وتانعا العىس ايتتى، ۇلى جۇڭگو كوممۋنيستىك پارتياسىنا العىس ايتتى. بەيجيڭنەن شينجياڭعا كومەككە كەلگەن كادر ليۋ جى: مەن وتانىمىز قۇدىرەتتەنىپ، شەكارا ءوڭىر ورنىقتى، ۇلتتار ىنتىماقتى بولعاندا عانا، بۇقارانىڭ تۇرمىسى بارعان سايىن جاقساراتىندىعىن تەرەڭ سەزىندىم. مەن شينجياڭعا كومەك قىزمەتىندە ءوز رولىمدى ساۋلەلەندىرىپ، قىزۋ ىنتامەن قىزمەت ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن ويداعىداي جازۋ ءۇشىن قۇلشىنا كۇرەس جۇرگىزەمىن، - دەدى. حوتان قالاسىنىڭ تۇرعىنى ءماتقاسىم ھيلىم: حوتاندا سوڭعى جىلداردا وراسان زور وزگەرىس تۋىلدى، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنا شىن جۇرەكتەن العىس ايتامىز، ءبىز پارتيانىڭ باسشىلىعىندا حوتاندى اناعۇرلىم كوركەم ەتىپ قۇرىپ شىعۋىمىز كەرەك، - دەدى.

10 - ايدىڭ 1 - كۇنى اۋات اۋدانى بەسارىق قالاشىعى ۇستىنگى ءدوڭقىشلاق قىستاعىنىڭ تۇرعىندارى مەملەكەت تۋىمەن بىرگە سۋرەتكە تۇسۋدە.
سۋرەتتى دۋ جاۋ تۇسىرگەن

 بۇراتالا موڭعۇل اۆتونوميالى وبلىسىندا شامامەن 70 مىڭنان استام ءار ۇلت كادر - جۇرتشىلىعى ءار اۋدان - قالادا، اۋىل - قىستاقتا وتكىزىلگەن مەملەكەت تۋىن شىعارۋ سالتىنا قاتىناستى. اراسان اۋدانى شاعانتۇڭگە اۋىلىنىڭ ەگىنشىسى باتجىرعىل حان: ءار جولى مەملەكەت ءانىن شىرقاپ، مەملەكەت تۋىنىڭ باياۋ كوتەرىلگەنىنە قاراپ تۇرعانىمدا، جۇرەگىمدى ەرەكشە ماقتانىش كەرنەيدى! ءبىزدىڭ جاقسى تۇرمىس كەشىرۋىمىزگە مۇمكىندىك بەرگەن پارتيا مەن مەملەكەتتىڭ ابزال ساياساتىنا العىس ايتامىن، وتانىمنىڭ گۇلدەنىپ، قۇدىرەتتەنۋىن تىلەيمىن، ءار ۇلت حالقىنىڭ تۇرمىسى بارعان سايىن جاقسارا بەرۋىن تىلەيمىن، - دەدى.
  التاي ايماعىنداعى ءار ۇلت كادر - جۇرتشىلىعى مەملەكەت تۋىن شىعارۋ سالتىنا قاتىناسۋ، مەملەكەت تۋىمەن بىرگە سۋرەتكە ءتۇسۋ سياقتى تاسىلدەرمەن جاڭا جۇڭگونىڭ تۋعان كۇنىن قۇتتىقتاپ، ۇلى وتان اناعا دەگەن ىستىق سۇيىسپەنشىلىكتەرىن بەينەلەدى. بۋىرشىن اۋدانى قوستىق قالاشىعى «مەملەكەت تۋىمەن بىرگە سۋرەتكە ءتۇسىپ، وتانعا جۇرەك ءسوزىمدى ايتامىن» اتتى تاقىرىپتىق قيمىل ورىستەتتى، جەتاعاش قىستاعىنىڭ ءبىرىنشى شۋجيى ۋاڭ پىڭ: وتانىمىز امان بولسا عانا ءبىز جاقسى بولامىز. شينجياڭ كادرى رەتىندە، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ناقتى ىستەردى ءبىر - بىرلەپ تىندىرىپ، نىسانالاردى ءبىر - بىرلەپ باعىندىرساق، وتانعا سيلاعان ەڭ جاقسى سيىمىز سول بولماق، - دەدى.
  قۇلشىنا كۇرەس جۇرگىزىپ، ۇلەس قوسامىز
  اقسۋ ايماعىنداعى نەشە مىڭ كادر - جۇرتشىلىق اقسۋ قالاسىنداعى لى - ۋ الاڭىندا مەملەكەت تۋىن شىعارۋ سالتىنا قاتىناستى. «مەملەكەت تۋىن شىعارۋ سالتىنا قاتىناسىپ، ەرەكشە اسەرلەندىم. مەن قىزمەت ورنىمدا ۇزدىكسىز مىندەتىمدى اتقارىپ، جاۋاپكەرلىگىمدى ادا ەتىپ، باس نىسانانى جۇزەگە اسىرۋ ءۇشىن ءوز ۇلەسىمدى قوسامىن. ۇلى وتانىمىزدىڭ ونان ارى گۇلدەنىپ، قۇدىرەتتەنۋىن، حالىقتىڭ باقىتتى، امان - ەسەن بولۋىن شىن جۇرەكتەن تىلەيمىن»، - دەدى اقسۋ ايماقتىق 1 - حالىق شيپاحاناسىنىڭ شيپاگەرى جين حۇڭ.
  سول كۇنى، قاشقار ايماعىنىڭ ءار اۋدان - قالاسى، ءار اۋىل - قىستاعى ءبىر ۋاقىتتا ايبىندى مەملەكەت تۋىن شىعارۋ سالتىن وتكىزدى. قاشقار قالاسىندا، ايبىندى مەملەكەت تۋىن شىعارۋ سالتى اياقتاعان سوڭ، پارتيا مۇشەلەرى مەن كادرلار قاربالاس قىزمەتكە قايتا كىرىسىپ كەتتى. ولار مەرەكە كەزىندە قىزمەت ورىندا كەزەكشىلىك ىستەۋ − ىسكە دەگەن ادال جاۋاپكەرلىك ەكەندىگىن، سونداي - اق وتباسىنداعىلاردى قامتىعان اناعۇرلىم كوپ ادامداردىڭ تاماشا تۇرمىسى ءۇشىن ۇلەس قوسۋ ەكەندىگىن ءبىلدىردى.
  اۆتونوميالى رايوندىق قازىنالىق باقىلاۋ مەڭگەرمەسىنىڭ 100دەن استام قازىنالىق باقىلاۋ كادرى مەملەكەت تۋىن شىعارۋ سالتىنا قاتىناستى، ولار مەملەكەت ءانىن اسقاقتاتا شىرقاپ، مەملەكەت تۋىنا قاراپ قۇرمەت ءبىلدىرىپ، مەملەكەت تۋى استىندا سەرت بەردى: پارتيانى سۇيەمىز، وتاندى سۇيەمىز، قىزمەت ورنىمىزدى سۇيەمىز، كاسىبىمىزدى قاستەرلەيمىز، شينجياڭنىڭ قوعام ورنىقتىلىعى مەن ۇلتتار ىنتىماعىن باتىل قورعايمىز!
  بيڭتۋان 9 - شىسى 161 - تۋانىنىڭ زەينەتكە شىققان قىزمەتشىسى ساۋ جياشان: بۇگىن مەملەكەت تۋىن شىعارۋ سالتىنا قاتىناسقان كەزدە، ەرىكسىز كوزىمە جاس الدىم. مەن زەينەتكە شىققانىممەن، اۋەلگى قالپىمدى ساقتاپ، قىزمەت ورنىمنان كەتكەنىممەن، پارتيادان قول ۇزبەي، ءوز رولىمدى ۇزدىكسىز ساۋلەلەندىرىپ، باس نىسانانى جۇزەگە اسىرۋ ءۇشىن ءتيىستى ۇلەسىمدى قوسامىن، - دەدى.
  (تىلشىلەرىمىز جاۋ چۇنحۋا، ميھىرگۇل ناسىر، چىن چىن، جاڭ تيڭ، لي داۋجۇڭ، بۇراتالا وبلىسىنداعى تىلشىلەر پۋنكتىنەن ودىن، ەرىكتى تىلشىلەر تاڭ حۋارۇڭ، جاڭ يۇڭ، حۋ ليجىڭ، ۋىن بو، سۇڭ جۇنفاڭ، دۇڭ يەبو، ياڭ جىمين)


بەرىپ كەت ورامالىڭدى

دوستار

الىستاعى اق ەركە