جاڭا حابارلار

 «وتانعا ماداق»

    كەلۋ قاينارى: شينجياڭ حالىق راديو ىستانسياسى    2018-10-06 09:19:21  

  ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى لي ۋي جازعان «وتانعا ماداق» دەگەن حابار :مەملەكەت مەرەكەسى قارساڭىندا، رايونىمىزدىڭ ادەبيەت - كوركەمونەر قىزمەتكەرلەرى ءبىر توپ سارا تۋىندى  جاراتىپ، ونى جۇڭحۋا حالىق رەسپۋبىليكاسى قۇرىلعاندىعىنىڭ 69 جىلدىعىنا تارتۋ رەتىندە ۇسىنىپ، وتانعا دەگەن قىزۋ سۇيىسپەنشىلىگى مەن تىلەگىن جەتكىزدى.   جاستىق اۋەندەگى ديناميك ۇلگىسىندەگى «جۇڭگو دەپ سوققان جۇرەگىم» اتتى ءاندى شينجياڭ CBS ديناميك حور ۇيىرمەسى قايتا ورىندادى، ءان MV فورماسىمەن 10 - ايدىڭ 1 - كۇنى، تىڭشۇن تورابىندا تۇڭعىش رەت تاراتىلدى، توراپقا شىعارىلىپ، ەكى كۇن بولماي جاتىپ ونى تىڭداپ-كورۋشىلەردىڭ سانى ءبىر ميلليون 600 مىڭ ادام رەتكە جەتىپ، توراپقا شىعۋشىلار بلوگ، ءۇنحات سياقتى تەكشەلەرىنە ارت - ارتىنان جالعاپ تاراتتى. توراپكەر جوۋ شياۋديە: «ەسكى ءاندى جاڭالاپ ايتىپتى، ەرەكشە تەبىنمەن، بار كۇشپەن شىرقاپتى، جۇڭگولىق رەتىندە  بويىمدى ماقتانىش سەزىمى كەرنەدى، مەن وسى جاستارعا مەدەت بەرەمىن، وتانعا مادام ايتامىن»، ــ دەدى.
    وتكەن عاسىردىڭ 80- جىلدارىندا، ءانشى جاڭ ميڭمين «جۇڭگو دەپ سوققان جۇرەگىم» دەگەن ءاندى ايتىپ، بۇكىل جۇڭحۋا ۇلاندارىنىڭ وتانعا دەگەن قىزۋ سۇيىسپەنشىلىگىن بەينەلەگەن بولاتىن. بۇگىنگى كۇنى، ءبىر توپ شينجياڭدىق جاس ديناميك راپ ۇلگىسىندە وسى انگە جاڭا ارىن ءبىتىردى. نەگىزگى جوبالاۋشى تاعى باتىلدىقپەن جاڭالىق اشىپ، MV گە تەز جارقىلداتۋ فاكتورىن قوسىپ، مىڭ ادام حور ايتقان تاڭقالارلىق بەينەنى قالىپتاستىردى. MV دىڭ باس جوبالاۋشىسى ليۋ شياڭ بىلاي دەدى: « مىڭ ادام تەڭ ايتقاندا، ەرەكشە تاڭ قالارلىق بولدى، كەيبىرەۋلەر كوزدەرىنىڭ جاسىن قاعازبەن ءسۇرتىپ جاتتى، كەسكىنگە الىپ بولعاننان كەيىن، كەتكىسى كەلمەدى، وتە اسەرلى بولدى. بۇكىل ەل حالقىنىڭ مەملەكەت مەرەكەسى بولعاندىقتان، بارشا جۇرت تۇگەل تويلاعان جاعدايدى ايگىلەگىمىز كەلدى».
    شينجياڭ CBS ديناميك حورى ۇيىرمەسىنىڭ مۇشەسى، 14 جاستاعى چىن يۇيتۇڭ تىلشىگە بىلاي دەدى: « باس شۋجي شي جينپيڭ جاستار كوركەيسە، مەملەكەت كوركەيەدى، ــ دەگەن بولاتىن. جاڭا داۋىردە ەرجەتىپ كەلە جاتقان ورەن بولعان مەن قوعام سىندى وسى ۇلكەن شاڭىراقتىڭ مەيىرىن سەزىندىم، ماسەلەن مەن جاقسى تاربيە الا الامىن، سوندىقتان مەن ورەندەرگە ءتان تاسىل ، وسىنداي ديناميك ۇلگىسىندەگى ءان - ءبي ارقىلى وتانعا دەگەن سۇيىسپەنشىلىگىمدى بەينەلەسەم دەدىم، مىنە بۇل مەنىڭ جۇڭگو دەپ سوققان جۇرەگىم». 
   مەملەكەت مەرەكەسى قارساڭىندا، شينجياڭ جۇڭگوشا سۋرەت مەكەمەسىنىڭ باس حاتشىسى ۋي باۋشان  «اۋەلگى ماقساتتى ۇمىتپايىق» تاقىرىبىنداعى ءۇش جۇزدەن استام حاتكەرلىك- سۋرەت تۋىندىسىن جاراتتى، سونىمەن بىرگە  جەر- جەردەگى ۇكىمەتتەرگە مۇنى  قىستاقتا تۇراتىن كادرلارعا، شينجياڭعا كومەكتەسەتىن كادرلارعا جانە جاي بۇقاراعا تارتۋ ەتۋدى تاپسىردى. ۋي باۋشان  اسەرىن ايتىپ، پارتيا 18- قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەلىمىزدىڭ ادەبيەت- كوركەمونەر ىستەرىنىڭ دامۋىنا وسكەلەڭ ءمان بەرىپ، ادەبيەت- كوركەمونەر قىزمەتكەرلەرىنە تۋىندى جاراتۋدىڭ تاماشا ورتاسىن ازىرلەپ بەرگەنىن، ادەبيەت- كوركەمونەر قىزمەتكەرى رەتىندە اسا قۇنتتىلىقپەن تۋىندى جاراتىپ، سارا تۋىندى ارقىلى باس شۋجيدىڭ ءۇمىتىن اقتاۋ  كەرەكتىگىن ايتا كەلىپ: « حاتكەرلىك تۋىندىلارى ارقىلى تيانشاننىڭ تۇستىگى مەن تەرىستىگىندەگى اناعۇرلىم كوپ كادرلار مەن بۇقاراعا ۇلى وتاننىڭ كۇن سايىن جاڭالانعان، گۇلدەنىپ-كوركەيگەن دامۋ وزگەرىسىن جەتكىزىپ، كوپشىلىكتى اۋەلگى ماقساتتى ۇمىتپاي، بورىشتى ەستە بەرىك ساقتاۋعا شابىتتاندىرىپ، ءوز قىزمەتىمىزدى جاقسى ىستەپ، وتاننىڭ گۇلدەنىپ كوركەيۋىنە، شينجياڭنىڭ دامۋىنا تيەسىلى ۇلەس قوسۋىمىز كەرەك»،- دەدى. 
   «1- قازان» دەمالىسىندا، تيانشان كينو ستۋدياسىنىڭ رەجيسسەرى جوۋ جۇن دەمالۋعا ۇلگىرمەي، «ءومىر اعىسىندا» كينو فيلمىنىڭ تۇتاس شينجياڭدا  قويىلۋىنىڭ ەڭ سوڭعى دايىندىقتارىن ىستەۋمەن ابىگەر بولدى. بۇل فيلمدە رەفورما جاساپ، ەسىك اشقان 40 جىلدان بەرى، پارتيانىڭ نۇر شۇعىلاسىندا، وتاننىڭ مەيىرىمدى قۇشاعىندا، قازاق مالشىلارىنىڭ «سۋى مول، ءشوبى شۇيگىن جەرلەردى  مەكەندەگەن» كوشپەندى تۇرمىستان بىرتىندەپ  وتىرىقتانىپ، مال شارۋاشىلىعىن كوركەيتەتىن باقىتتى تۇرمىسقا قاراي بەت العان تاريحي كەشىرمەسى باياندالادى. جوۋ جۇن بىلاي دەدى: «فيلم قازاق باۋىرلاستارىمىزدىڭ رەفورما جاساپ، ەسىك اشۋ بارىسىندا بۇكىل ەلىمىز حالقىمەن بىرگە كەدەيلىكتەن قۇتىلىپ، اۋقاتتانىپ، دوڭگەلەك داۋلەتتى تۇرمىسقا قاراي بەت العان ءداۋىر اعىمىن بەينەلەپ، «كوشپەندىلەر مادەنيەتىنىڭ» تاريحي ىشكى ءمانى مەن قازاق ۇلتىنىڭ داۋىرمەن   بىرگە ىلگەرلەگەن رۋحاني بەت- بەينەسىن ايگىلەدى. بۇل فيلم ارقىلى  رەفورما جاساپ،ەسىك اشۋدىڭ 40 جىلدىعىن اتاپ وتپەكشىمىز  ءارى جاڭا جۇڭگو قۇرىلعاندىعىنىڭ 69 جىلدىعىنا تارتۋ ۇسىنىباقشىمىز. وتانىمىزدىڭ  گۇلدەنىپ كوركەيىپ، قۇدىرەتتەنۋىن تىلەيمىز، سۇيەم سەنى، جۇڭگو» .

 


بەرىپ كەت ورامالىڭدى

دوستار

الىستاعى اق ەركە