جاڭا حابارلار

 شىن پەيىلىمەن كومەكتەسۋدىڭ ارقاسىندا قيىن وتكەلدەن ءوتتى

    كەلۋ قاينارى: شينجياڭ حالىق راديو ىستانسياسى    2018-10-06 09:37:56  

ستانسيامىزدىڭ ءتىلشىسى دىڭ تاۋ، حۋ شياۋليدىڭ حابارى :
جۋىردا، سانجى قالاسى سانگۇڭ قالاشىعى مياۋگۇڭ قىستاعىنىڭ تۇرعىنى توحتى «مەيىرگە تولى جىلۋ، شىنايى سۇيىسپەنشىلىك باعالى» دەگەن  جازۋ جازىلعان العىس تۋدى سانجى قالالىق سۋ يگىلىگى مەكەمەسىنە اپارىپ بەرىپ، سەرىكتەسكەن تۋىسى  لي مەي جانە سۋ يگىلىگى مەكەمەسىنىڭ كادرلارى مەن جۇمىسشىلارىنىڭ ءوزىنىڭ قيىن وتكەلدەن وتۋىنە كومەكتەسكەنىنە العىس ايتتى. :     وتكەن جىلدىڭ باسىندا، سانجى قالالىق سۋ يگىلىگى مەكەمەسىنىڭ كادرى لي مەي سانگۇڭ قالاشىعى مياۋگۇڭ قىستاعىنىڭ تۇرعىنى توحتى وتباسىمەن تۋىس بولادى. توقتىنىڭ ۇيىندەگى ءۇش جان ونىڭ ۇساق- تۇيەك جۇمىس ىستەۋىنە سۇيەنىپ كۇنەلتەدى، ونىڭ جۇبايى ريزۋانگۇل  جۇرەك اۋرۋىنا شالدىعىپ، دەنساۋلىعى دەرلىكتەي بولماي، وتباسىندىق ەكونوميكالىق قيىنشىلىعى اۋىر ەدى. بيىل 5- ايدىڭ 3- كۇنى تۇندە، ريزۋانگۇلدىڭ كەۋدەسى تۇتقيىل قاتتى اۋىرادى. وسىدان بۇرىن دا ءدال وسىنداي اۋىرعان كەزدەرى  بولعاندىقتان، توحتىنىڭ ۇيىندەگىلەر تاۋىرلەنىپ قالار دەپ ويلايدى، الايدا، وسى كۇنى تۇندە تۋىسىنىڭ ۇيىندە جاتقان لي مەي بۇل جاعدايدى كورىپ، دەرەۋ اۆتوموبيلمەن ريزۋانگۇلدى شيپاحاناعا ەمدەۋگە اپارادى. لي مەي:« سول كۇنى تۇنگى ساعات 11 دەن اسقاندا، جاڭبىر شەلەكتەپ قۇيدى. الايدا ادام قۇتقارۋ ەڭ ماڭىزدى، سونىمەن اۆتوكولىگىممەن توحتىنى جانە جۇبايىن شيپاحاناعا اپاردىم»،- دەدى.     سانجى قالالىق حالىق شيپاحاناسىنا بارعاننان كەيىن، لي مەي ريزۋانگۇلدى سۇيەپ، رەنتىگەنگە ءتۇسىرىپ، تەكسەرتىپ، اۋرۋحانامەن حابارلارسىپ توسەك قارستىرادى. سوڭىندا شيپاگەر وعان جۇرەكشە قالقانشاسىندا كەمستىك بار دەپ دياگنوز قويىپ، شينجياڭ مەديتسينا داشۋەسىنە قاراستى ءبىرىنشى بولىمشە شيپاحاناعا بارىپ، وپەراتسيا جاساتىپ، ەمدەتۋدى ۇسىنىس ەتەدى. شيپاحانادان قايتىپ بارعاننان كەيىن، لي مەي دەرەۋ توحتىعا 2 مىڭ يۋان اقشا بەرەدى  ءارى قىزمەت ورنىنا جاعدايدى ايتىپ نۇسقاۋ سۇراپ، قىزمەتتەستەرىن جىلۋ اتاۋعا جۇمىلدىرادى. ءبىر اي قۇلشىنۋ ارقىلى، 6- ايدىڭ باسىندا، لي مەي اقىرى  تۋىسىنا كومەكتەسىپ، 80 مىڭ يۋاندىق وپەراتسيا قاراجاتىن جيناپ بەرەدى. 6- ايدىڭ 29- كۇنى، ريزۋانگۇل شينجياڭ مەديتسينا داشۋەسىنە قاراستى ءبىرىنشى شيپاحانادا  وپەراتسيانى ءساتتى جاساتادى. توحتى:« راحىمەت، مەن ەڭ قينالعان كەزىمدە، كومەك قولدارىڭدى سوزىپ، جۇبايىمنىڭ جۇرەكشە قالقانشاسىن جاماۋ وپەراتسياسىنىڭ قاراجاتىن دايىنداپ بەردىڭدەر، جۇبايىمنىڭ وپەراتسياسى وتە ءساتتى جاسالدى»،- دەدى.     بيىل قاربىز مەرەكەسىندە، لي مەي سالەمدەمەسىن  الىپ توحتىنىڭ ۇيىنە بارىپ،  قاربىز مەرەكەسىن بىرگە وتكىزەدى. ريزۋانگۇل  نەداۋىر ساۋىعىپ قالعان ەكەن، لي مەي توحتىعا اماندىق قورعاۋشى  قىزمەتىن حابارلاسىپ تاۋىپ بەرىپ، ونىڭ وتباسىنىڭ قوسىمشا  كىرىس كىرگىزۋىنە مۇمكىندىك جاسايدى. لي مەي :« تۋىس بولعاننان كەيىن ءبىر ءۇيلى جانداي بولىپ، مۇمكىندىگىنشە كومەكتەسەمىن. ولار مەنىڭ تۋعان ءىنىم مەن ءسىڭىلىم سياقتى، سوندىقتان ءبىزدىڭ قاتىناسىمىز توتەنشە جاقسى، ولار دا مەنى تۋعان اپەكەسىندەي كورەدى »،- دەدى.


بەرىپ كەت ورامالىڭدى

دوستار

الىستاعى اق ەركە