جاڭا حابارلار

وتاندى ءسۇيۋ مەكەندى سۇيۋدەن باستالادى

    كەلۋ قاينارى: شينجياڭ گازەتى    2018-10-06 18:15:12  

حوۋ يان
 كورىنىسى كوز تارتاتىن ءۇرىمجى، الۋان تۇسكەن بويانعان قارامايلى، مىڭ بوياۋلى كوركەم حوتان، كورىنىسى كوزدىڭ جاۋىن الاتىن «سەگىز تاڭبالى قالاشىق» تەكەس... جۋىقتا شينجياڭ گازەتى مەكەمەسىنىڭ توعىسپالى مەديالار ورتالىعى بۇكىل رايونىمىزداعى ءار ۇلت حالقىنا «مەكەنىمىزدى باس بەتكە شىعارايىق» اتىنداعى قيمىلعا قاتىناسۋ ۇسىنىسىن جىبەردى، تيانشاننىڭ وڭتۇستىگى مەن سولتۇستىگىندەگى توراپتاستار بۇعان لەزدە بەلسەنە ءۇن قوسىپ، وزدەرى تۇرعان قالانىڭ ەڭ اسەم كەشكى كورىنىسىن سۋرەتكە ءتۇسىرىپ، جاپا - تارماعاي «ەڭ كوركەم مەكەن» باسەكەسىنە قاتىناستى. دەن قويا تۇسىرىلگەن بۇل سۋرەتتەر ادامداردىڭ مەكەنىنە دەگەن سۇيىسپەنشىلىگى مەن تىلەگىن شىنايى بەينەلەپ قانا قالماستان، ۇلى وتانعا دەگەن تەرەڭ سۇيىسپەنشىلىكتەرىن تىپتەن ايگىلەدى.  

 شينجياڭ − 23 ميلليون ءار ۇلت ۇلانىنىڭ ورتاق مەكەنى، ادامدار ءتۇرلى فورمالارمەن مەكەندەرىنە دەگەن ىستىق سۇيىسپەنشىلىكتەرى مەن تەرەڭ ماحابباتتارىن ايگىلەدى. كەيبىرەۋلەرى بەلسەنە قىزمەت ىستەپ، مەكەنىنىڭ قۇرىلىسى ءۇشىن ۇلەسىن قوستى، كەيبىرەۋلەرى ۇلتتار ىنتىماعىنىڭ بايشەشەگىن ونان ارى قۇلپىرتا ءتۇستى، كەيبىرەۋلەرى ەرىكتى قىزمەت وتەۋگە بەلسەنە ات سالىستى... مەكەندەرىنە دەگەن ىستىق سۇيىسپەنشىلىكتەرىن ايگىلەيتىن بولماشى ارەكەتتەر ءار ۇلت حالقىنىڭ ۇلى وتاندى قىزۋ ءسۇيىپ، كوركەم شينجياڭدى قۇراتىن وراسان زور وڭ ەنەرگياسىن ۇيىستىرىپ، شينجياڭنىڭ ءتۇرلى ىستەرىن ۇزبەي دامىتىپ، العا ىلگەرىلەتتى.  

 قازىردەن باستاپ ارەكەتكە كەلىپ، ۇلى وتانعا دەگەن قويۋ سۇيىسپەنشىلىگىمىزدى جانە العىسىمىزدى كوركەم مەكەن قۇرۋ بارىسىندا اناعۇرلىم ايگىلەپ، قىزمەت ورنىمىزدا، كۇندەلىكتى تۇرمىسىمىزدا ءوزىمىزدىڭ ءىس - ارەكەتىمىز ارقىلى اناعۇرلىم كوركەم مەكەن قۇرۋ ءۇشىن ۇلەسىمىزدى قوسايىق. كوركەم شينجياڭ اناعۇرلىم ورنىقتى، اناعۇرلىم جاراسىمدى بولعان سايىن، وسىندا جاساپ جاتقان ءاربىرىمىزدىڭ دە باقىتىمىز بارعان سايىن باياندى بولماق.   (ماقالا جولداۋ حات ساندىعى xjrblb@126.com)


بەرىپ كەت ورامالىڭدى

دوستار

الىستاعى اق ەركە