جاڭا حابارلار

مەملەكەت مەرەكەسىن قۇتتىقتاپ، ۇلى وتانعا تىلەك ءبىلدىردى

    كەلۋ قاينارى: شينجياڭ گازەتى    2018-10-06 18:19:10  

رايونىمىزدىڭ جەر - جەرىندە مادەنيەت قيمىلدارى دابىرالى وتكىزىلدى
 
ءتىلشىمىز لي لي
 


 تەاتر، چۇيزى تەاترى، بالالار تەاترى، مۋزيكا مەرەكەسى، حاتكەرلىك - سۋرەت كورمەسى، قىزىل اندەر جارىسى، ءان - ءبي ساۋىق كەشى... «1 - قازان» كەزىندە، بۇكىل رايونىمىزدىڭ جەر - جەرىندە مادەنيەت قيمىلدارى دابىرالى وتكىزىلىپ، تيانشاننىڭ تۇستىگى مەن تەرىستىگىندەگى ءار ۇلت جۇرتشىلىعى مادەنيەت سالتاناتىنان ءلاززاتتانىپ، مەملەكەت مەرەكەسىن قۇتتىقتاپ، ۇلى وتانىمىزعا تىلەك تىلەدى.  5 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ اشىلۋ سالتىنداعى «شۇعىلاعا بولەنگەن ءبي» ىقشامدالعان نۇسقاسى 9 - ايدىڭ 29 - كۇنى جانە 30 - كۇنى كەشتە شينجياڭ كوركەمونەر تەاترىنىڭ زالىندا ءۇرتىس ەكى مايدان قويىلدى. «انار پىستى»، «ۇستىرتتەگى مۋزيكا ءۇنى»، «تارىم وزەنى»، ««ماداق»، «وتانىم» سياقتى تاڭداۋلى كونسەرتتەر ارت - ارتىنان قويىلدى. كورەرمەن رازيام: كونسەرت ەرەكشە تارتىمدى، مازمۇنى توتەنشە مول ەكەن، شينجياڭداعى ءار ۇلت حالقىنىڭ ىنتىماقتى، جاراسىمدى، سان الۋان تۇرمىس كۇيىن ايگىلەپتى. مەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ، ءسوزسىز، بارعان سايىن گۇلدەنەتىندىگىنە كامىل سەنەمىن، ۇلى وتانىمىزدىڭ ءتىپتى دە گۇلدەنىپ - كوركەيۋىن، قۇدىرەتتەنۋىن تىلەيمىن، - دەدى. 9 - ايدىڭ 30 - كۇنى اتۇش قالاسى قاراجول اۋىلى ءپىچان قىستاعى قىستاق تۇرعىندار كوميتەتىنىڭ اۋلاسى دۋمانعا بولەندى، قىرعىز قىستاق تۇرعىندارى وزدەرىمەن جۇپ قۇراپ، تۋىس بولعان − شينجياڭ قوعام حاۋىپسىزدىگى شەكارا قورعانىس باس اترەتىندەگى كوماندير - جاۋىنگەرلەرمەن بىرگە مەملەكەت مەرەكەسىن قۇتتىقتاۋ مادەنيەت قيمىلىن وتكىزدى. ارقان تارتتى، بالۋانعا ءتۇستى، تەپكىش تەپتى، قىزىل ءان ايتتى، جۇرتشىلىق بەلسەنە ات سالىسىپ، ول ارا ەرەكشە دۋمانعا بولەندى. ءپىچان قىستاعى پارتيا ياچەيكاسىنىڭ شۋجيى ميھىرگۇل اسەك: ءپىچان قىستاعى مال شارۋاشىلىق قىستاعى، سوڭعى جىلدارى پارتيا مەن ۇكىمەتتىڭ قامقورلىعىندا جۇرتشىلىقتىڭ تۇرمىس دەڭگەيى ورنىقتى جوعارىلادى. شينجياڭ قوعام حاۋىپسىزدىگى شەكارا قورعانىس باس اترەتى قىستاق تۇرعىندار كوميتەتىن جاڭالاپ سالۋىمىزعا كومەكتەسىپ، مادەنيەت قيمىلدارى بولمەسىن، شارۋالار كىتاپ ءۇيىن جانە تورحانا سالىپ، كوپشىلىكتىڭ پارتيانىڭ ساياساتتارىن تۇسىنۋىنە، مادەنيەت قيمىلدارىن ورىستەتۋىنە قولايلىلىق جاسادى، - دەدى. قىستاق تۇرعىنى سىدىق قۋانا بىلاي دەدى: پارتيا مەن ۇكىمەتتىڭ قامقورلىعىنا العىس ايتامىن، تۇرمىسىمىز بارعان سايىن شالقىدى. وتان انامىزدىڭ بارعان سايىن كوركەيە ءتۇسۋىن تىلەيمىن. 

 10 - ايدىڭ 1 - كۇنى شانشي تەاترى «چيڭفىڭتيڭ» ءۇرىمجى قالالىق شينجۇڭ تەاترحاناسىندا قويىلدى. تۇتاس تەاتر اتا - انانى سيلاۋداي جۇڭحۋا ۇلتىنىڭ ءداستۇرلى اسىل قاسيەتىن بويىنا تولىق ءسىڭىرىپ، اسەم اۋەنمەن كورەرمەندەردى جۇڭحۋانىڭ ءداستۇرلى تەاترىنىڭ قۇدىرەتىنەن ءلاززاتتاندىردى. كورەرمەن يان حانىم مەملەكەت مەرەكەسى دەمالىسىندا شانشي تەاترى ۇيىرمەسىنىڭ كونسەرتىن كورگەندىگىنە قاباعات قۋانعاندىعىن ايتتى. 

 وسى 2 كۇندە اقسۋ ايماقتىق مادەنيەت سارايى «نازاردى باس نىساناعا شوعىرلاندىرىپ، جاڭا ءداۋىردى جىرلايىق» تاقىرىبىندا ماڭدايشا تاقتاي تۋىندىلارى كورمەسىن وتكىزدى. ماڭدايشا تاقتايدىڭ ەڭ ۇلكەن ەرەكشەلىگى جازۋ ءبىرشاما ۇلكەن بولادى، «قايتا گۇلدەنۋ»، «اۋەلگى ماقساتتى ۇمىتپاي، بورىشتى ەستە بەرىك ساقتايىق» دەگەن سياقتى 100دەن ارتىق تۋىندى كورەرمەندەرگە ماڭدايشا تاقتايدىڭ كوركەمونەرلىك سۇلۋلىعىن كورسەتتى. اقسۋ قالالىق 5 - ورتا مەكتەپ 2 - جىلدىعىنىڭ وقۋشىسى ءالديار امەت بىلاي دەدى: حاتكەرلىك ءبىز جۇڭحۋانىڭ تاڭداۋلى ءداستۇرلى مادەنيەتى، كەيىن مەن دە حاتكەرلىكتى جاقسى ۇيرەنىپ، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتەمىن جانە ونى ساۋلەلەندىرەمىن.  بىرنەشە كۇننەن بەرى، ماناس اۋدانى قىزىل اندەر «فلاشى»، ۇلتتار ءبيى «فلاشى»، وسى زامان ءبيى «فلاشى» سياقتى كوپ مايدان «فلاش» كونسەرتىن ۇيىمداستىردى. كوز جاۋىن الاتىن ۇلتتار كيىمىن كيگەن جىگىتتەر مەن بويجەتكەندەر جۇڭحۋا بييۋان ءدامدى تاعامدار كوشەسىنە جينالىپ، كۇمبىرلەگەن دومبىرا كۇيىنىڭ سۇيەمەلدەۋىندە ءان ايتىپ، ءبي بيلەپ، مەرەكەنى بىرگە تويلادى. فلاش قيمىلىنا قاتىناسقان ساي شياۋحۇڭ بىلاي دەدى: وسىنداي تاسىلمەن وتان انامىزعا دەگەن العىسىمدى جانە تىلەگىمدى جەتكىزبەكپىن.

  مەملەكەت مەرەكەسى كەزىندە، قۇتىبي اۋداندىق ادەبيەت - كوركەمونەرشىلەر بىرلەستىگى ەرەكشە مادەنيەت - كوركەمونەر ويىندارىنىڭ جەلىلەس قيمىلدارىن ۇيىمداستىرىپ وتكىزدى. چۇيزى تەاترىنىڭ ارتيسى ءار ۇلت جۇرتشىلىعىنا ايگىلى «لي يانگۇيدىڭ سۋ ساتۋىنان» ءۇزىندى ورىندادى، ولاردىڭ اشىق تا كوتەرىڭكى اۋەنى، ادەمى بەزەنىسى كورەرمەندەرگە شينجياڭنىڭ چۇيزى تەاترىنىڭ ەرەك قاسيەتىن سەزىندىردى. كورەرمەن لي ليڭ بىلاي دەدى: مادەنيەت - كوركەمونەر قيمىلدارى ادامدارعا ۇلى وتانىمىزدىڭ ويى مەن ءبىلىمى تەرەڭ مادەنيەتىنىڭ كەرەمەتىن سەزىندىردى. جاڭا جۇڭگو قۇرىلعاندىعىنىڭ 69 جىلدىعى بايلانىسىمەن، ۇلى وتانىمىزدىڭ گۇلدەنۋىن، قۇدىرەتتەنۋىن تىلەيمىن! 

 وسى بىرنەشە كۇندە اۆتونوميالى رايوندىق مۇراجايدىڭ «نيا. ارحەولوگيا. حيكايا − جۇڭگو مەن جاپونيانىڭ نياداعى ارحەولوگيالىق جۇمىستارىنىڭ 30 جىلدىق تابىس كورمەسى» مەن اقسۋ ايماقتىق مۇراجايدىڭ «تيانشانعا جارلىق جۇرگىزىلىپ، ءبىر تۇتاستىق ايعاقتالدى − حان پاتشالىعىنىڭ باتىس وڭىرگە ءمور بەرۋ كورمەسى» كوپتەگەن كورەرمەندى باۋرادى. ۇعىسۋعا قاراعاندا، 10 - ايدىڭ 6 - كۇنى ءۇرىمجى قالالىق كوركەمونەر تەاترى «تۋعان كۇنىڭ قۇتتى بولسىن − <1 - قازاندى> قۇتتىقتاۋ جانە رەفورما جاساپ، ەسىك اشۋدىڭ 40 جىلدىعىن ەسكە الۋ حور ايتۋ مۋزيكا ساۋىعىن» وتكىزەدى ەكەن.


بەرىپ كەت ورامالىڭدى

دوستار

الىستاعى اق ەركە