جاڭا حابارلار

 «سۇيەم سەنى جۇڭگو» تاقىرىبىنداعى شىراق كورمەسى ءۇرىمجى قالاسىندا كورسەتىلىپ، جالت-جۇلت ەتكەن شىراقتاردىڭ ساۋلەسى جاڭا جۇڭگو قۇرىلعاندىعىنىڭ 69 جىلدىعىنا شاشاۋ بولىپ شاشىلدى

    كەلۋ قاينارى: شينجياڭ حالىق راديو ىستانسياسى    2018-10-07 10:28:34  

ستانسيامىزدىڭ ءتىلشىسى حاميت پەن ءچاي ليننىڭ حابارى : مەملەكەت مەرەكەسى كەزىندە «سۇيەم سەنى جۇڭگو» تاقىرىبىنداعى شىراق كورمەسى ءۇرىمجى قالاسىندا كورسەتىلدى. جالت- جۇلت ەتكەن شىراقتار تۇنگى اسپاندى نۇرلاندىرىپ، قالانىڭ دامۋى مەن وزگەرىسىن ايگىلەپ، قالا تۇرعىندارىنىڭ، ساياحاتشىلاردىڭ كوز مەيىرىن قاندىردى. ءار ۇلت بۇقاراسى الۋان- ءتۇستى شىراق ساۋلەسىندە وتانعا تىلەۋلەستىك ءبىلدىرىپ، باقىتتى تۇرمىستى القادى.  
    ءتۇن شىمىلدىعى تۇسىكەن ساتتە، شينجياڭ ۇلكەن بازارىندا شىراقتارجايناپ، تاماشالاۋ مۇناراسىنان كوزگە ەرەكشە كورىنگەن «سۇيەم سەنى جۇڭگو» دەگەن ۇلكەن جازۋ جەر - جەردەن كەلگەن ساياحاتشىلاردى سۋرەتكە ءتۇسىپ، ەستەلىك  قالدىرۋعا باۋرادى. سىچۋاننان كەلگەن ساياحاتشى شياڭ شاۋگو تۇسكەن سۋرەتىن دوستىق شەڭبەرىنە جولداپ ەدى، مۇنى كورگەن دوستارى  جاپا- تارماعاي القاسىپ، ماقتادى. ول: «باۋراۋ قۋاتى كۇشتى، وتە كوركەم ەكەن، وتانىمىز ماڭگى جاساسىن، تۇرمىسىمىز بارعان سايىن جاقسارا ءتۇسسىن»، ـــ دەدى.    بيىل 69 جاستاعى ايشام نياز ۇستىنە مەرەكەلىك كيىمىن كيىپ، شينجياڭ ۇلكەن بازارىنا بارىپ، كەشكى ءماشراپ ويىنىنا قاتىناسىپ، جاڭا جۇڭگو قۇرىلعاندىعىنىڭ 69 جىلدىعىن قۇتتىقتادى. تۇنگى كورىنىسكە ارنالعان شىراقتار  اشەكەيلەنىپ شىت- جاڭا بەينەگە ەنگەن شينجياڭ ۇلكەن بازارىن كورگەندە اجەي اسەرلەنە بىلاي دەدى: «جۇڭحۋا حالىق رەسپۋبىليكاسىنىڭ قۇرىلعاندىعىنا 69 جىل بولدى، ءبىز بارعان سايىن باقىتتى تۇرمىس كەشىرىپ، ەلىمىز قۇدىرەتتەنە ءتۇستى. شينجياڭنىڭ وزگەرىسى ەرەكشە زور، جول، كوپىر بارلىعى تاماشا سالىندى، اۆتوكولىكتەر دە كوپ، قالاداعى عيماراتتارى دە اسەم، كارى- جاس  دەمەي بارلىعىمىز باقىتتى تۇرمىس كەشىرىپ جاتىرمىز».   باتىس ۇلكەن كوپىرىندە تۇرىپ، حۇڭشان جاڭا عاسىر عيماراتى مەن گۋاڭحۇي ءداۋىر الاڭى عيماراتتار شوعىرىنداعى ۇزدىكسىز قۇبىلعان تۇمشالامالى شام، مەملەكەت تۋى ورنەگى مەن « سۇيەم سەنى جۇڭگو» دەگەن جازۋ ۇلگىسى تۇتاس كەڭستىكتى جارقىراتتى. فوتو سۋرەتشى لي شياڭدۇڭ وتكەن عاسىردىڭ 80- جىلدارىنان باستاپ ءۇرىمجىنىڭ قۇرىلسىتارىن سۋرەتكە ءتۇسىرىپ، ەستەلىككە الىپ كەلەدى، ول باتىس ۇلكەن كوپىرىنىڭ وزگەرىسىنە كۋا بولدى، بۇل جولى ول ارنايى كەلىپ شىراق ساۋلەسى كورىنىسىن سۋرەتكە الدى. ول:« 1985- جىلى باتىس ۇلكەن كوپىرىنىڭ ماڭىن سۋرەتكە تۇسىرگەن بولاتىنمىن، سول كەزدە «كوپىردەگى سۋاتقا تۇسكەن ات» مۇسىنىنەن وزگە جەردە شىراق ساۋلەسى وتە سيرەك كەزىگەتىن، 1990- جىلى، 2000- جىلى جانە 2010- جىلى مەن باتىس ۇلكەن كوپىر ماڭىنىڭ مەملەكەت مەرەكەسى كۇنگى كەشكى كورىنىسىن سۋرەتكە تۇسىرگەم، الايدا، بۇگىنگى مەلەكەت مەرەكەسى ءتۇنى شىنىندا ماعان ۇمتىلماستاي اسەر قالدىردى. مەن رەفورما جاساپ ەسىك اشقان وسى 40 جىلدا مەملەكەتىمىزدىڭ ەرەكشە تەز دامىعانىن، ءۇرىمجى قالاسى قۇرىلىستارىنىڭ دا قارىشتاپ دامىعانىن سەزىندىم،  مۇنىڭ بارلىعى پارتيانىڭ رەفورما جاساپ، ەسىك اشۋ ساياساتىنىڭ، ءار ۇلت حالقىنىڭ، ءار ۇلت قۇرىلسشىلارىنىڭ ماشاقاتتى ەڭبەگىنىڭ ارقاسىندا ىسكە اسىپ وتىر، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءبىز ءۇشىن اتقارعان جاقسى ساياساتتارىنا شىن جۇرەكتەن العىس ايتامىز»،- دەدى.    ءتۇن شىمىلدىعى تۇسكەن ساتتە، حۇڭشان باقشاسىندا جارقىراعان شىراقتار ساۋلە شاشىپ، قىزىل رەڭدى «سۇيەم سەنى جۇڭگو » دەگەن 5 ءارىپ عيمارات قابىرعاسىنداعى الىپ ەكىرانىنان شىعىپ  ءتۇرلى-ءتۇستى رەڭمەن توعىسىپ ەرەكشە اسەم كورىندى. ءۇرىمجى قالالىق 3-ورتا مەكتەپتىڭ وقۋشىسى لي چىنيۇي بىلاي دەدى: « سۇيەم سەنى جۇڭگو» جازۋىن كورگەندە جۇڭگونىڭ ەرەكشە قۇدىرەتتى ەكەنىن سەزىندىم، مەن بۇل جەرگە العىس ايتۋ جانە قۇرمەت ءبىلدىرۋ تۇرعىسىنان ەكسكورتسيالاي كەلدىم. بۇرىن «وسپىرىمدەر جۇڭگو دارىپتەمەسىن» جاتتاعان ەدىك، وندا: «وسپىرىمدەر الىمدى بولسا مەملەكەت بايىيدى»، «وسپىرىمدەر قۇدىرەتتەنسە، مەملەكەت تە قۇدىرەتتەنەدى» دەلىنگەن، وسپىرىمدەر دەن قويا جاقسى وقىپ، وتان ءۇشىن كۇش قوسىپ، وتانىمىزدىڭ اناعۇرلىم كوركەيۋىنە ۇلەس قوسۋى كەرەك.» 
 


بەرىپ كەت ورامالىڭدى

دوستار

الىستاعى اق ەركە