جاڭا حابارلار

شىراقتار سامالاداي جارقىراپ، وتانشىلدىق سۇيىسپەنشىلىكتى قاۋلاتتى

    كەلۋ قاينارى: شينجياڭ گازەتى    2018-10-08 15:50:48  

−«سۇيەم سەنى، جۇڭگو» تاقىرىبىنداعى ءۇرىمجى شىراق سالتاناتىنا جالپى شولۋ

شيداچياۋ كوپىرى، حۇڭشان باقشاسى، شينجياڭ حالىقارالىق ۇلكەن بازارى، حۇڭگۋاڭشان، گاۋتيە اۋماعى... 10 - ايدىڭ 6 - كۇنى كەشتە ءۇرىمجى ساۋلەتتى شىراق سالتاناتىن وتكىزىپ، بۇكىل شينجياڭداعى ءار ۇلت پەرزەنتتەرىنىڭ «سۇيەم سەنى، جۇڭگو» دەگەن تەرەڭ سۇيسپەنشىلىگىن ءبىلدىردى.
 ورنى: حۇڭشان باقشاسى
  الۋان ءتۇس الەمى
  كۇننىڭ سوڭعى شاپاعى حۇڭشان مۇناراسىنىڭ توبەسىن جاناي وتكەن ساتتە، كوز ۇيالتاتىن جارقىلدارى ءتۇن كەڭىستىگىن ءتىلىپ وتكەندەي بولدى. «سۇيەم سەنى، جۇڭگو» مۋزيكاسى اۋەنىمەن «سۇيەم سەنى، جۇڭگو» دەگەن جازۋ حۇڭشان تاۋىندا مەن مۇندالاپ، ساۋلەتتى شىراقتار تاۋدىڭ تۇتاس تۇلعاسىن جارىقتاندىردى، قىزىل، سارى، كوك، جاسىل، كۇلگىن... حۇڭشان تاۋى ءاپ - ساتتە الۋان ءتۇس الەمىنە اينالعانداي بولدى.
  شىراقتىڭ، دىبىستىڭ سايكەسۋىندە، حۇڭشان تاۋى مەن اينالاسىنداعى قۇرىلىستار قوزعالىس پەن تىنىشتىقتى، بيىك پەن الاسانى ءوزارا قابىستىرعان كوركەم كورىنىس قالىپتاستىردى. فورماسى الۋان ءتۇرلى قۇس ۇياسى شىراعى، شىمىرلاما تولقىن شىراق، باسپالداق شىراق، اشەكەي شىراق سياقتىلار ءوزارا قابىسىپ، جارىق پەن قاراڭعى، رەڭ مەن ورنەك وزگەرىسى ارقىلى باقشا ىشىندەگى جول بويى، باسپالداق، كول سۋى، سامالدىق ۇيلەر سياقتىلار ەرەكشە اسەم كۇي كەشىپ، جارتاستار، باۋتا مۇناراسى، وڭتۇستىك كول، بايىرعى عيماراتتار، باسپالداقتار، حۇڭشان اۋە دوڭعالاعى سياقتىلار شىراقتارمەن ايشىقتالىپ، حۇڭشان تاۋىنىڭ كوكتەمدە گۇل اشقان، جازدا سايا تارتقان، كۇزدە جالىنداعان، قىستا رومانتيكاعا ەنگەن كورىنىستەرىن كوز الدىمىزعا ەلەستەتتى.
  ءۇرىمجى قالاسىنىڭ تۇرعىنى ما چيڭمەي 75 جاستاعى شەشەسىن تاۋ باسىنا ەرتىپ شىقتى، «شەشەم 40 نەشە جىلدىڭ الدىنداعى حۇڭشان تاۋى ۇرىمجىدەگى ەڭ بيىك ورىن بولاتىن، قازىرگى تاڭدا بۇل بيىكتىكتى باسىپ وزعان عيماراتتار بارشىلىق دەپ ۇنەمى تاڭداي قاعاتىن. مەملەكەتتىڭ قۇدىرەتتەنۋىنىڭ ارقاسىندا ءبىزدىڭ بۇگىنگى تاماشا تۇرمىسىمىز بارلىققا كەلدى، ءبىز پارتياعا العىس ايتىپ، وتاننىڭ اناعۇرلىم گۇلدەنىپ - كوركەيۋىن، باي - قۇدىرەتتى بولۋىن تىلەيمىز»، - دەدى ول.
  ورنى: شيداچياۋ كوپىرى
  وسىزامان اسەرىن ايگىلەدى
  بەينە بۇرىنعىداي شيداچياۋ كوپىرىندە شىراقتارى سامالاداي جارقىراپ، اۆتوكولىكتەر قايشالىسۋدا. اينالاڭا كوز جىبەرسەڭ، حۇڭشان تاۋى، حۇڭشان جاڭا عاسىر عيماراتىن نەگىز ەتكەن شىراق سالتاناتى ارمانداعى ساعىمداي ەلەستەيدى. حۇڭشان جاڭا عاسىر عيماراتى تۇتاستاي جارىقتاندىرىلىپ، قالاعا وسىزامان بەينەسىن ۇستەپ، مەملەكەت مەرەكەسىنە قۋانىش لەبىن قوسىپ، كىسىنى ءتىپتى دە ءتانتتى ەتە ءتۇستى.
  شيداچياۋ كوپىرىندە سۋرەتكە تۇسكەندەر تىپتەن كوپ، كەيبىرەۋلەر سۋرەتكە ءتۇسىرۋ تاياقشاسىن كوتەرىپ، ءتۇننىڭ كوركەم كورىنىسىنە زەر سالۋدا؛ كەيبىرەۋلەر ءۇش اياقتى تۇعىرىن ورناتىپ، كامەرا كوزىن ساۋلەتتى شىراقتارعا تۋرالاۋدا؛ تاعى بىرەۋلەر مۋزيكاعا ىلەسە «سۇيەم سەنى، جۇڭگو» ءانىن شىرقاۋدا. ءبىر جۇپ جاس جۇباي تويلىق سۋرەتكە تۇسۋدە، باقىت قۇشقان ولار ءبىر - بىرىنە سۇيەنىپ تۇر.
  باقىت، جاراسىمدىلىق، شاتتىق لەبى جانە كەشكى وسىزامانعى اسەرلى شىراق كورىنىسى ادەمى، الۋان رەڭدى تاماشا كارتينانى قالىپتاستىردى.
  ءۇرىمجى قالاسىنداعى ءبىر الەۋمەتتىك اۋماقتىڭ كادرى گو پينپين تۋىسى تۇرسۇن گۇلمەن وسى اراعا كەلىپ ەستەلىك سۋرەتكە تۇسۋگە ۋادەلەسىپتى. تۇرسىن بىلاي دەدى: «وتانىمىز بارعان سايىن گۇلدەنىپ - كوركەيدى، ءبىزدىڭ تۇرمىسىمىز دا بارعان سايىن جاقسارا ءتۇستى. ءبىز باس شۋجي شي جينپيڭنىڭ تاپسىرماسىن ەستە بەرىك ساقتاپ، جاقسى تۋىستاردان بولىپ، بارىنشا قۇلشىنىس جاساپ، كورىكتى شينجياڭدى قۇرامىز».
  ورنى: شينجياڭ حالىقارالىق ۇلكەن بازار
  ادام مەن كورىنىس ءوزارا قابىستى
  «شينجياڭدىقتاردىڭ قوناق قابىلداۋ ورنى» اتالعان شينجياڭ حالىقارالىق ۇلكەن بازارىندا قاس قارايا 80 مەتر بيىكتىكتەگى جىبەك جولى ساياحات مۇناراسى شاتتىقتى بەينەلەيتىن جۇڭگو قىزىل تۇسىنە ەندى، التىنداي جارقىراعان «سۇيەم سەنى، جۇڭگو» جازۋى بارعان سايىن ايقىندالىپ، ماڭايداعى عيماراتتارداعى شىراقتار قىزىل، سارى، كوك سياقتى 7 ءتۇرلى تۇسكە كەزەك وزگەرىپ، ۇلكەن بازار كورىنىس رايونىن كەرەمەت تۇسكە بولەدى. جاياۋلار كوشەسىندەگى ورتالىق ساحنادا، بازار قولونەرى ەرەكشە جاياۋلار كوشەسىندە، ءدامدى تاعامدار كوشەسىندە ادامدار قايشالىسادى، ءيىن تىرەسكەن ادامداردىڭ اراسىندا ءۇرىمجى قالاسىنىڭ تۇرعىندارى دا، شينجياڭنىڭ ءىشى - سىرتىنان كەلگەن ساياحاتشىلار دا، شەتەلدەگى حۋاچياۋ باۋىرلاستار مەن شەتەلدىك ساياحاتشىلار دا بار، ولار بىردە انگە ەلىتىپ، بيگە باسسا، بىردە توپتاسىپ سۋرەتكە ءتۇسىپ، تاماشا تۇرمىس جونىندە اقتارىلا اڭگىمەلەستى، جۇزدەرىنە قۋانىش ۇيالادى. ادامدار مەملەكەت مەرەكەسىنىڭ دۋمانىنان وسىلاي ءلاززات الىپ، بارلىق جەردەن بەرەكەلى باقىتتى تۇرمىستىڭ لەبى ەستى.
  كورىكتەندىرىلىپ، وزگەرتىلىپ، قايتادان اشىلعاننان بەرى، حالىقارالىق ۇلكەن بازار كورىنىس رايونى جۇڭگو مەن شەتەل ساياحاتشىلارى شينجياڭعا كەلگەندە سوقپاي كەتپەيتىن جەرگە قايتالاي اينالىپ، قالاداعى بازار ساۋدا ۇلگىسىنەن مادەنيەت ساياحات كاسبىن باسقارۋ ۇلگىسىنە قاراي تيپىنە بۇرىلىس جاساپ، دارەجەسىن جوعارىلاتۋدى ىسكە اسىردى، جولاۋشىلاردىڭ سانى ۇزدىكسىز كوبەيىپ، مەملەكەت مەرەكەسىنىڭ الدىندا، ەڭ كوپ كەلگەن كۇنى 220 مىڭ ادام - رەتتەن استى، مەملەكەت مەرەكەسى دەمالىسى كەزىندە تۇڭعىش رەت 300 مىڭ ادام - رەتتەن استى.
  ورنى: حۇڭگۋاڭشان كورىنىس رايونى
  ساعىم سۋ ءبيى سالتاناتى
  حۇڭگۋاڭشان كورىنىس رايونىنداعى لانگۋاڭ كولىنىڭ سولتۇستىگىندە مۋزيكالى لازەر نۇرى سۋ سالتاناتى وتۋدە. «سۇيەم سەنى، جۇڭگو» مۋزيكاسىنىڭ سۇيەمەلدەۋىندە فونتاندار اسپانعا اتىلىپ، سۋ شىمىلدىعىن قالىپتاستىردى. «سۇيەم سەنى، جۇڭگو» جازۋىنىڭ ساعىمى لازەر نۇرىمەن سۋ شىمىلدىعىنا ءتۇسىرىلدى، شىراقتىڭ وزگەرۋىنە ساي، سۋ شىمىلدىعى ءتۇرلى تۇسكە ەنىپ، قىزىل، سارى، جاسىل شىراقتاردىڭ ايشىقتاۋىندا كوزدىڭ جاۋىن الدى. مۋزيكالى فونتان قۇددى كەمپىرقوساق سياقتى ءتۇن اسپانىنا قاراي اتىلىپ، شينجياڭ حالىقارالىق كورمە ورتالىعىن ايشىقتاي ءتۇستى، كورەرمەندەرگە كوگىلدىر ءتۇس كورگەندەي اسەر بەردى. لازەر نۇرى سۋ سالتاناتىمەن لانگۋاڭ كولىنىڭ ورتاسىنداعى ارالعا ورنالاستىرىلعان الىپ شامدى ساندىقتاعى جازۋ الىستان ۇندەستى، «سۇيەم سەنى، جۇڭگو» دەگەن جازۋدىڭ ۇزىندىعى 50 مەترگە تاياۋ، ونىڭ جارىق ساۋلەسى كول بەتىن الۋان تۇسكە بولەپ، مەرەكەنىڭ سالتاناتىن اسىردى.
  كورىنىس رايونىنىڭ ءبىر بۇرىشىندا الىپ بەس جۇلدىزدى قىزىل تۋدىڭ استىنداعى «سۇيەم سەنى، جۇڭگو» دەگەن جازۋ يمىن عيماراتىن كۇندىزگىدەي جارقىراتتى، «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق» دەگەن شىراق جازۋى يمىن عيماراتىنىڭ B عيماراتىنىڭ سولتۇستىك بەتىندە پايدا بولدى دا، وڭتۇستىك بەتى وتانعا تىلەك بىلدىرەتىن كۇلمسىرەگەن جۇزدەرمەن تولدى.
  ورنى: گاۋتيە اۋماعى
  قالاعانىڭىزشا «فيلم تۇسىرە الاسىز»
  «سۇيەم سەنى، جۇڭگو» انىنە ىلەسە، ءۇرىمجى ەكونوميكالىق - تەحنيكالىق اشۋ رايونىنىڭ (توۋتۇنحى رايونى) گاۋتيە اۋماعىنىڭ شىراق سالتاناتى ساۋلەتتى تۇردە باستالدى.
  شينجياڭ ساياحات سارايى LED شىراعىنىڭ اشەكەيلەۋىندە، جەلبىرەگەن نارت قىزىل تۋعا ورانىپ، «سۇيەم سەنى، جۇڭگو» دەگەن 5 ۇلكەن ءارىپ قىزىل تۋدىڭ ايشىقتاۋىندا جارقىراپ نۇر شاشتى. ۋاقىتتىڭ العا ىلگەرىلەۋىنە ىلەسە، عيماراتتاعى كەسكىندەر ۇزدىكسىز قۇبىلىپ، جامىراي اشىلعان وت شىراق، سامعاعان ۇشپا شام، قالىقتاعان كوبەلەك، جەلبىرەگەن مۋدان گۇلى قاتارلى كورىنىسكە ەندى، «جۇڭحۋا حالىق رەسپۋبليكاسىنىڭ قۇرىلعاندىعىنىڭ 69 جىلىدىعىن قىزۋ قۇتتىقتايمىز»، «كورىكتى شينجياڭ قۇرىپ، وتان ارمانىن بىرگە جۇزەگە اسىرايىق» سياقتى مازمۇندار قايتالاي كورسەتىلدى.
  شينجياڭ ساياحات سارايىنىڭ قارسى جاعى تۇتاس تۇلعاسى جارقىراعان ءۇرىمجى پويەز ۆوكزالى مەن ۇزاق جولدى قاتىناس تاسىمال بەكەتى، ءبىرى اتتانۋعا ءازىر تۇرعان عارىش كەمەسىنە ۇقساسا، ەندى ءبىرى جەلكەنىن جەلگە جايعان الىپ پاروحودقا ۇقساپ، قايشالىسقان جولاۋشىلاردى قارسى الۋدا. ءۇرىمجى پويەز ۆوكزالىنىڭ باتىسىنداعى ءبىر كيلومەتر جەردەگى ءۇرىمجى ەكونوميكالىق اشۋ رايونى ۋاندا الاڭى، گاۋتيە اۋماعى شىراق سالتاناتى ارقىلى ءبىر - ءبىرىن نۇرلاندىرا ءتۇستى.
  6 جىلدان ارتىق دامۋدىڭ ارقاسىندا، ءۇرىمجى پويەز ۆوكزالىنىڭ ماڭى، جوسپار كارتاسىنداعى سىزبالار الدەقاشان ءزاۋلىم عيماراتتارعا اينالىپ، فينانس، جوعارى ساپالى قىزمەت وتەۋ كاسىبى جانە مادەنيەت كاسىبى ءبىر تۇلعالانعان قالا فۋنكتسياسىنىڭ جاڭا رايونى بىرتىندەپ قالىپتاستى. وسى ءتۇنى، سامالاداي جارقىراعان شىراقتاردىڭ اياسىندا اپپارات كوزىن تۋرالاساڭىز بولعانى فيلم «تۇسىرە الاتىن» ەدىڭىز.
  (حاباردى تىلشىلەرىمىز يە شياۋمين، شيە حۇيبيان، جاۋ چۇنحۋا، حي حۇڭۋي، ۋي حۇڭپيڭ، ما ينيڭ، ليۋ ي، لياڭ ليحۋا، گاۋۋا، ميھىرگۇل ءناسىر، دۇڭ لياڭ، ۋاڭ يۇڭفي جازعان)


بەرىپ كەت ورامالىڭدى

دوستار

الىستاعى اق ەركە