جاڭا حابارلار

مەملەكەت مەرەكەسى كەزىندە، رايونىمىزدىڭ جەر- جەرىندەگى ديقاندار اشتى ەڭبەگىنىڭ ءتاتتى جەمىسىن تاتىپ، باقىتتى تۇرمىستى سەزىنىپ، ۇلى وتانعا العىستارىن ءبىلدىردى

    كەلۋ قاينارى: شينجياڭ حالىق راديو ىستانسياسى    2018-10-08 07:53:32  

اۋىل - قىستاقتى كوركەيتۋ ستراتەگياسىنىڭ ارقاسىندا، بۇگىنگى كۇنى شينجياڭدا تەحنيكا بىلەتىن، ۇلەسكە يە بولىپ، ەڭبەكاقى الاتىن كاسىپكە ىسىلعان جاڭاشا شارۋالار بارعان سايىن كوبەيدى. وسى رەتكى مەملەكەت مەرەكەسى كەزىندە، تيانشاننىڭ تۇستىگى مەن تەرىستىگىندە جەمىس- جيدەكتىڭ حوش ءيسى اڭقىپ، استىقتان مول ءونىم الىنىپ، ديقاندار اشتى ەڭبەگىنىڭ ءتاتتى ءدامىن تاتىپ، باقىتتى تۇرمىستى سەزىنىپ، ۇلى وتانعا العىس ءبىلدىردى.  بىرنەشە كۇننەن بەرى، قۇتىبي اۋدانى تاڭ- دۇن جەمىس باقشاسى ءجۇزىم ەگىنشىلىگى ديقاندار كوپەراتيۆىنىڭ جۇزىم باعى ەرەكشە دۋمانعا بولەندى، تاياۋ ماڭداعى اۋىل - قىستاقتاردان كەلگەن جۇزدەن ارتىق باعىبان ءجۇزىمدى ءۇزىپ، جاشىككە سالۋمەن قاربالاس بولدى. ءتىلشى، ءار تىزبەك جۇزىمدە تۇگەلدەي وزگەشە سيفر ءنومىرى بار ەكەنىن بايقادى، كوپەراتيۆتىڭ باس القاسى چىن ۋاڭ، وسى جۇزىمدەردى ەگۋدە  زالالسىز، ورگانيكالى ەگۋگە  تاباندى بولعانىن، ەگىس ءدارىسى، حيميالىق تىڭايتقىش ىستەتىلمەگەنىن، ونىڭ ۇستىنە وسى نومىرلەر ارقىلى تۇتىنۋشىلاردىڭ ءجۇزىمدى ەگۋ، ءۇزۋ، سۋىقتان ساقتاۋ جالپى بارىسىن تەكسەرە الاتىنىن ايتتى. قازىر ءالى ءجۇزىم ۇزەتىن مەزگىل بولسا دا، الايدا باسىم كوپ جۇزىمگە  تاپسىرىس بەرىلىپ بولىپتى. چىن ۋاڭ بىلاي دەدى: « نەگىزگى حاريدارلارىمىز تاعى دا بەيجيڭنىڭ شينفادي بازارىنان، جىجياڭنىڭ جياشيڭىنان، گۋاڭشيدىڭ ناننيڭ بازارىنان كەلگەندەر، ءىشىناراسى شىعىس وڭتۇستىك ازيا ەلدەرىنە ەكسپورت ەتىلەدى، تاعى ءبىر ءبولىمى شياڭگاڭعا جونەلتىلەدى. ءجۇزىمنىڭ بيىلعى ءونىم مولشەرىنىڭ 2 مىڭ 200 تونناداي بولاتىندىعى مەجەلەنىپ وتىر، قازىرگى بازارداعى بەلگىلەنگەن باعا بويىنشا ەسەپتەگەندە ءونىم  قۇنى 23 تە 25 ميلليون يۋان ارالىعىندا بولاتىن سياقتى».
چىن ۋاڭ تىلشىگە بىلاي دەدى: كوپەراتيۆتىڭ ءبىر مىڭ 489 مۋ جەرىندەگى ءجۇزىم باعى  تۇگەلدەي تاياۋ ماڭداعى قىستاقتار وتكەرمەلەگەن بىتىراندى قۇمدى جەرلەر. قىستاقتاعى جۇزدەن ارتىق وتباسى كوپەراتيۆتىڭ مۇشەسى بولدى. ولار ۇلەس الۋدان سىرت، تاعى تۇراقتى ەڭبەكاقى الادى. كوپەراتيۆتىڭ قۇرىلۋى ءجۇزىمدى كولەمدەندىرىپ، عىلمي  ەگۋدى مۇمكىندىككە اينالدىرىپ، اۋىل شارۋاشىلىعى كاسىبىنىڭ تيجارات ونىمدىلىگىن بارىنشا جوعارىلاتتى. چىن ۋاڭ بىلاي دەدى: « شىنىن ايتقاندا، كوپەراتيۆتىڭ دامۋىنىڭ وسىنداي جاقسى بولعانى ءۇشىن پارتياعا، مەملەكەتكە العىس ايتۋىمىز كەرەك. جەمىس باقشاسىنىڭ دامۋىن پارتيا مەن مەملەكەتتىڭ اۋىل شارۋاشىلىعى جونىندەگى ءتيىمدى ساياساتتارىنىڭ قولداۋىنان بولە قاراۋعا بولمايدى، وتە - موتە جەردى وتكەرمەلەپ تيجارات ۇقىعىن تۇراقتاندىرىپ تىزىمگە تىركەۋ ساياساتى دامۋىمىزعا بەرىك نەگىز قالادى. قازىر تەبىنىمىز بارىنشا ارتىپ، نىسانامىز وتە ايقىن بولدى، اۋىل - قىستاقتى كوركەيتۋ ستراتەگياسىن تياناقتاندىرۋعا،ءسوزجوق، ۇلەسىمىزدى قوسامىز».رايونىمىزدىڭ جەمىس اعاشى كاسىبىنىڭ ساپاسىن ۇزدىكسىز جوعارىلاتىپ، ونىمدىلىگىن ارتتىرۋىنا ساي، بيىل رايونىمىز بويىنشا جەمىس اعاشى كاسىبىندە «مولشەر مەن باعا بىردەي جوعارىلاعان» قۋانارلىق جاعداي كورىندى. قاشقار كونە شارى اۋداندىق باعبانشىلىق الاڭى ءداستۇرلى الما ەگىنشىلىگىنىڭ ونىمدىلىگىن جوعارىلاتۋ ءۇشىن، بيىل جىل باسىندا اتىز اراسىندا المانى ولشەمدەندىرىپ باپتاۋ ءتۇزىمىن شىعارىپ، زالالسىز ءوندىرىس تەحنيكاسىن ىسكە قوستى. قازىر، ءونىم الاتىن مەزگىل، باسقا جەردىڭ حاريدارلارى ءدامدى دە ساپالى المانىڭ داڭقىن ەستىپ كەلدى، كوپتەگەن ساۋداگەر تاعى باعباندارمەن المانى ۇزاق ۋاقىت قامداۋ جونىندە ۋادەلەستى. باعبان ابدۇرۇسۇل ءالي، ۇكىمەتتىڭ تەحنيكاعا تاربيەلەۋى ارقىلى  بۇگىنگى كۇنى ءوزىنىڭ دە ەگىنشىلىك شەبەرىنە اينالعانىن ايتا كەلىپ بىلاي دەدى: « ءبىر مۋ جەردى جاقسى باپتاسام 4 مىڭ يۋان كىرىس كىرگىزەدى ەكەنمىن، ءتاۋىر بولسا 6 مىڭ يۋانعا باراتىن سياقتى. ىشكى ولكەنىڭ ساۋداگەرلەرى ناق اقشا بەرەدى، الدىمەن اقشاسىن تولەپ، ودان كەيىن المانى جيىپ اكەتەدى. بيىل مول ءونىم الدىق، اقشا دا تاپتىق، كورشىلەرىمىزبەن بىرگە كەدەيلىكتەن قۇتىلىپ، اۋقاتتاناتىندىعىمىز داۋسىز، وسىنداي جاقسى تۇرمىسقا كەنەلگەنىمىز ءۇشىن پارتيا مەن مەملەكەتتىڭ بىزگە جاساعان قامورلىعىنا العىس ايتامىز».قۇمىل قالاسى ەۋىرعول رايونى قارا توبە قالاشىعىندا، جەرگىلىكتى ورىن اۋىل- قىستاق ەكونوميكالىق كوپەراتيۆىن قۇرىپ، 10 نەشە مۋ جەردەگى شىلاندى ساتۋ قىزمەتىنە ءبىرتۇتاس جاۋاپتى بولىپ، بۇرىنعى جەكە ءوز كۇشىنە سۇيەنىپ ساتاتىن ساتۋ ۇلگىسن وزگەرتىپ، باعبانداردىڭ كىرىسىن قامتاماسىزداندىردى. قارا توبە قالاشىعى بوستان قىستاعىنىڭ باعبانى ايشام ءتالىپ تىلشىگە مول ءونىم العانىن ايتىپ، بىلايشا ەسەپ كورسەتتى: «بيىل  شىلاننان 30 توننا ءونىم الدىق، كيلوگرامىن 30  يۋاننان ساتتىم، مول ءونىم الىپ، قاتتى قۋاندىق، بۇقارانىڭ تۇرمىسى بارعان سايىن جاقساردى.»  


بەرىپ كەت ورامالىڭدى

دوستار

الىستاعى اق ەركە