جاڭا حابارلار

 بۇيرەكتى قورعايتىن 6 ءتۇرلى ازىق

    كەلۋ قاينارى: شينجياڭ حالىق راديو ىستانسياسى    2018-10-08 16:51:20  

 
   ەگەر بۇيرەگىڭىزدەن كىنارات بايقالسا، دارەتكە وتىرۋىڭىز قيىنعا سوعىپ، اياق - قولىڭىز ىسىنەدى. بۇيرەگىڭىزدى قورعايمىن دەسەڭىز، ۇيلەسىمدى تاماقتانۋدىڭ ماڭىزدىلىعىن تاني ءبىلۋىڭىز توتەنشە قاجەتتى. تومەندە سىزگە بۇيرەكتى قورعاۋعا قاجەتتى 6 ءتۇرلى تاعامدى تانىستىرامىز.
  قىزىل بۇرىش: قىزىل بۇرىش دەنەدەگى، وتە - موتە، قانداعى كەرەكسىز زاتتاردى سىرتقا شىعارادى. سوندىقتان دا قىزىل بۇرىشتى بۇيرەكتى اقاۋسىزداندىراتىن كەمەلدى ازىق دەيمىز.
  جۇمىرتقانىڭ اعى: بۇيرەكتى قورعاۋعا بەلوك قۇرامى مەن فوسفور قۇرامى تومەن ازىق باپ كەلەدى. دەسەدە، جەتكىلىكتى بەلوك قۇرامى بولۋ كەرەك. جۇمىرتقا اعىنىڭ قۇرامىندا دەنساۋلىققا ءتيىمدى بەلوك مول قامتىلعان ءارى باسقا بەلوك قۇرامدارىمەن سالىستىرعاندا، ونداعى فوسفوردىڭ مولشەرى الدەقايدا تومەن.
  بۇيرا كوكونىس (شيلانحۋا): ونىڭ قۇرامىندا ۆيتامين، مينەرال زات، جاسىلداندىرعىش، كاروتين سياقتى كوپ ءتۇرلى نەگىزگى قورەكتىك قۇرامنان تىس، جانە دە يندول مەن تيوسيان قىشقىل تۇزى  سياقتى پايدالى زاتتار مول، مىنە بۇلار دەنەدەگى ۋىتتى قايتارىپ، بۇيرەكتىڭ اۋىرتپالىعىن جەڭىلدەتەدى. بۇيرا كوكونستىڭ ەڭ قاراپايىم تۇتىنۋ ءادىسى سۋعا بىقتىرىپ العاننان كەيىن، قارا بۇرىش پەن ازىقتىق تۇز قوسساڭىز بولدى.
  كاپوستا: كاپوستانىڭ قۇرامىندا ۆيتامين (C)، ۆيتامين (E)، كاروتين سياقتىلار مول، ونداعى ۆيتامين پاميدوردان 3 ەسە مول بولادى. كاپوستانىڭ قۇرامىنداعى كوپ ءتۇرلى وسىمدىك حيميالىق ەلەمەنتتى دەنەدەگى ەركىن راديكالدى تازالاۋعا سەپتىگىن تيگىزەدى.
  بالىق ەتى: بالىق ەتى، وتە - موتە، تەرەڭ تەڭىزدەگى بالىقتاردىڭ قۇرامىندا قابىنۋعا قارسى ماي قىشقىلى مول بولاتىندىقتان  ، بۇيرەكتى قورعاۋعا كومەگىن تيگىزەدى. بالىق ەتىن ساپالى بەلوكتىڭ كەلۋ قاينارى دەۋگە دە بولادى.
  جەمىس شىرىنى: جەمىس شىرىنى مەن كوكونىس شىرىنى تۇگەلدەي دەنەدەگى كەرەكسىز زاتتاردى ءبولىپ شىعارۋعا كومەگىن تيگىزەدى، جەمىس شىرىنى مەن كوكونىس شىرىنىنىڭ قۇرامىندا كوپ ءتۇرلى وسىمدىك حيميالىق زاتى قامتىلىپ، بۇيرەك قىزمەتى السىزدەردىڭ بۇيرەك قىزمەتىن قۋاتتاندىرۋعا پايداسىن تيگىزەدى. مۇندا سيىر بۇلدىرگەن سياقتى جەمىس - جيدەك شىرىنىنىڭ قۇرامىندا توتىقتىرمايتىن ءدارى مول، بۇل بۇيرەك قىزمەتىن اقاۋسىزداندىرۋعا پايدالى.


بەرىپ كەت ورامالىڭدى

دوستار

الىستاعى اق ەركە