جاڭا حابارلار

مەرەكەنىڭ مەرەيى اسقاقتاپ، تۇتىنۋ بازارى شالقي ءتۇستى

    كەلۋ قاينارى: شينجياڭ گازەتى    2018-10-09 17:24:11  

تىلشىلەرىمىز لي چۇنشيا، زوۋ ي، لي داۋجۇڭ

 ساياحات كورىنىس وڭىرلەرىندە ساياحاتشىلاردىڭ اياعى سايابىرلامادى، ساۋدا دۇكەندەرىنىڭ، اسحانالاردىڭ ساۋداسى كۇسەتتەندى، «ينتەرنەت +» تۇتىنۋ جاڭالىعىن مولايتتى... «1 - قازان» التىن اپتالىعى كەزىندە رايونىمىز قوعامىنىڭ ورنىقتىلىق يگىلىگى ۇزدىكسىز ايگىلەنىپ، قويۋ مەرەكەلىك راي قالىپتاسىپ، تۇتىنۋ بازارى گۇلدەنىپ، ساتىپ الۋ مەن ساتۋ بىردەي شالقىعان تۇتىنۋ كۇيى جارىققا شىعىپ، تۇتىنۋ ورەسى، تۇتىنۋ قۇرىلىمى جاپپاي تىڭ دەڭگەيگە كوتەرىلدى.
  «ينتەرنەت +»: ساياحات تۇتىنۋىنىڭ تىڭ جاڭالىعى
  «قاناس، كوكتوعاي، ۋسايتان، سايتان كەرىش كورىنىس اۋماقتارىنا باردىق، بارلىعىمىز وتە كوڭىلدى بولدىق». 10 - ايدىڭ 6 - كۇنى سولتۇستىك شينجياڭ اينالما جەلىسىندەگى جەكە اۆتوكولىگىمەن ساياحاتتاۋدى ەندى عانا اياقتاتقان ءۇرىمجى قالاسىنىڭ تۇرعىنى جاڭ چىڭگاڭ جەلپىنە سويلەدى.
  ساياحات حالىق تۇتىنۋىنداعى «تۇراقتى سۇرانىسقا» اينالدى، ورمانى الۋان رەڭمەن كومكەرىلگەن، كورىنىسى شەكسىز كوركەم كۇز ماۋسىمى ساياحاتتىڭ تاپتىرماس تاماشا مەزگىلى. مەملەكەت مەرەكەسىنىڭ 7 كۇندىك دەمالىسىندا جەكە اۆتوكولىگىمەن ساياحاتتاۋشىلار شينجياڭنىڭ بايتاق دالاسىن ارالايتىن جەتكىلىكتى ۋاقىتقا يە بولدى. جەر - جەردىڭ ساياحاتى كورىنىس تۇيىندەرىندەگى ساياحاتتان تۇتاس الاپتىق ساياحات ۇلگىسىنە بۇرىلىس جاسادى، «ينتەرنەت + زەردەلى ساياحات» سياقتى جاڭا تەحنيكالاردىڭ، جاڭا ۇلگىلەردىڭ قولدانىسقا تۇسۋىمەن پورتالدىق سايت، ۋيچات تەكشەسى سياقتىلاردا ساياحات اقىل - كەڭەسىن بەرەتىن، بەلەت ساتاتىن كورىنىس وڭىرلەرى بارعان سايىن كوبەيىپ، ساياحاتشىلارعا اناعۇرلىم كوپ تۇتىنۋدىڭ جاڭالىعىن سيلاپ، ساياحاتشىلاردىڭ رازىلىق مولشەرىن جوعارىلاتتى. «كەلە جاتىپ ينتەرنەتتە تۇسەلحاناعا زاكاز ءتۇسىرىپ، كورىنىس وڭىرلەرىنىڭ بەلەتىن ساتىپ الدىق، ينتەرنەتتىڭ ارقاسىندا ساياحاتتاۋ بارعان سايىن قولايلى بولا ءتۇستى»، - دەدى جاڭ چىڭگاڭ.
  ساياحاتتىڭ گۇلدەنۋىمەن حالىقتىق تۇسەلحانالاردىڭ ساۋداسى قىزدى. «دوستارىمنىڭ ۇسىنىسى مەن ساياحات سايتىنىڭ تانىستىرۋىندا، تەكەس اۋدانىنا تۇڭعىش كەلۋىم، عاجايىپ گۋمانيتارلىق جانە جاراتىلىستىق كورىنىس ادامدى ماستاندىرادى، ەرەكشە حالىقتىق تۇسەلحانالاردان كىسىنىڭ شىققىسى كەلمەيدى، كەتكىم كەلمەي تۇر»، - دەدى 10 - ايدىڭ 5 - كۇنى فۋجياندىق ساياحاتشى حۋاڭ مىرزا تەكەس اۋدانى بەييۋان حالىقتىق تۇسەلحانا رايونى فىڭ - ي حالىقتىق تۇسەلحاناسىنان اتتاناردا قيماستىقپەن.
  فىڭ - ي حالىقتىق تۇسەلحاناسىنىڭ جاۋاپتىسى جاڭ لياڭ تىلشىگە: مەملەكەت مەرەكەسىنىڭ دەمالىسىندا ءۇيىمنىڭ 5 بولمەسىندەگى 20 توسەكپەن ەلىمىزدىڭ جەر - جەرىنەن كەلگەن 100دەن استام ساياحاتشىنى قابىلدادىم، جاتاق اقىسىنىڭ وزىنەن 20 مىڭ يۋاننان استام كىرىس كىرگىزدىم، - دەدى. ۇعىسۋعا قاراعاندا، تەكەس اۋدانىنداعى حالىقتىق تۇسەلحانالاردىڭ سانى 2 جىلدان بەرى 5 ەسە كوبەيگەن، مەملەكەت مەرەكەسى كەزىندە بۇعان جاڭادان 7 حالىقتىق تۇسەلحانا قوسىلىپ، جالپى سانى 63كە جەتكەن.
  زەردەلى قورشاعان ورتا: جاسىل تۇتىنۋ جاڭا تالعامعا اينالدى
  وسى دەمالىستا ءۇرىمجى قالاسىنىڭ تۇرعىنى ۋاڭ چياڭ ەرلى - زايىپتىلار دا قاراپ قالعان جوق، جاڭادان اشەكەيلەگەن ۇيلەرىنە ءۇي جيھازدارىن، ەلەكتر بۇيىمدارىن الۋ ءۇشىن ەكەۋى 2 − 3 كۇن جۇگىرىپ، 70 − 80 مىڭ يۋان اقشا جۇمساپ، بار قاجەتىن قامداپ الدى. ۋاڭ چياڭ تىلشىگە: قونىس شارت - جاعدايىن جاقسارتۋ ءۇشىن، بيىل كوكتەمدە 140 شارشى مەتر كەلەتىن ءۇي الدىق، وسى رەت بۇرىنعىدان ساپالى ءۇي جيھازدارى مەن ەلەكتر بۇيىمدارىن الدىق، اۋا رەتتەگىشتى قول تەلەفونمەن الىستان مەڭگەرۋگە بولادى، توڭازىتقىش تا ەنەرگيا ۇنەمدەيتىن جاڭا ءونىم. قازىر پارتيانىڭ ساياساتى جاقسى، بۇقارانىڭ تۇرمىسى دا كۇن سايىن جاقساردى. ەكونوميكالىق شارت - جاعداي جاقسارعاننان كەيىن، ءبىزدىڭ تاماشا تۇرمىسقا دەگەن سۇرانىسىمىز دا جوعارىلادى، - دەدى كۇلە سويلەپ.
  ءتىلشىنىڭ ۇعىسۋىنشا، التىن اپتالىق كەزىندە جۇرتشىلىقتىڭ اۆتوكولىك، ءۇي جيھازدارى، ەلەكتر بۇيىمدارى سياقتى ءىرى تاۋارلارعا دەگەن سۇرانىسى ارتقان. 10 - ايدىڭ 4 - كۇنى شينجياڭ سايبوتى اۆتوكولىك بازارىندا كوپتەگەن تۇتىنۋشىلار وزدەرى ۇناتقان اۆتوكولىكتەرىن ساتىپ الدى. «وسى بىرنەشە كۇندە اۆتوكولىك ساتىپ الاتىن تۇتىنۋشىلاردىڭ سانى جايشىلىقتاعىدان كورنەكتى مولايدى، ءبىزدىڭ ەكى كورمە رايونىمىزدان كەشە 14 اۆتوكولىك ساتىلدى، الدىڭعى كۇنى 16 اۆتوكولىك ساتىلعان بولاتىن»، - دەدى شينجياڭ تيانحۇي سايبوتى قالا كورمە زالىنداعى ساتۋشى شياۋ پين.
  ادامداردىڭ تۇرمىس ساپاسىنىڭ جوعارىلاۋىنا ىلەسە، ەنەرگيا ۇنەمدەيتىن، قورشاعان ورتاعا ءتيىمدى، سالاماتتىق، زەردەلى ايگىلى ماركالى ونىمدەر تۇتىنۋشىلاردىڭ مويىنداۋىنا وڭاي ىلىنەتىن بولدى. شياۋ پيننىڭ تانىستىرۋىنشا، جاقىنداعى بىرنەشە كۇندەگى ساتىلۋ جاعدايىنا نەگىزدەلگەندە، 100 مىڭ يۋاننان 150 مىڭ يۋانعا دەيىنگى وتباسىلىق اۆتوكولىكتەر ەڭ قارسى الۋعا بولەنگەن. قامداۋ جاعىنداعى قۇرىلىمدىق رەفورمانىڭ جارقىن تۇيىندەرىنىڭ ءبىرى رەتىندە، جاڭا ەنەرگيالىق اۆتوكولىكتەر تۇتىنۋشىلاردىڭ جاڭا اسىلىنا اينالدى. «وسى بىرنەشە كۇندە ءبىز 5 جاڭا ەنەرگيالى اۆتوكولىك ساتتىق، قازىر جاسىل تۇرمىس ۇستانىمىن دارىپتەپ جاتىرمىز، جاڭا ەنەرگيالى اۆتوكولىكتەر كوپتەگەن تۇتىنۋشىنىڭ اۆتوكولىك ساتىپ الۋداعى تالعامىنا اينالدى».
  «جەلىدە + جەلىدەن تىس»: ساۋدا دۇكەندەرىنىڭ، اسحانالاردىڭ ساۋداسى ۇزدىكسىز كۇسەتتەندى
  مەملەكەت مەرەكەسىنىڭ دەمالىسىندا ءارقايسى ساۋدا كوشەلەرى، زات ساتىپ الۋ ورتالىقتارى، ساۋدا دۇكەندەرى سياقتى ورىندار مەرەكەدەگى ساۋدا ورايىن جابال مىقتاپ يگەرىپ، ارزانداتىپ ساتۋ، بەلگىلى سوماعا تولسا سيلىق ۇسىنۋ سياقتى ساتۋدى جەبەۋ قيمىلدارىن جولعا قويىپ، تانىمالدىقتى ارتتىرىپ، تۇتىنۋشىلاردى باۋرادى. ءارقايسى تۇتىنۋ ورىندارىنا ادام لىق تولىپ، ساتۋ مەن ساتىپ الۋ بىردەي قىزدى.
  «300 يۋانعا تولسا 200 يۋان سيعا بەرىلەدى»، «198 يۋانعا تولسا 80 يۋان سيعا بەرىلەدى»... 10 - ايدىڭ 2 - كۇنى ءۇرىمجى قالاسى دوستىق وڭتۇستىك جولىنداعى شينجياڭ يوۋحاۋ بايشىڭ زات ساتىپ الۋ ورتالىعىندا ءتۇرلى ساتۋدى جەبەۋ جارنامالارى انادايدان كوزگە ۇرادى، 1 - قاباتقا قويىلعان ساتۋدى جەبەۋ سورەسى دە ءبىرتالاي قاريداردى وزىنە باۋراپتى. «ساۋدا دۇكەنىنىڭ ۋيچات تەكشەسىنەن ولاردىڭ مەرەكەدە ساتۋدى جەبەۋ قيمىلىن وتكىزەتىن حابارىن كورىپ، وسىندا كەلىپ كۇزدىك كيىم - كەشەك جانە بەزەنۋ بۇيىمدارىن ساتىپ الدىم، جيىنى 3000 − 4000 يۋان جۇمسادىم»، - دەدى ۇلكەندى - كىشىلى دوربا كوتەرگەن ۋاڭ يىڭيىڭ.
  اس - سۋ كاسىبى دە تۇتىنۋدىڭ قاۋىرت مەزگىلىنە ءوتتى، التىن اپتالىق كەزىندە قاشقار قالاسى جيانشى جولىنا ورنالاسقان قاشقار يىنرۇيلين حالىقارالىق تۇسەلحاناسىنىڭ ساۋداسى كۇسەت بولدى. 10 - ايدىڭ 5 - كۇنى تۇستە ءتىلشى تۇسەلحانادان 3 جۇپ جاستىڭ ۇيلەنۋ تويىن وتكىزىپ جاتقانىن كوردى. تۇسەلحانانىڭ اس - سۋ ءبولىمىنىڭ ديرەكتورى بي شاۋچاۋدىڭ تانىستىرۋىنشا، وسى بىرنەشە كۇندە تۇسەلحانانىڭ اس - سۋ جاعىنداعى قوناق قابىلداۋ مولشەرى زور مولشەردە ارتىپ، 1 - قاباتتاعى باتىسشا تاعامدار زالى كۇنىنە 1000 ادام - رەتتەن استام قوناق قابىلداسا، 2 - جانە 3 - قاباتتارداعى ايىرىمحانالار دا قوناققا تولعان، تۇسەلحانانىڭ ساۋدا سوماسى جايشىلىقتاعىدان 2 − 3 ەسەگە دەيىن ارتقان. «مەملەكەت مەرەكەسىنىڭ دەمالىسى كەزىندە تۇسەلحانا كوپتەگەن ۇيلەنۋ تويلارىن جانە وتباسىلىق باس قوسۋدى ۇستىنە الدى، ءبىز ينتەرنەتتە الدىن الا زاكاز بەرۋ جۇمىسىن اشىپ، جەلىدە اقىسىن تولەۋ، جەلىدەن تىس تۇتىنۋدى جولعا قويىپ، كوپ ءتۇرلى جولدارمەن قاريدارلاردىڭ قاجەتىن قاناعاتتاندىردىق»، - دەدى بي شياۋچاۋ.


بەرىپ كەت ورامالىڭدى

دوستار

الىستاعى اق ەركە