جاڭا حابارلار

رايونىمىز ەگىستىكتەن ورماندى قالپىنا كەلتىرۋ ينجەنەرياسىن بار كۇشپەن ىلگەرىلەتتى

    كەلۋ قاينارى: شينجياڭ گازەتى    2018-10-10 19:00:36  

  ەكولوگيالىق قالتقى ورناتىپ، ديقانداردىڭ كىرىسىن ارتتىرىپ، بايۋعا جەبەدى

سوڭعى جىلدارى ونسۋ اۋدانى اعاش ەگىپ، ورمان ءوسىرۋ، ەگىستىكتەن ورماندى قالپىنا كەلتىرۋ سياقتى قىزمەتتەردى كۇش سالا ىلگەرىلەتىپ، 162 مىڭ مۋ جەرگە اعاش ەگىپ، ورمان ءوسىرىپ، تاماشا ەكولوگيالىق، ەكونوميكالىق جانە قوعامدىق ونىمدىلىككە قول جەتكىزدى. سۋرەتتە: 10 - ايدىڭ 5 - كۇنى ساياحاتشىلار ونسۋ اۋدانىنداعى ەكولوگيالىق باقشادا الما ۇزۋدە. سۋرەتتى ءتىلشىمىز حان لياڭ تۇسىرگەن 

  ءتىلشىمىز ما ينيڭ 10 - ايدىڭ 8 - كۇنى ۇرىمجىدەن حابارلايدى. رايونىمىز ەگىستىكتەن ورماندى قالپىنا كەلتىرۋ ينجەنەرياسىن اتقارۋ ارقىلى ورمان بايلىعىنىڭ جالپى مولشەرىن ارتتىرۋ، ەكولوگيالىق ورتانى جاقسارتۋ، ورمان، جەمىس شارۋاشىلىعىن دامىتۋدى ىلگەرىلەتۋ سياقتى جاقتاردا كورنەكتى ونىمدىلىككە قول جەتكىزدى. ينجەنەريا اتقارىلعاننان بەرى، ءبىر ميلليون 700 مىڭ ديقان مۇنىڭ يگىلىگىن كوردى.
  بۇگىنگى كۇندە سۇبەلى تابىسقا قول جەتكىزگەن ونسۋ اۋدانىنىڭ جەر - جەرىندە «اتىزدار كوسىلگەن، ورمان - توعاي بىتىك وسكەن، جولدار ۇلاسقان، توعاندار ءبىرى - بىرىمەن جالعاسقان» كوركەم كورىنىس جارىققا شىقتى. كوز الدىڭىزداعى بۇل جاعدايلاردى بۇرىنعى قۇمدى بوراننان كوز اشپايتىن جەرمەن بايلانىستىرۋىڭىز وتە قيىن. تالاي جىل قۇرىلىس جۇرگىزۋدىڭ ارقاسىندا، ونسۋ اۋدانى جاسىل القاپتى وزەك ەتكەن ىقتاسىن ورمان تورى جۇيەسىن نەگىزىنەن ورناتىپ، توڭىرەكتەگى سۋ مەن توپىراقتىڭ شايىلۋىن ءونىمدى تىزگىندەدى، بوراننان ساقتانىپ، قۇمدى تىزگىندەۋدىڭ ونىمدىلىگى كورنەكتى بولىپ، ەكولوگيانى ساقتايتىن سۋ بايلىعى فۋنكتسياسى جاپپاي جوعارىلادى.
  «ەگىستىكتەن ورماندى قالپىنا كەلتىرۋ ينجەنەرياسى اتقارىلعاننان بەرى، تۇتاس اۋدانداعى جاڭادان كوبەيگەن ورمان اۋماعى 364 مىڭ 700 مۋعا جەتىپ، ورمانمەن كومكەرىلۋ مولشەرى %0.08 استام جوعارىلادى. جىلىنا ورتاشا ەسەپپەن قۇمدى بوران سوعاتىن كۇندەر بۇرىنعى 64 كۇننەن 26 كۇنگە ازايدى. بىلتىر تۇتاس اۋدان بويىنشا شىلان، جاڭعاقتى نەگىز ەتكەن ەرەكشە جەمىس ورمان شارۋاشىلىعىنىڭ اۋماعى ءبىر ميلليون 250 مىڭ مۋعا جەتىپ، جەمىس ورمان شارۋاشىلىعىنان كىرەتىن جان باسىندىق ورتاشا كىرىس 10 مىڭ يۋانعا جەتتى»، - دەدى ونسۋ اۋداندىق ورمان شارۋاشىلىعى مەكەمەسىنىڭ باستىعى دىڭ حاۋ.
  پايداعا كەنەلگەن تەك ونسۋ اۋدانى عانا ەمەس، ەگىستىكتەن ورماندى قالپىنا كەلتىرۋ ينجەنەرياسى تۇتاس شينجياڭنىڭ ەكولوگيالىق ورتاسىنىڭ ءونىمدى جاقسارۋىنا مۇمكىندىك جاسادى. اۆتونوميالى رايوندىق ورمان شارۋاشىلىعى مەڭگەرمەسىنىڭ ورىنباسار باستىعى شۇي حۇڭشيڭ بىلاي دەپ تانىستىردى: ەگىستىكتەن ورماندى قالپىنا كەلتىرۋ ينجەنەرياسى تۇتاس شينجياڭنىڭ ورمانمەن كومكەرىلۋ مولشەرىن 0.7 پايىز ارتتىردى، ەگىستىكتەن ورماندى قالپىنا كەلتىرۋ ينجەنەرياسى «ءۇش تەرىستىك» ىقتاسىن ورمانى سياقتى ورمان شارۋاشىلىعىنداعى ءتۇيىندى ينجەنەريالارمەن قاتار جۇرگىزىلىپ، ەكپە ورمان اۋماعى زور مولشەردە ارتىپ، ورماندى نەگىزگى تۇلعا ەتكەن، اعاش، بۇتا - بۇرگەن، ءشوپ - شالاڭ ارالاس وسكەن مەملەكەت جەرى ەكولوگيالىق حاۋىپسىزدىك جۇيەسىن العاشقى قادامدا قالىپتاستىردى.
  ەگىستىكتەن ورماندى قالپىنا كەلتىرۋ ينجەنەرياسى تاعى رايونىمىزداعى ديقانداردىڭ بايۋدىڭ «يگىلىگىن» كورۋىنە جول اشىپ بەردى، وتە - موتە، وڭتۇستىك شينجياڭ ءوڭىرى ەگىستىكتەن ورماندى قالپىنا كەلتىرۋ ينجەنەرياسىن اتقارۋ ارقىلى تارىم ويپاتىن قورشاعان 12 ميلليون مۋ كەلەتىن ەرەكشە جەمىس ورمان شارۋاشىلىعى بازاسىن قالىپتاستىرۋعا تۇرتكى بولىپ، ەكولوگيانى جاقسارتىپ، دامۋدى جەبەپ، كىرىستى ارتتىرىپ، بايۋدى ىسكە اسىردى.
  ۇعىسۋعا قاراعاندا، رايونىمىز ەگىستىكتەن ورماندى قالپىنا كەلتىرۋ ينجەنەرياسىن 2000 - جىلدان باستاپ اتقارعان، قازىرگە دەيىن، مەملەكەت رايونىمىزعا ەگىستىكتەن ورماندى قالپىنا كەلتىرۋ قۇرىلىسى بويىنشا 17 ميلليون 618 مىڭ 300 مۋ مىندەت جۇكتەگەن، مۇنىڭ ىشىندە، ەگىستىكتەن ورماندى قالپىنا كەلتىرۋ قۇرىلىسىنىڭ الدىڭعى توپتاعى 13 ميلليون 587 مىڭ مۋ مىندەتى تۇگەل ورىندالىپ بولعان، ەگىستىكتەن ورماندى قالپىنا كەلتىرۋ ينجەنەرياسىنىڭ جاڭا كەزەكتى قۇرىلىس مىندەتىن رايونىمىز قازىر بار كۇشپەن ورىنداۋدا.


بەرىپ كەت ورامالىڭدى

دوستار

الىستاعى اق ەركە