جاڭا حابارلار

  جەمىس قابىعىنىڭ رولى 

    كەلۋ قاينارى: شينجياڭ حالىق راديو ىستانسياسى    2018-10-10 10:43:48  

 المۇرت قابىعى. المۇرت قابىعى دارىلىك قۇنى جوعارى جۇڭگوشا ءدارى ەسەپتەلىپ،كوڭىلدى ورنىقتىرىپ،وكپەنى مايدالاپ، قىزۋدى تومەندەتەدى. مۇندا المۇرت قابىعىن ۇستاقتاپ تۋراپ، مۇز قانت سالىنعان جىلى سۋعا قوسىپ ىشسە جوتەلدى باسادى.
   الما قابىعى. الما قابىعىنىڭ باسەيتۋ رولى بار. ونى قايناتىپ ىشسە اسقازان قىشقىلىنىڭ ارتۋىن،قاقىرىق كوبەيۋدى جازادى. الما قابىعىن كەپتىرىپ،تالقانداپ، اش قارىندا سۋعا سالىپ ىشسە (كۇنىنە 1-2رەت)،سوزىلمالى ءىش ءوتۋ،نەرۆتىك توق ىشەك قابىنۋ، جوعارى قان قىسىم سياقتى اۋرۋلارعا ەم بولادى. بۇدان تىس، جاس الما قابىعىن جانشىپ، شۇپەرەك دورباعا سالىپ، شىلاپشىن، دارەت شەلەگىن ىساتىن بولسا جارقىراپ جاڭا العان كەزدەگى قالپىنا كەلەدى.    

     بانان قابىعى. بانان قابىعىنىڭ ءشولدى باسىپ، وكپەنى، ىشەكتى دىمقىلداندىرىپ، قان اينالىسىن تەزدەتىپ،دەنەنى قۋاتتاندىراتىن رولى بار. بانان قابىعىن جانشىپ، جەمجەمىل شىرىنىن قوسىپ ىشسە اۋىرعاندى باسادى. بانان قابىعىمەن اياق-قولدى سۇرتەتىن بولسا،جارىلعاندى،ۇسىنگەندى جازادى.بانان قابىعى تاعى جوعارى قان قىسىمدى جازىپ،ميعا قان قۇيىلۋدان ساقتايدى.بانان قابىعىمەن باتىڭكەنى بىرنەشە رەت ءسۇرتىپ،ونان سوڭ مايلاسا،ءتىپتى،جارقىراپ كەتەدى.
   كوك اسقاباق. كوك اسقاباق قابىعىنىڭ ءشولدى باسىپ، وكپەنى قۋاتتاندىراتىن رولى بار. بۇيرەك، وكپە، جۇرەك اۋرۋىنان پايدا بولاتىن ىسىنۋگە،ءىش كەبۋگە، كىشى دارەت قالىپسىز بولۋعا ىستەتۋگە بولادى.كوك اسقاباق قابىعىن قايناتىپ اياق جۋسا،اياقتىڭ شۋاشىن جوعالتادى.
    ماندارين قابىعى. ماندارين قابىعىن جۋىپ قانتتى سۋعا قايناتىپ ىشسە،وكپەنى تازارتىپ،جوتەلدى تيىپ، قاقىرىقتى جىبىتەدى. ماندارين قابىعىندا ءسىلتىلى زات بار،فارفور ىدىستاردى،سىرلى تەمىر ىدىستاردى،الۋمين ىدىستاردى ىسسا،ونداعى داقتاردى كەتىرىپ،ايناداي جارقىراتادى.بۇدان تىس،ماندارين قابىعىندا حوش ءيىستى زات بار،توڭازىتقىشقا قويسا،بوگدە ءيىستى جوعالتادى.
  قاربىز قابىعى. قاربىز قابىعىنىڭ رولى قاربىز ەتىنەن دە اسىپ ءتۇسىپ،جۇڭگوشا شيپاگەرلىكتە «قاربىزدىڭ جاسىل كويلەگى»دەپ اتالىپ،ىستىقتى قايتارىپ، ءشولدى باساتىن،مازاسىزدىقتان ارىلتاتىن،قان قىسىمدى تومەندەتەتىن رولى بار.قان ازدىق،تاماق قۇرعاۋ،ەرىن جارىلۋ،سونداي -اق قۋىقتىڭ قابىنۋى،باۋىرعا سۋ جينالۋ،بۇيرەكتىڭ قابىنۋى جونىنەن بەلگىلى ەمدىك رولى بار.بۇدان تىس،قاربىز قابىعىندا ۆيتامين C جانە ۆيتامين E مول بولاتىندىقتان بۇلشىق ەتكە نەمەسە تەرىگە جاعىپ 10-15 مينۋتتان كەيىن جۋىپ تاستاسا بۇلشىق ەتتى قورعاپ،تەرىنى اجارلاندىرادى جانە بورتكەن شىعۋدان ساقتايدى.
قيار قابىعى. قيار قابىعى ۋىتتى قايتارادى،ونىڭ قابىعىنداعى كەرمەك ءدام قياردىڭ ەڭ نەگىزگى قورەكتىك زاتى ەسەپتەلەدى.قياردى قابىعىمەن جەگەندە ۆيتامين C تولىق ءسىمىرىلىپ قالماستان،دەنەدەگى ۋىتتى قايتارۋعا ءونىمدى كومەكتەسەدى.بۇدان تىس،قيار  قابىعىنىڭ باكتەرياعا قارسى تۇرىپ،اۋىرعاندى باساتىن رولى بار.
    قىزاناق قابىعى. قىزاناق قابىعى راكتان ساقتايدى. ول قازىرگە دەيىن بايقالعان توتىعۋعا قارسى تۇرۋ قابىلەتى ەڭ كۇشتى تابيعي زات ،جۇرەك-قان تامىر اۋرۋىنان ساقتاپ،دەنەنىڭ قارسىلىق قۋاتىن كۇشەيتىپ،راكتان ساقتايدى.بۇدان تىس،قىزاناق قابىعى ىشەك جولىنىڭ اقاۋسىز بولۋىنا كومەگىن تيگىزەدى،سوندىقتان قىزاناقتى قابىعىمەن جەۋ ەڭ ۇيلەسىمدى بولادى.
    باكلاجان ياعني چيەزى  قابىعى. باكلاجان  جۇرەك-قان تامىر اۋرۋىنا شالدىققانداردىڭ ەڭ تاماشا ازىعى ەسەپتەلەدى،ويتكەنى كوپتەگەن قورەكتىك زات باكلاجان قابىعىندا ساقتالعان.باكلاجاننىڭ قابىعىن الىپ تاستاعاندا دەنساۋلىقتى قورعاۋ قۇنى تومەندەپ قالماستان،ونداعى تەمىر اۋا ارقىلى وڭاي قارايىپ،ادام دەنەسىنىڭ تەمىردى سىمىرۋىنە ىقپال ەتەدى.
 


بەرىپ كەت ورامالىڭدى

دوستار

الىستاعى اق ەركە