جاڭا حابارلار

ءومىردى وزگەرتەتىن  فيلوسوفيا

    كەلۋ قاينارى: شينجياڭ حالىق راديو ىستانسياسى    2018-10-10 18:12:45  

 ءومىردى وزگەرتەتىن  فيلوسوفيا ءومىردى وزگەرتكىڭىز كەلسە، ءوزىڭىزدى وزگەرتىڭىز. ول تۇك تە قيىن ەمەس. اۋزىڭىزدان شىققان ءسوز بەن اتتاعان قادامىڭىزعا مۇقيات بولساڭىز بولعانى.    قاتەلىگىڭىز بەن كىناڭىزدى دەر كەزىندە كورە ءبىلىپ، ورنىن تولتىرۋدى دا ەستەن شىعارماڭىز. 

   كەشىرىم سۇراۋمەن قاتار، ءوزىڭىز دە كەشىرىمدى بولىڭىز.  

  تىڭ ويلار باسقالاردىڭ  باسىندا دا بولاتىنىن مويىنداڭىز. باستىسى كىم ءبىرىنشى ايتقانى ەمەس، يدەيانى العاش كىم جۇزەگە اسىرعانى ماڭىزدى.    كەزى كەلگەندە كەز كەلگەن كىسىگە كومەك كورسەتىڭىز. ويلارى مەن ىستەرىن قولداپ، جەتىستىككە جەتەرىنە سەنىم ءبىلدىرىڭىز. ءسىزدىڭ ماقۇلداۋىڭىز وعان دەم بەرىپ، قۇزار شىڭنىڭ باسىنا شىعارۋى مۇمكىن.    ومىرلىك ۇرانىڭىز مىناۋ بولسىن: ەشكىمگە ەشقاشان زيانىڭىزدى تيگىزبەڭىز.  

  ءوز ارتىقشىلىعىڭىزدى وزگەلەرگە ۇنەمى ۇستەمەلەي بەرۋدىڭ قاجەتى جوق.ادامدارمەن تاتۋ تۇرعىڭىز كەلسە، ولار ەرەكشەلىگىڭىزدى وزدەرى بايقايتىنداي جاعداي جاساڭىز. 

   داۋدى توقتاتقىڭىز كەلسە، «مۇمكىن، مەن قاتەلەسكەن شىعارمىن» دەڭىز. سوندا كەلىسپەۋشىلىك سەبەبى جوعالادى. داۋ دا اياعىنا جەتىپ، ءبىر شەشىمگە كەلەسىزدەر.   

   سويلەپ وتىرعان ادامنىڭ پىكىرىمەن كەلىسپەسەڭىز، ونىڭ ءسوزىن ءبولۋ ارقىلى توقتاتا المايسىز. ول ءبارىبىر ءسوزىن اياقتامايىنشا تىنىشتالمايدى.  

  ادامنىڭ جاقسى جاعىن عانا كورۋگە تىرىسىڭىز. ال ەشقانداي قايىرىمدىلىق، پاراساتتىلىق بايقاي الماساڭىز، وعان ۇلگى بولارلىق ادامدى كورسەتىڭىز. ول كىسى مۇنى قۇپتايدى.       جاقسى تىڭداۋشى بولىڭىز، از سويلەڭىز. 

   سوزىڭىزگە قۇلاق ءتۇرسىن دەسەڭىز، بۇيىرىپ ايتپاي، ۇسىنىپ كورىڭىز. 

   ەشكىمدى سىناپ- مىنەمەڭىز. ەگەر ايتپاسقا ءتىلىڭىز اۋزىڭىزعا سىيماي بارا جاتسا، جەكە باسىنا ىقپال كەلتىرمەي، تەك كاسىپتىك جاعدايىن عانا سىناۋعا بولادى.    ادامداردىڭ ىسىنە باسا ءمان بەرىڭىز. سوندا ولاردى بوسقا الداندىرماي، شىنايى ماقتايتىن سەبەپ تاباسىز.

    اشۋشاڭدىق ادامنىڭ سىرتقى قولداۋ مەن كومەككە ماجبۇرلىگىنەن تۋادى. سوندىقتان ادامداردىڭ بۇل جاعدايىنا تۇسىنىستىك تانىتىڭىز.    وزگەلەر جونىندە تەك جاقسى پىكىر عانا ايتىڭىز. ال ولاي ايتا الماساڭىز، ۇندەمەگەن ءجون.  

  ادامداردى تولىق اتىمەن اتاڭىز. بۇل ەسىمىن قىسقارتىپ نە الدەبىر ويدان شىعارىلعان اتاۋلارمەن شاقىرعانعا قاراعاندا جاعىمدىراق. ونىڭ تۇلعالىق بولمىسىنا قۇرمەتىڭىزدى وسىلاي ءبىلدىرىڭىز.        ادامدارعا سەبەپسىز سىيلىق بەرىڭىز. بۇل ءسىزدىڭ مەرەكەنى كۇتپەي، جاقىندارىڭىزدى كەز كەلگەن ساتتە قۋانتۋعا بار ەكەنىڭىزدى دالەلدەيدى.    كەز كەلگەن اڭگىمەنى جاقسى كوڭىل كۇيمەن اياقتاڭىز.
    قانداي قيىندىق بولسا دا، ۇنەمى كۇلىمدەپ ءجۇرىڭىز.


بەرىپ كەت ورامالىڭدى

دوستار

الىستاعى اق ەركە