جاڭا حابارلار

«جۇڭگو توراڭعىسى . بايىنعولين وبلىسىنا نازار» اتىنداعى ءۇش وزەن، بەس قالادا ءوز اۆتوكولىگىمەن ساياحاتتاۋ لوپنۇر اۋدانىنىڭ لوپنۇرلىقتار قىستاعى كورىنىس رايونىندا رەسمي باستالدى

    كەلۋ قاينارى: شينجياڭ حالىق راديو ىستانسياسى    2018-10-11 10:46:40  

  10- ايدىڭ 8- كۇنى، 2018- جىلى «جۇڭگو توراڭعىسى . بايىنعولين وبلىسىنا نازار» اتىنداعى ءۇش وزەن، بەس قالادا ءوز اۆتوكولىگىمەن ساياحاتتاۋ لوپنۇر اۋدانىنىڭ لوپنۇرلىقتار قىستاعى كورىنىس رايونىندا رەسمي باستالدى، كوز جەتكىسىز ءشول دالادا، جوڭكىلە اققان تارىم وزەنى  جاعاسىندا، ەلىمىزدىڭ جەر- جەرىنەن كەلگەن ساياحاتشىلار  شينجياڭنىڭ كۇزگى كورىنىسىن تاماشالادى.   10- ايداعى شينجياڭنىڭ كۇز مەزگىلى جانعا جايلى، تارىم وزەنى بويىنداعى مىڭ شاقىرىمعا سوزىلعان توراڭعى ورمانى  ءبىر جىلداعى ەڭ كورىكتى مەزگىلگە ءوتتى. وسى « مىڭ شاقىرىمدىق توراڭعى سۋرەت دالىزىندەگى» كورىنىسى ەڭ  ەرەكشەسى لوپنۇر اۋدانىنداعى توراڭعى ورمانى، سۋداعى توراڭعىنىڭ ساعىمى، ءشول دالاداعى توراڭعىنىڭ سالتاناتى، قۋراپ قالعان توراڭعىنىڭ تاڭعاجايىپ بەينەسى وسى ارادا توعىسىپ، ءبىر تۇلعاعا اينالىپ، وزگەشە كورىنىس قالىپتاستىرادى.
    لوپنۇر اۋدانىنداعى لوپنۇرلىقتار قىستاعى كورىنىس رايونى 2018- جىلعى « جۇڭگو توراڭعىسى .  بايىنعولين وبلىسىنا نازار » اتىنداعى ءۇش وزەن، بەس قالادا ءوز اۆتوكولىگىمەن ساياحاتتاۋدىڭ تۇڭعىش بەكەتى، جەر- جەردەن كەلگەن 2 مىڭنان استام ساياحاتشى كورىنىس رايونىندا سەيىلدەپ، كەيبىرەۋى توراڭعى اعاشىنا سۇيەنىپ، ەستەلىك قالدىرىپ سۋرەتكە تۇسسە، كەيبىرەۋى قۇم توبەشىككە شىعىپ، سۋسىعان مايدا قۇمنىڭ راحاتىن سەزىندى، ەندى كەيبىرەۋلەرى تۇيەگە ءمىنىپ، بايىرعى جىبەك جولىنداعى تۇيە قوڭىراۋىنىڭ ۇنىنەن ءلاززاتتاندى. حۋبەيلىق ساياحاتشى تاڭ شوۋيۇيدىڭ ۇيىندەگى سەگىز ادام  ءوز اۆتوكولىگىمەن شينجياڭعا ساياحاتتاي كەلىپتى، ول وسى مەزگىلدە شينجياڭعا كەلۋىنىڭ توراڭعىنى تاماشالاۋ ءۇشىن ەكەنىن ايتىپ: « العاشقى جوسپارىمىز بويىنشا، توراڭعىنى كورگىمىز كەلدى، مۇنىڭ ءبىز جونىنەن باۋراۋ قۋاتى ەرەسەن كۇشتى بولدى. ادامعا تاريح سەزىمى، سان وزگەرىستى باستان كەشكەن سەزىم سياقتى ەرەكشە اسەر بەرىپ، جان تەبىرەنتەدى. دوس- جاراندارىمىزعا تانىستىرىپ، ولارعا شينجياڭعا كەلىپ ساياحاتتاۋدى ۇگىتتەيمىز، شينجياڭ شىنىندا تاماشا جەر ەكەن»،- دەدى.
   نانجيڭدىق ساياحاتشى شۇي سىمەي: «كەڭ اۋماقتاعى توراڭعى ورمانى ءار كەلكى، كورىنىسى دە وزگەشە، اۋاسى توتەنشە جاقسى، ادامعا جايلى سەزىم بەرەدى. توراڭعىنىڭ مىڭ جىل قۋرامايتىن ومىرشەڭدىك رۋحىن شىنايى سەزىندىك»،- دەدى.
      ساياحاتشىلارعا اناعۇرلىم تەرەڭ اسەر قالدىرۋ ءۇشىن، لوپنۇر اۋدانىنىڭ لوپنۇرلىقتار قىستاعى كورىنىس رايونى ءان- ءبي ويىن ساۋىعى،  تاعامداردان ءدام تاتۋ سياقتى قيمىلداردى اسا مۇقياتتىلىقپەن جوسپارلادى. لوپنۇرلىقتار قىستاعى كورىنىس رايونىن باسقارۋ كوميتەتىنىڭ ورىنباسار مەڭگەرۋشىسى ليۋ يان: «لوپنۇرلىقتاردىڭ ءداستۇرلى باسەكەلىك سايىستارىنان، ايتالىق كوكبار تارتۋ، قۇمدا سىرعاناۋ سياقتىلار بار. مۇنان تىس، تۇتاس وبىلىستىڭ ساياحات تاۋارلارى كورمەگە قويىلدى جانە ساتىلدى. ءبىز وسى قيمىل ارقىلى بايىنعولين وبلىسىنداعى كورىكتى توراڭعى بايلىعىن بۇكىل ەلىمىزدەگى ساياحاتشى دوستارعا ايگىلەمەكشىمىز»،- دەدى.
    ۇعىسۋعا قاراعاندا، وسى رەتكى 2018- جىلعى « جۇڭگو توراڭعىسى .  بايىنعولين وبلىسىنا نازار» اتىنداعى ءۇش وزەن، بەس قالانى ءوز اۆتوكولىكتەرىمەن ساياحاتتاۋ قيمىلى توراڭعىنىڭ ەڭ كورىكتى تاماشالاۋ مەرزىمىن نەگىزگى جەلى ەتىپ، 10- ايدىڭ 31- كۇنىنە دەيىن جالعاسادى ەكەن. وسىدان كەيىن، چارقىلىق اۋدانى، چەرشەن اۋدانى، بۇگۇر اۋدانى جانە كورلا قالاسى ىلگەرىندى- كەيىندى  توراڭعى فوتو سۋرەت كورمەسى، كۇڭحوۋ مۋزىكا كەشى، مارافون جارىسى سياقتى ساياحات قيمىلدارىن وتكىزەدى ەكەن.
   
 
 


بەرىپ كەت ورامالىڭدى

دوستار

الىستاعى اق ەركە