جاڭا حابارلار

«ادامداردىڭ جۇرەگىندەگى جۇلدىز» دەگەن حاباردا شينجياڭ التاي ايماعى شىڭگىل اۋداندىق پارتكومنىڭ بۇرىنعى ورىنباسار شۋجيى، ساياسي- زاڭ كوميتەتىنىڭ شۋجيى - ۋاڭ حۇڭشيڭ

    كەلۋ قاينارى: شينجياڭ حالىق راديو ىستانسياسى    2018-10-11 10:49:00  

 شينحۋا اگەنتىگىنىڭ «ادامداردىڭ جۇرەگىندەگى جۇلدىز» دەگەن حابارى:
    ۋاڭ حۇڭشيڭ، كوزى تىرىسىندە التاي ايماعى شىڭگىل اۋداندىق پارتكومنىڭ ورىنباسار شۋجيى، ساياسي- زاڭ كوميتەتىنىڭ شۋجيى بولاتىن. 2018- جىلى 8- ايدىڭ 9- كۇنى ساعات 12 دە، 50 جاستاعى ۋاڭ حۇڭشيڭنىڭ سوڭعى  تىنىسى جۇڭگو مەن مۇڭعۇليا شەكاراسىنداعى ساقشى قىزمەتى پۋنكيتىنىڭ الدىندا توقتادى، شيپاحانا وعان جۇرەك اۋىرۋى سەبەبىنەن تۇتقيىل قايتىس بولدى دەپ دياگنوز قويدى. 
       ۋاڭ حۇڭشيڭ مىندەت وتەگەن شىڭگىل اۋدانى مۇڭعۇليامەن شەكارالاسادى، شەكارا لەنياسىنىڭ ۇزىندىعى 259.4 كيلومەتر، شەكارا ءوڭىردىڭ جەر جاعدايى كۇردەلى، تاۋى بيىك، جولى الىس، ازىناعان بورانى تولاس تاپپايتىن- دى. بىردە بيىكتەپ، بىردە قۇلديلايتىن شەكارا لەنياسى، شاعىل تاستاقتان اياق الىپ جۇرگىسىز ەدى. بۇل جولمەن جۇرگەن كولىكتە وتىرعان ادام دا دوڭگەلەكپەن بىرگە سىلكىنەتىن؛ ول وسى جولدا اۆتوكولىك جۇرە الماعاندا، اتقا مىنەدى، ات شارشاعاندا، جاياۋ تارتادى.  ساياسي- زاڭ كوميتەتىنىڭ شۋجيى بولعان 9 ايدا ۋاڭ حۇڭشيڭ وسى جولدى قانشا رەت باسقانى بەلگىسىز، ول شەكارا لەنياسىن قالتارىس جەر قالتىرماي تۇگەل ارالاپ،  ءبار جەرىنە  ات ءىزىن سالىپ بولعان ەدى.
     شىڭگىل اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى چىن جۇنلي ۋاڭ حۇڭشيڭنىڭ تالاي جىلعى قىزمەتتەسى، ۋاڭ حۇڭشيڭ دۇنيەدەن وتەردەن بۇرىن، ولار شەكارانى بىرگە تەكسەرىپ، شەكاراداعى ساقشى قىزمەتى پۋنكيتىندەگى ماشينالى قۇدىقتىڭ قازىلعان- قازىلماعانىن، سۋ قايناتۋ اسپابىنىڭ ورناتىلعان - ورناتىلماعانىن كوزدەن كەشىرىپ جۇرگەن بولاتىن. سۋ ــ شەكارانىڭ ءبىرىنشى شەبىندەگى شەكارا قورعاۋشىلاردىڭ «تۇرىپ قالۋىنىڭ، تابانداپ تۇرۋىنىڭ» نەگىزگى كەپىلى.  بۇرىن، ولار سۋدى نەشە 10 كيلومەتر شالعايداعى قالاشىقتان تاسيتىن، كولىك ىرعالاقتاپ شەكاراعا جەتكەنشە ءبىر شەلەك سۋدىڭ جارتىسى عانا قالاتىن. ۋاڭ حۇڭشيڭ شەكارا قورعاۋشىلاردىڭ جىلى سۋمەن جۋىنا الۋىنا مۇمكىندىك جاراتۋدى ويلادى. شەكارا قورعاۋشىلاردىڭ مەملەكەتتىڭ حاۋىپسىزدىگىن قورعايتىنىن جەتە تۇسىنگەن ول شەكارا قورعاۋشىلاردىڭ ءار قانداي كىشى- گىرىم ءىسىن ماڭىزدى ءىس دەپ ءبىلدى. چىن جۇنلي: «ول ۋاقىتتى ۇتىپ، شاش ەتەكتەن قالىڭ جۇمىستى تىندىرۋ ءۇشىن، 5 كۇندىك ءجۇرىستى 3 كۇنگە قىسقارتىپ، اسا شۇعىل ورنالاستىرۋ جاسادى»، ــ دەدى.
    ۋاڭ حۇڭشيڭ قىزمەتكە ءوزىن ارناعاندىعىمەن اتى شىققان. 2015- جىلى، شىڭگىل اۋدانىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى بولعان ۋاڭ حۇڭشيڭ بۇقاراعا 500 دەن ارتىق ناقتىلى جاقسىءىس ىستەپ بەرىپ، جۇزدەن ارتىق قايشىلىقتى باسەڭدەتىپ جانە جاراستىرىپ، حالىق تۇرمىسىن جاقسارتۋ نىسانىنان 47 نىسانعا قول جەتكىزىپ، نەگىزى ءالسىز، بىتىراندى 12 پارتيا ۇيىمىن رەتتەپ، 56 وقىتۋشىنى اۋىل- قىستاقتارعا اۋىس- كۇيىس جاساۋعا جىبەردى.
   2012- جىلى، ۋاڭ حۇڭشيڭ ءبىر وقۋشىنىڭ لانجوۋ داشۋەسىنە قابىلدانعانىن، ءبىراق وتباسى قيىنشىلىعى سەبەبىنەن وقۋ قاراجاتىن تولەۋگە شاراسىز قالعانىن ەستىپ، ءوزى باس بولىپ جىلۋ جيناپ ءارى كوپشىلىكتى وسى وقۋشىعا كومەكتەسۋگە ۇيىمداستىرادى. ءبىراق، وسى وقۋشى ءوزىنىڭ 4 جىلدىق داشۋە وقۋىن تامامداۋىنا ءسىرا كىمنىڭ كومەكتەسكەنىن، ۋاڭ حۇڭشيڭ قايتىس بولعاننان كەيىن عانا بىلەدى.
    ۋاڭ حۇڭشيڭنىڭ اكە- شەشەسىنىڭ جاسى 80 نەن استى، ءبىراق ولار ءالى كۇنگە دەيىن توزىعى جەتكەن جەر ۇيدە تۇرادى. چىن جۇنلي، ۋاڭ حۇڭشيڭنىڭ ءوزىنىڭ ۇستانعان جولى بار ەكەنىن، جەكە مۇددەسىن كۇيتتەگەن الدە بىرەۋلەر ونى ىزدەپ بارسا، ول، ءسوز جوق، سالقىن قاباق تانىتىپ، باس تارتاتىنىن ايتتى.
    ۋاڭ حۇڭشيڭنىڭ دۇنيەدەن وزعاندىعى جونىندەگى حابارى ول قىزمەت ىستەگەن جەردە دەرەۋ تارالدى، كوپتەگەن اۋىلداستار وتباسىنداعىلارىن ەرتىپ، اۆتوبۋسقا وتىرىپ، ەكى ساعات جول باسىپ، ازا ءبىلدىرۋ جينالىسىنا قاتىناسىپ، ونى سوڭعى ساپارعا اتتاندىرىپ سالدى...
    ادامدار ۋاڭ حۇڭشيڭنىڭ كيىمدەرىن جيىستىرعاندا، ونىڭ قالتاسىنان كوپتەگەن قاعاز تىلكىمدەرىن بايقادى، مۇندا ونىڭ ىستەيتىن قىزمەتتەرى جازىلىپتى، ال سونىڭ ىشىندەگى ءبىر تىلكىم قاعازعا ول: «پارتيا مەن حالىق ءۇشىن بارىمدى قۇربان ەتۋگە قاشاندا دايىنمىن»، ــ دەپ جازعان ەكەن.    
 


بەرىپ كەت ورامالىڭدى

دوستار

الىستاعى اق ەركە