جاڭا حابارلار

- كەزەكتى جۇڭگو حالىقارالىق ورتا- شاعىن كاسىپورىندار كورمەسى گۋاڭجوۋدا اشىلدى

    كەلۋ قاينارى: شينجياڭ حالىق راديو ىستانسياسى    2018-10-11 10:52:19  

  10-ايدىڭ 10-كۇنى تۇستەن بۇرىن، 15- كەزەكتى جۇڭگو حالىقارالىق ورتا- شاعىن كاسىپورىندار كورمەسى گۋاڭجوۋدا اشىلدى، رايونىمىزدان جالپى 64 كاسىپورىن كورمەگە قاتىناستى.
   «بۇل قانداي اعاش...»
   15- كەزەكتى جۇڭگو حالىقارالىق ورتا- شاعىن كاسىپورىندار كورمەسىنىڭ شينجياڭ سارايى كورمە زالىندا، اعاشتان جاسالعان ەرەكشە اسەم قولونەر بۇيىمدارى كوزدىڭ جاۋىن الدى. قولمەن جاسالعان جەمىس- جيدەك تاباعى، گۇل قۇمىراسى، ساندىك بۇيىمدار قورابى سياقتى قولونەر بۇيىمدارى  الارمانداردى قاتتى قىزىقتىردى. گۋاڭجوۋلىق ساۋداگەر ۋ حانىم: « ولاردىڭ اعاشىن ۇناتتىم، بارلىعى اۋەلگى قالپىندا ەكەن، ونىڭ ۇستىنە بۇل ونىمدەر تابيعي رەڭىن ساقتاعان، ەشقانداي جاساندىلىعى جوق، سونىمەن بىرگە جاسالۋ شەبەرلىگى دە ايتا قالسىن، وتە ۇناتتىم»،- دەدى.
     اقسۋ ءالي اعاششىلىق، اعاش ويما قولونەر بۇيىمدارىن جاساۋ شەكتى سەرىكتەستىگىنىڭ قۇرۋشىسى ءالىم  وسىمان تىلشىگە، بۇل ءوزىنىڭ جۇڭگو حالىقارالىق ورتا- شاعىن كاسىپورىندار كورمەسىنە تۇڭعىش رەت قاتىناسۋى ەكەنىن، جارىم كۇننىڭ وزىندە، ىشكى ولكەدەگى ەكى كاسىپورنىنىڭ وعان كوپ مولشەردە تاپسىرىس بەرۋ ويىن بىلدىرگەنىن ايتتى.  ءالىم وسمان: « بەس - التى كۇندە ءبىر قولونەر بۇيىمى جاسالادى، بارلىعى قولمەن ويىلعان بۇيىمدار، تيجارات جولىن ونان ارى كەڭەيتىپ، اقسۋدىڭ اعاشتان جاسالعان ونىمدەرىن تانىستىرۋ ءۇشىن گۋاڭجوۋعا كەلدىم، مەنىڭ نىسانام وسى رەتكى كورمە ارقىلى  اناعۇرلىم كوپ سەلبەستىك توقتامىنا يە بولۋ»،- دەدى.
  وسى رەت كورمەگە قاتىناسقان شينجياڭ كاسپورىندارىنىڭ ونىمدەرى اۋىل شارۋاشىلىق قوسىمشا ونىمدەرى، قولونەر بۇيىمدارى، توقىما، بيولوگيالىقءدارى- دارمەكتەر، ەلەكترون ينفورماتسياسى سياقتى ون نەشە سالانى قامتىدى. كايسا بيولوگيالىق كاسىبى شەكتى سەرىكتەستىگى بازار اشۋ  ءبولىمىنىڭ ورىنباسار باس باقىلاۋشىسى لي گۋانجۇن تىلشىگە، سەرىكتەستىكتىڭ باستىسى جۇگەرى جانە جۇگەرى ساباعىن شيكىزات ەتىپ، توقىما بۇيىمدارى شيكىزاتىن وندىرەتىندىگىن ايتا كەلىپ: «ءبىزدىڭ سوڭعى بۋىنداعى باستى كاسىپورىندارىمىز كەزدەمە جانە ماقتا توقىما كاسىپورىندارى، بازارىمىز باستىسى جۋجياڭ اتىراۋى مەن چاڭجياڭ اتىراۋى، سوندىقتان ءبىز وسى رەتكى كورمە ارقىلى ونىمدەرىمىزدى جالپىلاستىرىپ، تومەنگى بۋىنداعى حاريدارلارمەن قارىم- قاتىناس جاساپ، بۇرىنعىدان دا كەڭ بازاردا دامۋ ورتاسىنا يە بولۋدى ءۇمىت ەتەمىز»،- دەدى.
     اۆتونوميالى رايوندىق ەكونوميكا جانە ينفورماتسيالاندىرۋ كوميتەتى پارتكومىنىڭ ورىنباسار شۋجيى، مەڭگەرشىسى ءۋالي بارات، وسى رەتكى جۇڭگو حالىقارالىق ورتا- شاعىن كاسىپورىندار كورمەسىنە ەلىمىزدىڭ ءىشى- سىرتىنان قالىڭ ورتا- شاعىن كاسىپورىندارى قاتىناسقانىن، مۇنىڭ شينجياڭنىڭ كاسپورىندارى جونىنەن العاندا  ءبىر رەتكى اۋىس- كۇيىس جاساۋدىڭ، سەلبەسۋدىڭ، بازار اشۋدىڭ ورايى ەكەنىن ايتىپ: « وسى رەت شەتەلدەگى زاۆودتار مەن ساۋداگەرلەردىڭ، ۇكىمەتتىڭ نەگىزگى باسقارۋ تاراۋلارىنىڭ جۇڭگو حالىقارالىق ورتا- شاعىن كاسىپورىندار كورمەسىنە قاتىناسۋ سالىستىرماسى بۇرىنعىدان الدە قايدا زور مولشەردە ارتتى، بۇل جۇڭگونىڭ ورتا- شاعىن كاسىپورىندارىنا ، وتە- موتە، اۆتونوميالى رايونىمىزداعى ورتا- شاعىن كاسىپورىندارعا شەتەلدىڭ ورتا- شاعىن كاسىپورىندارىمەن اۋىس- كۇيىس جاسايتىن، سەلبەسەتىن تاماشا تەكشەنىڭ جاراتىلعانىن اڭعارتىپ، سىرتقا شىعۋ، «ءبىر بەلدەۋ، ءبىر جول » وزەكتى رايونىن قۇرۋ بارىسىندعى رولىن ساۋلەلەندىرۋىنە تاماشا وراي جانە تەكشە جاراتىپ بەردى»،- دەدى.
 
 
 


بەرىپ كەت ورامالىڭدى

دوستار

الىستاعى اق ەركە