جاڭا حابارلار

  بەسىنشى كەزەكتى شينجياڭ ەرەكشە جەمىس-جيدەك ونىمدەرى (اقسۋ) جارمەنكەسى جابىلىپ، توقتامداسۋ سوماسى 2 ميلليارد 773 ميلليون يۋانعا جەتتى

    كەلۋ قاينارى: شينجياڭ حالىق راديو ىستانسياسى    2018-10-11 11:06:36  

        :ستانسيامىزدىڭ پراكتيكانت ءتىلشىسى لي ۋيدىڭ حابارى   
ءۇش كۇندىك ۋاقىتپەن وتكىزىلگەن بەسىنشى كەزەكتى شينجياڭ ەرەكشە جەمىس-جيدەك ونىمدەرى (اقسۋ) جارمەنكەسى بۇگىن جابىلىپ، توقتامداسۋ سوماسى 2 ميلليارد 773 ميلليون يۋانعا جەتتى.  وسى كەزەكتى جارمەنكەگە جالپى 250 نەشە جەمىس- جيدەك ساتۋ كاسىپورنى، 300 دىڭ ۇستىندە ساتىپ الاتىن ساۋداگەر قاتىناسىپ، جالپى 140 ساتىپ الۋ- ساتۋ توقتامى جاسالىپ، ساۋدالانعان ءتۇرلى اۋىل شارۋاشىلىق ونىمدەرى 193 مىڭ 600 تونناعا ، توقتام سوماسى 2 ميلليارد 773 ميلليون يۋانعا جەتتى. جىجياڭ ولكەسى سوڭعى جىلدارى  اقسۋ ايماعىمەن ىشكەرلەي سەلبەسۋدى كۇشەيتىپ، « ون قالا، ءجۇز دۇكەن» ينجەنەرياسىن اتقارىپ،  جەرگىلىكتى ساپالى جەمىس- جيدەك ونىمدەرىنىڭ جىجياڭدا ساتىلۋىن جەبەدى، وسى رەتكى جارمەنكەدە، جىجياڭنىڭ 11 كاسىپورنى اقسۋمەن ساتىپ الۋ- ساتۋ توقتامىن جاساستى. مۇندا جىجياڭنىڭ نيڭبوسىنداعى يىنجوۋ كايشى اۋىل شارۋاشىلىق عىلىم- تەحنيكا شەكتى سەرىكتەستىگى ءبىر جولدا ءۇشتۇرپان اۋدانى يىڭگى اۋىل شارۋاشىلىق دامۋ شەكتى سەرىكتەستىگىنىڭ ءبىر مىڭ 500 توننا نوقاتتىڭ قۇنىتتاپ مانەرلەنگەن ءونىمىن تاپسىرىس بەرىپ الدى، بۇل نوقات  قويمالجىڭى ۇنتاعى، نوقات اسقاباق بوتقاسى سياقتىلاردى قامتىپ، ساتىپ الۋ جالپى باعاسى 23 ميلليون يۋانعا جەتتى. سەرىكتەستىكتىڭ جاۋاپتىسى سۇڭ جيا: «بۇرىن تەك شينجياڭنىڭ جاڭعاق ، شىلان ونىمدەرىن ساتىپ الاتىنبىز، كەپتىرىلگەن جەمىس تۇرىندەگى ونىمدەر باسىم كوپ مولشەردى يەلەيدى. وسى رەتكى جارمەنكەدە يىڭگى سەرىكتەستىگىنىڭ نوقات ساپاسىنىڭ توتەنشە جاقسى،  ءدامىنىڭ دە نەداۋىر تاماشا ەكەنىن بايقادىق. سوندىقتان بۇل جولى شينجياڭنىڭ ءۇشتۇرپان اۋدانىنداعى نوقاتتى ىشكى ولكەگە اپارىپ، جىجياڭ حالقىنىڭ نوقاتتىڭ ءدامىن تاتىپ كورۋىنە مۇمكىندىك جاساماقشىمىز»،- دەدى. 
     كۇشار اۋدانىنداعى حۋانجياڭ جەمىس- جيدەك  كوپەراتيۆى ءۇرتىس بەس كەزەكتى جارمەنكەگە قاتىناسىپ، بەس جىلدان بەرى  دامىپ جەرگىلىكتى تىرەكتى كاسىپورىنعا اينالدى. وسى رەتكى جارمەنكەدە، كوپەراتيۆ سانشيدىڭ فىنياڭىنداعى زىياڭ جاڭعاق كوپەراتيۆىمەن 2 مىڭ توننالىق جاڭعاق جەلىلەس ونىمدەرىن ساتۋ توقتامىن جاساستى. كوپەراتيۆتىڭ جاۋاپتىسى جاڭ حاييىڭ: « وسى بەس جىلدا، ءبىز توقتامداسقان جالپى تيجارات سومامىز 70 ميلليون يۋاننان اسىپ، بيىلعى توقتام سوماسى ەڭ جوعارى بولىپ، توقتامداسۋ سومامىز 34 ميلليون يۋانعا جەتتى. قازىر كوپەراتيۆىمىزدە 40 قا جۋىق ادام بار، وسى رەتكى تاپسىرىس بۇرىنعىدان دا كوپ كوپەراتيۆ مۇشەسىن كىرىستى ارتتىرىپ اۋقاتتانۋعا جەبەپ، الداعى ءوندىرىسىمىز جانە تيجاراتىمىزعا اسا زور كومەگى تيەدى»،- دەدى.  
   قازىر اقسۋ ايماعىنداعى جەمىس اعاشى ەگىلگەن اۋماق 4 ميلليون 500 مىڭ مۋعا جەتىپ، جالپى ءونىم مولشەرى 2 ميلليون 350 مىڭ توننادان اسىپ، جەمىس اعاشى كىرىسى ديحانداردىڭ كىسى باسىندىق تازا كىرىسىنىڭ %32 تىن يەلەدى. اقسۋ ايماقتىق  پارتكوم اۋىل شارۋاشىلىق كەڭسەسىنىڭ ورىنباسار مەڭگەرۋشىسى جيڭ يۇڭيۋان:  كەلەسى كەزەكتە، ءبىز  اقسۋدىڭ ساپالى ەرەكشە اۋىل شارۋاشىلىق ونىمدەرىن ۇگىتتەۋ تانىستىرۋ تەبىنىن ونان ارى كۇشەيتىپ، « سىرتقا شىعۋ» ستراتەگياسىن اتقارىپ،  اۋىل شارۋاشىلىعىن كاسىپ سالالاندىرۋدى ىلگەرلەتەمىز، « ون قالا، ءجۇز دۇكەن» ينجەنەرياسىن  ۇزدىكسىز تەرەڭدەتىپ، «ءجۇز، ون، ءبىر» بازاسى، « ون  قويما، جۇز كاسىپورىن» ينجەنەريا قۇرىلىسىنىڭ تەبىنىن ارتتىرىپ،  اۋىل شارۋاشىلىق ونىمدەرىنىڭ كەلۋ قاينارىن انىقتايتىن جۇيەنى بىرتىندەپ ورناتىپ، ايگىلى ماركا قۇرىلىسىن كۇشەيتىپ، جەمىس اعاشى شارۋاشىلىعىنىڭ جوعارى ساپالى دامۋىن ىلگەرلەتەمىز»،- دەدى.

 


بەرىپ كەت ورامالىڭدى

دوستار

الىستاعى اق ەركە