جاڭا حابارلار

 دۇنيە جۇزىلىك رۋحاني دەنساۋلىق ساقتاۋ كۇنى، بيىلعى باستى تاقىرىپ: « اقاۋسىز پسيحيكا . كوڭىلدى تۇرمىس ــــــ بالالار مەن ورەندەردىڭ پسيحيكا اقاۋسىزدىعى». بىرنەشە كۇننەن بەرى، رايونىمىزداعى كوپتەگەن شيپاحانالار مىندەتتى ەمدەۋ قيمىلىن ورىستەتىپ، ءار ۇلت بۇقاراسىنا پسيحيكالىق اقىل-كەڭەس بەرۋ، دياگنوز قويۋ، ەمدەۋ جاعىندا تەگىن قىزمەت وتەدى

    كەلۋ قاينارى: شينجياڭ حالىق راديو ىستانسياسى    2018-10-11 11:53:56  


10- :ستانسيامىزدىڭ ءتىلشىسى ءلان تيان مەن پراكتيكانت ءتىلشى رىن شينجيەنىڭ  حابارى
ايدىڭ 10- كۇنى  ـــــ دۇنيە جۇزىلىك رۋحاني دەنساۋلىق ساقتاۋ كۇنى، بيىلعى باستى تاقىرىپ: « اقاۋسىز پسيحيكا . كوڭىلدى تۇرمىس ــــــ بالالار مەن ورەندەردىڭ پسيحيكا اقاۋسىزدىعى». بىرنەشە كۇننەن بەرى، رايونىمىزداعى كوپتەگەن شيپاحانالار مىندەتتى ەمدەۋ قيمىلىن ورىستەتىپ، ءار ۇلت بۇقاراسىنا پسيحيكالىق اقىل-كەڭەس بەرۋ، دياگنوز قويۋ، ەمدەۋ جاعىندا تەگىن قىزمەت وتەدى.   10- ايدىڭ 10- كۇنى تۇستەن بۇرىن، شينجياڭ مەديتسينا داشۋەسىنە قاراستى 1- شيپاحانا، اۆتونوميالى رايوندىق حالىق شيپاحاناسى، ءۇرىمجى قالالىق بالالار شيپاحاناسى سياقتى كوپتەگەن ەمدەۋ قۇرىلىمدارى مىندەتتى ەمدەۋ ۇگىت قيمىلىن جاپپاي ورىستەتىپ،  بالالار مەن ورەندەردىڭ پسيحيكا اقاۋسىزدىعى بىلىمدەرىن جالپىلاستىردى.  اۆتونوميالى رايوندىق حالىق شيپاحاناسى كىلينيكالىق ەمدەۋ پسيحيكا ءبولىمىنىڭ مەڭگەرۋشىسى زوۋ شاۋحۇڭ تىلشىگە بىلاي دەدى:  سوڭعى جىلداردان بەرى،  پسيحيكالىق اۋرۋى سەبەپتى ەمدەلگەلى كەلەتىن بالالار مەن ورەندەردىڭ سانى نەداۋىر جوعارىلاۋدا. بالالاردىڭ كوڭىل-كۇيدەگى كەدەرگى ماسەلەسى بارعان سايىن ءجيى كورىلۋدە، بالالار مەن ورەندەردىڭ  ەمدەلۋ مولشەرى از دەگەندە %20 تە %40 تى ۇستايدى، بالالار مەن ورەندەردە ءجيى كورىلەتىن ناۋقاستاردان جانە  قوس اۋىسىمدى كوڭىل-كۇيدەگى كەدەرگى ماسەلەسى جانە بالالاردىڭ تىنىشسىزدىق اۋرۋى كورىلۋدە.      ءۇرىمجى قالالىق 4 - حالىق شيپاحاناسىنىڭ مىندەتتى ەمدەۋ قيمىلى وتكىزىلگەن جەردە،  قالا تۇرعىنى فاڭ حانىم بالاسىنىڭ ەمدەلۋ جاعدايىن سۇرادى، 2016 - جىلى، فاڭ حانىمنىڭ ورتا مەكتەپ 3 - جىلدىعىندا وقيتىن ۇلىندا مىنەزى قۇبىلۋ، كوڭىل - كۇيى بۇزىلۋ سياقتى ناۋقاس بەلگىلەرى بايقالادى. فاڭ حانىم : «قازىر اناعۇرلىم كوپ بالا وسىنداي اۋرۋعا شالدىعىپ وتىر، كەيبىر بالالار 14 جاسىندا وسىنداي اۋرۋعا كىرىپتار بولدى، سوندىقتان اتا - انانىڭ قىسىمى دا زور» ، ــ دەدى.    مەملەكەتتىك دەنساۋلىق ساقتاۋ اقاۋسىزدىق كوميتەتى جاريالاعان ەڭ جاڭا ساندى مالىمەتكە نەگىزدەلگەندە، ەلىمىزدە 17 جاستان تومەن بالالار مەن ورەندەردىڭ ىشىندە، 30 ميلليونداي ادامدى كوڭىل - كۇيدەگى كەدەرگى مەن ارەكەتىندەگى ءتۇرلى ماسەلە مازالاعان. ءۇرىمجى قالالىق 4 - حالىق شيپاحاناسى بالالار پسيحيكاسى ءبولىمىنىڭ مەڭگەرۋشىسى ياڭ چاۋ بىلاي دەپ ەسكەرتتى:  بالالاردىڭ، جاستار مەن ورەندەردىڭ ەسەيىپ - ەرجەتۋ كەزەڭىندە مەكتەپ اۋىستىرۋى، جوعارى مەكتەپ تۇرمىسىن باستاۋى سياقتى ورتا وزگەرىستەرى تۇگەلدەي ولارعا قىسىم تۋدىرادى جانە قوبالجۋ سەزىمىن اكەلەدى، بالالار ءوزىن دۇرىس تانۋعا جانە باعالاۋعا قۇلشىنىپ، قالىپتى قوعامدىق قارىم - قاتىناستى كۇشەيتۋ كەرەك، اتا - انالار مەن مەكتەپ ولارعا عىلمي مامىلە جاساپ، تاربيەلەۋ بارىسىندا بالالاردىڭ، جاستار مەن ورەندەردىڭ پسيحيكالىق دامۋ قاعيداسىنا بويسىنىپ، بالالاردى اناعۇرلىم كوپ قولداۋ جانە ولارعا كومەكتەسۋ كەرەك، ول بىلاي دەدى: « باسىم كوپ پسيحيكالىق اۋرۋ ماسەلەسىنىڭ تۋىلۋ سەبەبى بالالىق جانە وسپىرىمدىك كەزدە باستالادى، ەگەر بالانىڭ ۇقساس جاستاعى بالالارمەن ۇقسامايتىن جەرى، وزگەشە بەينەسى بولسا، شيپاحاناعا ەرتەرەك بارىپ تەكسەرتىپ، ەرتە بايقاپ، ەرتە دياگنوز قويىپ، ەرتە ارالاسۋ كەرەك».   
 


بەرىپ كەت ورامالىڭدى

دوستار

الىستاعى اق ەركە