جاڭا حابارلار

ج ك پ ورتالىق كوميتەتىنىڭ كەڭسەسى «باقىلاۋ، تەكسەرۋ، باعالاۋ قىزمەتتەرىن ءبىر تۇتاس ارناعا ءتۇسىرۋ  جونىندەگى قۇلاقتاندىرۋدى» باسىپ تاراتتى

    كەلۋ قاينارى: شينجياڭ گازەتى    2018-10-11 18:43:17  

شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى. جۋىقتا ج ك پ ورتالىق كوميتەتىنىڭ كەڭسەسى «باقىلاۋ، تەكسەرۋ، باعالاۋ قىزمەتتەرىن ءبىر تۇتاس ارناعا ءتۇسىرۋ جونىندەگى قۇلاقتاندىرۋدى» باسىپ تاراتتى. تولىق ءماتىنى تومەندەگىدەي:  پارتيا 19 - قۇرىلتايىنىڭ رۋحى مەن پارتيا ورتالىق كوميتەتىنىڭ شەشىم - ورنالاستىرۋلارىنىڭ دايەكتىلەنۋى مەن تياناقتانۋىن اناعۇرلىم ويداعىداي ىلگەرىلەتىپ، پارتيانى جاپپاي قاتاڭ جونگە سالۋدى ىشكەرىلەي جەبەپ، قىزمەت ستيلىن ونان ارى جاقسارتىپ، فورماشىلدىق پەن تورەشىلدىكتى باتىل اۋىزدىقتاۋ ءۇشىن، ورتالىق كوميتەتتەگى باسشى جولداستاردىڭ ماقۇلداۋىمەن، باقىلاۋ، تەكسەرۋ، باعالاۋ قىزمەتتەرىن ءبىر تۇتاس ارناعا ءتۇسىرۋ جونىندە مىنالاردى قۇلاقتاندىرامىز.  ءبىرىنشى، يدەيالىق تانىمدى جوعارىلاتىپ، جالپى تالاپتى ايقىنداۋ  باقىلاۋ، تەكسەرۋ، باعالاۋ قىزمەتتەرى − پارتيانىڭ نازارياسى مەن لۋشيان، باعىت - ساياساتتارىنىڭ، پارتيا ورتالىق كوميتەتىنىڭ شەشىم - ورنالاستىرۋلارىنىڭ دايەكتىلەنۋى مەن تياناقتانۋىن ىلگەرىلەتەتىن ماڭىزدى ءتاسىل، پارتيا ستيلىن جاقسارتىپ، قالىڭ كادرلاردى جاۋاپكەرشىلىك ارقالاۋ مەن ىسكەرلىك تانىتۋعا ىنتالاندىراتىن ماڭىزدى شارا. سوڭعى جىلدارى، باقىلاۋ، تەكسەرۋ، باعالاۋ قىزمەتتەرى ۇزبەي كۇشەيىپ، ىنتالاندىراتىن، قامشىلايتىن جەتەكشىلىك رولى پارمەندى تۇردە ساۋلەلەندى، ءسوز جوق، بۇلجىماي يگەرە ءتۇسۋ كەرەك. الايدا ءتۇرى تىم كوپ، جيىلىگى تىم جوعارى بولۋ، ءار جاقتان قاباتتاسۋ، ءىز - دەرەككە باسا نازار اۋدارىپ، ناتيجەگە ءمان بەرمەۋ سياقتى ماسەلەلەر دە ورىن تەۋىپ، جەرگىلىكتى ورىندار مەن نەگىزگى ساتىلار قابىلداپ ۇلگەرە الماي اۋىر جۇككە اينالىپ، كادرلار مەن بۇقارانىڭ اڭىسى كۇشتى بولىپ وتىر، بۇل نازاردى تياناقتاندىرۋدى مىقتى يگەرۋگە شوعىرلاندىرۋعا ءتيىمسىز بولىپ قالماستان، فورماشىلدىق پەن تورەشىلدىككە جەل بەرىپ، پارتيا مەن بۇقارانىڭ، كادرلار مەن بۇقارانىڭ قارىم - قاتىناسىنا نۇقسان كەلتىردى، بۇنى، ءسوز جوق، بەلدى بەكەم بايلاپ ىشكەرىلەي شەشىپ، باقىلاۋ، تەكسەرۋ، باعالاۋ قىزمەتتەرىن اناعۇرلىم جاقسى، اناعۇرلىم ءونىمدى جۇرگىزۋ كەرەك.   باقىلاۋ، تەكسەرۋ، باعالاۋ قىزمەتتەرىن جاقسى ىستەۋدىڭ جالپى تالابى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، «ءتورت تانىمدى» بەرىك ورناتىپ، «ەكىنى قورعاۋدى» باتىل ورىنداپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇش سالا كۇشەيتىپ، ءار دارەجەلى پارتكومداردىڭ ءبىر تۇتاس سايكەسۋىن قاتايتىپ، جالپى كولەمدى قاتاڭ تىزگىندەپ، جوعارىنىڭ تومەنگە ونەگە كورسەتۋىنە تاباندى بولىپ، باقىلاۋ، تەكسەرۋ، باعالاۋ قىزمەتتەرىنىڭ عىلميلىعىن، باعىتتامالىلىعىن، تيىمدىلىگىن ۇزبەي نىعايتىپ، نەگىزگى ساتىنىڭ اۋىرتپالىعىن شىنايى جەڭىلدەتىپ، كادرلاردىڭ ىسكەرلىكتى ارداقتاپ، قيىنشىلىقتاردى جەڭەتىن جاۋاپكەرلىگى مەن مىندەتكەرلىگىنە ىشكەرىلەي دەم بەرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋگە، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى كۇش - قۋات توپتاۋ.  ەكىنشى، جالپى كولەمدى قاتاڭ تىزگىندەپ، جوسپارلى باسقارۋدى جولعا قويۋ  باقىلاۋ، تەكسەرۋ، باعالاۋ قىزمەتتەرىن ارناعا تۇسىرۋدە، ءسوز جوق، تۋ باستان مىقتاپ يگەرۋ، جوعارى دارەجەلى ورگانداردان باستاۋ كەرەك. پارتيا ورتالىق كوميتەتى، مەملەكەتتىك كەڭەس ءبىر تۇتاس ورنالاستىرعان جانە زاڭ - ەرەجەلەر بويىنشا قانات جايدىرىلعان باقىلاۋ، تەكسەرۋ، باعالاۋدان سىرت، ورتالىق پەن مەملەكەت ورگاندارىنداعى ءارقايسى تاراۋلاردىڭ جەرگىلىكتى پارتكومدار مەن ۇكىمەتتەردى نىسانا ەتكەن باقىلاۋ، تەكسەرۋ، باعالاۋ تۇرلەرىن ءوز بەتىمەن بەلگىلەۋىنە بولمايدى، تاراۋلاردىڭ حۇجاتتارىندا مەملەكەتتىك سيپاتقا يە باقىلاۋ، تەكسەرۋ، باعالاۋ ىستەرىن ءوز بەتىمەن بەلگىلەۋىنە بولمايدى، شىنىمەن قاجەت بولعاندا، ءبىر ءىستى ءبىر رەت مالىمدەۋى قاجەت. جالپى كولەم مەن جيىلىك - رەتىن قاتاڭ تىزگىندەۋ كەرەك، ورتالىق پەن مەملەكەت ورگاندارىنداعى ءارقايسى تاراۋلاردىڭ پرينسيپتىك جاقتان ءار جىلى ءبىر رەت امبەباپ باقىلاۋ، تەكسەرۋ، باعالاۋ جۇرگىزۋىنە بولادى، ۇقساس تۇردەگى ىستەرگە بىرىككەن باقىلاۋ، تەكسەرۋ، باعالاۋ جۇرگىزۋگە بولادى، كوپ تاراۋعا قاتىستى بولعاندا، بىرلەسكەن گرۋپپا - ۇيىرمەلەر جىبەرىپ، قايتالاۋدان، توپىرلاتۋدان، ساتىلار بويىنشا اۋىرتپالىق سالۋدان ساقتانۋ كەرەك، ەل - جۇرتتى دۇرلىكتىرىپ، اۋدان، اۋىل، قىستاق پەن زاۆود، كەن، كاسىپورىن، مەكتەپتەردى اياعىنان تىك تۇرعىزىپ، جەرگىلىكتى ورىن مەن نەگىزگى ساتىلاردىڭ قالىپتى قىزمەتىنە ىقپال جەتكىزۋگە بولمايدى. تاراۋلاردىڭ باقىلاۋ، تەكسەرۋ، باعالاۋىندا ورتالىقتىڭ اتىن جامىلۋعا بولمايدى، جايشىلىقتاعى تەكسەرۋ - زەرتتەۋ مەن قىزمەتكە جەتەكشىلىك ەتۋگە باقىلاۋ، تەكسەرۋ، شارلاۋ، قاداعالاۋ، قۋزاۋ، ت.ب اتتاردى كەلسە - كەلمەس بەرۋگە بولمايدى.   جىلدىق جوسپار مەن قاراۋ، بەكىتۋ، حابارلاۋ ءتۇزىمى اتقارىلادى. ورتالىق پەن مەملەكەت ورگاندارىنداعى ءارقايسى تاراۋلار جەرگىلىكتى پارتكومدار مەن ۇكىمەتتەرگە جانە ءوز جۇيەسىنە قاتىستى مەملەكەتتىك سيپاتتى باقىلاۋ، تەكسەرۋ، باعالاۋ ىستەرىن ورىستەتپەك بولسا، سالالىق باسقارۋ پرينسيبى بويىنشا، جىل باسىندا جەكە - جەكە ورتالىق كوميتەت كەڭسەسى مەن مەملەكەتتىك كەڭەس كەڭسەسىنىڭ اقىلداسۋىنا، قاراۋىنا مالىمدەۋ قاجەت، ورتالىق كوميتەت كەڭسەسى ءبىر تۇتاس پارتيا ورتالىق كوميتەتىنىڭ قاراپ، بەكىتۋىنە جولداپ، جىلدىق جوسپار تۇرىندە باسىپ تاراتىپ، اتقارۋعا جىبەرەدى. شۇعىل، تۇتقيىل ىستەر جونىندەگى باقىلاۋدى، تەكسەرۋدى ءتارتىپ بويىنشا مالىمدەپ بەكىتتىرگەننەن كەيىن اتقارۋعا بولادى. ولكە، اۆتونوميالى رايون، توتە قاراستى قالالار جۇرگىزەتىن ولكەلىك دەڭگەيدەگى باقىلاۋ، تەكسەرۋ، باعالاۋ بويىنشا دا جىلدىق جوسپار جاسالىپ، ورتالىق كوميتەت كەڭسەسىنىڭ ارحيۆكە الۋىنا جولداۋ كەرەك.   ءۇشىنشى، قىزمەت ناتيجەسىنە ءمان بەرىپ، ءادىس - تاسىلدەردى جاقسارتۋ  تەكسەرۋ، باعالاۋ جۇيەسىن كەمەلدەندىرىپ، پارتيا ورتالىق كوميتەتىنىڭ شەشىم - ورنالاستىرۋلارىنىڭ دايەكتىلەنۋ، اتقارىلۋ جاعدايىن كورنەكتىلەندىرىپ، كورسەتكىشتەردى عىلمي، ۇيلەسىمدى بەلگىلەپ، مازمۇنىنا قاراي دامىعان وڭىرلەر مەن دامۋى كەنجە قالعان وڭىرلەردى، قالالار مەن اۋىل - قىستاقتاردى، جەرگىلىكتى ورىندار مەن تاراۋلاردى، ورگاندار مەن ءىسورىن، كاسىپورىنداردى، ت.ب ايىرىپ، دارالانعان تالاپتاردى ايقىنداپ، «ءبىر پىشاقپەن كەسۋدەن»، «ءبىر قازاندا قايناتۋدان» اباي بولۋ كەرەك. باقىلاۋ، تەكسەرۋ، باعالاۋ ادىستەرىن جاقسارتۋ، قاجەتتى ەستەلىكتەر مەن ەسەپشوتتاردى قاراۋ، الايدا، باستىسى، قىزمەت ناتيجەسىنە قاراۋ كەرەك، نەگىزگى ساتىدان كەستە تولتىرىپ، ماتەريال جولداۋدى ءبىرىڭعاي تالاپ ەتۋگە، قىزمەتتىڭ جاقسى - جامان جۇرگىزىلگەنىنە تەك ءىز - دەرەكتىڭ از - كوپتىگى تۇرعىسىنان عانا باعا بەرۋگە، قىزمەتتى ورنالاستىرا سالا باقىلاۋ، تەكسەرۋ جاساۋعا، جايعاستىرا سالا باعالاۋ جۇرگىزۋگە بولمايدى، قۇر ساۋلەتكە قۇمارتۋعا، سالت - مۇراسىمدەردى كوبەيتۋگە، كوز بوياۋشىلىق ىستەۋگە بولمايدى. بۇقارالىق لۋشياننان جازباي، ۇدايى ۇعىسۋدى كۇشەيتىپ، جۇمىس باسىنا كوبىرەك بارىپ، ناقتى ىستەردى كوبىرەك كوزبەن كورىپ، بۇقارانىڭ ايتقانىنا كوبىرەك قۇلاق ءتۇرىپ، رەفورمانىڭ دامۋى مەن ساياساتتاردىڭ تياناقتانۋ جاعدايىنا جانە بۇقارانىڭ تابىس سەزىمى مەن رازىلىق دەڭگەيىنە كوبىرەك نازار اۋدارعان ءجون. باقىلاۋ، تەكسەرۋدە ماسەلەنى باعدار ەتۋدى كورنەكتىلەندىرىپ ءارى تياناقتاندىرۋ بارىسىندا ورىن تەپكەن ماسەلەنى قاداعالاي بايقاۋ، ءارى قاتىستى ساياساتتاردىڭ كەمەلدەندىرۋگە ءتيىستى تۇستارىن دەر كەزىندە ۇعىسۋ كەرەك. باقىلاۋ، تەكسەرۋ، باعالاۋ بارىسىندا بايقالعان ماسەلەلەردى ۇيلەسىمدى تاسىلدەرمەن اڭىس ەتىپ، تۇزەتۋگە قۋزاۋدى كۇشەيتۋ قاجەت، جەڭىل - جەلپى جاۋاپقا تارتۋدى تۇزەتۋدىڭ ورنىنا قويۋعا، ءومىر بويى جاۋاپقا تارتۋدى جەڭىل - جەلپى قولدانۋعا دا بولمايدى. باقىلاۋ، تەكسەرۋ، باعالاۋ تاسىلدەرىن جاڭالاپ، ينفورماتسيالانعان تاسىلدەردەن ۇتىمدى پايدالانىپ، ينفورماتسيا بايلىعىن ورتاقتاسۋدى ىسكە اسىرىپ، 3 - جاقتىڭ ساراپتاۋىن ساپالىلاندىرىپ، باقىلاۋ، تەكسەرۋ، باعالاۋدىڭ ساپاسى مەن تيىمدىلىگىن جوعارىلاتۋ كەرەك.   ءتورتىنشى، ۇيىمدىق باسشىلىقتى كۇشەيتىپ، جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋ  وڭىرلەردىڭ، تاراۋلاردىڭ پارتكومدارى (پارتيا باسشىلىق گرۋپپاسى) سۋبيەكتتىك جاۋاپكەرشىلىكتى قاتايتىپ، ۇيىمدىق باسشىلىقتى كۇشەيتۋى كەرەك. ورتالىق دەڭگەيدە ورتالىق كوميتەت كەڭسەسى باس بولعان، ورتالىق پەن مەملەكەت ورگاندارىنداعى ءارقايسى تاراۋلار ات سالىسقان ءبىر تۇتاس سايكەستىرۋ مەحانيزمى ورناتىلىپ، باقىلاۋ، تەكسەرۋ، باعالاۋ قىزمەتتەرىن جوسپارلى باسقارۋ مەن باقىلاپ اتقارتۋدى كۇشەيتەدى. ارناۋلى اداقتاۋ ورىستەتىپ، ورتالىق پەن مەملەكەت ورگاندارىنان باستاپ، ءار دارەجەلى پارتكومدار مەن ۇكىمەتتەرگە دەيىن فورماشىلدىققا سالىنعان، حالىقتى قيناپ، قازىنانى شاشاتىن، كوز بويايتىن باقىلاۋ، تەكسەرۋ، باعالاۋ ىستەرىن باتىل دوعارىپ، مولشەرىن قاۋىرت ىقشامداۋ، اۋدان، اۋىل، قىستاقتار مەن زاۆود، كەن، كاسىپورىن، مەكتەپتەرگە جۇرگىزىلەتىن باقىلاۋ، تەكسەرۋ، باعالاۋ ىستەرىن %50تىڭ ۇستىندە ازايتۋ كەرەك. اداقتاۋدان كەيىن ساقتالعان ىستەردى تىزىمدىك بويىنشا باسقارۋ، جاريا ۇستاۋعا بولسا جاريا ۇستاپ، قوعامدىق باقىلاۋدى قابىلداپ، تياناقتى اتقارۋعا كەپىلدىك ەتىپ، قايتا كەرى قايتۋدان، قايتا ورشۋدەن قاتاڭ ساقتانۋ كەرەك. وڭىرلەر، تاراۋلار اداقتاۋ جاعدايىن ورتالىق كوميتەت كەڭسەسىنە مالىمدەۋى كەرەك.  باقىلاۋ، تەكسەرۋ، باعالاۋ جەتىستىكتەرىن تالداۋدى، قولدانۋدى كۇشەيتىپ، ىسكەرلىككە، ناتيجەگە ءمان بەرۋ باعدارىن ايقىن ورناتىپ، ساياسيدا تاباندى، سەرگەك تە ىسكەر كادرلاردى ماداقتاۋ جانە ىنتالاندىرۋ، ءىسى ماندىمسىز، ءونىمسىز، تۇرلاۋسىز كادرلاردى ساقتاندىرۋ جانە جازالاۋ كەرەك. ءتۇرلى ارىز - شاعىم، اشكەرەلەۋ حاتتارى جونىندە، تەكسەرۋ ارقىلى شىنىمەن ماسەلە بولسا تارتىپكە، زاڭعا سايكەس ءبىر جاقتى ەتۋ، ماسەلە بولماسا دەر كەزىندە انىقتاپ، اشىق تۇردە اتاق - ابىرويىن قالپىنا كەلتىرۋ، جالا جاپقان، قاستاندىق جاساعان ادامنىڭ جاۋاپكەرشىلىگىن قاتاڭ قۋزاستىرۋ، جۇرەكتىلىكپەن جاۋاپكەرشىلىك ارقالاپ، ىسكەرلىك تانىتاتىن، بۇرىس ستيل، تەرىس پيعىلدارعا باتىل قارسى تۇراتىن تاماشا ساياسي ەكولوگيانىڭ قالىپتاسۋىن ىلگەرىلەتۋ كەرەك.   وڭىرلەر، تاراۋلار ءىس جۇزىندىك جاعدايعا ۇشتاستىرىپ، قۇلاقتاندىرۋدى دايەكتىلەندىرۋدىڭ، تياناقتاندىرۋدىڭ ناقتى شارالارىن جاسايدى.


بەرىپ كەت ورامالىڭدى

دوستار

الىستاعى اق ەركە