جاڭا حابارلار

شي جينپيڭ انگولانىڭ زۇڭتۇڭى لورەنسۋمەن كەڭەس وتكىزدى

    كەلۋ قاينارى: شينجياڭ گازەتى    2018-10-11 18:59:28  

ەكى ەلدىڭ مەملەكەت باسشىلارى ەكى ەل قارىم - قاتىناسىنىڭ العا قاراي بەلسەندى،  جەدەل دامۋىن ۇزدىكسىز ىلگەرىلەتۋدى ءبىر اۋىزدان قۇپتادى  شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 10 - ايدىڭ 9 - كۇنى حالىق سارايىندا انگولانىڭ زۇڭتۇڭى لورەنسۋمەن كەڭەس وتكىزدى.  شي جينپيڭ لورەنسۋدىڭ جۇڭگوعا مەملەكەتتىك ساپارمەن كەلگەندىگىن قارسى الىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى اياقتاپ ءبىر ايدان سوڭ، لورەنسۋمەن تاعى دا كەزدەسكەندىگىنە وتە قۋانىشتى ەكەندىگىن ءبىلدىردى. شي جينپيڭ مىنالاردى اتاپ كورسەتتى: بەيجيڭدەگى باسشىلار باس قوسۋىنىڭ تابىستى بولۋى جۇڭگو - افريكا، جۇڭگو - انگولا قارىم - قاتىناسىنىڭ دامۋىنا تىڭ قوزعاۋشى كۇش ۇستەپ، جاڭا وراي اكەلدى. تاراپتار بىرگە قۇلشىنىپ، جۇڭگو - انگولا قارىم - قاتىناسىنىڭ العا قاراي بەلسەندى، جەدەل دامۋىن ۇزدىكسىز ىلگەرىلەتۋ كەرەك. جۇڭگو جۇڭگو مەن انگولا ەلدەرى سەلبەستىگىنىڭ بولاشاعىنا تولىق سەنىممەن قارايدى.  
 شي جينپيڭ مىنالاردى باسا دارىپتەدى: تاراپتار ساياسيداعى ءوزارا سەنىمدىلىكتى نىعايتىپ، جوعارى جىكتەگىلەردىڭ بارىس - كەلىسىن جيىلەتىپ، ستراتەگيالىق پىكىرلەسۋدى كۇشەيتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا ءتۇسىنىسۋ، ءوزارا قولداۋ كورسەتۋ كەرەك. جۇڭگو افريكا ەلدەرىنىڭ تاريحي كەشۋىن ءوز باسىنان وتكەرگەندەي سەزىنەدى، افريكا ەلدەرىنىڭ سىرتتىڭ كيلىگۋىنە قارسى تۇرۋىنا، دامۋ جولىن دەربەس تاڭداۋىنا باتىل قولداۋ كورسەتەدى. جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەمىستەرىن تياناقتاندىرىپ، «سەگىز ءىرى ارەكەتكە» قاتىستى شارالاردىڭ ەرتەرەك تياناقتانۋىن ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدى جەبەپ، دامۋ ستراتەگيالارىن ءوزارا ۇشتاستىرۋدى كۇشەيتىپ، ءداستۇرلى سالالارداعى سەلبەستىكتى نىعايتىپ، جاڭا ارتۋ تۇيىندەرىن كەڭەيتىپ، ەكى ەلدىڭ ءوزارا ءتيىمدى سەلبەستىگى ءۇشىن جاڭا جارقىن ءتۇيىن قالىپتاستىرىپ، انگولانىڭ ونەركاسىپتەنۋ جانە ەكونوميكانى كوپ نەگىزدەندىرۋ اياق الىسىن جەبەۋ كەرەك. ادامداردىڭ جانە جەرگىلىكتى ولكە، قالالاردىڭ بارىس - كەلىسىن كەڭەيتىپ، جۇڭگو مەن انگولانىڭ وركەنيەتتە ءوزارا ۇلگى الۋىن، حالىقتار تىلەگىنىڭ توعىسۋىن جەبەۋ كەرەك. حالىقارالىق سەلبەستىك ورىستەتىپ، كوپ جاقتى سايكەسۋدى، سەلبەسۋدى جيىلەتىپ، كوپ جاقتىلىقتى بىرگە قورعاپ، اشىق الەمدىك ەكونوميكا قۇرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بولۋىن ىلگەرىلەتۋ كەرەك.  
 لورەنسۋ مىنالاردى ءبىلدىردى: انگولا مەن جۇڭگو جوعارى جىكتەگىلەردىڭ ءجيى بارىس - كەلىس ساقتاۋى ەكى جاقتىڭ ەكى ەل قارىم - قاتىناسىنا ايرىقشا ءمان بەرەتىندىگىن ايگىلەدى. ۇزاقتان بەرى، انگولا - جۇڭگو سەلبەستىگى انگولانىڭ ەكونوميكالىق، قوعامدىق دامۋىندا بەلسەندى رول اتقاردى. انگولا ەكى ەلدىڭ نەگىزدىك قۇرىلعى قۇرىلىسى جانە حالىق تۇرمىسى سالاسىنداعى سەلبەستىكتى ونان ارى كۇشەيتۋدى، انگولا مەملەكەتىنىڭ دامۋىنا اناعۇرلىم ويداعىداي سەرپىن بەرۋدى كۇتەدى. جۇڭگو - افريكا سەلبەستىك تالقى مىنبەرى جۇڭگونىڭ تۇتاس افريكامەن سەلبەستىگىن جەبەدى. افريكا ەلدەرى جۇڭگونىڭ افريكا قۇرلىعىنىڭ ءىس جۇزىندىك قاجەتىنە قاراي افريكامەن سەلبەستىك ورىستەتىپ، ناقتى شارالار قولدانعاندىعىن، سونداي - اق ەشقانداي ساياسي شارت قويماعاندىعىن، افريكا ەلدەرىنىڭ ىشكى ىستەرىنە ارالاسپاعاندىعىن ايرىقشا القايدى. جۇڭگونىڭ جۇڭگو - افريكا سەلبەستىك تالقى مىنبەرى اياسىندا ورتاعا قويعان سەلبەستىك جوسپارى افريكا ەلدەرىنىڭ دامۋىندا ەرەكشە بەلسەندى ىقپالعا يە. انگولا - جۇڭگو سەلبەستىگىنىڭ افريكا - جۇڭگو سەلبەستىگىنىڭ ۇلگىسى بولۋىن ءۇمىت ەتەمىن. انگولا جۇڭگونىڭ حالىقارالىق ىستەردەگى ماڭىزدى ىقپالىنا ءمان بەرىپ، جۇڭگونىڭ افريكاداعى تولعاقتى ماسەلەلەردى لايىقتى شەشۋدە ورەلى رول اتقارعاندىعىن جوعارى باعالايدى. انگولا كوپ جاقتىلىقتى قولدايدى، الەمنىڭ بولاشاعىن ءار ەل بىرگە شەشۋدى دارىپتەيدى، جۇڭگومەن كوپ جاقتى ىستەردەگى سەلبەستىكتى جيىلەتۋدى قالايدى. 
  كەڭەستەن كەيىن ەكى ەلدىڭ مەملەكەت باسشىلارى ەكى جاقتى سەلبەستىك حۇجاتتارىنا قول قويۋعا بىرگە كۋا بولدى.  

 كەڭەستىڭ الدىندا شي جينپيڭ حالىق سارايىنىڭ شىعىس ەسىگىنىڭ الدىنداعى الاڭدا لورەنسۋگە ارناپ قارسى الۋ سالتىن وتكىزدى. پىڭ لييۋان، ياڭ جيەچى، شىن يۋەيۋە، ۋاڭ ي، حى ليفىڭ، حى ۋي، ت.ب قاتىناستى. 


بەرىپ كەت ورامالىڭدى

دوستار

الىستاعى اق ەركە