جاڭا حابارلار

تاڭداۋلى تۋىندىلارى ارقىلى شينجياڭ ءۇشىن ۋاكىل بولدى

    كەلۋ قاينارى: شينجياڭ حالىق راديو ىستانسياسى    2018-10-14 13:37:06  

     اقسۋ ايماقتىق تارىم ءان - ءبي ۇيىرمەسىنىڭ قويىلىم رەجيسسەرى، ارتيىس ءابدۇسالام كوركەمونەر سارا تۋىندىلارىن زەيىن قويا، بار ىقىلاسپەن جاراتىپ، ساحنادا تابيعي دا قاراپايىم ونەر كورسەتۋى ارقىلى كەيىپكەرلەردى كورەرمەندەردىڭ جۇرەگىنە ۇيالاتسا، ال ساحنا سىرتىندا، ول جاسامپازدىقپەن مۇقيات شۇعىلدانىپ، تاڭداۋلى تۋىندىلارى ارقىلى شينجياڭ ءۇشىن ۋاكىل بولدى.
    10- ايدىڭ 10 - كۇنى، اقسۋ قالاسى ايكول قالاشىعىنىڭ بازار كۇنى، ءابدۇسالام قىستاق تۇرعىندارىنا كومەكتەسىپ، قاربىز ساتۋمەن قاربالاس بولدى، ونىڭ ازىلدەپ ايتقان تاقپاعىمەن  ءبىر اربا قاربىز لەزدە ساتىلىپ بولدى.
    بيىل 40 جاستاعى ءابدۇسالام كىشكەنە كەزىنەن ويىن قويۋعا بەيىمى بار بولاتىن، 2014 -جىلى، ءتۇرلى ونەرگە جەتىلگەن ول اسكەري قوسىننان شەگىنىپ، تارىم ءان - ءبي ۇيىرمەسىندە قىزمەت ىستەيدى، ول «كوركەمونەردىڭ تۇرمىستان كەلەتىندىگىنە» تاباندى بولىپ، جاسامپازىق جاراتاتىن ارتيس بولۋعا قۇلشىنىپ، كورىنىستىك تەاتردەن تاقپاق، كومەديا، جەلدىرمەگە دەيىن ءابدۇسالامنىڭ جەتەكشىلىگىندە، ءان - ءبي ۇيىرمەسىنىڭ نومىرلەرىنىڭ فورماسى بىرتىندەپ مولايادى. ءابدۇسالام بىلاي دەدى: « ارتيستىڭ بورىشى ساحنا ارقىلى كوركەمونەردى كورەرمەندەرگە كورسەتۋ، نومىرلەرىمىز ارقىلى  دايىنداعان وڭ ەنەرگيا تۋىندىلارىن، جاقسى دۇنيەلەردى جەتكىزىپ، ءار ۇلت بۇقاراسىنىڭ ›بەس مۇراتتاستىعىن‹ كۇشەيتەمىز».
     كوپ ادام وسى ساحنا ارقىلى ءابدۇسالامدى تانىدى، ونىڭ قويعان ويىنى ارقىلى ىقىلاستى دا قاراپايىم شينجياڭدىقتاردى ءتۇسىندى. ول دايىنداۋعا قاتىناسقان «قىستاقتا تۇرعانداردىڭ اڭگىمەسى» اتتى كورىنىستىك ءان - ءبي تەاترى قازىرگە دەيىن وڭتۇستىك شينجياڭدا 60 رەت ارالاپ قويىلدى؛ ول ۇسىنىس بويىنشا ورتالىق تەلەۆيزياسىنىڭ «اۋىل - قىستاق الەمى ـــــ اقسۋعا ات باسىن بۇرۋ» اتتى باعدارلامانى الۋىنا قاتىناسىپ، جۇرگىزۋشى «قوجاناسىردىڭ» رولىنا شىقتى؛ 2017 -جىلى، ورتالىق تەلەۆيزيانىڭ شاعانعا ارنالعان بىرلەسكەن ساۋىق كەشىندە، ول «تيانشانعا سۇيىسپەنشىلىك» اتتى كومەديادا «قۇرباننىڭ » رولىن الىپ شىعادى، بۇل ءارى شينجياڭنىڭ ءتىل تۇرىندەگى باعدارلاماسىنىڭ  شاعانعا ارنالعان بىرلەسكەن ساۋىق كەشتىڭ ساحناسىنا تۇڭعىش رەت قويىلۋى. ءابدۇسالام  : « مادەنيەت قىزمەتكەرى سالاۋاتىممەن، مەن مادەنيەت سەنىمىمدى ،ءسوز جوق، بەكەمدەيمىن، سوتسياليستىك وركەنيەتتىڭ كوركەيىپ - گۇلدەنۋىن جەبەۋ، وتە - موتە، جۇڭحۋانىڭ ءداستۇرلى  مادەنيەتىنە مۇراگەرلىك ەتۋ-مەنىڭ بورىشىم جانە مىندەتىم»، ـــ دەدى.
     اسكەر، ارتيس بولعان ءابدۇسالام بيىل تاعى اقسۋ ايماقتىق تارىم ءان - ءبي ۇيىرمەسىنىڭ اقسۋ قالاسى ايكول قالاشىعى ءدوڭقوتان قىستاعىنداعى قىزمەت اترەتىنىڭ باستىعى، ءبىرىنشى شۋجيى سالاۋاتىمەن قىستاقتا تۇرۋ قىزمەتىن ىستەي ءجۇرىپ، اۋىل - قىستاقتىڭ جانە ديحانداردىڭ تۇرمىسن سەزىندى.
   قىستاقتا تۇرۋ قىزمەتىندە، ول قىستاقتا تۇرعاندا سەزىنگەندەرىن كورىنىستىك تەاتر ەتىپ دايىنداپ، ديحانداردىڭ كەشكى مەكتەبىنە اپارىپ، ءنومىر قويۋ فورماسى ارقىلى قىستاق تۇرعىندارىنا مەمەكەتتىڭ ورتاق قولدانىلاتىن ءتىل ـ جازۋ ساباعىن ءوتتى، سونىمەن بىرگە ول  تاعى ءوزى دايىنداعان ءارى باس رولدا بولعان «كەدەيلەردى سۇيەمەلدەۋ» اتتى كومەديانى اۋىل - قىستاقتاردىڭ ۇلكەن ساحناسىندا قايتا - قايتا قويدى. ءابدۇلاسام :« كەدەيلەردى سۇيەمدەلدەۋدە ديحانداردىڭ قالتاسىن قامپايتىپ عانا قالماي، ودان گورى وي - سانا جاقتا سۇيەمەلدەپ، رۋحاني جانە يدەيا جاقتاعى كەدەيلىكتەن قۇتىلدىرۋ كەرەك»، ـــ دەدى.
      بيىل، قىستاقتا تۇرۋ قىزمەتىن ويداعىداي ىستەۋدەن سىرت، ءابدۇسالام تاعى ۋاقىت شىعارىپ، دايىنداپ بولعان ەكى تەاترىن قايتادان مۇقيات تۇزەتۋدى جوسپارلادى، ونىڭ بىرەۋى قىستاقتا تۇرعان كادرلاردى بەينەلەيتىن «قىستاقتاعى ىستەر» اتتى كومەديا، ەندى بىرەۋى ۇلتتار ىنتىماعىن بەينەلەيتىن «توراڭعى سۇيىسپەنشىلىگى» اتتى كورىنىستىك تەاتر. ول بىلاي دەدى: «وسى رەتكى قىستاقتا تۇرۋ قىزمەتى مەن ءۇشىن العاندا بۇقارا اراسىنا ىشكەرىلەي بارۋدىڭ جاقسى ورايى، كەيىنگى جاسامپازدىعىم ءۇشىن جاقسى ماتەريال جيناۋ بولدى، تۇرمىسقا، بۇقاراعا جاناسىپ، وڭ ەنەرگيانى جەتكىزبەكپىن. جاقسى تۋىندىلارىم ارقىلى اناۇرلىم كوپ ادام شينجياڭدى ءسۇيىپ، شينجياڭدى ۇناتىپ، شينجياڭعا كەلسە دەيمىن».
 
 


بەرىپ كەت ورامالىڭدى

دوستار

الىستاعى اق ەركە