جاڭا حابارلار

 رايونىمىز ءتۇرلى شارانى قاتار قولدانىپ، استىق حاۋىپسىزدىگىن قامتاماسىزداندىرۋ جۇيەسىن قۇرىۋعا كۇش سالدى 
 

    كەلۋ قاينارى: شينجياڭ حالىق راديو ىستانسياسى    2018-10-15 10:19:03  

 ستانسيامىزدىڭ تىلشىلەرى لەي ميڭ، سۇن ۋي جانە ەرىكتى ءتىلشىى شيە تياننىڭ \حابارى :
پارتيا 19-قۇرىلتايى بايانداماسىندا:«مەملەكەتتىڭ استىق حاۋىپسىزدىگىنە كەپىلدىك ەتىپ، جۇڭگولىقتار ءوز نەسىبەسىنە مىقتى يە بولۋ كەرەك؟»،-دەپ اتاپ كورسەتىلدى. قازىر، رايونىمىزدىڭ جەر-جەرى ءبيداي ەگۋدىڭ جەتەكشىلىك سيپاتتى جوسپارىن باتىل تياناقتاندىرىپ، ءبيداي وندىرىسىندە قامداۋ جاعىندا قۇرىلىمدىق رەفورما جاساۋدى كۇش سالا ىلگەرلەتتى؛ سونىمەن قاتار، ءتۇرلى اۋىل شارۋاشىلىعىنا تيىمدىلىك جاساۋ ساياساتتارىن جاپپاي تياناقتاندىرىپ، ديقانداردىڭ استىق ەگۋ بەلسەندىلىگىن تولىق جۇمىلدىرىپ، اناعۇرلىم جوعارى ساتىلى، اناعۇرلىم جوعارى ساپالى، اناعۇرلىم باياندى استىق حاۋىپسىزدىگىن قامتاماسىزداندىرۋ جۇيەسىن جەدەل قالىپتاستىردى.   

      \ بىرنەشە كۇننەن بەرى، پوسكام اۋدانىنداعى سورتتى تۇقىم الاڭى ەرەكشە قاربالاستىققا ءتۇستى، ەگىمشىلىكپەن شۇعىلداناتىن وتباسىلارى اۋدانداعى تۇقىم  سەرىكتەستىگىنەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتىمەن قىستاققا تۇسكەن قىزمەت اترەتى مەن ەگىس الاڭىنداعى قىزمەتكەرلەردىڭ جەتەكشىلىگىندە قاربالاس جەر جىرتىپ، توپىراقتى قوپسىتىپ، كۇزدىك ءبيداي تۇقىمىن سىڭىرۋگە ازىرلەندى. پوسكام اۋدانىنداعى سورتتى تۇقىم ەگىس الاڭىنىڭ ديقانى ازاتگۇل ءماتنۇر بىلاي دەدى: «بىلتىر، ءبىز 7 مۋ جەرگە كۇزدىك ءبيداي ەكتىك، كىرىسىمىز دە  جاقسى بولدى، ءبىز تاعى مەملەكەتتىڭ  قوسىمشا قاراجاتىنان يگىلىكتەنەمىز، ءار مۋىنا 130 يۋاننان قاراجات بەرەدى، وسى بىرنەشە كۇندە اۋا رايى وتە جاقسى،  ۋاقىتتى مىقتى يگەرىپ، جەر جىرتامىز، كەلەر جىلى كىرىسىمىز بيىلعىدان دا مول بولاتىنىنا سەنىمىمىز كامىل.»      سوڭعى جىلداردان بەرى، پوسكام اۋدانى مەملەكەتتىڭ استىققا تىكەلەي قوسىمشا قاراجات بەرۋ ساياساتىن بەلسەنە تياناقتاندىرۋمەن بىرگە، ءبىر تۇتاس جوسپارلاۋ، تۇقىم سورتىن ءبىر كەلكىلەندىرۋ، ءبىر تۇتاس ەگۋ ۇلگىسى بويىنشا، اۋىل شارۋاشىلىعى ماماندارىن ۇيىمداستىرىپ، اتىز باسىنا بارىپ ديقانداردىڭ كۇزدىك ءبيداي ەگۋىنە جەتەكشىلىك ەتىپ، دەن قويا باپتاۋ ارقىلى ءبيدايدىڭ ساپاسىنا كەپىلدىك ەتتى. پوسكام اۋدانىنداعى سورتتى تۇقىم الاڭىنىڭ ورىنباسار باستىعى نۇرمامەت سايىم بىلاي دەدى: «2019- جىلعا دەيىن ديقانداردىڭ كىرىسىن ارتتىرۋعا كەپىلدىك ەتۋ ءۇشىن، الاڭنىڭ باسشى كادرلارى، تەحنيكتەرى، قىستاققا تۇسكەن قىزمەت اترەتى سياقتى نەگىز ساتى كۇشتەرى اتىز باسىنا بارىپ، كۇزدىك ءبيداي تۇقىمىن ءسىڭىرۋدىڭ الدىڭعى مەرزىمدىك ءتۇرلى دايىندىق قىزمەتتەرىن مىقتى يگەرىپ، ساپاسى مەن سانىنا كەپىلدىك ەتە وتىرىپ كۇزدىك ءبيداي تۇقىمىن ءسىڭىرىپ، اۋداننىڭ استىق ءوندىرىسى حاۋىپسىزدىگىنە بەرىك نەگىز قالادى.»     قازىر، كۇزدىك ءبيداي رايونىمىزدىڭ ءبيداي جالپى ءونىم مولشەرىنىڭ %70 تەن استامىن يەلەيدى. ءبيداي ءوندىرىسىنىڭ ورنىقتى ارتۋ مولشەرىن ساقتاپ، ەگىنشىلەردىڭ استىق ەگۋ بەلسەندىلىگىن قورعاۋ ءۇشىن، سوڭعى جىلداردان بەرى، اۆتونوميالى رايون ەگىس داقىلدارى سورتتى تۇقىمى قوسىمشا قاراجاتىن، اۋىل شارۋاشىلىق ءوندىرىس قۇرال جابدىقتارى ۋنيۆەرسال قوسىمشا قاراجاتىن، استىق ەگەتىن دايقاندارعا تىكەلەي بەرىلەتىن قوسىمشا قاراجات نىسانى قارجىسىن بىرتىندەپ بىرىكتىرىپ، استىقتىڭ لايىقتى كولەمدەگىءتيجاراتىن قولداپ، استىق ءوندىرىس قۋاتىن ورنىقتى جوعارىلاتىپ، استىق حاۋىپسىزدىگىنە كەپىلدىك ەتتى. سونىمەن بىرگە، تىڭنان ارتقان استىق قوسىمشا قاراجاتىن نەگىزىنەن نەگىزگى استىق وندىرەتىن رايوندار مەن استىق وندىرەتىن اۋداندارعا، جاڭاشا استىق ءوندىرىسى ءتيجاراتى نەگىزگى تۇلعالارىنا بەيىمدەدى. بيىل، شونجى اۋدانى بانجيەگۋ قالاشىعى ياۋجانزى قسىتاعىندا كۇزدىك ءبيدايدىڭ بىرلىك ءونىمى تۇڭعىش رەت 700 كيلوگرامنان اسىپ، رايونىمىزداعى ەڭ جوعارى رەكورتتى جاڭالادى.    

      2016- جىلى، شونجى اۋدانى مەملەكەت دارەجەلى ءبيدايدىڭ جاسىل جوعارى ءتۇسىمى مەن جوعارى ونىمدىلىگىن جارىققا شىعارۋ نىسانىن ءساتتى اتقارعاننان بەرى، ءتۇيىندى ءوندىرىس تەحنيكاسى شارالارىن تياناقتاندىرىپ، جاڭاشا اۋىل شارۋاشىلىعى ءتيجارات نەگىزگى تۇلعاسىن جەتىلدىرۋ جانە كەمەلدەندىرۋ، ءبيدايدى ولشەمدەندىرىپ ءوندىرۋ سياقتى شارالاردى ىلگەرلەتۋ ارقىلى استىق ءوندىرىسى ونىمدىلىگى مەن تيىمدىلىگىن جالعاستى جوعارىلاتتى. شونجى اۋداندىق اۋىل شارۋاشىلىعى مەكەمەسىنىڭ ورىنباسار باستىعى لۋ جيانگى بىلاي دەدى: «ءبيداي وندىرىسىندە قامداۋ جاعىنداعى قۇرىلىمدىق رەفورمانى جالعاستى تەرەڭدەتىپ، شونجى اۋدانىنا باپ كەلەتىن ورتاشادان جوعارى سوزىلعىشتىق قاسيەتى بار ءبيدايءونىم تۇرلەرىن كۇش سالا ىلگەرلەتىپ، ءبيدايدىڭ جاسىل، ورگانيكالى شيكزاتىن ولشەمدەندىرىپ ءوندىرۋ بازاسىن سالۋدى مىقتى يگەرىپ، ءبيدايدىڭ جاسىل، جوعارى ءتۇسىمى مەن جوعارى ونىمدىلىگىن جۇزەگە اسىرامىز، اۋىل شارۋاشىلىعى ونىمدىلىگىن جوعارلاتىپ، ديقانداردىڭ كىرىسىن ارتتىرىپ، اۆتونوميالى رايوننىڭ استىق حاۋىپسىزدىگى ءۇشىن تيەسىلى ۇلەس قوسامىز. »       استىق حاۋىپسىزدىگىن قامتاماسىزداندىرۋ قىزمەتىن مىقتى يگەرۋ ءۇشىن، رايونىمىز «رايون كولەمىندە كىرىس پەن شىعىستى تەڭەستىرىپ، ءونىم مولشەرىن بەلگىلى مولشەردە ارتتىرۋ» سىندى استىق قىزمەتى باعىتىنا تاباندى بولىپ، رايونىمىزدىڭ استىق ءوندىرىسى، زاپاس استىق ساقتاۋ جانە اينالىم قۋاتى قۇرىلىسىن ءبىر تۇتاس جوسپارلادى ءارى « مەملەكەتتىك كەڭەستىڭ استىق حاۋىپسىزدىگى جاعىنا ولكە باستىعى جاۋاپتى بولۋ ءتۇزىمىن ورناتىپ، كەمەلدەندىرۋ جونىندەگى ءبىر قىدىرۋ پىكىرىن دايەكتىلەندىرۋ جانە تياناقتاندىرۋدى اتقارۋ پىكىرلەرىن» تاراتىپ، ساياسات، عىلىم-تەحنيكا، اكىمشىلىك  شارالاردى قاتار قولدانىپ، استىق حاۋىپسىزدىگىن قامتاماسىزداندىرۋ جۇيەسىن اناعۇرلىم جەدەل قالىپتاستىردى. سونىمەن قاتار، رايونىمىز تاعى استىقتىڭ ساپا حاۋىپسىزدىگىن باقىلاۋ، تەكسەرۋ جۇيەسىن ۇزدىكسىز كەمەلدەندىرىپ، استىق اينالىمىنداعى ءتۇرلى وتكەلەكتەردىڭ ساپاسى حاۋىپسىزدىگىن باقىلاپ باسقارۋىن كۇشەيتىپ، استىقتىڭ ساپا حاۋىپسىزدىگىنە كەپىلدىك ەتىپ، ءار ۇلت بۇقاراسىنىڭ استىقتى حاۋىپسىز ءارى الاڭسىز تۇتىنۋىنا كۇش سالدى.    اۆتونوميالى رايوندىق اۋىل شارۋاشىلىعى ونىمدەرى ساپا حاۋىپسىزدىگى ورتالىعىنىڭ مەڭگەرۋشىسى يۇي پەيجيە بىلاي دەدى: «استىقتىڭ ساپا حاۋىپسىزدىگى ولشەمى جۇيەسىن كەمەلدەندىرىپ، استىق ءوندىرۋ، ساتىپ الۋ، قامبادا ساقتاۋ وتكەلەكتەرىنىڭ حاۋىپسىزدىگىن باقىلاۋ، تەكسەرۋ ءتۇزىمىن ورناتىپ، اتىز باسىنان اس ۇستەلىنە دەيىنگى جالپى بارىستى باقىلاپ باسقارۋ ءتۇزىمىن اتقاردىق. قازىرگە دەيىن، جالپى كولەمى 6 ميلليون 500 مىڭ مۋعا تايايتىن مەملەكەتتىك جاسىل ازىق-تۇلىك شيكزاتىن ولشەمدەندىرىپ ءوندىرىۋ بازاسىنان 30ىن قۇردىق، مۇنىڭ ىشىندە ءبيداي، جۇگەرى، كۇرىش تۇگەل قامتىلىپ، استىقتىڭ ساپاسى اناعۇرلىم جوعارىلاتىلدى.» 
 
 
 


بەرىپ كەت ورامالىڭدى

دوستار

الىستاعى اق ەركە