جاڭا حابارلار

 حۋانىڭ شينجياڭ ەنەرگيا شەكتى سەرىكتەستىگىنىڭ اقشي اۋدانىنىڭ قاراچ اۋىلى قاراچ قىستاعىندا تۇراتىن قىزمەت اترەتى جەرگىلىكتى ورننىڭ ناقتى جاعدايىن تياناق ەتىپ، قاراچ قسىتاعى ماما تاۋىق باعىمشىلىق كوپەراتيۆىن قۇرىپ، قىستاق تۇرعىندارىنا اۋقاتتانۋدىڭ جولىن اشىپ بەردى

    كەلۋ قاينارى: شينجياڭ حالىق راديو ىستانسياسى    2018-10-15 10:28:53  

  ستانسيامىزدىڭ ءتىلشىسى سۇن ۋي مەن قىزىلسۋ وبلىستىق راديو ستانسياسىنىڭ ءتىلشسى لەي يانميننىڭ حابارى :
حۋانىڭ شينجياڭ ەنەرگيا شەكتى سەرىكتەستىگىنىڭ اقشي اۋدانىنىڭ قاراچ اۋىلى قاراچ قىستاعىندا تۇراتىن قىزمەت اترەتى جەرگىلىكتى ورننىڭ ناقتى جاعدايىن تياناق ەتىپ، قاراچ قسىتاعى ماما تاۋىق باعىمشىلىق كوپەراتيۆىن قۇرىپ، قىستاق تۇرعىندارىنا اۋقاتتانۋدىڭ جولىن اشىپ بەردى. 
     كوپەراتيۆتىڭ باققان ماما تاۋىعىنىڭ بازارعا سالىناتىن كەزى بولدى، قىزمەت اترەتى مەن تاۋىق باعىمشىلىعىنا جاۋاپتى ماماندارى ساتىلىم جولىن بەلسەنە قاراستىرىپ، اناعۇرلىم زور ونىمدىلىككە قول جەتكىزۋدىڭ قامىمەن قاربالاس ءجۇر. قۇرىلعانىنا بەس ايدان اسقان قاراچ قىستاعى ماما تاۋىق باعىمشىلىك كوپەراتيۆى ـ قىستاقتىڭ  ءىس جۇزىندىك شارت- جاعدايىنا نەگىزدەلىپ، بوس تۇرعان ۇيلەردى وزگەرتۋ نەگىزىندە قۇرىلعان بولاتىن. قىستاقتا تۇراتىن قىزمەت اترەتى اقسۋ قالاسىنان ءار ءبىرىن 15 يۋاندىق باعامەن 10مىڭ شوجە ساتىپ الدى، ءارى  2 باعىمشىلىق مامانىن ۇسىنىس ەتىپ، ولاردى كوپەراتيۆتى كاسىپتىك تەحنيكالىق جاقتان جەتەكتەپ جانە ىندەتتىڭ الدىن الۋ جوباسىن جاساۋعا، كوپەراتيۆتىڭ باعىمشىلىق قاتەرىن تومەندەتۋىنە، ەكونوميكالىق ونىمدىلىكتى ارتتىرۋىنا كومەكتەسۋگە  جاۋاپتاندىردى. مۇنان تىس، كوپەراتيۆ تاعى دا بەس كەدەي وتباسى مۇشەسىن ماما تاۋىق باعۋعا قابىلدادى. قىستاق تۇرعىنى ايدار وسىلاردىڭ ءبىرى، ءبىر مەزگىل تەحنيكا ۇيرەنۋ ارقىلى، ول اي سايىن مىڭ يۋان ەڭبەكاقى الۋدان تىس، تاعى دا كوپتەگەن باعىمشىلىق تەحنيكاسىن يگەردى. ول: «ماماندار بىزگە وسى مەزگىلدەگى باعىمشىلىقتاعى جەتەرسىزدىكتەردى كورسەتىپ، بىزگە باعىمشىلىق بىلىمدەرى مەن تەحنيكاسىن ۇيرەتتى، مەن ءسوزسىز  مامانداردىڭ نۇسقاۋىنا بويسۇنىپ، ءۇي قۇستارىنىڭ قاتارعا قوسىلۋ مولشەرىن ارتتىرامىن. بۇل ورىن اي سايىن بىزگە ەڭبەكاقى تاراتىپ تۇرادى، جىل سوڭىندا تاۋىق ساتىلعاننان كەيىن پايداسىن دا ءبولىپ بەرەدى، بۇدان كەيىنگى تۇرمىسىمىز بارعان سايىن جاقسارادى »،- دەدى.     قاراچ قىستاعىنىڭ كاسىپ قۇرىلىمى مال شارۋاشىلىعىن نەگىز ەتەدى، ونىڭ ۇستىنە ناشار جاعىراپيالىق ورتانىڭ ىقپالى ءداستۇرلى باعىمشىلىققا جانە ەگىمشىلىككە سۇيەنىپ كەدەي وتباسىلارىن كەدەيلىكتەن قۇتىلدىرىپ، اۋقاتتاندىرۋعا تۇساۋ بولدى. قىزمەت اترەتى ناقتىلى تەكسەرۋ ارقىلى، باي اۋدانىنىڭ ماما تاۋىعىن باعۋدىڭ وزىندىك قۇنىنىڭ تومەن، قاتارعا قوسىلۋ مولشەرىنىڭ جوعارى، بازار قاجەتىنىڭ زور ەكەنىن، بۇل تاۋىقتىڭ قاراچ قىستاعى سياقتى ءۇسترتتى رايوندا باعۋعا ەرەكشە ۇيلەسىمدى ەكەنىن بايقادى. قىزمەت اترەتى، قىستاق پارتيا ياچەيكاسى جانە قىستاق تۇرعىندار كوميتەتىنىڭ ورتاق قۇلشىنۋىندا، قاراچ قىستاعىندا ماما تاۋىق باعىمشىلىق كوپەراتيۆى جارىققا شىقتى. كوپەراتيۆ « كوپەراتيۆ، كەدەي وتباسى، باعىمشىلىق ماماندارى جانە تەحنيكالىق جاقتان جەتەكتەۋدى بىرلەستىرۋ» سىندى اينالىم ۇلگىسىن قولدانىپ، العاشقى مەرزىمدە ۇكىمەتتىڭ سۇيەمەل قارجىسىنان جالپى 182 مىڭ يۋان قاراجات شىعارىپ، مۇنىڭ 150 مىڭ يۋانىن شوجە ساتىپ الۋعا، 32 مىڭ يۋانىن نەگىزگى قۇرىلىسقا جۇمسالىپ، جىل سوڭىنداعى پايداسى باعىمشىلىق ماماندارى مەن قىستاقتاعى ارحيپ تۇرعىزىلىپ كارتىشكا بەرىلگەن 50 كەدەي وتباسىنا ءبولىپ بەرىلەتىن بولدى. قاراچ قسىتاعى پارتيا ياچەيكاسىنىڭ شۋجيى قىران:«قىزمەت اترەتى بيىل قىستاققا كومەكتەسىپ، شوجە ساتىپ الىپ بەرىپ، كوپەراتيۆ قۇرىپ، كەدەي مالشىلارعا اۋقاتتانۋدىڭ جولىن نۇسقادى، مالشىلار جىل سوڭىندا نەداۋىر قوماقتى پايدا كورەدى، قسىتاق تۇرعىندارى اتىنان حۋانىڭ قىزمەت اترەتىنە العىس ايتامىز»،- دەدى.     كوپەراتيۆتىڭ  اينالىم ارناسىنا تۇسكەنىن كورگەن حۋانىڭ شينجياڭ ەنەرگيا شەكتى سەرىكتەستىگىنىڭ اقشي اۋدانىنىڭ قاراچ قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك  جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى گو ۋيجۇڭ قايتكەندە ماما تاۋىعى باعىمشىلىعىن كولەمدەندىرۋ، ولشەمدەندىرۋ بەتالىسىنا قاراي دامىتۋعا جەتەكتەپ، ءتىپتى جوعارى ساتىلى ولشەمدى كوپەراتيۆ قۇرىپ، بۇرىنعىدان دا كوپ قىستاق تۇرعىنىن كەدەيلىكتەن قۇتىلىپ، اۋقاتتانۋعا جەتەكتەۋگە بولاتىندىعىنا وي جۇگىرتە باستادى. ول: «كەلەر جىلى وسى نەگىزدە، باعىمشىلىق كولەمىن ۇزدىكسىز كەڭەيتىپ،  بۇرىنعىدان دا ۇيلەسىمدى باسقارۋ ءتۇزىمىن قولدانىپ، بۇرىنعىدان دا ۇيلەسىمدى تەحنيكالىق باعۋ ادىستەرىن بەلگىلەپ، ماما تاۋىقتىڭ قۇنىن اناعۇرلىم جوعارىلاتامىز»،- دەدى.
 


بەرىپ كەت ورامالىڭدى

دوستار

الىستاعى اق ەركە