جاڭا حابارلار

شاعانتوعاي  اۋدانى بايبىشە قىستاعى كەدەيلىكتەن قۇتىلدىرۋدان قامال الۋداعى ۇلگى كورسەتۋ قىستاعىنا اينالدى

    كەلۋ قاينارى: شينجياڭ حالىق راديو ىستانسياسى    2018-10-20 10:12:13  

  شاعانتوعاي  اۋدانى التىنەمىل اۋىلىنىڭ بايبىشە قىستاعى ــ  كەدەيلەردى سۇيەمەلدەۋ، وركەندەتۋدەگى  اۆتونوميالى رايون دارەجەلى ءتۇيىندى قىستاق، قىستاق پارتيا ياچەيكاسىنىڭ شۋجيى ايقىن قادىس ۇلىنىڭ باستاماشىلىعىندا، قسىتاق تۇرعىندارى مال شاۋاشىلىعى باعىمشىلىعىن دامىتىپ، باسقا سالادا كاسىپتەنۋ ارقىلى كىرىسىن ارتتىرىپ اۋقاتتانىپ، بايبىشە قىستاعى الىس-جۋىققا تانىمالى « كەدەيلىكتەن قۇتىلدىرۋدان قامال الۋداعى ۇلگى كورسەتۋ قىستاعىنا» اينالدى.
      2014- جىلدىڭ الدىندا، بايبىشە قىستاعىنداعى 401 وتباسىنىڭ 309 ى كەدەي وتباسى بولاتىن. بۇرىن ايقىن قادىس ۇلى  وتباسىنىڭ ءال-اۋقاتى دا ناشار بولاتىن، الايدا، ول سەرگەك ويلى، ەلپەك ەدى. 2012- جىلى، ايقىن قادىس ۇلى قوي، سيىر بورداقىلاۋ باعىمشىلىعىمەن شۇعىلدانىپ، سول جىلدىڭ وزىندە 6 مىڭ يۋان كىرىس كىرگىزەدى. جاپالى ەڭبەگىنىڭ ارقاسىندا، 3 جىلعا جەتپەيىن ۋاقىتتا  30 سيىر، 150 دەن ارتىق قوي وسىرەدى. 
    2014- جىلى، ايقىن قادىس ۇلى بايبىشە قىستاعى پارتيا ياچەيكاسىنىڭ شۋجيلىعىنا سايلانادى، ول ءوزى توپتاعان باعىمشىلىق تاجىريبەسى مەن تەحنيكاسىنان تولىق پايدالانىپ، تۇرعىنداردى اۋلا شارۋاشىلىعىن دامىتۋعا باستايدى. مەيلى، ءار اپتاداعى تۋ شىعارۋ  ۇگىت-لەكسياسى بولسىن، مەيلى، پارتيا مۇشەلەرىن ۇيرەنۋگە ۇيىمداستىرسىن ايقىن قادىس ۇلى قاشاندا كوپشىلىككە باعىمشىلىقتىڭ ءتيىمدى جاقتارىن بەرىلە ءتۇسىندىرىپ بەرەتىن. ونىڭ جۇمىلدىرۋىندا، تۇرعىن جاۋ ۋىنتيان 600 شارشى مەترلىك مال قورا سالىپ، ءبىرىنشى جىلى-اق تيىمدىلىگىن كورەدى.  جاۋ ۋىنتيان:   ايقىن شۋجي ءبىزدى ۇنەمى ۇيرەنۋگە ، قولدا مال باعۋ كاسىبىن دامىتۋعا جۇمىلدىرادى، ونىڭ ناتيجەسىن دە تەز ارادا  كوردىك، وزىندىك قۇنى دا تومەن بولدى،- دەدى.
    ايقىن قادىس ۇلىنىڭ دارىپتەۋىندە، قىستاق تاعى 2 مىڭ مۋلىق كوللەكتيۆ جەردى شىعارىپ، ونى 169 كەدەي وتباسىنىڭ ءشوپ ەگۋىنە كوتەرمەگە بەرىپ، باعىمشىلىقتا جەم-ءشوپ جەتىسپەۋ ماسەلەسىن دە شەشتى، كەدەي وتباسىلارىنا دا ورنىقتى كىرىس اكەلدى.
     ىلە-شالا، ايقىن قادىس ۇلى تاعى كوپشىلىكتى قارجى توپتاۋعا باستاپ، قىستاقتىڭ الدىنداعى ساياحات تاس جولىنىڭ شەتىنەن ساۋدا بازارىن سالىپ، 60 نەشە جايما ورنىن اشىپ، قىستاق تۇرعىندارىنىڭ ەرەكشە جەڭىل تاعامدار ساتۋىنا مۇمكىندىك جاسادى.  تۇرعىن سايراش ماقىسقان قىزى بىلاي دەدى: ءبىز اسحانا اشىپ، اس-سۋ كاسىبىمەن شۇعىلداندىق، قازىر، جىلدىق كىرىسىمىز 30 مىڭ يۋان بولدى. الدا، دۇكەننىڭ كولەمىن كەڭەيتىپ، ويداعىداي دامىتپاقشىمىز، تۇرمىسىمىزدىڭ بارعان سايىن جاقساراتىنىنا سەنىمىم كامىل.
    تۇرعىنداردىڭ كىرىسىن ارتتىرىپ اۋقاتتانۋ جولىن كەڭەيتۋ ءۇشىن، ايقىن قادىس ۇلى قىستاق كادرلارىن  «حالىق جاعدايىن ۇعىسۋ، حالىققا تيىمدىلىك  جەتكىزۋ، حالىق تىلەگىن توعىستىرۋ» قىزمەتىمەن قىستاققا تۇسكەن قىزمەت اترەتىمەن سەلبەسىپ، قىستاقتاعى ارتىق ەڭبەككۇشتەردى ۇيىمداستىرىپ كاسىپتەنۋ جاعىندا تەحنيكالىق ونەر كۋرسىن باعىتتامالى اشتى ، ءارى كاسىپتەندىرۋ ورىندارىمەن بەلسەنە سەلبەسىپ، 80 نەشە ادامدى باسقا سالادا كاسىپتەندىردى.  ايقىن قادىس ۇلى: الدا، ەگىنشى - مالشىلاردىڭ جەرىن اينالىمعا سالۋ كوپەراتيۆىن، باعىمشىلىق كوپەراتيۆىن دامىتۋ ءتاسىلى ارقىلى بۇقارانىڭ 3- كاسىبىن كەڭەيتۋدى جوسپارلاپ وتىرمىز،- دەدى.
 


بەرىپ كەت ورامالىڭدى

دوستار

الىستاعى اق ەركە