جاڭا حابارلار

ءوزارا كوز قۇلاق بولىپ، بار ىنتا-پەيىلىمەن حالىقتىڭ مۇڭ-مۇقتاجىن شەشتى

    كەلۋ قاينارى: شينجياڭ حالىق راديو ىستانسياسى    2018-10-20 10:12:20  

ستانسيامىزدىڭ  «تاتۋ-ءتاتتى ءبىر ءۇيلى جاندار»   دەگەن تاقىرىپتاعى   جەلىلەس حابارىنىڭ  تىلشىلەرىمىز لان تيان مەن سۇن ۋي جازعان: « ءوزارا كوز قۇلاق بولىپ، بار ىنتا-پەيىلىمەن حالىقتىڭ مۇڭ-مۇقتاجىن شەشتى» دەگەن 2- ءبولىمى:
    بىرنەشە كۇننەن بەرى، ماكىت اۋدانى شەيتى ءدوڭ اۋىلى شۇڭقىر ءمالى قىستاعىنىڭ تۇرعىنى  مامۇت مامەت  اۋلاسىن تازالاۋمەن ابىگەر بولىپ، تۋىستاسقان تۋىسى، شينجياڭ ساقشى شۋەيۋانىنىڭ كادرى ۋاڭ مەيدىڭ كەلۋىن كۇتتى. مامۇت مامەتتىڭ ءۇيى قازىر مونتازداي تازا بولعانىمەن، 2016- جىلى ۋاڭ مەي ونىمەن سەرىكتەسىپ تۋىستىق قاتىناس ورىناتىپ تۇڭعىش رەت  ۇيىنە بارعاندا، ءبىر ءۇيلى جان  لاس ءارى بىلىققان كەرپىش ۇيدە تۇراتىن، ۇساق- تۇيەك جۇمىس ىستەپ كۇنەلتەتىن. تۋىسىنىڭ بۇل جاعدايىن وزگەرتۋىنە كومەكتەسۋ ءۇشىن، ۋاڭ مەي مەن قىستاقتا تۇراتىن قىزمەت اترەتى بىرلىكتە مامۇت مامەت وتباسىن كەدەيلىكتەن قۇتىلدىرۋ جوباسىن، ياعني سويىس كەپتەرىن باعۋ جوباسىن جاسادى. مامۇت مامەت: « اپەكەم مەنى ەرتىپ باعىمشىلىقپەن شۇعىلداناتىن ءىرى وتباسىلارىنا بارىپ ەكسكۋرسسيالاتتى، ول ۇيرەنە ءجۇرىپ ەستەلىك الىپ، قايتىپ كەلگەننەن سوڭ مەنىمەن اقىلداستى. اپتا سايىن تەلەفون بەرىپ جاعدايىمدى سۇراپ تۇردى، مەن تۇسىنبەگەن جەرىمدى مامانداردان سۇراپ، شەشىپ بەرىپ وتىردى، ول مەنى شىنىندا تۋعان باۋىرىنداي كورەدى، سوندىقتان مەن دە قۇلشىنۋىم كەرەك»،- دەدى.
     قازىر مامۇت مامەت قىستاقتاعى سويىس كەپتەر باعۋدىڭ مايتالمانىنا اينالىپ، كەپتەر باعىپ اقشا تاپتى، ءارى سيىر، قوي ساتىپ الىپ اۋلا باعىمشىلىعىن دامىتىپ، ءبىر ءۇيلى جان بۇرىنعى كەرپىش ۇيدەن ، كەڭ دە جارىق حالىقتى اۋقاتتاندىراتىن بەيقۇت ۇيگە كوشىپ كىردى. جۋىردا، اپەكە- باۋىر ەكەۋى كەلەر جىلعى كىرىستى ارتتىرۋ ىستەرىن اقىلداستى . ۋاڭ مەي: «بىرتىندەپ ءوزى پايدا تابۋ قۋاتىنا يە بولدى،بۇعان شىنىندا   قۋاندىم، كەدەيلىكتەن قۇتىلۋ ارمانى ورىندالۋعا تاياپ قالدى. ولارعا كەدەيلەردى سۇيەمەلدەۋ نىساندارىن تاۋىپ بەرۋدى جوسپارلاپ وتىرىم، ايتالىق ،اۋلا شارۋاشىلىعىن جاقسى باسقارۋ ولاردىڭ كىرىسىن ارتتىرادى، ءبىر رەتكى تۋىستاسۋ ارقىلى ومىرلىك تۋىستىق قاتىناس ورناتامىز، وسى  تۋىستىق قاتىناستىڭ جالعاسا بەرۋىن ءۇمىت ەتەمىن»،- دەدى.
      اۆتونوميالى رايونىمىز « ۇلتتار ىنتىماعىنىڭ بەرەكەلى شاڭىراعىندا» قيمىلىن ورىستەتكەننەن بەرى، ءار ۇلت كادرلارى مەن جۇمىسشى- قىزمەتكەرلەرى  ەكى ايدا ءبىر رەت ارالاپ حال سۇراۋ ورايىنان پايدالانىپ، بۇقاراعا ناقتى ىستەر ىستەپ بەرىپ، قيىن ماسەلەلەرىن شەشتى، جەر- جەر، ورىندار ارت- ارتىنان  قيمىلدارعا جاڭالىق ەنگىزىپ، « ۇلتتار ىنتىماعىنىڭ بەرەكەلى شاڭىراعىندا» قيمىلى مەن كەدەيلىكتەن قۇتىلدىرۋدان قامال الۋدى تىعىز بىرلەستىردى. اۆتونوميالى رايوندىق مەملەكەت مەنشىگىندەگى مال- مۇلىكتى باقىلاۋ- باسقارۋ كوميتەتى باقىلاپ  باسقاراتىن 16كاسىپورىندى،  ورتالىقتىڭ شينجياڭدا تۇراتىن 26 كاسىپورنىن سايكەستىرىپ  قالا- اۋىلداعى 10 مىڭ 680 ارتىق ەڭبەككۇشتى كاسىپتەندىردى؛ جۇڭتاي توبى شەكتى جاۋاپكەرلىك سەرىكتەستىگى «2+1» سەرىكتەسىپ تۋىستىق قاتىناس ورىناتۋ، سۇيەمەلدەۋ ۇلگىسىن شىعارىپ، سەرىكتەستىك قابىلداعان وڭتۇستىك شينجياڭنان كەلگەن ديحان جۇمىسكەرلەر مەن كاسىپتىك تەحنيكالىق ۇستازداردى جانە ورتاق ءتىل وقىتۋشىلارىن  تۋىستاسۋعا ۇيىمداستىردى.  جۇڭتاي توبى شەكتى جارنا سەرىكتەستىگى پارتيا قۇرىلىسى ادام كۇشى ءبولىمىنىڭ ورىنباسار باستىعى  يىن چۇنفىڭ: « باستىسى ولاردى قىزمەت پەن تۇرمىسقا بەل شەشە ارالاسۋدى ماقسات ەتتىك، مۇنىڭ ونىمدىلىگى توتەنشە جاقسى بولدى. وتكەن جىلى 4- ايدا بۇحالشام اتتى بويجەتكەن كەلدى، ونىمەن تىلدەسۋ وتە قيىنعا سوقتى، ءبىز وعان ەكى وقىتۋشى ورنالاستىردىق. بيىل 2- ايدا ۇيىمداستىرعان ەمتيحاندا، ول 92 نومىرلىك جوعارى ناتيجە الدى، ونىڭ قازىر ايلىق كىرىسى 5 مىڭ يۋانداي»،- دەدى.
    مەكەمە ورىنداردىڭ جانە ءار ۇلت كادرلارى مەن جۇمىسشى-قىزمەتكەرلەرىنىڭ جەتەكشىلىگى مەن ىقپالىندا، بۇرىن وتباسى وشاق قاسىنان شىعا المايتىن اۋىل-قىستاق ايەلدەرى ۇيلەرىنەن ۇزاپ شىعىپ ونەركاسىپ ورىندارىنا بارىپ جۇمىسشى بولدى؛ بۇرىن ينتەرنەتكە شىعۋدى بىلمەيتىن ديحاندار، قازىر توراپ دۇكەنىن اشتى؛ بۇرىن جۇمىسسىز سەندەلىپ جۇرەتىن جاستار، اۋىل شارۋاشىلىق ماشينالارىن جوندەۋ، اسپازدىق، شاشتارازىلىق سياقتى ونەرلەردى يگەرىپ، تىڭ كاسىپ كوزىن اشىپ، اۋقاتتانۋ جولىنا ءتۇستى. ساناققا قاراعاندا، «ۇلتتار ىنتىماعىنىڭ بەرەكەلى شاڭىراعىندا» قيمىلى ورىستەتىلگەننەن بيىل 9- ايدىڭ سوڭىنا دەيىن، تۇتاس رايونىمىزداعى كادرلار مەن جۇمىسشى-قىزمەتكەرلەر 37 ميلليون دانادان ارتىق زاتتاي جانە 590 ميلليون يۋاننان ارتىق اقشالاي جىلۋ اتاعان،  ەمدەلۋ، وقۋ، كاسىپتەنۋ، ءوندىرىستى دامىتۋ سياقتىلاردى ارقاۋ ەتىپ، سەرىكتەسكەن تۋىستارىنا 11 ميلليوننان ارتىق ناقتىلى، جاقسى ءىس ىستەپ بەرگەن. اۆتونوميالى رايوندىق ۇلتتار ىنتىماعىنىڭ بەرەكەلى شاڭىراعىندا قيمىلىنا باسشىلىق ەتۋ گرۋپپاسى كەڭسەسى امبەباب گرۋپپاسىنىڭ باستىعى دۋان حۇڭيا بىلاي دەدى: ونەرگە تاربيەلەۋدى كۇشەيتىپ، كەدەيلەردى سۇيەمەلدەۋدى، جىگەرلەندىرۋ مەن اقىل-پاراسات جاعىنان سۇيەمەلدەۋدى ۇشتاستىرىپ، كەدەي بۇقارانى كۇتە تۇرۋ، يەك سۇيەۋ، الاقان جايۋ يدەياسىن جەڭۋگە تاربيەلەيمىز جانە باستايمىز؛ وزات تيپتەردى شىعارىپ، ۇگىت تەبىنىن ارتتىرىپ، كەدەي بۇقارانى قاجىرلىلىقپەن ەڭبەكتەنۋ ارقىلى كەدەيلىكتەن قۇتىلىپ اۋقاتتانۋعا جەتەلەيمىز. دامۋ  جەتىستىگىن حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جاساۋدا، ۇلتتار ىنتىماعىن ىلگەرىلەتۋدە ناقتى تياناقتاندىرىپ، ءار ۇلت بۇقاراسىنىڭ پارتيانىڭ قامقورلىعى مەن وتاننىڭ مەيىرىن شىنايى سەزىنۋىنە مۇمكىندىك جاسايمىز.


بەرىپ كەت ورامالىڭدى

دوستار

الىستاعى اق ەركە