جاڭا حابارلار

كوركەم شينجياڭدى ەستەلىككە الدى

    كەلۋ قاينارى: شينجياڭ حالىق راديو ىستانسياسى    2018-10-18 07:33:22  

چين ي 20 جىل اسكەري قوسىندا بولىپ، قوسىننان شەگىنگەننەن كەيىن شىعارماشىلىقپەن شۇعىلدانۋ ارمانىن ورىنداۋعا قايتا كىرىسىپ،   ولەڭ جانە شالقىما جازىپ، كوركەم شينجياڭدى جىرلادى.
   چين ي شينجياڭ ءوندىرىس-قۇرىلىس بيڭتۋانى 1-شىسىندا دۇنيەگە كەلگەن، ول كىشكەنتاي كەزىنەن باستاپ شىعارما جازۋدى ۇناتاتىن. جوعارى مەكتەپتى تاۋىسقاننان كەيىن، حالىقتىق قارۋلى ساقشى شينجياڭ باس اترەتىندە ۇزاق ۋاقىت قىزمەت ىستەدى. 2007-جىلى قوسىننان شەگىنگەننەن كەيىن، چين ي شينجياڭنىڭ كوركەم تابيعات كورىنىسى مەن سالت-سانا، عۇرىپ-ادەتى جونىندە قالام تەربەپ، شىعارماشىلىقپەن شۇعىلدانۋ ارمانىنا قايتا كىرىسىپ، شالقىما جانە ولەڭ جازا باستادى. چين ي-دىڭ 2014-جىلى جازعان «اناعا العىس» اتتى شالقىماسى شينجياڭ حالىق راديو ستانسياسىندا بەرىلگەننەن كەيىن، بۇقارانىڭ جاقسى باعاسىنا يە بولىپ، ونىڭ شىعارماشىلىقپەن شۇعىلدانۋ قىزعىندىلىعى ءتىپتى دە ارتا ءتۇستى. وسىدان سوڭ، ول گازەت-جۋرنالدارعا ماقالا جازدى، قىسقا عانا بىرنەشە جىلدا، ونىڭ نەشە ءجۇز ماقالاسى گازەت-جۋرنالدا جاريالاندى. چين ي بىلاي دەدى: شىعارماشىلىقپەن شۇعىلدانۋ ءۇشىن قىرۋار كىتاپ وقۋ قاجەت، اۆتونوميالى رايوندىق جانە ءۇرىمجى قالالىق كىتاپحانادان كوپتەگەن كىتاپتى الا تۇرىپ وقىدىم، تاعى نەشە ءجۇز  ولەڭدەر جيناعىن جانە شالقىمالار جيناعىن ساتىپ الىپ وقىدىم؛ جوسپار جاساپ، ءار كۇنى تاڭەرتەڭ ساعات 7 دە تۇرىپ جازۋعا جاتتىقتىم، ءارى مۇنى ءۇش جىل جالعاستىردىم؛ جازۋشىلارمەن تانىسىپ، ولاردان شىعارمانى قايتكەندە ويداعىداي جازۋعا بولاتىنىن سۇراپ ۇيرەندىم، سونىمەن شىعارما جازعان سايىن شابىت الدىم، سەنىمىم ءتىپتى دە ارتا ءتۇستى.
    اسكەري بولىمدە قىزمەت ىستەۋ بارىسىندا، چين ي تيانشاننىڭ تۇستىگى مەن تەرىستىگىن تۇگەل ارالاپ، كوركەم تاۋ-وزەندەردى، كەڭ بەيتاق ءشول دالانى كوكەيىنە ۇيالاتتى. ول: «شينجياڭدا تۋىپ-ەسەيدىم، تۋىستارىمنىڭ بارلىعى وسىندا، وسىندا تۇرمىس كەشىردىم، تۋعان توپىراعىمدى سۇيەمىن، وسى ارانىڭ كوركەم كورىنىسى، ەل-جۇرتى مەنىڭ شىعارمامنىڭ باستاۋى، ولەڭ، شالقىما جازۋ ارقىلى  بۇرىنعىدان دا كوپ ادامعا شينجياڭنىڭ كوركەم كورىنىسىن تانىستىرامىن،-دەدى.»
  قازىرگە دەيىن، چين ي-دىڭ شينجياڭعا قاتىستى شالقىما جانە ولەڭدەر جيناعىنان ەكەۋى باسىپ تاراتىلدى. سونىمەن بىرگە، ول تاعى دوسىمەن بىرلەسىپ، «كوركەم تيانشاندى جىرلاۋ ۇيىرمەسىن» قۇردى، جىل سايىن  كاسىپورىندارعا، مەكتەپتەرگە بارىپ، ون نەشە رەت «شينجياڭدى جىرلاۋ» يگىلىك قيمىلىن وتكىزدى، مۇندا نەگىزىنەن شينجياڭدىق جازۋشىلاردىڭ ادەبي تۋىندىلارىن وقىدى. چين ي تىلشىگە بىلاي دەدى: كوپتەگەن شينجياڭدىق جازۋشى شينجياڭنىڭ تاۋ-وزەنىن، مادەنيەت تاريحىن تىلگە تيەك ەتكەن، كوپشىلىك ەستىگەننەن كەيىن، شينجياڭنىڭ كوركەم كورىنىسىن وسىلاي جازۋعا،  بەينەلەۋگە بولادى ەكەن عوي دەپ ويلايدى، يگىلىك قيمىلىن وتكىزۋدەگى ماقساتىمىز ـــ كوپشىلىكتى، اسىرەسە، بالالاردى شينجياڭدى قىزۋ سۇيۋگە باۋلۋ.
  چين ي 45 جاسىندا قوسىننان شەگىنگەننەن كەيىن، شىعارماشىلىقپەن شۇعىلدانۋ جولىن قايتا تاڭداۋداعى ماقساتىنىڭ شينجياڭنىڭ كوركەم كورىنىسىن ەستەلىككە الۋ ەكەنىن ايتا كەلىپ، بىلاي دەدى: شينجياڭنىڭ كوركەم كورىنىسىن قاعاز بەتىنە جازىپ قالدىرۋ كەرەك، ەگەر ولەڭدى  ءبىر ءتۇرلى جەرگىلىكتى ءتىل دەيتىن بولساق، وندا مەن وسى ولەڭ ارقىلى شينجياڭنىڭ حيكەياسىن شامامنىڭ كەلىسىنشە جىرلايمىن.
 
 


بەرىپ كەت ورامالىڭدى

دوستار

الىستاعى اق ەركە