جاڭا حابارلار

موڭعۇلكۇرە اۋدانى ساياحاتقا جەتەكشىلىك ەتۋدى كۇشەيتىپ، وڭىرلىك ساياحاتتى دامىتۋ جۇيەسىن قالىپتاستىردى.

    كەلۋ قاينارى: شينجياڭ حالىق راديو ىستانسياسى    2018-10-18 07:35:41  

  موڭعۇلكۇرە اۋدانى ساياحاتقا جەتەكشىلىك ەتۋدى كۇشەيتىپ، كاسىپتىڭ توعىسۋىن بارىنشا ىلگەرىلەتىپ، وڭىرلىك ساياحاتتى دامىتۋ جۇيەسىن قالىپتاستىردى.
    كۇزدە، ءبىر مىڭ 657 گەكتارلىق موڭعۇلكۇرە سازدىق باقشاسى كورىنىس رايونىندا ساياحاتشىلاردىڭ اياعى ۇزىلمەدى، جاڭادان اعاش جاتقىزىلىپ جاسالعان  يرەك جول ۇزىننان ۇزاققا سوزىلىپ جاتىر، بۇل  جول  سەيىلدەپ دەمالۋ كورىنىس رايونى، بالىق اۋلاۋ رايونى،  فوتو سۋرەتكە تارتۋ رايونى سياقتى ءار قايسى ءىرى  كورىنىس رايونىنا تۇتاسىپ ، ساياحاتشىلارعا موڭعۇلكۇرە اۋدانىنىڭ كوركەم كورىنىسىن ايگىلەپ تۇر. بەيجيڭدىق ساياحاتشى يۋان مىڭ: «موڭعۇلكۇرە ـــــ تاماشا جوبالانعان كورىنس رايونى، ساياحاتشىلاردىڭ ءتۇرلى جاقتاعى قاجەتىن قاناعاتتاندىرا الادى. كورىنىسى وتە كوركەم، كۇزدە جاقىن ماڭنان  ساپ-سارى رەڭمەن بويالعان تەرەكتەردى، ۇيىر-ۇيىر جىلقىلاردى كورۋگە بولادى،-دەدى.»
  «ىلەنىڭ حالىقارالىق ساياحات ورنىن جەكە اۆتوكولىكپەن ساياحاتتاۋ تۇتاس تۇلعالىق جوباسىنا» ساي، موڭعۇلكۇرە اۋدانى جەكە اۆتوكولىكپەن ساياحاتتاۋ  لەنياسىنان ءبىر توبىن اشتى، ساحاراداعى بالبال، سارقىراما ۇڭگىر كورىنىس رايونى سياقتى  الەۋمەتتىك قىزمەت ەتۋى كەمەلدى جەكە اۆتوكولىكپەن ساياحاتتاۋ ورىندارىن قۇردى، ساياحاتشىلاردىڭ جەكە اۆتوكولىكپەن ساياحاتتاۋ قاجەتىن قاناعاتتاندىردى. شاڭحايلىق ساياحاتشى حان دۇڭ: «ءبىز ءۇيشە اۆتوموبيلىمەن كەلگەنبىز، وسى اراداعى گۋمانتيارلىق مادەنيەت پەن قورشاعان ورتانى ءتىپتى دە شىنايى سەزىندىك، تۇلپار مادەنيەت باقشاسىنا باردىق، وسى اراداعى قارلى تاۋداعى ۇلكەن شاتقالدى ىشكى ولكەدەن كەزىكتىرە المايسىز، كورىنىسى وتە كوركەم، كوڭىلدى ساياحات بولدى،-دەدى.»
   تاماشا ەكولوگيالىق بايلىق ابزالدىلىعى، موڭعۇلكۇرە اۋدانىنداعى كوپتەگەن ەگىنشى-مالشىنىڭ كوزقاراسىنا بۇرىلىس جاسادى، ولار ءتۇرلى تاعامجاي اشتى. موڭعۇلكۇرە اۋدانى قاراسۋ قالاشىعى اقساي قىستاعىنىڭ ديحانى نۇرگۇل ساتان قىزىنىڭ وتباسى شارۋالار تاعامجايىنا سۇيەنىپ، جىلىنا 100 مىڭ يۋانعا جۋىق كىرىس كىرگىزدى. نۇرگۇل ساتان قىزى: «قازىر موڭعۇلكۇرەنىڭ ەكولوگيالىق ورتاسى بارعان سايىن جاقساردى، جىل قۇستارى باقشاسىنان شارۋلار تاعامجايىن اشقانبىز، جىلدىق كىرىسىمىز بارعان سايىن ارتتى، وسىنىڭ بارلىعى ەكولوگيالىق ورتا اكەلگەن تيىمدىلىك،-دەدى."
   موڭعۇلكۇرە اۋداندىق ساياحات مەكەمەسى پارتگرۋپپاسىنىڭ شۋجيى يۋان مينحۋا بىلاي دەدى: قازىر، تۇتاس اۋداندا 20 نەشە ساياحات لەنياسى جوبالاندى، 17 ساياحات لەنياسىنداعى ساياحات كورىنىس رايونى مەن كورىنىس ءتۇيىنىن ءوزارا تۇتاستىرىپ، ساياحات لەنياسى تاماشا، كورىنىسى كوركەم، تازا وڭىرلىك ساياحاتتىڭ شىت جاڭا بەينەسىن قالىپتاستىرۋعا كۇش سالامىز.
 
 
 
 
 
 


بەرىپ كەت ورامالىڭدى

دوستار

الىستاعى اق ەركە