جاڭا حابارلار

قىزمەت اترەتى  جەرگىلىكتى جاعدايعا بىرلەستىرىپ، قىزىل بۇرىش كاسىبىن مىقتى يگەرىپ، « بازا- ديقان-كوپەراتيۆ- كاسىپورىن» ءوزارا سەلبەسكەن  تيجارات ۇلگىسىنەن پايدالانىپ، ديقانداردى كىرىسىن ارتتىرىپ اۋقاتتانۋعا باستادى

    كەلۋ قاينارى: شينجياڭ حالىق راديو ىستانسياسى    2018-10-18 07:42:32  

ستانسيامىزدىڭ ءتىلشىسى ليۋ چياڭنىڭ حابارى:

شينجياڭ جاڭا ەنەرگيا توبى شەكتى جاۋاپكەرلىك سەرىكتەستىگىنەن  كەريا اۋدانى كوكيار اۋىلى قولتىق قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك  جەتكىزۋ ، حالىق تىلەگىن توعىستىرۋ» قىزمەت اترەتى  جەرگىلىكتى جاعدايعا بىرلەستىرىپ، قىزىل بۇرىش كاسىبىن مىقتى يگەرىپ،: « بازا- ديقان-كوپەراتيۆ- كاسىپورىن» ءوزارا سەلبەسكەن  تيجارات ۇلگىسىنەن پايدالانىپ، ديقانداردى كىرىسىن ارتتىرىپ اۋقاتتانۋعا باستادى. ستانسيامىزدىڭ ءتىلشىسى ليۋ چياڭنىڭ حابارى :
  ۋاڭ فىڭ : كەلەر اپتادان باستاپ قىزىل بۇرىش تەرەمىز، وسى مەزگىلدە اتىزدى  باپتاپ باسقارۋ قىزمەتى ەرەكشە ماڭىزدى، ۇستەمەلەپ سۋارىپ، تىڭايتقىش بەرەمىز، استە الاڭعاسارلىق ىستەۋگە بولمايدى.
« سەلبەستىك كوپەراتيۆىنىڭ مۇشەسى» بۇعان ماقۇلدىق بەردى.
      تاياۋدا، قولتىق قىستاعىنىڭ ءبىرىنشى شۋجيى، « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى ۋاڭ فىڭ ءار كۇنى قىستاقتاعى « حى-مەي كوكونىس ەگۋ ديحاندار كوپەراتيۆىنىڭ» ەگىنشىلىك بازاسىنا بارىپ قىزىل بۇرىشتىڭ ءوسىپ-ءونۋ جاعدايىن باقىلاپ، كوپەراتيۆتىڭ مۇشەلەرىنە اتىزدى باپتاپ باسقارۋدى مىقتى يگەرۋدى ەسكەرتتى. كوپەراتيۆتىڭ مۇشەسى ءمامتىمىن بارات بۇرىن قىزىل بۇرىش ەگىپ كورمەگەن، بيىل مامانداردىڭ جەتەكشىلىگى مەن كومەگىندە، وتباسىنىڭ 1.8   مۋ جەرىندەگى قىزىل بۇرىشىنان مول ءونىم الىناتىندىعى مەجەلەندى. ءمامتىمىن بارات: بيىل ەككەن قىزىل بۇرىشتىڭ ءوسىپ-ءونۋى وتە جاقسى، مۋ باسىندىقءونىم مولشەرى 2.5   توننادان اسىپ، 10 مىڭ يۋانداي كىرىس كىرگىزەتىن سياقتىمىن،-دەدى.
    ۋاڭ فىڭ بىلاي دەدى: جىل باسىندا، ماماندار قوسىنىن قىستاعىمىزعا كەلىپ تەكسەرۋ جۇرگىزۋگە   ۇيىمداستىردىق، قايتالاي تەكسەرۋ، زەرتتەۋ ناتيجەسىندە قىزىل بۇرىش ەگۋدى نەگىز ەتكەن كاسىپتى دامىتۋ وي جەلىسىن تۇراقتاندىرۋمەن قاتار، قىستاق تۇرعىندارى ماجىلىسىندە كوپشىلىكتى قىزىل بۇرىش ەگۋگە جۇمىلدىردىق، ناتيجەدە مۇنى قۇپتاعان ەشكىم بولمادى.
  قىستاق تۇرعىندارىن كۇدىك-كۇماننان ارىلتۋ ءۇشىن، قىزمەت اترەتى وتباسى سايىن يدەيالىق قىزمەت ىستەدى ءارى اۋىل شارۋاشىلىق تەحنيكا ماماندارىن ۇسىنىس ەتىپ، ءبيداي، جۇگەرىنىڭ مۋ باسىندىق ءونىمىنىڭ تيىمدىلىگى مەن قىزىل بۇرىشتىڭ تيىمدىلىگىن سالىستىرىپ، ەكونوميكالىق شىعىنىن ەسەپتەدى. قىزمەت اترەتى تاعى ساتۋ جولىن بەلسەنە قاراستىرىپ، ءۇرىمجى قالاسىنداعى «بەييۋانچۇن» ،  «جيۋديڭ » سياقتى تولايىم ساتۋ بازارلارىمەن ساتىلىم كەلسىمىن جاساسىپ، تۇرعىنداردى الاڭسىز ەتتى.  « حى-مەي كوكونىس ەگۋ ديقاندار كوپەراتيۆىنىڭ » باستىعى ميجيت مامتىمىن بىلاي دەدى:  قىزمەت اترەتى 350 مىڭ يۋان قارجى شىعارىپ  كوپەراتيۆ قۇردى، ديقاندار جىلىجايعا قارجى قوسىپ، جىل سوڭىندا پايدا ءبولىسىن الاتىن ءتيجارات ۇلگىسى،  ءبىر تۇتاس مايسا ءوسىرۋ، ءبىر تۇتاس باسقارۋ، ءبىر تۇتاس ساتىپ الۋ جولىمەن،بيىل قىزىل بۇرىشتىڭ جالپى ءونىم مولشەرى 2 مىڭ توننادان اساتىندىعى، ءبىر كيلوگرامىن 3 يۋاندىق تۇراقتى بازار باعاسى بويىنشا ەسەپتەسەك، مۋ باسىندىق تيىمدىلىگى 7 مىڭ يۋاننان اساتىندىعى مەجەلەنىپ وتىر.
  تۇرعىن مويىمنيحان ماتنياز جىلىجايعا جارنا قوسۋ تاسىلىمەن كوپەراتيۆكە كىرگەن، ونىڭ جىل سوڭىندا ءبىر پارنيكتەن 8 مىڭ يۋان پايدا ءبولىسىن الاتىندىعى مەجەلەنىپ وتىر. مۇنان سىرت، ول كوپەراتيۆتە ماۋسىمدىق جۇمىس سىتەپ، 2 ايدا 3 مىڭ يۋاننان ارتىق تابىس تاپقانىن ايتا كەلىپ : وتباسىمىزدىڭ  15 مۋ جەرگە  ەككەن قىزىل بۇرىشىنىڭ پايداسىن قوسقاندا، بيىل كىرىسىمىزدىڭ 20 مىڭ يۋاننان اساتىندىعىنا سەنىمىم كامىل،-دەدى.   بۇگىنگى كۇندە، قىزىل بۇرىش قىستاقتىڭ تىرەكتى كاسىبىنە اينالدى، قولتىق قىستاعىنداعى 600 دەن ارتىق ديقان قىزىل بۇرىش ەگۋ ارقىلى كىرىسىن ارتتىرىپ وتىر. ۋاڭ فىڭ بىلاي دەدى: كەلەسى قادامدا،  وزگەشە كىليمات شارت-جاعدايىنان ۇتىمدى پايدالانىپ، ءۇرىمجى قالاسىنداعى كوكونىس بازالارىندا كەزەك  ەگۋ جاعدايىن كوزدەپ ، بۇرىنعىءبىر رەت  ەگۋدى كوكتەم، كۇز مەزگىلىندە ەگۋگە وزگەرتىپ، مۋ باسىندىق ءونىمدى 10 مىڭ يۋاننان اسىرىپ، قىزىل بۇرىشتى ديقانداردىڭ كىرىسىن ارتتىرىپ اۋقاتتاندىراتىن « تابىس كوزىنە»  اينالدىرامىز.
 


بەرىپ كەت ورامالىڭدى

دوستار

الىستاعى اق ەركە