جاڭا حابارلار

قىزمەت اترەتى قىستاقتاعى حالىق تۇرمىسىنا قاتىستى ناقتىلى ىستەردى قاشاندا كوكەيدە ساقتاپ، قىستاق تۇرعىندارىنىڭ  اناعۇرلىم كوپ  ناقتىلى تيىمدىلىكتەرگە يە بولۋىنا مۇمكىندىك جاسادى

    كەلۋ قاينارى: شينجياڭ حالىق راديو ىستانسياسى    2018-10-20 10:12:02  

   سانجى قالالىق راديو ستانسياسىنىڭ ءتىلشىسى جاڭ لوۋدىڭ حابارى :2017- جىلدان بەرى، سانجى وبلىستىق ىندەتتەن ساقتانۋ، تىزگىندەۋ ورتالىعىنىڭ سانجى قالاسىنىڭ مورگۋ اۋىلى اقشي قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاقتاعى حالىق تۇرمىسىنا قاتىستى ناقتىلى ىستەردى قاشاندا كوكەيدە ساقتاپ، قىستاق تۇرعىندارىنىڭ  اناعۇرلىم كوپ  ناقتىلى تيىمدىلىكتەرگە يە بولۋىنا مۇمكىندىك جاسادى.   

بىرنەشە كۇننەن بەرى، سانجى وبلىستىق ىندەتتەن ساقتانۋ، تىزگىندەۋ  ورتالىعىنىڭ سانجى قالاسىنىڭ مورگۋ اۋىلى اقشي قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى  قىستاقتى جاسىلداندىرۋ ينجەنەرياسىن ۇيىمداستىرىپ اتقارىپ،  500 مىڭ يۋان قارجى قوسىپ  قىستاقتاعى نەگىزگى جولدىڭ ەكى شەتىنە 3 مىڭ ءتۇپ الما، تاس الما سياقتى جەمىس اعاشتارىنىڭ قالامشاسىن ەگىپ،  قىستاقتىڭ ورتاسىن اناعۇرلىم كورىكتەندىردى. قىستاق تۇرعىنى مانات  مۇنى  كورىپ قاتتى قۋاندى. ول :« اعاش ەگىپ ورمان ءوسىرۋ قىزمەتى تاماشا ىستەلىپ، ورتا جاسىلداندىرىلدى. قىزمەت اترەتىنىڭ ءبىز ءۇشىن ىستەگەن يگى ىستەرىنە العىس ايتامىز»،- دەدى.   

  اقشي قىستاعى سانجى قالاسىنان 34 كيلومەتر شالعايدا، 1998- جىلى مالشىلاردى وتىرىقتاندىرۋ ينجەنەرياسى اتقارىلعاننان كەيىن قۇرىلعان مالشىلار وتىرىقتانعان قىستاق. قىزمەت اترەتى قىستاقتا تۇرعاننان بەرى، قىستاقتاعى نەگىزگى قۇرىلعىلاردىڭ ءالسىز، قىستاق بەت- بەينەسىنىڭ ناشار بولۋ جاعدايى جونىندە ناقتىلى قىزمەت جوباسىن جاسادى، ءارى  نىسانداردى مالىمدەۋ جانە اتقارۋ ىستەرىنە كىرىستى. كوپشىلىكتىڭ بىرگە قۇلشىنۋىندا، 2017- جىلى قىستاققا قۇبىر سۋى جەتكىزىلدى، قىزمەت اترەتى بالالار باقشاسى  نىسانىنا ءوتىنىش بەردى؛ بيىل قىستاقتا اسفاليت جول جاتقىزىلىپ، جول شىراقتارى ورناتىلىپ، بالالار باقشاسى نىسانىنىڭ قۇرىلىسى دا باستالىپ، جاسىلداندىرۋ ينجەنەرياسى اتقارىلدى. حالىققا ءتيىمدى وسى ناقتى ىستەر  اقشي قىستاعىن كورىكتەندىرۋدەن سىرت، تاعى  قىستاق تۇرعىندارىنىڭ تابىس سەزىمىن، باقىت سەزىمىن شىنايى كۇشەيتتى. اقشي قىستاعى پارتيا ياچەيكاسىنىڭ شۋجيى اساي: «قىستاقتىڭ بەينەسى  جاقساردى، تۇرعىندار ءار دۇيسەنبى كۇنگى مەملەكەت تۋىن شىعارۋعا، ۇگىت لەكسياسىنا قاتىناسىپ، كۇندەرى كوڭىلدى ءوتىپ جاتىر»،- دەدى.  

  كەلەسى كەزەكتە قىزمەت اترەتى تاعى دا سۇيەمەلدەيتىن كاسىپورىندارمەن بىرلەسىپ قوقسىق ساندىعىن ورنالاستىرىپ، قوقسىقتى تازالاۋ تاسۋ اۆتوكولىگىن ساتىپ الىپ، قىستاقتىڭ ورتاسىن ونان ارى جاقسارتۋدى جوسپارلادى. قىزمەت اترەتىنىڭ باستىعى ۋاڭ جۇڭساي:« ءبىز قىستاق تۇرعىندارىنىڭ قيىنشىلىعىن شەشىپ، ارمان-تىلەگىن ورىنداپ، قىستاق تۇرعىندارىنىڭ ىستەرىن شامامىزدىڭ جەتىسىنشە  ويداعىداي بىتىرەمىز»،- دەدى.


بەرىپ كەت ورامالىڭدى

دوستار

الىستاعى اق ەركە