جاڭا حابارلار

شينجياڭ قارتوڭكە كەن كاسىبى شەكتى جاۋاپكەرلىك سەرىكتەستىگىنىڭ قالقىتىپ سۇرىپتاۋ جۇمىسشىسى راشيلا راحات قىزى قاجىرلىلىقپەن ۇيرەنۋ، تىنباي قۇلشىنۋدىڭ ناتيجەسىندە، تۇتاس كاسىپ سالاسىنىڭ ۇلگىسىنە اينالادى

    كەلۋ قاينارى: شينجياڭ حالىق راديو ىستانسياسى    2018-10-20 10:11:54  

 ستانسيامىزدىڭ ءتىلشىسى حاميتتىڭ  حابارى: قالقىتىپ سۇراپتاۋ تەحنيكاسىنان مۇلدە بەيحابار  جاس جۇمىسشىدان، قالقىتىپ سۇرىپتاۋ ونەرىنە ىسىلعان ۇستازدار قىزمەت ءۇيىنىڭ جەتەكشىسىنە اينالعان، شينجياڭ قارتوڭكە كەن كاسىبى شەكتى جاۋاپكەرلىك سەرىكتەستىگىنىڭ قالقىتىپ سۇرىپتاۋ جۇمىسشىسى راشيلا راحات قىزى قاجىرلىلىقپەن ۇيرەنۋ، تىنباي قۇلشىنۋدىڭ ناتيجەسىندە، تۇتاس كاسىپ سالاسىنىڭ ۇلگىسىنە اينالادى. . 

  شينجياڭ قاراتوڭكە كەن كاسىبى شەكتى جاۋاپكەرلىك سەرىكتەستىگىنىڭ كەن رۋداسىن سۇرىپتاۋ سەحىندا، راشيلا راحات قىزى شاكىرتتەرىمەن بىرگە جۇمىس ىستەۋدە، قىزمەت بارىسىندا، ول قايتا-قايتا سۇراق سۇراۋ تاسىلىمەن، شاكىرتتەرىنىڭ ۇيرەنۋ، العا باسۋ  جاعدايىن ءار كەز تەكسەرىپ وتىرادى. شاكىرت لي حۇي: «ول جايشىلىقتا بىزگە وتە اۋىر تالاپ قويادى، ۇنەمى بۇرىنعىدان دا كەمەلدەنە ءتۇسۋدى تالاپ ەتەدى، راشيلا ۇستازدى ونەگە تۇتامىز، ول ءبىزدىڭ ۇلگىمىز»،-دەدى.      راشيلا راحات قىزى داشۋدە ورىس ءتىلى كاسىبىن وقىعان، ول اكەسىنىڭ ىقپالىنان كەن كاسىبى قىزمەتىمەن اينالىستى، 1999-جىلى كەن رۋداسىن سۇرىپتاۋ سەحىنا كىرىپ، قالقىتىپ سۇرىپتاۋ جۇمىسشىسى بولادى. قالقىتىپ سۇرىپتاۋ كاسىبى ـــ كەن رۋدالارىن سۇرىپتاۋ زاۆودتىنىڭ جان تامىرى، ءار قايسى تەحنولوگيالىق كورسەتكىشتىڭ ويداعىداي ورىندالۋ-ورىندالماۋى، زاۆودتىڭ وندىرىسى مەن تيجاراتىنا تىكەلەي ىقپال جاسايدى. العاش وسى قىزمەتپەن اينالىسقاندا، راشيلا راحات قىزى ءوزىنىڭ ەشتەمە بىلمەيتىن بايقايدى. ول: «العاشىندا ەشتەمە بىلمەيتىنمىن، بۇل كاسىپ حيميا، فيزيكا بىلىمىنە ساياساتىندىقتان، كاسىپتىك سوزدەردى دە تۇسىنبەيتىنمىن. تەحنيكالىق جۇمىستان سىرت، اۋىر ەڭبەك ىستەۋ قاجەت، وتە شارشايتىنمىن، قانشا جاپاعا شىداپ ىستەگەنىممەن،ءبىر كۇنگى كورسەتكىش تۇگەلدەي تولىمسىز بولعاندا، قاتتى قىنجىلۋشى ەدىم»،-دەدى.  

  قىزمەتكە تەز ارادا كىرىسۋ ءۇشىن، راشيلا راحات قىزى كۇندىز قىزمەتكە شىققاندا  تەحنيكا جاعىنداعى بىلىمدەردى تەحنيكتەردەن سۇراپ ۇيرەندى، ءارى ۇستازدار مەن تەحنيكتەردىڭ ايتقاندارىن تۇگەل ەستەلىك داپتەرىنە جازىپ الىپ وتىردى؛ ال تۇنگى كەزەككە شىققاندا، ءتۇرلى ءدارىنىڭ رولىن قانىق بىلۋگە كۇش سالىپ، كۇندىز ۇيرەنگەن بىلىمدەرىن تولىعىمەن يگەردى. وسىلايشا راشيلا راحات قىزى تۇرعان ءوندىرىس گرۋپپاسىنىڭ كورسەتكىشى تۇگەل ولشەمگە جەتىپ، ءونىم مولشەرى سول جىلى ۇدايى 7 اي بويى الدىڭعى ورىندى يەلەدى. ول بىلاي دەدى: «كوپتەگەن قينشىلىقتارعا جولىقتىم، كەن رۋداسىن سۇرىپتاۋعا قاتىستى كىتاپتاردى ۇزبەي وقىپ، بىرتىندەپ كوپ ءبىلىم يگەردىم. سول كۇنگى قىزمەتتى ىستەپ بولعاننان كەيىن، كورسەتكىش ناتيجەسىنىڭ شىعۋىن كۇتىپ، ونىڭ ولشەمگە جەتكەن-جەتپەگەنىن ويلاۋمەن بولاتىنمىن، تۇندە اۋەلى تۇسىمە كىرەتىن، ەكىنشى كۇنى تولىمدى بولعانىن كورگەندە ەرەكشە قۋاناتىنمىن»،-دەدى.     ەڭبەك ەتسەڭ ەرىنبەي، تويادى قارنىڭ تىلەنبەي دەمەكشى، تىرەكتى تەحنيككە اينالعان راشيلا راحات قىزى 2012-جىلدان باستاپ شاكىرت تاربيەلەدى. 2014-جىلى سەرىكتەستىك ونىڭ اتىندا كەن رۋداسىن سۇرىپتاۋ زاۆودتىنىڭ قالقىتىپ سۇرىپتاۋ ونەرىنە ىسىلعان ۇستازدار قىزمەت ءۇيىن قۇردى،  قازىرگە دەيىن 30 نەشە شاكىرت تاربيەلەدى. ول: «مەيلى قانداي قىزمەت ورىنى بولسىن، ءوز قىزمەتىمىزدى ويداعىداي ىستەپ، ۇزبەي شاكىرت تاربيەلەپ، زاۆودتىمىز ونىمدەرىنىڭ تولىمدىلىق مولشەرىن ەڭ جوعارى دەڭگەيگە جەتكىزىپ، قىزمەت ورنىما ۇلەس قوسامىن»،-دەدى.


بەرىپ كەت ورامالىڭدى

دوستار

الىستاعى اق ەركە