جاڭا حابارلار

ءۇرىمجى ىشكى وڭىردەگى 9 قالاعا قىس، كوكتەم مەزگىلدەرىندەگى ساياحاتتى تانىستىردى

    كەلۋ قاينارى: شينجياڭ گازەتى    2018-10-20 10:08:58  

قىس، كوكتەمدە ۇرىمجىگە كەلىپ قار - مۇزدىڭ حيكىمەتىن سەزىنىڭىز
 


ءتىلشىمىز ۋي حۇڭپيڭ 10 - ايدىڭ 17 - كۇنى ۇرىمجىدەن حابارلايدى. ءتىلشىنىڭ ءۇرىمجى قالالىق ساياحات مەكەمەسىنەن ۇعىسۋىنشا، 10 - ايدىڭ 17 - كۇنى «شۇلەن شۇعىلادا قار تاماشالاۋ. ءۇرىمجى» قىس، كوكتەم مەزگىلدەرىندەگى ساياحاتتى تانىستىرۋ قيمىلىنىڭ ۋىنجوۋ قالاسىنداعى تانىستىرۋىن اياقتاتۋى 9 - ايدىڭ ورتا شەنىندە باستالعان ءۇرىمجىنىڭ ىشكى وڭىردەگى 9 قالاعا بارىپ ساياحاتتى تانىستىرۋ قيمىلىنىڭ تابىسپەن تامامدالعاندىعىن ايگىلەيدى. 

 ءۇرىمجى قالالىق ساياحات مەكەمەسىنىڭ قاتىستى جاۋاپتىسىنىڭ تانىستىرۋىنشا، ءۇرىمجىنىڭ جىبەك جولى ەكونوميكالىق بەلدەۋىنىڭ وزەكتى رايونىنداعى ساياحات جيناۋ - جونەلتۋ ورتالىعى بولعان ىقپال كۇشىن جالپى بەتتىك جوعارىلاتىپ، ءۇرىمجى قالاسىنىڭ قىس، كوكتەم مەزگىلدەرىندەگى ساياحاتىن زور كۇشپەن ۇگىتتەۋ ءۇشىن ءۇرىمجى قالالىق ساياحات مەكەمەسى باس بولىپ، ءۇرىمجى قالاسىنىڭ ءارقايسى رايوندىق، اۋداندىق ساياحاتتى اكىمشىلىك باسقارۋ تاراۋلارى، سونداي - اق ساياحاتقا قاتىستى كاسىپورىندار سايكەسە سەلبەسىپ، ءۇرىمجىنىڭ قىس، كوكتەم مەزگىلدەرىندەگى ساپالى ساياحات ونىمدەرىن تۇرگە ءبولىپ توپتاپ، شينجياڭنىڭ ساياحات بايلىعىمەن پارقى ءبىرشاما زور شي - ان، تاييۋان، جىڭجوۋ، ياڭجوۋ، سۋجوۋ، نيڭبو، فۋجوۋ، شيامىن جانە ۋىنجوۋ سياقتى 9 قالاعا تانىستىردى.  

ءۇرىمجىنىڭ مول قار - مۇز ساياحات بايلىعى وسى جولعى تانىستىرۋ قيمىلىنىڭ ماڭىزدى ءتۇيىنى. ءۇرىمجى قالالىق ساياحات مەكەمەسى بارعان جەرىنىڭ بارىندە جەرگىلىكتى ورىننىڭ ساياحاتتى دامىتۋ كوميتەتتەرىمەن ستراتەگيالىق سەلبەسۋ كەلسىمىن جاساپ وتىردى. تانىستىرۋ جينالىسى بارعان جەرىنىڭ بارىندە ءۇرىمجىنىڭ قىسقى ساياحاتىنداعى ەڭدەردى − شاڭعى الاڭىنىڭ ەندىك گرادۋسى تومەن، تەمپەراتۋراسى لايىقتى بولىپ، ەلىمىز بويىنشا ەڭ جىلى؛ شاڭعى الاڭىنىڭ ءتۇسۋ پارقى زور بولىپ، شاڭعى تەبۋشىلەرگە سيلايتىن ءلاززاتى ەڭ كۇشتى؛ قار ەرتە جاۋىپ، قار مەزگىلى ۇزاق، قار ساپاسى جاقسى بولىپ، ساپاسى ەڭ جوعارى ەكەنىن تانىستىردى؛ ال 13 - كەزەكتى مەملەكەتتىك قىسقى سپورت جينالىسى قاتارلى قار - مۇز جارىستارىنىڭ وسىندا وتكىزىلۋى مۇنىڭ ەڭ جاقسى سىپاتى.

  تانىستىرۋ جينالىسىندا تانىستىرىلعان 6 تاڭداۋلى ساياحات جولى جىبەك جولى حالىقارالىق شاڭعى الاڭى، شۇيشيگوۋ قار - مۇز شاعىن قالاشىعى، ءۇرىمجى شينجياڭ حالىقارالىق ۇلكەن بازار، اۆتونوميالى رايوندىق مۇراجاي، تيانشان ۇلكەن اڭعارى، يەما بايىرعى ەكولوگيا باقشاسى، ۋيسىتى شاڭعى الاڭى، سەگىزىنشى ارميانىڭ شينجياڭداعى ءىس باسقارماسىنىڭ ەسكەرتكىش سارايى، ماۋ زىميننىڭ كونە تۇراعى قاتارلى ءۇرىمجىنىڭ وڭىرلىك ساياحات كورىنىستەرىن تولىق قامتىپ، جەرگىلىكتى ساياحات كاسىپورىندارى مەن قالا تۇرعىندارىن بارىنشا باۋرادى، تانىستىرۋ الاڭىندا، ۇيىرمەگە قاتىناسىپ شينجياڭعا ساياحاتتاي كەلمەكشى بولعاندار ەرەكشە كوپ بولدى. نيڭبوداعى تانىستىرۋ جينالسىندا، نيڭبو حۇيچىڭ حالىقارالىق ساياحات شەكتى جاۋاپكەرلىك سەرىكتەستىگى شينجياڭ جىبەك جولى كورىنىس حالىقارالىق ساياحات شەكتى جاۋاپكەرلىك سەرىكتەستىگىمەن «ءۇرىمجى - ىلە - نارات» 4 كۇندىك ساياحات توقتامىنا قول قويىسىپ، 18 ادامنان قۇرالعان شاعىن ۇيىرمە ەرتەسى - اق شينجياڭعا كەلۋ ساپارىنا اتتاندى. 

 10 - ايدىڭ 17 - كۇنى نيڭبو حۇيچىڭ حالىقارالىق ساياحات شەكتى جاۋاپكەرلىك سەرىكتەستىگىنىڭ ورىنباسار مەڭگەرۋشىسى حى گويۇڭ تىلشىگە تەلەفوندا بىلاي دەدى: سەرىكتەستىگىمىز شينجياڭنىڭ ساياحات بازارىنا تولىق سەنىمدى. ءار جىلدىڭ 7 - ، 8 - ايلارىندا، سەرىكتەستىك ۇيىرمە قۇراپ شينجياڭعا ساياحاتشى اپارادى. وسى جولعى تانىستىرۋ جينالىسى ارقىلى، ءۇرىمجى قالاسىنىڭ قىسقى ساياحات بازارىنىڭ زور كومەسكى كۇشى جونىندە اناعۇرلىم انىق تانىمعا يە بولدىق، الداعى ۋاقىتتا سەرىكتەستىگىمىز وزگە ساياحات سەرىكتەستىكتەرىمەن بىرگە ءۇرىمجى قالاسىنا بارىپ جاعداي يەلەيدى. 

 ءۇرىمجى قالالىق ساياحات مەكەمەسىنىڭ قاتىستى جاۋاپتىسى بىلاي دەدى: ءۇرىمجى قالاسىنىڭ وزگە قالالارمەن سەلبەستىك جاساۋى جىبەك جولى ەكونوميكالىق بەلدەۋىندەگى ساياحات قالالارىنىڭ سەلبەستىگىن ىلگەرىلەتۋ ءارى ساياحات كاسىبى ارقىلى ادام اينالىمىن، زات اينالىمىن، قارجى اينالىمىن، ينفورماتسيا اينالىمىن جانە وڭىرلىك ەكونوميكانىڭ ءبىر تۇلعالانا دامۋىن جەتەكتەۋ جونىنەن توتەنشە ماڭىزدى ءمان الادى. 


بەرىپ كەت ورامالىڭدى

دوستار

الىستاعى اق ەركە