جاڭا حابارلار

سانجى كاسىپ سالاسىنىڭ توعىسپالى دامۋى شارۋالاردىڭ جۇمىسقا ورنالاسۋ ارناسىن كەڭەيتتى

    كەلۋ قاينارى: شينجياڭ گازەتى    2018-10-20 19:24:55  

 ءتىلشىمىز لي چۇنشيا 10 - ايدىڭ 18 - كۇنى سانجىدان حابارلايدى. كۇزگى جيىن - تەرىن مەزگىلى، كوز جەتكىسىز ماقتا اتىزىندا ماقتا جيناۋ ماشيناسى قاربالاس جۇمىس ىستەۋدە. «بۇل ءبىزدىڭ جاقىندا يمپورت ەتكەن تايلاعىش ماقتا جيناۋ ماشيناسى، كۇنىنە 500 مۋ جەردىڭ ماقتاسىن جينايدى». شينجياڭ حىڭفىڭ وسى زامانعى اۋىل شارۋاشىلىعى عىلىم - تەحنيكا شەكتى جارنا سەرىكتەستىگىنىڭ (حۋاشيڭ ەگىس الاڭى) مەڭگەرۋشىسى حۋ چيڭۋىن 10 - ايدىڭ 8 - كۇنى سانجى مەملەكەتتىك اۋىل شارۋاشىلىعى عىلىم - تەحنيكا باقشا رايونىنىڭ لاۋلۇڭحى ۇلگى كورسەتۋ رايونىندا تىلشىگە وسىنى ايتتى.   حىڭفىڭ سەرىكتەستىگى سانجى قالاسىندا، فۋكاڭ قالاسىندا 100 مىڭ مۋ جەردى اينالىسقا سالىپ، نەگىزىنەن ماقتا ەكتى. «10 مىڭ مۋ ماقتا اتىزىن ايتساق، ونى 600 ادام 50 كۇندە ارەڭ تەرىپ بولادى. ال وسىنداي 2 ماقتا جيناۋ ماشيناسىمەن 10 كۇندە - اق تەرىپ بولۋعا بولادى»، - دەدى حۋ چيڭۋىن تىلشىگە ماقتا جيناۋ ماشيناسىن كورسەتىپ تۇرىپ، «ماشينامەن تەرۋدىڭ شىعىنى قولمەن تەرگەننىڭ تورتتەن بىرىندەي عانا، بۇل ەگۋ نارقىن ايتارلىقتاي تومەندەتتى».  

 جەردى اينالىسقا سالۋ ساياساتىنىڭ ۇزدىكسىز اتقارىلۋىنا ساي، ماقتا ەگىمشىلىگى كولەمدەنە دامىپ، اۋىل - قىستاقتارداعى كوپتەگەن ەڭبەككۇش ەگىن ەگۋدەن قولى بوسادى. جەردى اينالىسقا سالعاننان كەيىن شارۋالار نە ىستەيدى؟ «اۋىل - قىستاقتارداعى 1 -، 2 -، 3 - كاسىپ سالاسىنىڭ توعىسپالى دامۋى شارۋالارعا جۇمىسقا ورنالاسۋدىڭ جاڭا ورايىن ازىرلەدى». حۋ چيڭۋىن تىلشىگە بىلاي دەدى: جاقىنعى جىلداردان بەرى، ەرەكشە اۋىل شارۋاشىلىعىنىڭ جانە اۋىل - قىستاق سەيىل - سەرۋەن ساياحاتىنىڭ گۇلدەنۋىنە ىلەسە، سەرىكتەستىك باعىمشىلىق كاسىبى، اۋىل - قىستاق سەيىل - سەرۋەنى، تاماشالاۋ جانە ءجۇزىم اراعىن جاساۋ ءوندىرىسى سياقتى جاڭا كاسىپ قالىبىن ىلگەرىندى - كەيىندى كەڭەيتىپ، «ەكولوگيا + عىلىم - تەحنيكا + تاماشالاۋ» سىندى قۇراما دامۋ فورماسى ارقىلى كاسىپ سالاسىنىڭ توعىسپالى دامۋىن جەبەپ، اناعۇرلىم كوپ جۇمىسقا ورنالاسۋ ورىندارىن ازىرلەدى. «ءبىز قۇرعان سەيىل - سەرۋەن، تاماشالاۋ ءوڭىرى كۇنىنە، ەڭ كوپ بولعاندا، 1000عا تارتا ادام قابىلدايدى، ەڭ كوپ بولعاندا، 100گە تارتا ادام ىستەتەمىز».  سانجى قالاسى مورگۋ اۋىلى حىشيەىر قىستاعىندا تۇراتىن نۇرداۋلەت سارسەنبەك ۇلى وتباسى وسىنداي كاسىپ سالاسىنىڭ توعىسپالى فورماسىنىڭ يگىلىگىن كورۋشى. 2 جىلدىڭ الدىندا، حىڭفىڭ سەرىكتەستىگى حىشيەىر قىستاعىنداعى 12 مىڭ مۋ جەردى اينالىمعا سالعاننان كەيىن، نۇرداۋلەت پەن ايەلى ەكەۋى وسى سەرىكتەستىككە كەلىپ، ەگىس الاڭى سەيىل - سەرۋەن، تاماشالاۋ وڭىرىندەگى «شاعىن حايۋاناتتار باقشاسىندا» حايۋاناتتاردى باعۋعا جاۋاپتى بولادى. «27 مۋ جەردى اينالىسقا سالدىق، ودان جىلىنا 10 مىڭ يۋاننان استام كىرىس كىرەدى، ەكەۋىمىز وسى ارادا جۇمىس ىستەيمىز، ايلىق كىرىسىمىز 5500 يۋان، كۇندەرىمىز بارعان سايىن جاقساردى»، - دەدى نۇرداۋلەت تىلشىگە قۋانا. 

 حىڭفىڭ سەرىكتەستىگىنىڭ دامۋى سانجى حۇيزۋ اۆتونوميالى وبلىسى اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىنىڭ جانە كاسىپ سالاسىنىڭ توعىسپالى دامۋىنىڭ ىقشام كورىنىسى. سانجى وبلىستىق ەگىن شارۋاشىلىعى مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى لي چياڭحۋا تانىستىرىپ بىلاي دەدى: كەزەكتە سانجى وبلىسىندا ەگىستىك جەردىڭ جارىمىنا تاياۋى اينالىمعا سالىندى. نۇرداۋلەت سياقتى جەرىن اينالىسقا سالعاننان كەيىن ەڭبەك قابىلەتىنە يە جانە جۇمىسقا ورنالاسۋ ويى بار قىستاق تۇرعىندارى نەگىزىنەن باسقا كاسىپ سالاسىنا ويىسىپ جۇمىسقا ورنالاستى. «بۇندا قىستاق تۇرعىندارىنىڭ %70ى سول ارادا، جاقىن ماڭدا جۇمىسقا ورنالاستى، كەيبىرى تەحنيكالىق شەبەرلىككە باۋلۋ ارقىلى كاسىپ جۇمىسشىسىنا اينالدى، كەيبىرى اۋىل - قىستاق ساياحاتىن دامىتۋ ارقىلى جۇمىسقا ورنالاستى»، - دەدى لي چياڭحۋا.  

 جاقىنعى جىلداردان بەرى، سانجى وبلىسى كاسىپ سالاسىن توعىسپالى دامىتۋ قابىلەتىن وسىرۋگە كۇش سالىپ، «اۋىل شارۋاشىلىعى + ساياحاتتى» ىلگەرىلەتىپ، سەيىل - سەرۋەن، تاماشالاۋ اۋىل شارۋاشىلىعىن كۇش سالا دامىتىپ، اۋىل - قىستاقتىڭ جان - جاقتى دامۋىنىڭ وسى زامانعى اۋىل شارۋاشىلىعى، سەيىل - سەرۋەن ساياحاتى ءبىر تۇلعالانعان جاڭا فورماسىن جەتىلدىرىپ، وبلىس بويىنشا سەيىل - سەرۋەن، تاماشالاۋ اۋىل شارۋاشىلىعىن تيجارات ەتەتىن ۇيىم 570كە جەتتى، مەملەكەت، اۆتونوميالى رايون، وبلىس بويىنشا سەيىل - سەرۋەن، تاماشالاۋ اۋىل شارۋاشىلىعىنان ۇلگى كورسەتۋ تۇيىندەرى جەكە - جەكە 4كە، 39عا، 38گە جەتتى. بيىل 9 - ايعا دەيىن، بۇكىل وبلىس بويىنشا سەيىل - سەرۋەن، تاماشالاۋ اۋىل شارۋاشىلىعىنىڭ تيجارات كىرىسى 800 ميلليون يۋانعا جەتىپ، جۇمىسقا ورنالاسقاندار 11 مىڭ 500گە جەتىپ، 35 مىڭ ەگىنشى - مالشىنى جۇمىسقا ورنالاستىرىپ، كىرىسىن ارتتىردى.


بەرىپ كەت ورامالىڭدى

دوستار

الىستاعى اق ەركە