جاڭا حابارلار

تىگىنشىلىك قولونەر كاسىبى ارقىلى باقىتتى تۇرمىسقا كەنەلدى

    كەلۋ قاينارى: شينجياڭ حالىق راديو ىستانسياسى    2018-10-21 09:45:24  

 كۇشار اۋدانىنداعى ءراشيت كەستەشىلىك، تىگىنشىلىك قولونەر كاسىبى مانەرلەۋ فابريكاسىنىڭ باستىعى پاتيگۇل تۇردىنىڭ جەرگىلىكتى ورىندا بەلگىلى اتى بار، ول ءوزىنىڭ كيىم-كەشەك ايگىلى ماركاسىن جاراتىپ قالماستان، تاعى 300 دەن استام شاكىرت تاربيەلەپ،  ولاردىڭ كاسىپتەنۋىنە كومەكتەستى،   «تىككەن كەزدە كەزدەمەنى قاتتى كەرمەيدى، تىم بوس تا ۇستامايدى، ينەنى توتە تۇيرەيدى، قىڭىر-قيسىق تۇيرەمەۋ كەرەك، وسى ماسەلەلەرگە كوڭىل بولسەڭ بولدى».  كۇشار اۋدانىنداعى  ءراشيت كەستەشىلىك، تىگىنشىلىك قولونەر كاسىبى مانەرلەۋ فابريكاسىنا بارعانىندا، ءتىلشى 48 جاستاعى پاتيگۇل تۇردىنىڭ جۇمىسشىلاردىڭ جاڭا توپتاعى تاپسىرىس بەرىلگەن كيىمدەردى تىگۋىنە قولما-قول جەتەكشىلىك ەتىپ جاتقانىن كوردى. پاتيگۇل تۇردى: ولاردىڭ ينە-ءجىپ ۇستاۋ تاسىلىنە قاداعالاپ وتىرامىن،  سوندا عانا نەداۋىر الاڭسىز بولامىن، ءار-ءبىر تاپسىرىستى مۇقيات ورىنداۋىمىز، فابريكامىزدىڭ كيىم ماركاسىنا ىقپال جەتكىزبەۋىمىز كەرەك،-دەدى.   1975- جىلى، نە ءبارى 4 جاسار پاتيگۇل تۇردى قىزۋى قاتتى ورلەپ، بالالاردىڭ سالدانۋ ناۋقاسىنا شالدىعىپ، سول اياعى كەم بولىپ قالادى. ول بىلاي دەدى: ول ۋاقىتتا، اكەم ءبىر ايدا 24 يۋان عانا ەڭبەكاقى الاتىن. شەشەم كۇندىز ەلگە كيىم تىگىپ بەرەدى، كەشتە كەستە تىگىپ، ۇيگە قارايلاساتىن. مەن ءبىر ۇيقتاپ تۇرعاندا، شەشەمنىڭ شام جارىعىندا كەستە تىگىپ وتىرعانىن كورەتىنمىن.  سول ۋاقىتتا، كيىم تىگۋ مەن كەستەشىلىكتى ۇيرەنىپ، شەشەمنىڭ اۋىرتپالىعىن جەڭىلدەتسەم دەگەن ويعا كەلدىم.
 1988- جىلى، پاتيگۇل تۇردى شەشەسىنىڭ كومەگى مەن شابىتتاندىرۋىندا، تىگىنحانا اشادى. باستابىندا، ونىڭ كيىم تىگەتىنىنە ەشكىم دە سەنبەيتىن دە، بالاقتىڭ شەتىن جورمەۋ، سىدىرما سالۋ، كيىم ۇتىكتەۋ سياقتى كىشى-گىرىم جۇمىستاردى دا تاپسىرىپ الا المايتىن، پاتيگۇل تۇردى دوڭگەلەك ورىندىققا وتىرىپ، جان-جاققا شاقپىلاپ تىككەن كيىمىن بازارعا سالدى. پاتيگۇل تۇردى بىلاي دەدى:  مىسالى، تويعا بارىپ،تىككەن كيىمدەرىمدى كوپشىلىككە كورسەتەمىن، اۋەلى باسقالالارعا كيىمدى تەگىن تىگىپ بەرەمىن، سول ۋاقىتتا ەرەكشە جاپاكەش بولاتىنمىن، كوپشىلىك بىرتىندەپ ماعان سەنىم ارتتى، سودان باستاپ، دۇكەنىمنىڭ ساۋداسى بارعان سايىن جاقسارا ءتۇستى.
كيىمدى جاقسى تىگەتىندىكتەن، قايتا تاپسىرىس بەرەتىن حاريدارلارى مولايىپ، تىگىنحانانىڭ ساۋداسى كۇننەن-كۇنگە كۇسەت بولادى.  كوپ وتپەي، ماڭىنداعى اۋىل-قىستاقتارداعى جاستار دا ونىڭ اتىن ەستىپ، قولونەر ۇيرەنگەلى كەلەدى، پاتيگۇل تۇردى كيىم ءپىشۋ، تىگۋ كۋرسىن اشىپ، كوپشىلىككە كيىم تىگۋدى تەگىن ۇيرەتەدى.  ول بىلاي دەدى: كوپ جاستار وسى جەردە تىگىنشىلىك قولونەرىن ۇيرەندى، كەيبىرەۋى قايتىپ بارىپ، تىگىنحانا اشسا، كەيبىرەۋى وسى جەردە قالىپ، جالعاستى جۇمىس ىستەدى، كوپتەگەن مۇگەدەك اپەكە-سىڭىلىلەر  كاسىپ تابا الماي وتىر، ولار جاپا شەگۋگە مويىنسال بولسا بولعانى مەن ولاردى قابىلداۋعا دايىنمىن، ولارعا تەگىن ۇيرەتىپ، كاسىپتەنۋىنە قولعابىس تيگىزەمىن.  2014- جىلى، پاتيگۇل تۇردى  كيىم-كەشەگىنە «ءراشيت» دەگەن ساۋدا ماركاسىن تىزىمگە الدىرادى، قابىلدانعان كۋرسانتتار 300 ادامنان اسادى، ولاردىڭ 100 دەن استامى مۇگەدەك  ەدى. قازىر، پاتيگۇل تۇردى ساۋداسىن اناعۇرلىم جاقسارتىپ، بۇرىنعىدان دا كوپ ادامدى كاسىپتەنەتىن جۇمىس ورنىمەن قامداۋعا كۇش سالۋدا. پاتيگۇل تۇردى بىلاي دەدى: قۇلشىنباساڭ، كۇرەس جاساماساڭ، بەينەت شەگەسىڭ، كۇرەس جاساۋدىڭ ناتيجەسىندە، بۇگىنگى جاقسى تۇرمىسقا كەنەلىپ ، مۇگەدەكتەردىڭ كاسىپتەنۋ ماسەلەسىن شەشىپ وتىرمىن، ولاردىڭ تۇرمىسى جاقسارسا، ءوزىمدى باقىتتى سەزىنەمىن.
 
 
 


بەرىپ كەت ورامالىڭدى

دوستار

الىستاعى اق ەركە