جاڭا حابارلار

قويتاس اڭعارىنىڭ ءبىر جىلداعى كورىنىسى كوز سۇرىندىرەر مەزگىلى، عاجايىپ تاستاردى تاماشالاۋدان سىرت، تاعى دا دولانانى، قىزىل جاپىراقتى تاماشالاۋعا بولادى، بۇل ارا ساياحاتشىلاردى ەرەكشە باۋرادى

    كەلۋ قاينارى: شينجياڭ حالىق راديو ىستانسياسى    2018-10-21 09:41:14  

       ەرىكتى ءتىلشى ۋاڭ جيڭتاۋ، حۋاڭ گىنشيدىڭ حابارى::

   قازىر، مەملەكەتA4دارەجەلى ساياحات كورىنىس رايونى قاپتاعاي قويتاس اڭعارىنىڭ ءبىر جىلداعى كورىنىسى كوز سۇرىندىرەر مەزگىلى، عاجايىپ تاستاردى تاماشالاۋدان سىرت، تاعى دا دولانانى، قىزىل جاپىراقتى تاماشالاۋعا بولادى، بۇل ارا ساياحاتشىلاردى ەرەكشە باۋرادى.  ەرىكتى ءتىلشى ۋاڭ جيڭتاۋ، حۋاڭ گىنشيدىڭ حابارى:: 
    بۇراتالا قالاسىنىڭ شىعىس سولتۇستىگىنەن 38 كيلومەتر قاشىقتاعى  الاتاۋدىڭ تارماق سىلەمى بولعان سارى تاۋىنىڭ ەتەگىندە، ونشاقتى ءتابيعي تاۋ اڭعارى  قاپتاعاي قويتاس اڭعارىن قالىپتاستىرعان. التىن كۇز مەزگىلىندە، تاستىڭ ساڭلاۋىنان ءوسىپ شىققان بۇتا-بۇرگەن سياقتى وسىمدىكتەردىڭ جاپىراعى جاسىل تۇستەن قان قىزىل تۇسكە اينالىپ، كەيبىرەۋىنىڭ باسىنداعى جۇگەرىنىڭ دانىندەي دولانا  عاجايىپ تاستار شوعىرىن بەزەندىرىپ، كوزدىڭ جاۋىن الىپ، كوپتەگەن ساياحاتشى مەن فوتو سۋرەت اۋەسكەرلەرىن تاماشالاۋعا باۋرادى. گانسۋلىق ساياحاتشى ما لي:«بۇرىن شيجياڭ ەرەكشە كوركەم  دەپ ەستىگەنبىز، كەلىپ كوردىك، شىنىندا ەرەسەن ادەمى ەكەن، تاعى دا كەلگىمىز كەلەدى»،- دەدى.  
     قاپتاعاي قويتاس اڭعارى ەلىمىزدىڭ باتىس سولتۇستىگىنەن قازىرگە دەيىن بايقالعان ەڭ ءىرى عاجايىپ شىبار گرانيت تاستار شوعىرى ەكەن. بۇل اراداعى تاستار اشىق كۇيدە بولىپ، بارلىق جەر  الۋان ءتۇرلى پىشىندەگى عاجايىپ تاستار شوعىرى، كەيبىرەۋى كوككە قاراعان اسپان توبەتى، سامعاپ ۇشقان قارشىعا، سۋ كەشكەن ءپىل، تەڭىزدە جۇزگەن اكۋلا سەكىلدى بەينەدە بولسا، كەيبىرەۋى  بايىرعى قورعان، سايالىق سياقتى اسەر بەرەدى.  عاجايىپ تاستاردىڭ بەينەسى تاماشالاعان ورىننىڭ تۇرلىشە بولۋىنا بايلانىستى وزگەرىپ وتىرادى، نەگىزىنەن ءاربىر عاجايىپ تاستىڭ ۇقسامايتىن كەلىپ شعۋ تاريحى جانە اڭىزى بار ەكەن. قارامايلىدان بارعان ساياحاتشى جۋ مين: «بارىنەن دە باسقا پلانەتا ادامىنىڭ ءجۇزى ەسىمنەن كەتپەيدى، سول كەزدە سۋرەتكە ءتۇسىرىپ ، دوس- جاراندارىما تانسىتىردىم، ولار ەرەكشە قىزىقتى»،- دەدى. 
     قاپتاعاي قويتاس اڭعارى كورىنىس رايونىن  وڭتۇستىك پەن سولتۇستىك جانە شىعىس پەن باتىس باعىتقا قاراي اققان  ون شاقتى تاۋ بۇلاعى   كورىنىسى ەرەكشە، وزىندىك ءتۇس العان اڭعارعا اينالدىردى. عاجايىپ تاستار شوعىرىنان سىرت، تاعى دا قۇزار شىڭ، سارقىراما،  اسقار تاۋ  جايلىمى جانە تيانشان بال قاراعاي ورمانى بار، كورىنىس رايونىندا تاعى دا كەكلىك، قارا قۇيرىق، تۇلكى، بۇعى مارال سياقتى جابايى حايۋاناتتار بار، جاياۋ  جۇرۋگە، ەكسپەدەتسيا جاساۋعا توتەنشە لايىقتى ورىن . بەيجيڭدىق ساياحاتشى  يە پيڭ: « توتەنشە حيكىمەتتى، بارلىعى ءتابيعي قالىپتاسقان ەكەن، ەرەكشە قايران قالدىق»،- دەدى.


بەرىپ كەت ورامالىڭدى

دوستار

الىستاعى اق ەركە