جاڭا حابارلار

كۇز مەزگىلىندە دەنساۋلىققا پايدالى 5 ءتۇرلى جەمىس-جيدەك

    كەلۋ قاينارى: شينجياڭ حالىق راديو ىستانسياسى    2018-10-21 23:04:26  

كۇز  ماۋسىمىنىڭ  كەلۋىمەن، ءدامى ءتىل ۇيرەتىن، ادامدى وزىنە قىزىقتىراتىن الۋان ءتۇرلى جەمىس- جيدەك بازارعا ارت-ارتىنان شىعا باستايدى.ەندەشە بۇل تۇردەگى جەمىس-جيدەكتەردىڭ   وزدەرىنە ءتان قانداي ەرەكشەلىكتەرى بار.
    ءجۇزىم،توتىقتانۋدىڭ الدىن الاتىن  جەمىس. ءجۇزىمنىڭ قۇرامىنداعى اق تومار ءدارى ءسىلتىسى ءبىر ءتۇرلى توتىقتانۋعا  قارسى زات بولىپ، كارتەيۋدىڭ الدىن الىپ، دەنەدەگى ەركىن راديكالدى تازالايدى، جۇرەك-مي قان تامىرى اۋرۋىنىڭ الدىن الاتىن جانە ەمدەيتىن رولى بار.  ەسكەرتە كەتەتىن ءجايت، ءجۇزىم سۋىقتىق بولعاندىقتان، اسقازان كوكباۋىرى السىزدەردىڭ كوپ تۇتىنۋىنا  بولمايدى.
   دولانا،پەكتين پاتشاسى. پەكتين ءبىر ءتۇرلى پولي ساحاريد بولىپ، قانداعى قانت قۇرامى مەن ماي قۇرامىن  تەجەۋگە پايدالى. بۇدان سىرت، دولانانىڭ قۇرامىندا تاعى كوپ مولشەردە فلاۆون تەكتەس قوسىندى جانە ورگانيكالىق قىشقىل بار بولىپ، راكقا قارسى تۇرىپ، راكتىڭ الدىن الادى، قان قىسىمى مەن حولەستەريندى تۇسىرەتىن رولى بار بولىپ، ادەتتە بارلىق  ادامداردىڭ  تۇتىنۋىنا   بولادى، اسىرەسە اس قورتۋى ناشار، جۇرەك قان تامىر ناۋقاسىنا شالدىققاندار مەن ىشەك قابىنۋ ناۋقاسىنا شالدىققاندارعا پايدالى، ءبىراق جۇكتى ايەلدەر مەن بالالاردىڭ، اسقازان  اۋرۋى بارلار ، ناۋقاستان دەنە قۋاتى السىرەگەندەر جانە ءتىس اۋرۋى بارلاردىڭ  تۇتىنۋىنا  بولمايدى.
  تسيترۋس، قۇرامىندا ۆيتامين BI ەڭ مول جەمىس.  ۆيتامين  B I نەرۆ جۇيەسىنە سيگنال جەتكىزۋدە ماڭىزدى رولعا يە. بۇدان سىرت، تسيترۋستىڭ قۇرامىنداعى كاروتيننىڭ مولشەرى باسقا كۇزدىك جەمىس- جيدەكتەن الدەقايدا جوعارى بولىپ، بۇنداي قورەكتىك زات دەنەدە ۆيتامين A عا وزگەرىپ، كوزدى قورعاپ، كوزدى نۇرلاندىراتىن رولى بار. تسيترۋستىڭ قۇرامىندا تاعى توتىقتانۋعا، راكقا، اسىرە سەزىمتالدىققا قارسى زاتتار بار بولۋمەن بىرگە، قاننىڭ قويۋلاسۋىن تەجەپ، جۇرەك اۋرۋ، ميعا قان قۇيىلۋ جانە جوعارى قان قىسىمى اۋرۋى  تۋىلۋىنىڭ  مولشەرىن ازايتۋ سياقتى ەرەكشەلىكتەرى   بار.
  انار، ازىقتىق تالشىق پاتشاسى. اناردىڭ قۇرامىنداعى  سۋدا  ەرىگىش ازىقتىق تالشىعى ادامنىڭ اس قور تۋ جولىندا فەرمەنتتىڭ اسەرىندە ىدىراماي، ءىش قاتۋدىڭ الدىن الىپ، ءىش ءوتۋدى تيادى. بۇدان  سىرت، انار  ۇرىعىنىڭ قۇرامىندا كوپ مولشەردە ۆيتامين C بار بولىپ، قارتايۋدىڭ الدىن الادى. سوندىقتان  انار جەگەندە ۇرىعىن شايناپ بىرگە جەۋ كەرەك. ەسكەرتۋگە ءتيىستىسى، اناردى  ۇنەمى ءىشى قاتاتىندار از تۇتىنۋ  كەرەك.
  شىلان، ۋنيۆەرسال ازىقتىق. باسقا كۇزدىك ازىقتىقتارمەن سالىستىرعاندا شىلان كوپ ءتۇرلى قورەكتىك قۇرامى جاعىنان الدىنعى ورىندا تۇرادى، مىسالى،وندا، ۆيتامينC، كالي، ماگني، تەمىر، مىرىش سياقتىلار بار. ۆيتامين C قان تامىردى جۇمسارتىپ، جوعارى قان قىسىمى اۋرۋىنىڭ، جۇرەك اۋرۋىنىڭ جانە ارتەريا قاتايۋىنىڭ الدىن الادى، كالي قان قىسىمىن تەجەۋگە پايدالى، ماگنيدىڭ قىسىمدى جەڭىلدەتۋگە پايداسى بار. ەسكەرتۋگە ءتيىستى ءىس، شىلان ىستىقتىق بولعاندىقتان، ۇنەمى ءىشى قاتاتىن، قاقىرىعى كوپ، اسقازان ناۋقاسى بار جانە قانتتى نەسەپ اۋرۋىنا شالدىققانداردىڭ كوپ  تۇتىنۋىنا  بولمايدى.


بەرىپ كەت ورامالىڭدى

دوستار

الىستاعى اق ەركە