جاڭا حابارلار

   كۇز ماۋسىمىندا جوعارى قان قىسىمى بار قارتتار ءدارىنى ابايلاپ ىشكەنى ءجون

    كەلۋ قاينارى: شينجياڭ حالىق راديو ىستانسياسى    2018-10-21 23:05:45  

   كۇز كەلىسىمەن تەمپەراتۋرادا وزگەرىس بولاتىندىقتان، قارتتار ءدارىنى ابايلاپ ءىشۋى، اسىرەسە جوعارى قان قىسىمى بار قارتتار بۇعان ءتىپتى دە كوڭىل بولگەنى ءجون.ۇقساماعان ماۋسىمعا قاراي ،ءدارىنى ءىشۋدىڭ دە ۇقسامايتىندىعىن ءسىز بىلمەيتىن بولۋىڭىز مۇمكىن. شىجىعان ىستىقتا مي قان تامىرلارى كەڭەيەتىندىكتەن، قان قىسىم كۇرت جوعارىلاۋداي جاعداي از ۇشىرايدى. ال كۇز ماۋسىمىندا اۋا سالقىن بولاتىندىقتان، مي قان تامىرلارى تارايادى دا قان قىسىمى جوعارىلايدى. مۇنداي كەزدە جوعارى قان قىسىمى بار ناۋقاستار قان قىسىمىن تومەندەتەتىن ءدارىنىڭ مولشەرىن دەر كەزىندە تەڭشەپ، قان قىسىمىن مەڭگەرىپ، ميعا قان قۇيىلۋدان ساقتانۋ كەرەك.
  ماماندار كەزەكتە جوعارى قان قىسمى اۋرۋىن تۇبەگەيلى جازاتىن ەمدەۋ شاراسى بولماعاندىقتان، تەك تۇرمىس ءتاسىلىن جاقسارتۋ مەن ءدارى-دارمەككە عانا سۇيەنۋ كەرەكتىگىن اتاپ كورسەتتى. كوپتەگەن جاعدايلاردا جوعارى قان قىسىمى بار  ناۋقاستاردىڭ ءدارىنى ۇزاق ۋاقىت ۇزبەي ىشۋىنە نەمەسە ءومىر بويى ىشۋىنە تۋرا كەلەدى. وتە از ساندى نەمەسە ەرەكشە تۇردەگى جوعارى قان قىسىمى بار ناۋقاستار جوعارى قان قىسىمىنان كەلىپ شىققان اۋرۋلاردان ارىلعاننان كەيىن جوعارى قان قىسىمىنا قارسى ءدارىلەردى ءىشۋدى ازايتۋىنا نەمەسە ءدارى ءىشۋدى توقتاتۋىنا بولادى. الايدا مۇنداي ناۋقاستار، ءسوزسىز، ارناۋلى شيپاگەرلەردىڭ جەتەكشىلىگىندە ءدارى مولشەرىن بىرتىندەپ ازايتۋى نەمەسە ءدارى ءىشۋدى توقتاتقانى ابزال.  كۇز ماۋسىمىندا اۋا قۇرعاق، كۇندىز بەن ءتۇننىڭ تەمپەراتۋرا پارقى زور بولادى. مۇنداي كەزدە ءدارى ءىشۋ ۋاقىتىن تەڭشەۋدەن سىرت، كۇز ماۋسىمىندا اسپيرين سياقتى جۇرەك، مي قان تامىرلارىن جاقسارتاتىن دارىلەردى توقتاتپاي ءىشۋ كەرەك. مۇنداي كەزدە   ءىشىپ جاتقان قان قىسىمىن تومەندەتەتىن ءدارىنىڭ مولشەرىن لايىقتى ارتتىرۋ، الايدا، ءسوزسىز، شيپاگەرلەردىڭ كەڭەسىن الىپ، قان قىسىمىن بىرتىندەپ تومەندەتۋگە كوڭىل ءبولۋ كەرەك.  سونىمەن بىرگە، قان قىسىمىن تومەندەتۋدەن باسقا ناۋقاستاردىڭ   پايدا بولۋىنان ساقتانۋ كەرەك.  ۇزاق  ءونىمدى ءدارى ىشەتىن ناۋقاستاردىڭ ءونىمى قىسقا  دارىلەردى الماستىرىپ ىشۋىنە بولمايدى.  ولاي بولعاندا، قان قىسىم بىردە تومەندەپ، بىردە جوعارىلاۋدان ميعا قان قۇيىلۋى مۇمكىن.
   ماماندار مىنانى ەسكەرتەدى: ءدارى-دارمەك اۋرۋدى ەمدەۋدىڭ بىردەن-ءبىر تالعامى ەمەس. قايتا اقاۋسىز، ريتىمدى تۇرمىس ادەتىن قالىپتاستىرىپ، قورەكتىك قۇرامى جوعارى ازىقتىقتاردى تەڭشەپ تۇتىنىپ، كوڭىل كۇيدى كوتەرىڭكى ۇستاپ، دەنە ارەكەتىمەن لايىقتى شۇعىلدانعاندا عانا اۋرۋعا بولعان قارسىلىق قۋاتتى ارتتىرىپ، قاناعاتتانارلىقتاي ەمدەۋ ونىمىنە جەتۋگە بولادى.
 


بەرىپ كەت ورامالىڭدى

دوستار

الىستاعى اق ەركە