جاڭا حابارلار

رايونىمىز ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيىپتىك ماسەلەنى اشىق جاريالادى

    كەلۋ قاينارى: شينجياڭ حالىق راديو ىستانسياسى    2018-10-22 11:11:46  
ستانسيامىزدىڭ حابارى: جۋىردا اۆتونوميالى رايوندىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى. وسى 6 تيپتىك ماسەلە مىنالار:
1. مارالباسى اۋدانى ساربۇيا قالاشىق پارتكومىنىڭ ورىنباسار شۋجيى ابدىكەرىم ءادىلدىڭ بەلگىلەمەگە قايشىلىق جاساپ تارتۋ الۋى سياقتى ماسەلەلەرى. 2016-جىلى 7-ايدان 2017-جىلى 4-ايعا دەيىن، ابدىكەرىم ءادىل باسقاراتىن قىزمەت وتەۋ وبيەكتىسىنىڭ جاقىنداسۋ ءۇشىن تارتۋ ەتكەن باعاسى 8 مىڭ 500 يۋاننان اساتىن ۋقالاۋ ورىندىعى، كيىم-كەشەك سياقتى تارتۋلارىن كوپ رەت قابىلدايدى ءارى قارسى جاقتى ءوزى تولەۋگە ءتيىستى جەكەلىك اۆتولىكتى بەزەندىرۋگە جۇمساعان 10 مىڭ 500 يۋان اقىسىن تولەۋگە ورنالاستىرادى، مۇنان تىس، ابدىكەرىم ادىلدە وزگە دە تۇزىمگە قايشىلىق جاساۋ ماسەلەسى بار. 2018-جىلى 8-ايدا، ابىكەرىم ادىلگە پارتيا ىشىندە قاتاڭ ەسكەرتۋ جازاسى بەرىلگەن.
2. قۇمىل قالاسى ەۋىرعۇل رايوندىق حالىق سوت مەكەمەسى پارتگرۋپپاسىنىڭ بۇرىنعى مۇشەسى، ءبولىم دارەجەلى سۋديا داڭ حۇيفۋدىڭ قىزىنىڭ ۇيلەنۋ تويىن بەلگىلەمەگە قايشى وتكىزۋ ماسەلەسى. 2017-جىلى 4-ايدىڭ 30-كۇنى، 5-ايدىڭ 1-كۇنى، داڭ حۇيفۋ ۇيىمعا قىزىنىڭ ۇيلەنۋ تويىنىڭ ىستەرىن ناقتىلى مالىمدەمەگەن جاعدايدا، جەكە-جەكە ءوزىنىڭ جانە تۋىس-تۋعاندارى اتىنان توي سالتىن وتكىزۋ ورايىنان پايدالانىپ، تۋىس-تۋعان، دوس جاراندارىنان جانە باسقاراتىن قىزمەت وتەۋ وبيەكتىلەرىنەن جالپى 340 ادامدى ولشەمنەن اسىرىپ توي سالتىنا قاتىناسۋعا ۇسىنىس ەتىپ، باسقارىپ قىزمەت وتەيتىن 24 وبيەكتىنىڭ 18 مىڭ 800 يۋان تارتۋ اقشاسىن بەلگىلەمەگە قايشى قابىلدايدى. مۇنان تىس، داڭ حۇيفۋدا وزگە دە تارتىپكە قايشى ماسەلەلەر بار. 2018-جىلى 9-ايدا، داڭ حۇيفۋعا پارتيا ىشىندەگى مىندەتىن كۇشىنەن قالدىرۋ، اكىمشىلىك مىندەتىنەن قالدىرۋ جازاسى بەرىلەدى.
3. قورعاس اۋدانى چيڭشۇيحى قالاشىق پارتكومىنىڭ مۇشەسى، قارۋلى ءبولىمىنىڭ باستىعى سۇن يانجۇننىڭ بەلگىلەمەگە قايشىلىق جاساپ، باسقاراتىن قىزمەت وتەۋ وبيەكتىسىنىڭ قوناعاسىسىنا قاتىناسۋ ماسەلەسى. 2015-جىلى 8-ايدا، 2016-جىلى 8-ايدا، اسكەرگە قابىلداۋ مەزگىلىندە، سۇن يانجۇن اسكەرگە قابىلداۋ وبيەكتىسىنىڭ تۋىسىنىڭ قوناعاسىسىنا ەكى رەت بارىپ، ناشار قوعامدىق ىقپال تۋدىرادى. 2018-جىلى 7-ايدا، سۇن يانجۇنعا پارتيا ىشىندە قاتاڭ ەسكەرتۋ بەرۋ جازاسى بەرىلەدى.
4. ىلە تاس جول باسقارۋ مەكەمەسى نىلقى بولىمشە مەكەمەسى پارتگرۋپپاسىنىڭ بۇرىنعى شۋجيى، ورىنباسار مەكەمە باستىعى ۋاڭ لەيدىڭ ۇكىمەت اقشاسىمەن جەكەلىك تەلەفون اقىسىن تولەۋ سياقتى ماسەلەلەرى. 2016-جىلى 5-ايدان 2018-جىلى 4-ايعا دەيىن، ۋاڭ لەي قىزمەت قولايلىلىعىنان پايدالانىپ، جەكە قول تەلەفونىن قىزمەت ورنى تەلەفونىمەن، كەڭ بەلدەۋلى توراپپان بىرلەستىرىپ، اقىسىن ۇكىمەت قاراجاتىمەن تولەپ، جەكە ۇستىنە الۋعا ءتيىستى قول تەلەفون اقىسىنان جالپى 4 مىڭ 800 يۋاندى تولەگەن؛ ۇكىمەت اۆتوكولىگىن بەلگىلەمەگە قايشى كوپ رەت پايدالانىپ، قۇلجاعا قايتا-قايتا بارىپ-كەلىپ تۋىسشىلاعان. 2018-جىلى 9-ايدا، ۋاڭ لەيگە پارتيا ىشىندە ەسكەرتۋ بەرۋ، اكىمشىلىك ەسكەرتۋ بەرۋ جازاسى بەرىلگەن ءارى مىندەتىنەن قالدىرىلىپ ءبىر جايلى ەتىلگەن.
5. بۇراتالا وبلىستىق مەملەكەت جەر بايلىعى مەكەمەسى پارتگرۋپپاسىنىڭ بۇرىنعى مۇشەسى، ورىنباسار مەكەمە باستىعى چەرىنباتتىڭ ۇكىمەت ىسىنە پايدالانىلاتىن اۆتوكولىكتى بەلگىلەمەگە قايشى ورنالاستىرۋ ماسەلەسى. 2015-جىلى 12-ايدا، چەرىنبات اراسان اۋداندىق مەملەكەت جەر بايلىعى مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى بولىپ تۇرعان كەزىندە، وسى ورىننىڭ ۇكىمەت ىسىنە پايدالاناتىن اۆتوكولىگىنىڭ سانى تولعان جانە اۆتوكولىك ساتىپ الۋ قاراجاتى جوق جاعدايدا، ۇكىمەت ساتىپ الۋ تارتىبىنەن جالتارىپ، جەردى رەتتەۋ قارجىسى سياقتى نىسان قارجىسىنان جيىنى 271 مىڭ 100 يۋاندى باسقاعا جۇمساپ، مەملەكەت يەلىگىندەگى كاسىپورىننىڭ اتىمەن دالالىق اۆتوكولىكتەن بىرەۋىن بەلگىلەمەگە قايشى ساتىپ العان. 2018-جىلى 8-ايدا، چەرىنباتقا پارتيا ىشىندە قاتاڭ ەسكەرتۋ جازاسى بەرىلدى ءارى مىندەتىنەن قالدىرىلىپ ءبىر جايلى ەتىلدى.
6. ءۇرىمجى قالاسى ميچۋان-دۇڭشان رايونى قوعام حاۋىپسىزدىگى بولىمشە مەكەمەسى تەرەكتى ساقشى بولىمشەسىنىڭ حالىق ساقشىسى ۋاڭ يۇڭجيەنىڭ ۇكىمەت اۆتوكولىگىن جەكە ىسىنە پايدالانۋ ماسەلەسى. 2018-جىلى 8-ايدا، ۋاڭ يۇڭجيە مەكەمەنىڭ ساقشى اۆتوكولىگىن جۇرگىزىپ، تۋىسىن ءۇرىمجى قالاسىنداعى شىرىنگوۋ كورىنىس رايونىنا اپارعان. 2018-جىلى 8-ايدا، ۋاڭ يۇڭجيەگە اكىمشىلىك ايىپ جازاسى بەرىلەدى.
جوعارىداعى 6 تيپتىك ماسەلەدە: پارتيانى جاپپاي قاتاڭ جونگە سالۋ، ستيلدى دۇرىستاپ، ءتارتىپتى قاتاڭ اتقارۋ تەگەۋرىندى جاعدايىندا، تاعى دا از ساندى پارتيالى كادرلاردىڭ ساياسي تانىمى جۇتاڭ، ءتارتىپ كوزقاراسى كەمشىل ەكەنى، تىزگىنىن تارتپاي، ەبىن تاۋىپ «ءتورت بۇرىس ستيلمەن» اينالىسقاندىعى اڭىس ەتىلگەن، بۇلاردى ءسوزجوق، ءتارتىپ، ەرەجە بويىنشا قاتاڭ تەكسەرىپ ءبىر جايلى ەتۋ كەرەك. رايونىمىزداعى قالىڭ پارتيالى كادرلار حابارلانىپ اشكەرەلەنگەن تيپتىك ماسەلەلەرمەن سانالىلىقپەن سالىستىرىپ، اشتى ساباق الىپ، بۇنى ساقتىق ەسكەرتۋى دەپ ءبىلىپ، پارتيالىلىق كوزقاراسىن نىعايتىپ، ءتارتىپ تالاپتارىنا قاتاڭ بويسىنۋ، اناعۇرلىم جوعارى ولشەم، اناعۇرلىم جوعارى تالاپپەن ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋ قاجەت. ءار دارەجەلى پارتيا ۇيىمدارى باس شۋجي شي جينپيڭنىڭ ورتالىقتىڭ 8 ءتۇرلى بەلگىلەمەسىن ىشكەرلەي تياناقتاندىرۋ جونىندەگى رۋحىن، «ءتورت بۇرىس ستيلدى» تۇزەتۋدەن جازباۋ جونىندەگى ءبىر قىدىرۋ ماڭىزدى سوزدەرى مەن نۇسقاۋىنىڭ رۋحىن باتىل دايەكتىلەندىرۋ، تياناقتاندىرۋ، پارتيانى باسقارۋ، پارتيانى جونگە سالۋ ساياسي جاۋاپكەرلىگىن شىن مانىندە ارقالاپ، ستيل قۇرىلىسىنىڭ تۇلعالىق جاۋاپكەرلىگىن مۇقيات اتقارىپ، وسى رايونداعى تاراۋلار مەن ورىنداردىڭ «ءتورت بۇرىس ستيلدى» تۇزەتۋ قىزمەتىن ۇزاق ۋاقىت مىقتى يگەرۋ كەرەك. ءار دارەجەلى ءتارتىپ تەكسەرۋ، باقىلاۋ-تەكسەرۋ ورگاندارى باقىلاۋ ءتارتىپتى اتقارۋ جاۋاپكەرلىگىن قۋزاۋ مىندەتىن مۇقيات اتقارىپ، «ءتورت بۇرىس ستيل» ماسەلەسىن كوزدە ۇستاپ، قول قۋسىرىپ قاراپ تۇرماي، شەگىنشەكتەمەي، بايقالعان زامان قاتاڭ جازالاپ، بۇدان كەيىن «ءتورت بۇرىس ستيل» ماسەلەسىن بارعان سايىن قاتاڭ قاداعالايدى، ءتارتىپتى اتقارۋ بارعان سايىن قاتاڭ بولادى دەگەن كۇشتى سيگنالدى جالعاستى تاراتۋ كەرەك.

بەرىپ كەت ورامالىڭدى

دوستار

الىستاعى اق ەركە