جاڭا حابارلار

بۇقارانىڭ قىستى جىلى دا ءجايلى وتكىزۋىنە مۇمكىندىك جاسالدى

    كەلۋ قاينارى: شينجياڭ حالىق راديو ىستانسياسى    2018-10-22 11:38:43  

ستانسيامىزدىڭ ءتىلشىسى لان تيان مەن پراكتيكانت رىن شينجيەنىڭ حابارى: بىتىراڭقى شاعىن پار قازانداردان شوعىرلى جىلۋمەن قامداۋعا دەيىن، ادامنىڭ كەزەكشى بولۋىنان ءىرى ساندى مالىمەتتى باسقارۋعا دەيىن، كومىر جاعۋدان تابيعي گاز، ودان گازبەن توكتى بىرلىكتە پايدالانۋعا دەيىن، قازىر ۇرىمجىدە تابيعي گاز ارقىلى جىلۋمەن قامداۋ نەگىز، وزگە ەنەرگيا ءوزارا بىرلەسكەن جىلۋمەن قامداۋ جۇلگەسى قالىپتاسىپ، بۇقارانىڭ قىستى جىلى دا ءجايلى وتكىزۋىنە مۇمكىندىك جاسالدى.
«كەشە قالىڭ قار جاۋدى، ءۇيىڭىز سۋىق بولدى ما؟...»، 10-ايدىڭ 19-كۇنى تۇستە، ءۇرىمجى قالاسى تيانشان رايونىنىڭ ميران شاعىن رايونىنداعى تۇرعىن ءپاريدا مامەتتىڭ ۇيىندە، ءۇرىمجى قالالىق جىلۋ ەنەرگيا باس سەرىكتەستىگىنىڭ قىزمەتكەرلەرى ءۇي ءىشىنىڭ تەمپەراتۋراسىن ۇلگى الىپ تەكسەردى. قىزمەتكەر: «تەمپەراتۋرا ولشەۋ اسپابىنداعى كورسەتكىشكە قاراعاندا، ءۇيىڭىزدىڭ تەمپەراتۋراسى 23.5 سەلتسي گرادۋس ەكەن»،-دەدى.
ءپاريدا مامەت تىلىشگە: «بۇرىن تاڭەرتەڭ تۇرعانىمىزدا ءۇي سالقىن بولاتىن. قازىر گاز ارقىلى جىلۋمەن قامداۋعا وزگەرگەننەن كەيىن، تەمپەراتۋرا ورنىقتى بولىپ، تاڭەرتەڭ تۇرىپ، مونشاعا تۇسۋگەدە كەلەدى. اكە-شەشەم ءار جىلى كەلىپ تۇرادى، ولار ءبىزدىڭ ۇيگە كەلگەندە، ءسوزسىز، شولاق جەڭدى كيىم كيۋ قاجەت ەكەنىن ايتادى»،-دەدى.
بىتىراڭقى شاعىن پار قازانى ارقىلى جىلۋمەن قامداۋدان، شوعىرلى جىلۋمەن قامداۋعا، قىزمەتكەرلەردىڭ كەزەكشىلىك ىستەۋىنەن، اۆتوماتتى مەڭگەرۋگە دەيىن، جىلۋمەن قامداۋمەن 34 جىل اينالىسقان ءۇرىمجى قالالىق جىلۋمەن قامداۋ باس سەرىكتەستىگىنىڭ باس ينجەنەرى حى حۇڭشىڭ وسىنداعى وزگەرىستەرگە كۋا بولدى. ول بىلاي دەدى: 1984-جىلى، شوعىرلى جىلۋمەن قامداۋدى باستاعاندا، كومىر جەتكىزۋ، كومىر قالدىعىن شىعارۋ تۇگەل ماشينالاندىرىلعان ەدى. 2000-جىلى، ءىرى تۇرپاتتى جىلۋمەن قامداۋ تورابىنا اۆتوماتتى باقىلاپ-مەڭگەرۋ جۇيەسى ورناتىلدى. قازىر تابيعي گاز پايدالانىلاتىن پار قازانى تۇگەل اۆتوماتتاندى، قازىر ءار ادامنىڭ جىلۋمەن قامداۋعا جاۋاپتى بولۋ اۋماعى 40 مىڭ شارشى مەتردەن اسادى، ال بۇرىن ءاربىر قىزمەتكەردىڭ جىلۋمەن قامداۋعا جاۋاپتى بولۋ اۋماعى نەبارى 10 مىڭ شارشى مەتر اينالاسىندا بولاتىن.
جىلۋمەن قامداۋدا كومىر جاعۋدى ازايتۋ ءۇشىن، 2012-2013-جىلى، ءۇرىمجى قالاسىنداعى نەگىزگى قالا رايونىندا جىلۋمەن قامداۋعا تابيعي گاز پايدالانۋ تولىق جالپىلاسىپ، مەملەكەت بويىنشا جىلۋمەن قامداۋعا تابيعي گاز پايدالانعان تۇڭعىش ورتالىق قالاعا اينالدى، تۇرعىنداردىڭ ۇيلەرىنىڭ تەمپەراتۋراسى بۇرىنعى 16 سەلتسي گرادۋستان جوعارلاپ، 20 سەلتسي گرادۋستان تۇسپەيتىن بولدى.
2018-جىلدان 2019-جىلعا دەيىنگى جىلۋمەن قامداۋ مەزگىلىندە، ءۇرىمجى قالاسىنىڭ جىلۋمەن قامداۋ اۋماعى 201 ميلليون تەكشە مەترگە جەتىپ، الدىنداعى جىلداعىدان شامامەن 14 ميلليون تەكشە مەتر ارتتى، قالانىڭ سەنترلى رايونىندا تابيعي گازدەن جانە ەلەكتردەن پايدالانىپ، جىلۋمەن قامداۋ تۇگەل جالپىلاستى. حى حۇڭشىڭ سان-سالالانعان جىلۋمەن قامداۋ فورماسى ءۇي ءىشى تەمپەراتۋراسىن بارعان سايىن تۇراقتاندىراتىنىن، ورتاعا جاسايتىن ىقپالى دا بارعان سايىن ازاياتىنىن ايتا كەلىپ بىلاي دەدى: الداعى بەتالىس ـــ تابيعي گازدەن پايدالانىپ جىلۋمەن قامداۋدان سىرت، تاعى ەلەكتردەن جانە باسقا دا تازا ەنەرگيادان پايدالانىپ، جىلۋمەن قامداۋدى دامىتىپ، تۇتىنۋشىلاردى جىلۋمەن قامداۋدىڭ ساپاسىنا كەپىلدىك ەتۋ، سونىمەن بىرگە ەنەرگيانىڭ سارىپ بولۋىن ازايتۋ بولماق.


بەرىپ كەت ورامالىڭدى

دوستار

الىستاعى اق ەركە