جاڭا حابارلار

ءبيداي، جۇگەرى ءوندىرىسىنىڭ جالپى بارىسى ماشينامەن ورىندالدى

    كەلۋ قاينارى: شينجياڭ گازەتى    2018-10-22 20:32:51  

 

 تارباعاتاي: اۋىل شارۋاشىلىعىنىڭ ماشينالانۋى «شارۋالاردىڭ قولىن بوساتىپ، ولاردى قوجايىنعا اينالدىردى»

 ءتىلشىمىز چىن چىن 10 - ايدىڭ 20 - كۇنى شاۋەشەكتەن حابارلايدى. 10 - ايدىڭ باسىندا، شاۋەشەك قالاسى ەمىل اۋىلى ليۋشىڭ قىستاعىنان مول ءونىمىنىڭ لەبى ەسەدى. اتىزداعى جۇگەرى سامال جەلمەن باياۋ ىرعالادى. قىستاقتان اتىزعا قاراي جۇرگەندە، ءتىلشى كومبايننىڭ قىستاق تۇرعىنى جۇڭ يۇنپيڭنىڭ 80 مۋ جەردەگى جۇگەرىسىن ورىپ جاتقانىن كوردى. جۇڭ يۇنپيڭ تىلشىگە قۋانا: قازىر قانداي قولايلى دەشى، كومباين گۇرىلدەپ وتىسىمەن جۇگەرىنىڭ ساباقتارى قۇلاپ ءتۇسىپ، جۇگەرى داندەرى قامباعا كىرەدى، ءبىز ديقانداردىڭ قولى بوساپ، قوجايىنعا اينالدىق، - دەدى.

  جۇڭ يۇنپيڭنىڭ جۇگەرىسىن شاۋەشەك قالاسى شۇينۇڭ جالپىلىق كاسىپتىك سەلبەستىك كووپەراتيۆىنىڭ كومباينى ورىپ بەردى. سەلبەستىك كووپەراتيۆىنىڭ باسالقاسى ما جانشياڭ بىلاي دەدى: ەمىل اۋىلىندا 80 مىڭ مۋ جۇگەرى اتىزى بار، ونى 3 سەلبەستىك كووپەراتيۆىنىڭ كومباينى ورادى، سەلبەستىك كووپەراتيۆىمىز مۇنىڭ 30 مىڭ مۋىن ورادى. اۋىل بويىنشا جۇگەرىنى ەگۋدەن تارتىپ ورىپ قامباعا كىرگىزگەنگە دەيىن تۇگەلدەي سەلبەستىك كووپەراتيۆىنىڭ ماشينالارى جۇمىس جاسايدى، اۋىل شارۋاشىلىق ماشينالارى ىسكە قوسىلىپ، شارۋالاردىڭ ۋاقىتىن، كۇشىن ۇنەمدەدى.

  تارباعاتاي ايماعىنىڭ ەجەلدەن «استىق قامباسى» دەگەن اتى بار. جاقىنعى جىلداردان بەرى، تارباعاتاي ايماعى استىق ءوندىرىسىنىڭ جالپى بارىسىن ماشينالاندىرۋدى ىلگەرىلەتۋدى، اۋىل شارۋاشىلىعىنىڭ ماشينالاندىرۋ جالپىلىق ورەسىن جوعارىلاتۋدى اۋىل شارۋاشىلىعىنىڭ وسىزاماندانۋىن جەبەۋدىڭ شەشۋشى شاراسى رەتىندە مىقتى ۇستادى. كەزەكتە، بۇكىل ايماقتاعى اۋىل شارۋاشىلىق ماشينالارىنىڭ جالپى قوزعاۋشى كۇشى 2 ميلليون 438 مىڭ 400 كيلوۆالتقا، تراكتوردىڭ سانى 58 مىڭ 892 گە، اۋىل شارۋاشىلىق ماشينا جابدىقتارىنىڭ سانى 182 مىڭ 505كە جەتىپ، 410 مىڭ مۋ جەردەگى ءبيداي مەن جۇگەرىنى ەگۋدەن تارتىپ ورعانعا دەيىن بۇكىلدەي ماشينالاندىرۋدى ىسكە اسىردى.

  سونىمەن بىرگە، تارباعاتاي ايماعى اۋىل شارۋاشىلىعىن ماشينالاندىرۋمەن بىرلەستىرىپ، ماڭىزدى ەگىنشىلىك ۋاقىتىن، ءتۇيىندى ەگىس داقىلدارىن، شەشۋشى بۋىنداردى جانە استىق ءوندىرۋشى نەگىزگى اۋدان، قالالاردىڭ ماشينالى ءوندىرىسىن مىقتى يگەرۋدى كورنەكتىلەندىرىپ، توپىراقتى بوساتۋ، ساپالى ەگۋ، تىڭايتقىشتى تەرەڭنەن بەرۋ، سۋ ۇنەمدەپ سۋارۋ، قورعاۋ سيپاتتى ەگىنشىلىك، ءبيداي مەن جۇگەرىنى ماشينامەن ورۋ سياقتىلاردى كەڭىنەن جالپىلاستىرىپ، اۋىل شارۋاشىلىق ماشينالارىن تالاسا ەگىپ، تالاسا ورۋعا، قۋاڭشىلىققا قارسى تۇرىپ، ىركىلگەن سۋدى سارقۋعا، زياندى جاندىكتەردىڭ زالالىنان ساقتانۋعا بەلسەنە ۇيىمداستىرىپ، اۋىل شارۋاشىلىق ماشينالارىنىڭ رايون اتتاپ جۇمىس جاساۋىن كولەمدى ورىستەتىپ، اۋىل شارۋاشىلىق ماشينالارىنىڭ قوعامدىق قىزمەت وتەۋىن ىلگەرىلەتىپ، اۋىل شارۋاشىلىق جالپىلىق ءوندىرىس قۋات ورەسىن ايتارلىقتاي جوعارىلاتتى.

   مۇنان تىس، تارباعاتاي ايماعى اۋىل شارۋاشىلىق ماشينالارى كاسىپتىك سەلبەستىك كووپەراتيۆىن كۇش سالا دامىتتى، اۋىل شارۋاشىلىق ماشينالارىنىڭ قىزمەت وتەۋ ۇيىمى قارىشتاپ دامىپ، جۇمىس قۇنىن جاپپاي تومەندەتىپ، استىقتى شوعىرلى ءوندىرۋدى جانە كولەمدى تيجارات ەتۋدى ىسكە اسىرۋ ءۇشىن ماڭىزدى رول اتقاردى. كەزەكتە بۇكىل ايماق بويىنشا اۋىل شارۋاشىلىق ماشينالارىنىڭ سەلبەستىك كووپەراتيۆى 90عا، مۇشەلەردىڭ سانى 2100گە، اۋىل شارۋاشىلىق جابدىقتارى 3998گە، سەلبەستىك كووپەراتيۆى قىزمەت كورسەتكەن شارۋالار وتباسى 35 مىڭعا جەتتى. وسى اۋىل شارۋاشىلىق ماشينالارى سەلبەستىك كووپەراتيۆى مەملەكەت، اۆتونوميالى رايون، تارباعاتاي ايماعى بويىنشا «اۋىل شارۋاشىلىق ماشينالارى سەلبەستىك كووپەراتيۆىنەن ۇلگى كورسەتۋ كووپەراتيۆى» اتاعىن ەنشىلەدى.

   «ءبىزدىڭ نىسانامىز استىق ءوندىرىسىنىڭ جالپى بارىسىن ماشينالاندىرىپ، استىق ءوندىرىسىنىڭ جالپى بارىسىنىڭ حاۋىپسىزدىگىنىڭ مەڭگەرىلمەلى بولۋىن ىسكە اسىرۋ»، - دەدى تارباعاتاي ايماقتىق اۋىل شارۋاشىلىق ماشينالارىن باسقارۋ مەكەمەسى باسقارۋ ءبولىمىنىڭ ورىنباسار باستىعى ران تيچين.

 

 


بەرىپ كەت ورامالىڭدى

دوستار

الىستاعى اق ەركە