جاڭا حابارلار

مۇگەدەك بولعانىمەن قاجىماس جىگەرلى ماناس اۋدانىنىڭ ديحانى پىڭ جياڭتاۋ

    كەلۋ قاينارى: شينجياڭ حالىق راديو ىستانسياسى    2018-10-29 12:46:53  

ماناس راديو ستانسياسىنىڭ ءتىلشىسى ۋارسجان ءومارجاننىڭ حابارى:    ماناس اۋدانى ليۋحۋدي قالاشىعى ياڭجياداۋ قىستاعىنىڭ ديحانى پىڭ جياڭتاۋ تاعدىرىنا باس يمەي،  ىلگەرىندى-كەيىندى تور ماقتا مانەرلەۋ شەبەرحاناسىن جانە تور ماقتا مانەرلەۋ زاۆودىن قۇرىپ، ەڭبەكشىل قوس قولىنا سۇيەنىپ، باقىتقا كەنەلدى،   ـــــ «تانىسپىز عوي، ەڭ تومەن باعادا بەرەيىك » 10-ايدىڭ 26-كۇنى، پىڭ جياڭتاۋ كونە حاريدارمەن 300 دانا تور ماقتا تاپسىرىسىن اقىلداستى، ول جۇمىستى جىڭىشكەلىكپەن ىستەيتىن، وندىرگەن تور ماقتاسى ساپالى، باعاسى لايىقتى بولعاندىقتان، ولار ساۋداعا بىردەن كەلىستى. 

  2004-جىلى 7-ايدا، ءبىر رەتكى قاتىناس شىرعالاڭىندا پىڭ جياڭتاۋدىڭ مويىن ومىرتقاسى سىنىپ، ەكى اياعى سالدانىپ قالادى، سول كەزدە نەبارى 25 جاستاعى پىڭ جياڭتاۋ تاعدىردىڭ اۋىر سوققىسىنا ۇشىراپ، قاتتى كۇيزەلەدى. ول: «جيعان-تەرگەنىمدى تۇگەل جۇمسادىم، تاعى نەشە 100 مىڭ يۋان قارىز الدىم، سول كەزدە قاتتى قايعىردىم، قامىقتىم، جالعاستى ءومىر ءسۇرۋ جىگەرىم مەن سەنىمىمنەن دە ايىرىلدىم،»-دەدى.    ۇيىندەگىلەردىڭ جانە دوستارىنىڭ قامقورلىعى مەن شابىتتاندىرۋىندا، پىڭ جياڭتاۋ بارا-بارا قايعى-مۇڭنان ايىقتى. ونىڭ جارامسىز ادامعا اينالعىسى كەلمەدى، ۇنەمى بىرەر جۇمىستى قولعا الىپ ىستەۋدى ويلاۋمەن بولدى. 2007-جىلى، پىڭ جياڭتاۋ ليۋحۋدي قالاشىعىنداعى ساپالى ماقتا بايلىعىنان پايدالانىپ، تور ماقتا مانەرلەۋ شەبەرحاناسىن اشىپ، دوڭگەلەكتى ورىندىقتا وتىرىپ، تىڭ كاسىپ جولىن تاپتى. شاعىن شەبەرحانانىڭ ىشىندە ماقتا ۇلپالارى ۇشىپ، قىستا سۋىق، جازدا ىستىق  بولدى، ءجۇرىس-تۇرىسى قولايسىز پىڭ جياڭتاۋ ءدال وسىنداي ورتادا نەشە جىل تاباندىلىقپەن جۇمىس ىستەپ، شاعىن شەبەرحانانىڭ ساۋداسىن بارعان سايىن جانداندىردى.   

 2014-جىلى 12-ايدا، فۋجيان ولكەسىنىڭ شينجياڭعا باعىتتامالى كومەكتەسۋىندە، پىڭ جياڭتاۋ تاۋباۋ تورابىنان توراپ دۇكەنىن اشتى، شينجياڭعا باعىتتامالى كومەككە كەلگەن كادرلار تاعى تۋىس-تۋعان، دوس-جاراندارىن اتتانىسقا كەلتىرىپ، ونىڭ تور ماقتاسىن ساتىپ الدى. پىڭ جياڭتاۋ: «كۇنىنە 500 دە 600 دانا تور ماقتا وندىرەمىز، نەگىزىنەن فۋجيان ولكەسىنىڭ پۋتيان قالاسىنا ساتامىز،»-دەدى.  

   2018-جىلى، پىڭ جياڭتاۋ جۇرەكتىلىكپەن ۇيعارىم جاساپ، تور ماقتا مانەرلەۋ زاۆودتىن قۇرىپ، ساپالى تور ماقتا ءوندىرىپ، مول پايدا تاپتى. ول 50 مىڭ يۋان اقشا جيناپ، جاقسى دوسى ليۋ جيانجيەمەن اقىلداسىپ، زاۆود قۇردى. پىڭ جياڭتاۋدىڭ تاسقىنداعان جىگەرى مەن جۇرەكتىلىكپەن جاساعان ۇيعارىمى ليۋ جيانجيەگە ەرەكشە اسەر ەتتى، ول حيميالىق تىڭايتقىش قويماسىن  پىڭ جياڭتاۋدىڭ پايدالانۋىنا تەگىن بەردى  ءارى قويمانى اقتاپ، جەرىن سەمەنتتاۋ سياقتى جۇمىستارعا ىلگەرىندى-كەيىندى 400 مىڭ يۋان قارجى جۇمسادى. ليۋ جيانجيە: «ونىڭ ءجۇرىس-تۇرىسى قولايسىز، مەنىڭ كومەگىمە مۇقتاج، ەكى اياعى سال بولىپ قالعان مۇگەدەك ادامنىڭ ءوزى وسىنداي ويعا كەلىپ وتىرسا، مەن وعان، ءسوزجوق، كومەكتەسۋىم كەرەك قوي»، -دەدى.  قازىر، مانەرلەۋ زاۆودتى قالىپتى اينالىمعا ءتۇستى، كۇنىنە 600 دانا تور ماقتا وندىرەدى. پىڭ جياڭتاۋ بۇرىنعىدان دا كوپ مۇگەدەكتى زاۆودتقا كەلىپ، قىزمەت ىستەۋگە ۇسىنىس ەتىپ، ولاردى  ومىرگە  ۇمىتپەن قاراۋعا  باستادى. ول بىلاي دەدى: ىجداعاتتىقپەن ىستەپ، زاۆودتىمىز وندىرگەن ماقتالى كورپەنىڭ ساپاسىن ءتىپتى دە جاقسارتىپ، تيجاراتتى بارىنشا جانداندىرامىن، الدا كومەككە مۇقتاج جانداردىڭ، مۇگەدەكتەردىڭ بىرگە اۋقاتتانۋىنا قول ۇشىن بەرەمىن. مۇگەدەك بولعاندىقتان، ءتىپتى دە قۇلشىنا كۇرەس جاساۋىم قاجەت، مەنىڭشە، باقىت قاجىرلى كۇرەستەن كەلەدى»،-دەدى.   


بەرىپ كەت ورامالىڭدى

دوستار

الىستاعى اق ەركە