جاڭا حابارلار

 اقسۋ قالاسىنىڭ ايكول قالاشىعىنداعى يۋەلياڭپودا ەكولوگيالىق جاياۋ ءجۇرۋ قيمىلى وتكىزىلىپ، 10 مىڭعا تاياۋ سپورت اۋەسكەرىنەن سىرت، تاعى 3 ولميپيادا اعا جۇلدەگەرى قيمىلعا قاتىناستى

    كەلۋ قاينارى: شينجياڭ حالىق راديو ىستانسياسى    2018-10-31 11:09:06  

ستانسياسنىڭ ءتىلشىسى ۋاڭ تو مەن اقسۋ قالالىق راديو ستانسياسىنىڭ ءتىلشىسى جۋ ميليڭنىڭ حابارى :10- ايدىڭ 28- كۇنى، اقسۋ قالاسىنىڭ ايكول قالاشىعىنداعى يۋەلياڭپودا ەكولوگيالىق جاياۋ ءجۇرۋ قيمىلى وتكىزىلىپ، 10 مىڭعا تاياۋ سپورت اۋەسكەرىنەن سىرت، تاعى 3 ولميپيادا اعا جۇلدەگەرى قيمىلعا قاتىناستى  .

   وسى كەزەكتى ەكولوگيالىق جاياۋ ءجۇرۋ قيمىلى 5 كيلومەتر، 15 كيلومەتر ارالىقتا جاياۋ ءجۇرۋ گرۋپپاسى بولىپ ەكىگە ءبولىنىپ وتكىزىلدى، جول بويى قۇبا ءتۇز، سازدىق، شاتقال، ءشول، كول سياقتى وزگەشە كورىنىستىك جەر - بەدەرىنەن وتەتىندىكتەن، 10 مىڭعا تاياۋ جاياۋ ءجۇرۋ اۋەسكەرى مەن 2008 - جىلعى جان قۇرالمەن نىسانا اتۋ ءتۇرىنىڭ وليمپيادا اعا جۇلدەگەرى چىن - ي، ايەلدەردىڭ 10 مەتر بيىك تەكشەدەن سۋعا سەكىرۋ ءتۇرىنىڭ وليمپيادا اعا جۇلدەگەرى ساڭ شۋە، كوركەم گيمناستيكاسىنىڭ دۇنيە جۇزىلىك اعا جۇلدەگەرى سۇي جيانشۋاڭ قاتارلىلاردى قيمىلعا قاتىناسۋعا باۋرادى. وليمپيادا اعا جۇلدەگەرى ساڭ شۋە بىلاي دەدى: « بۇل شينجياڭعا، اقسۋعا تۇڭعىش رەت كەلۋىم، 10 مىڭ ادامدى باستاپ جاياۋ ءجۇرۋدىڭ ادامعا بەرەتىن اسەرى توتەنشە ايبىندى ەكەن، شينجياڭداعى بۇقارانىڭ سپورت نەگىزى ەرەكشە جاقسى، بارلىق بۇقارانىڭ دەنە - تاربيە قيمىلىنا كوبىرەك قاتىناسىپ، دەنە - تاربيەگە نازار اۋدارۋىن ءۇمىت ەتەمىن».
       قىزىلسۋ وبلىسىنىڭ اتۇش قالاسىنداعى اسىلبەك جولداش ەرلەردىڭ 5 كيلومەتر ارالىققا جاياۋ ءجۇرۋ تۇرىنەن اعا جۇلدەگەر بولدى، ول بىلاي دەدى: «ءبىرىنشى بولام دەپ ويلاماعام، شارشاسام دا،  قۋانىشىمدا شەك جوق، اقسۋلىقتاردىڭ دەنە - تاربيەنى، جۇگىرۋدى وتە جاقسى كورەتىنىن سەزدىم، ولار ماعان مەدەت بەرىپ، شابىتتاندىردى، ولارعا ەرەكشە العىس ايتامىن».
     ەكولوگيالىق جاياۋ ءجۇرۋ قيمىلى ارقىلى  اقسۋ قالاسىنىڭ تۇرعىندارى دەنە - تاربيە جۇلدىزدارىمەن، كاسىپتىك شەبەرلەرمەن بىرگە، دەنساۋلىق ساقتاۋ مەن كوڭىلدىلىك جاقتان مول تابىسقا يە بولدى. قالا تۇرعىنى ءومار تۇرسىن بىلاي دەدى: «قىزمەت قاربالاس، ونىڭ ۇستىنە دەنە شىنىقتىراتىن ۋاقىت تا از، وسى رەتكى كولەمدى قيمىل ارقىلى سپورتتان كوڭىلدىلىكتى سەزىندىك، وسى ورايدان پايدالانىپ، بوي جازىپ، دەنە - تاربيەدەن ءلاززات الدىق. جارىستا نەشىنشى بولۋ ماڭىزدى ەمەس، ماڭىزدىسى قاتىناسۋدا».


بەرىپ كەت ورامالىڭدى

دوستار

الىستاعى اق ەركە