جاڭا حابارلار

 رايونىمىزدىڭ اۋىل شارۋاشىلىعىن كاسىپ سالالاندىرۋداعى تىرەكتى كاسىپورىندار ەرەكشە اۋىل شارۋاشىلىعى ونىمدەرىن ساتۋ تەكشەسىن قۇرىپ، شينجياڭنىڭ ەرەكشە اۋىل شارۋاشىلىق ونىمدەرى ايگىلى ماركاسىن جاراتتى

    كەلۋ قاينارى: شينجياڭ حالىق راديو ىستانسياسى    2018-11-01 10:02:14  

 ستانسيامىزدىڭ ءتىلشىسى لەي ميڭ مەن ليۋ چياڭنىڭ  حابارى :جىل باسىنان بەرى، رايونىمىزدىڭ اۋىل شارۋاشىلىعىن كاسىپ سالالاندىرۋداعى تىرەكتى كاسىپورىندار ەرەكشە اۋىل شارۋاشىلىعى ونىمدەرىن ساتۋ تەكشەسىن قۇرىپ، شينجياڭنىڭ ەرەكشە اۋىل شارۋاشىلىق ونىمدەرى ايگىلى ماركاسىن جاراتىپ، اۋىل شاراشىلىق ونىمدەرىن شينجياڭدا ساتۋ تورابى مەن شينجياڭنان باسقا جەردە ساتۋ تورابى سىندى «ەكى توراپتى » قالىپتاستىردى.   

  10- ايدىڭ 30- كۇنى تۇستەن بۇرىن، گۋاڭجۋ قالاسى جۋحاي رايونى داجياڭ كوشەسىندەگى ءبىرىنشى ءنومىرلى اۋلادا، قالا تۇرعىنى حۋاڭ گۋاڭگو «گوشۋ» اتىنداعى ايگىلى ماركالى جەمىس - جيدەك دۇكەنىنە كىرىپ، مەيىز جانە باسقا دا كەپتىرىلگەن جەمىستەردى ساتىپ الدى، ول بىلاي دەدى: « بۇرىن شينجياڭنىڭ ونىمدەرىن تەك جول بويىنداعى جايمادان، ءۇش دوڭگەلەكتى اربامەن ساتىپ جۇرگەندەردەن الاتىنبىز، قازىر بۇرىنعىعا ۇقسامايدى، بارلىق جەردە ›گوشۋ‹ اتىنداعى جەمىس- جيدەك دۇكەنى بار، ۇيىمىز دە وسى عيماراتتا، قانداي جەمىس العىمىز كەلسە، دەرەۋ استىڭعى قاباتقا ءتۇسىپ ساتىپ الامىز،  ءجۇزىمنىڭ قىزىل موناح، جاسىل موناح سياقتى تۇرلەرى تۇگەل تابىلادى، كەپتىرىلگەن جەمىس- جيدەكتەردىڭ، شىلان، جاڭعاقتاردىڭ  دا ءدامى وتە جاقسى، ۇنەمى ساتىپ الىپ تۇرامىز، بالالاردا ۇناتىپ جەيدى».  

  بۇل شينجياڭ جەمىس- جيدەك كاسىبى توبىنا قاراستى تىزبەكتى دۇكەنى، اينالىمعا تۇسكەن ءبىر جىلدان ارتىق ۋاقىتتان بەرى، تيجاراتىن ەندى  عانا باستاعان «گوشۋ» تىزبەكتى دۇكەنى ماڭداعى تۇرعىندارعا ابدەن تانىس بولىپ كەتتى. شينجياڭنان سىرت جەردە اۋىل شارۋاشىلىق ونىمدەرىن ساتۋ سىندى وسى توراپتى ويداعىداي قالىپتاستىرۋ ءۇشىن، جەمىس- جيدەك كاسىبى توبى قازىرگى بار ساتۋ جولىن بەكەمدەۋ نەگىزىندە، جاڭا ساتۋ ۇلگىسىن اشتى، 9- ايدىڭ سوڭىنا دەيىن، گۋاڭجۋ، ۋحان سياقتى ەلىمىزدەگى ءىرى، ورتاشا قالالاردا «گوشۋ» اتىنداعى الەۋمەتتىك رايون تىكە تيجارات دۇكەنىنەن 142سىن، ساتۋشىسى جوق توراپ تۇيىنىنەن ۇشەۋىن، ساۋداگەرلەردىڭ مۇددەسىن قورعاۋ ەرەن بازارى ارناۋلى رايونى مەن ارناۋلى بوكايىنان 2 مىڭىن قۇرۋ، وڭىرلىك تيجارات ساۋدا ورىندارى مەن وداققا كىرەتىن ساۋدا ورىندارىن دامىتۋ سياقتى جولدار ارقىلى  ۇزاق ۋاقىتتىق، باياندى، دەربەس ساتۋ جولى مەن تورابىن قالىپتاستىردى.  شينجياڭ جەمىس- جيدەك كاسىبى توبىنىڭ ورىنباسار مەڭگەرۋشىسى جاڭ يۇي بىلاي دەدى: «قازىرگە دەيىن، الەۋمەتتىك رايونداعى وسى 142 تىكە تيجارات دۇكەنى مەن  2 مىڭنان ارتىق ارناۋلى رايون، ارناۋلى بوكايدىڭ ساتىلىم سوماسى 300 ميلليون يۋانعا تايادى، بيىل جىل سوڭىندا الەۋمەتتىك رايونداعى 300 تىكە تيجارات دۇكەنىن قۇرۋ نىساناسىن ورىنداپ، 2 مىڭنان ارتىق ارناۋلى رايون مەن ارناۋلى بوكايدىڭ دارەجەسىن جوعارىلاتامىز، جىل سوڭىندا ساتۋ سوماسىن 500 ميلليون يۋاننان اسىرۋدى مەجەلەپ وتىرمىز، سونىمەن بىرگە شينجياڭ جەمىس- جيدەك كاسىبى توبىنىڭ  شينجياڭ ىشىندەگى جانە شينجياڭنان وزگە جەرلەردەگى ەكى تورابىنان جان- جاقتىلى پايدالانىپ، اۋىل شارۋاشىلىق ونىمدەرىن شينجياڭنان شىعارىپ، تيجارات ەتۋ- ساتۋ قىزمەتىن ويداعىداي ىستەپ، ونىڭ بەلسەندى جەبەۋ رولىن ساۋلەلەندىرەمىز».     قازىر ساتۋدىڭ «ۇلكەن تورابى» قالىپتاسىپ بولدى، شينجياڭ كولەمىندەگى ساتىپ الۋ تورابىنىڭ كولەمىن ءتىپتى كەڭەيتۋ كەرەك. وسى سەبەپتى، شينجياڭ جەمىس- جيدەك كاسىبى توبى 600 ميلليون يۋان قارجى شىعارىپ، حوتان، قاشقار، اقسۋ، تۇرپان قالالارىندا مانەرلەۋ جانە زات اينالىمى جەتكىزىپ بەرۋ بازاسىن جاڭادان قۇرىپ، جەر ـ جەردىڭ ساقتاۋ-مانەرلەۋ بازاسى مەن قىزمەت وتەۋ ابزالدىلىعىن جان- جاقتىلى ساۋلەلەندىردى  ءارى اۆتونوميالى رايوننىڭ  اۋىل شارۋاشىلىعىن كاسىپ سالالاندىرۋداعى بىرنەشە تىرەكتى كاسىپورىندارىمەن بىرلەسىپ، جەر ـ جەردەگى اۋىل شارۋاشىلىق ارناۋلى كوپەراتيۆتەرى مەن شاعىن زاۆوتتاردى اتتانسىقا كەلتىرىپ، بەلسەندىلىگىن قوزعادى، تاعى اليبابا، جيڭدۇڭ، يۇنجي، حۋانچيۋ پۋشۋ سياقتى تيجارات ەتۋ - ساتۋ تەكشەلەرىمەن ىشكەرىلەي سەلبەسىپ، كۇشتى شوعىرلاندىرا وتىرىپ، شينجياڭ ەرەكشەلىگىنە يە ونىمدەردى توراپتا ۇگىتتەۋ، ساتۋ قيمىلىن ورىستەتىپ، اۋىل شارۋاشىلىق ونىمدەرىن ساتۋعا كۇش قوستى.  

     سونىمەن قاتار، رايونىمىز ءتۇرلى ەرەكشە اۋىل شارۋاشىلىق ونىمدەرىن ساتۋدى-ءوندىرۋدى ۇشتاستىرۋ قيمىلى ارقىلى  ءىرى كولەمدى ساتىپ الۋشى ورىندار مەن رايونىمىزدىڭ اۋىل شارۋاشىلىق وندىرىسشىلەرىن دالمە-ءدال ۇشتاستىرۋ تەكشەسىن قۇردى. سوڭعى جىلداردان بەرى، ساتىپ الۋ-ساتۋ كەلسىم سوماسى 5 ميلليارد 841 ميلليون يۋانعا جەتىپ، شينجياڭنىڭ ەرەكشە اۋىل شارۋاشىلىق ونىمدەرىنەن 700 مىڭ توننادان استامى ساتىلدى. 10-ايدىڭ 30- كۇنى، 2018- جىلعى ەلىمىز بويىنشا اۋىل شارۋاشىلىق ونىمدەرىن ءوندىرۋدى-ساتۋدى ۇشتاستىرۋ ساپارىنىڭ شينجياڭ پۋنكتىندەگى قيمىلى حوتان قالاسىنداعى ىنتىماق الاڭىندا وتكىزىلدى، بەيجيڭ، شاڭحاي، جياڭسۋ سياقتى 10 ولكە، قالادان كەلگەن 63 تولايىم ساتۋ بازاسىنىڭ ساۋدا ورنى مەن ەلەكتروندى ساۋدا ورنىنىڭ جانە  تيجارات كاسىپورىندارىنىڭ ۋاكىلدەرى حوتان قالاسىنداعى اۋىل شارۋاشىلىق ونىمدەرىن  وندىرەتىن 166كاسىپورىنمەن جانە سەلبەستىك كوپەراتيۆتەرىمەن جۇمىس ۇستىندە بەتپە-بەت كەڭەسىپ ۇشتاستى. جياڭسۋ ولكەسىنىڭ ياڭجوۋ قالاسىنان كەلگەن «باۋتيانشيا»  ازىق-تۇلىك شەكتى سەرىكتەستىگىنىڭ باس جوراسى ساي جينپيڭ قاراقاش اۋدانىنداعى باقىت اۋىل شارۋاشىلىق ونىمدەرىن ساتىپ الۋ-ساتۋ ديحاندار ارناۋلى سەلبەستىك كوپەراتيۆىنىڭ كورمەگە قويعان ەرەكشە سورتتى شىلانى مەن جاڭعاق ءدانىن ءبىر كورىپ ۇناتىپ قالعانىن ايتا كەلىپ بىلاي دەدى: «شيكزاتتىڭ ساپاسى وتە جاقسى ەكەن، شىلان، جاڭعاق ءدانى، مەيىزدەرىنىڭ ساپاسى ەلىمىز بويىنشا نەداۋىر ساپالى، باعاسى دا لايىقتى ەكەن، ولارمەن سەلبەستىك جاساعىم كەلىپ وتىر، قازىر، زات اينالىمى اقىسى ماسەلەسىن تالقىلاپ جاتىرمىز.»    اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى جوۋ چياڭ تانىستىرا كەلىپ بىلاي دەيدى: «شينجياڭنىڭ ەرەكشە اۋىل شارۋاشىلىق ونىمدەرى مول، بۇلاردى ايگىلى ماركا جانە تەكشە ارقىلى اناعۇرلىم كولەمدى بازارعا ويىستىرۋ قاجەت، نەگىزگى ماقساتىمىز كەدەيلىكتەن قۇتىلدىرۋدان قامال الۋدى جەبەپ، ۇزدىك ساپالى اۋىل شارۋاشىلىق ونىمدەردى ۇيىمداستىرىپ، شينجياڭنىڭ اۋىل شارۋاشىلىق ونىمدەرىن سىرتقا ساتىپ، ايگىلى ماركا قالىپتاستىرىپ، ديحانداردىڭ كىرىسىن ارتتىرۋدى ىلگەرلەتۋ، مۇنان دا ماڭىزدىسى،ءبىر توپ ۇزاق مەرزىمدىك تاپسىرىستى قالىپتاستىرۋ.»
 
 
 


بەرىپ كەت ورامالىڭدى

دوستار

الىستاعى اق ەركە