جاڭا حابارلار

38 جىلدىق اپەكە- سىڭىلىلىك سۇيىسپەنشىلىك

    كەلۋ قاينارى: شينجياڭ حالىق راديو ىستانسياسى    2018-11-01 11:03:42  

 سانجى راديو ستانسياسىنىڭ ءتىلشىسى شيە ۋيجيان، ەرىكتى تىلشىلەر  ميڭ ۋي، ما دىجۇندەردىڭ  حابارى :
اۋا رايىنىڭ سۋىتۋىنا بايلانىستى، جەمسارى اۋدانىنداعى بەسبالىق اۋىل شارۋاشىلىق ساۋدا بازارىنداعى «ىنتىماق شوشىرەحاناسىندا» حاريدارلاردىڭ اياعى ۇزىلمەدى،  وسى شاعىن  شوشىرەحاناعا ـــ شوشىرەحانانى اشقان تۇنيساحان سايىم مەن چىن ليانچين سياقتى ەكى وتباسىنىڭ دوستىق سۇيىسپەنشىلىگى سىڭگەن-ەدى. 
      تاياۋدا، جەمسارى اۋداندىق 2 - ورتا مەكتەپتىڭ وقىتۋشىسى حى جۋان وقۋشىسى كامۋرانىڭ ۇيىنە تۋىسشىلاي باردى، كامۋرانىڭ اجەسى تۇنيساحان سايىمدى كورگەن زامان ول تاڭ قالدى، ەكەۋى ءبىر- بىرىنە قاراپ، قارقىلداپ كۇلىپ كەتتى. ءاسىلى، تۇنيساحان سايىم ونىڭ ناعاشى اپاسى چىن ليانچيننىڭ جاقسى قۇربىسى  ءارى ءوزىنىڭ كىندىك شەشەسى ەدى. حى جۋان: « ول كىسىنى كورىپ قايران قالدىم، ۇيگە كىرگەن كەزدە  ءدال وسى كىسىنىڭ ءۇيى بولارىن ويلاماعان ەدىم، ەندى بىرەر كۇننەن كەيىن، ناعاشى اپامدى ەرتىپ، ارناۋلى قىدىرىپ كەلەمىن»، ـــ دەدى.       ەكى وتباسىنىڭ دوستىعىن اۋىزعا العاندا، اڭگىمەنى 1990- جىلدان باستاۋعا تۋرا كەلەدى. سول جىلدارى چىن ليانچين مەن تۇنيساحان سايىم جەرگىلىكتى ورىنداعى ءبىر ازىق - تۇلىك سەرىكتەستىگىنىڭ اسحاناسىندا قىزمەت ىستەيتىن. ەكەۋى ۇنەمى بىرگە شوشىرە تۇيەتىن، ولار بارا- بارا سىرلاس قۇربىلارعا اينالادى. 1992 -جىلى، اسحانا جابىلعاننان كەيىن، ەكەۋى 3 مىڭ يۋان قارجى دايىنداپ، جەرگىلىكتى ورىننان ءبىر دۇكەندى جالعا الىپ، شوشىرە ساۋداسىن ىستەي باستايدى. شوشىرەحانا ۇلكەن بولماسا دا، اپەكەلى-ءسىڭلىلى ەكەۋى ادالدىقپەن تيجارات جۇرگىزىپ، جاپاعا شىداپ، «ىنتىماق شوشىرەحاناسىنىڭ» داڭقىن اسىرادى.       ويلاماعان جەردەن قىرسىق شالارىن كىم بىلگەن؟!. 1996- جىلى 10- ايدىڭ ءبىر كۇنى كەشتە، چىن ليانچيننىڭ جولداسى تۇتقيىل قايتىس بولادى. سول كەزدەردە، تۇنيساحان سايىم شوشىرەحانانى جاۋىپ، چىن ليانچين قايعىدان ارىلعانعا دەيىن، ونىڭ قاسىندا بولادى. چىن ليانچيڭ بىلاي دەدى: « تالاي جىلدان بەرى وسىلايشا، ءبىر- بىرىمىزگە كومەكتەسىپ، ءوزارا مەدەت بەرىپ كەلەمىز. تۋىستاردان ارمان جاقىن بولىپ كەتتىك».     2006 - جىلعا كەلگەندە، ەكەۋىنىڭ دە جاسى 55 تەن اسادى، دەنساۋلىقتارى دا جار بەرمەگەندىكتەن، شوشىرەحانانى تۇنيساحان سايىمنىڭ ۇلكەن ۇلى جالعاستى اشادى. الدىڭعى ءبىر مەزەتتە، تۇنيساحان سايىمنىڭ ناۋقاستانىپ، شيپاحاناعا جاتىپ قالعانىن ەستىگەن حى جۋان رۋحسات سۇراپ، وعان قارايلاسادى. بۇعان كاريا قاتتى اسەرلەنەدى  ءارى ونى كىندىك بالام دەپ تانيدى. تۇنيساحان سايىم بىلاي دەدى:« مەن ونىڭ ناعاشى اپاسىمەن 30 جىل بىرگە ىستەدىم، قازىر ول مەنىڭ كىندىك بالام بولدى، ماعان كەلىپ كومەكتەسىپ، سۋ قۇبىرىن جوندەپ، ءۇيىمدى تازالاپ بەرەدى، ءۇيىمىز كوشكەندە، كومەكتەسىپ ءۇيدى جيىستىردى، شيپاحاناعا جاتقاندا، تاماق اكەلىپ بەردى. ول ماعان از كومەكتەسكەن جوق، كىندىك قىزىما ەرەكشە العىس ايتامىن».    حى جۋان بىلاي دەدى: «ناعاشى اپام مەن كىندىك شەشەمنىڭ 30 جىل بىرگە ىستەپ،  ›ىنتىماق شوشىرەحاناسىن‹  30 جىل اشتى، تالايىمە  جاراي،  ول كىسى ماعان كىندىك شەشە بولدى، مۇنداي قويۋ سۇيىسپەنشىلىك جۇرەگىمە تەرەڭ ۇيالادى. بۇدان كەيىن بۇل سۇيىسپەنشىلىك ماڭگى جالعاسا بەرمەك».        


بەرىپ كەت ورامالىڭدى

دوستار

الىستاعى اق ەركە