جاڭا حابارلار

 كۇتىنۋگە كوڭىل بولەدى

    كەلۋ قاينارى: شينجياڭ حالىق راديو ىستانسياسى    2018-11-01 21:30:14  

 بىرىنشى،  جۇگىرگەننەن گورى جۇرگەن ابزال.  ارەكەت ادامنىڭ ۇزاق ءومىر كورۋىنە اسا پايدالى، ءبىراق ونى شاماعا قاراي ىستەۋ كەرەك.  كەيبىر قارتتار تاڭ سارىدە تەز جۇگىرگەندى جاقسى كورەدى. بىراق مۇنى ءبىز بۇل ارادا دارىپتەمەيمىز. ويتكەنى جۇگىرگەن كەزدە دەنەنىڭ وتتەگىن سارىپ ەتۋ مولشەرى ارتىپ، تىنىس تارىلىپ، دەنەگە وڭاي وتتەگى جەتىسپەۋ جاعدايىن تۋدىرادى. ال كوپ ساندى قارتتاردا تۇرلىشە دارەجەدە قان قىسىمى، كەڭىردەكشە قابىنۋ سياقتى سوزىلمالى اۋىرۋلار بولاتىندىقتان مۇنداي ارەكەت ىستەسە جۇرەك بۇلشىق ەتىنىڭ ءتۇيىلۋى نەمەسە مي- قان تامىرلارى اۋىرۋلارىنا وڭاي دۋشار ەتەدى،  قارتتار جونىنەن العاندا ارەكەت جاساۋدىڭ ەڭ جاقسى تالعامى جاياۋ ءجۇرىپ سەيىلدەۋ، سونىمەن بىرگە قولدارىن سىلكىپ، يىقتى قاعىپ، بەل ارەكەتىن جاساۋ، ءبىراق مۇنى دا شەكتەن اسىرماۋ كەرەك.  دەنە قۋاتى جاقسى قارتتار باياۋ جۇگىرۋدى سىناپ كورۋىنە بولادى، ءبىراق  جۇگىرەردىڭ الدىندا ءسوزسىز دەنەنى قىزدىرۋ ارەكەتىن ىستەۋ كەرەك.  

     ەكىنشى، ءاندى  ەستىگەننەن گورى ايتقان ابزال. ءان ەستۋ ارقىلى زەرىككەنىن باسۋ كوپتەگەن قارتتاردىڭ ادەتى.  ءبىراق  ۇزاق عۇمىر كورۋدىڭ ونىمىنە جەتەمىن دەيدى ەكەن ءاندى ەستۋمەن بىرگە ايتۋ كەرەك.   ۇنەمى داۋىستى ەركىن قويا بەرىپ ءان ايتۋ وكپە سيمدىلىگىن ارتتىرۋدان تىس بەلگىلى دارەجەدە وكپە مەن جۇرەكتىڭ قىزمەتىن جاقسارتىپ،  تانۋ قابىلەتىن جوعارىلاتادى، ءارى وي جۇگىرتۋ  جانە ەستە ساقتاۋ قابىلەتىن ارتتىرادى.  پسيحولوگيا تۇرعىسىنان العاندا ءان ايتۋ ادامنىڭ كوڭىل- كۇيىن ءونىمدى تۇردە رەتتەيدى،  مۇڭلى ءاندەر ىشتەگى شەر، قىسىمدى شىعارۋعا كومەگىن تيگىزەدى. جەڭىل ءاندەر كوڭىلدىلىكتى ارتتىرادى، كىلاسسيكالىق ءاندەر ادامداردىڭ جاستىق كەزدەگى ەستەمەلەرىن وياتۋىنا پايدالى، جالىنىن ارتتىرىپ، تۇرمىسقا دەگەن ءۇمىتىن نىعايتادى.    

  ءۇشىنشى، دەنە قۋاتتى دارىمەن كۇشەيتۋدەن گورى ازىق - تۇلىكتەردى تۇتىنىپ كۇشەيتكەن ابزال. قازىر كوپ قارتتار  سىمىرمەلى سۇيىقتىقتى، ۆيتامين تابىلەتكاسىن ءىشىپ دەنە قۋاتىن كۇشەيتپەك بولادى، نەمەسە جۇڭگوشا ءدارى ماتەريالدارىن، ايتالىق،  مەرگيا، سارميا سياقتىلاردى ىشۋگە كورسوقىرلىقپەن قىزىعادى. ءىسجۇزىندە قانداي تۇردەگى  دەنساۋلىق ساقتاۋ ءونىمدەرى بولسىن، ولاردىڭ قۇرامى انىق بولماۋ، ءدارى اۋىرۋعا دارىماۋ، ارتىق تۇتىنۋ  سياقتى جاعدايلار وڭاي تۋىلادى.  سالستىرمالى ايتقاندا  تاماقپەن تولىقتاۋ كۇندەلىكتى تۇتىناتىن ازىق- تۇلىكتەردەن كەلەدى.  ونىڭ ءونىمى باياۋ بولعانىمەن ءبىراق رولى جاقسى. دەنساۋلىق جاعدايى جاقسى قارتتار جونىنەن العاندا ءۇش ۋاققى تاماقتى ۇيلەسىمدى ورنالاستىرىپ، تاعامدار جاڭا، الۋان ءتۇرلى، تەپە - تەڭ بولسا سونىڭ ءوزى جەتكىلىكتى.


بەرىپ كەت ورامالىڭدى

دوستار

الىستاعى اق ەركە