جاڭا حابارلار

كۇننىڭ سۋىتۋىنا بايلانىستى، شينجياڭنىڭ قىسقى ساياحاتىنىڭ شىمىلدىعى دا اشىلدى

    كەلۋ قاينارى: شينجياڭ حالىق راديو ىستانسياسى    2018-11-02 11:13:14  

 ستانسيامىزدىڭ ءتىلشىسى جين لەي مەن پراكتيكانت ءتىلشى لو يۋانميڭنىڭ  حابارى :كۇننىڭ سۋىتۋىنا بايلانىستى، شينجياڭنىڭ قىسقى ساياحاتىنىڭ شىمىلدىعى دا اشىلدى. بيىل، ءۇرىمجى قالاسى قىسقى ساياحاتتا « كۇننىڭ شۇلەن شۇعىلاسىندا، قار كورىنىسىن ساياحاتتاۋ» ماركاسىن نەگىز ەتىپ، ەلىمىزدىڭ جەر - جەرىندەگى ساياحاتشىلاردى  قىسقى تاماشا تۇرمىستى سەزىنۋگە ۇسىنىس ەتپەك.  

    بىرنەشە كۇننىڭ الدىندا، حىناننىڭ جىڭجۋىنان اتتانعان Y35 رەتكى پويەز ءۇرىمجى وڭتۇستىك پويەز ۆاگزالىنا باياۋ كەلىپ توقتاپ، 500 گە تاياۋ حىناندىق ساياحاتشى ۇرىمجىدەگى قىسقى ساياحاتىن باستادى، بۇل ءارى بيىلعى ءۇرىمجى قالاسىنىڭ ىشكى ولكەگە  بارىپ، ساياحاتتى ۇگىتتەپ تانىستىرعاننان كەيىن حىنان ولكەسىنەن شينجياڭعا تۇڭعىش رەت كەلگەن قىسقى - كوكتەمگى ساياحات ارناۋلى پويەزى. ساياحاتشى ۋاڭ دۇڭ وسى رەتكى شينجياڭعا ساپارىن كوپ كۇتكەنىن ايتا كەلىپ بىلاي دەدى: «ءبىزدىڭ شينجياڭنىڭ قىسقى ساياحاتىنان كۇتەرىمىز كوپ، شينجياڭداعى ۇلكەن بازار شينجياڭنىڭ ۇلتتىق سالت - ساناسىنا ۋاكىلدىك ەتەتىن جەر، وندا اناعۇرلىم كوپ ويىن قويىلسا، تاڭ قالارلىق كوپ دۇنيەلەردى كورسەك دەيمىز».   ۇزاققا سوزىلاتىن قار مەزگىلى مەن ساپالى قار جاۋۋ ەرەكشەلىگىنە سۇيەنگەن ءۇرىمجى قالاسى بيىل قار شاڭعى، كونكي تەبۋ، مۇز شىڭعا ورمەلەۋ، جۇگىرۋ سياقتى  قار - مۇز بەن سالت -سانا بىردەي قامتىلعان جەرگىلىكتى ەرەكشەلىككە يە ءتۇرلى ساياحات ءتۇرىن شىعاردى. ءۇرىمجى قالالىق ساياحات مەكەمەسى جەبەۋ باسقارماسىنىڭ باستىعى جۋ يانلي بىلاي دەدى: « مۇراجايدى زەرتتەۋ ساياحاتىن، توڭكەرىستىك ساياحاتتى، قىسقى ساياحات قار شاڭعى الاڭىن، اراسانعا ءتۇسىپ كۇتىنۋدى نەگىز ەتكەن 5 ءىرى بولەكتەن قۇرالعان جالپى 7 ساياحات لەنياسىن اشتىق، ساياحات قيمىلىندا نەگىزىنەن «قار شاتتىعى مەرەكەسى» قيمىلىن وتكىزىپ، قالا رايونىندا نەداۋىر كولەمدى قار - مۇز شاتتىعى ورتاسىن ازىرلەپ، كوڭىلدىلىك باعىشتايمىز. بۇدان سىرت تاعى ءبىر سىپىرا ءدامدى تاعامدار مەرەكەسى قيمىلدارىن، تاعى جاياۋ ءجۇرۋ، جاڭا جىلدا جۇگىرۋ سياقتى قيمىلداردى وتكىزەمىز».     قىسقى ساياحاتتىڭ تاماشا لەنيالارىن تانسىتىرىپ، ءۇرىمجى قالاسىنىڭ قىسقى - كوكتەمگى ساياحاتىندا ساياحاتشىلار قاينارى بازارىن كۇش سالا كەڭەيتۋ ءۇشىن، تاياۋدا، ءۇرىمجى قالالىق ساياحات مەكەمەسى ساياحات كاسىپورىندارىن جىڭجۋ، شي - ءان، تاييۋان، ياڭجۋ، سۋجۋ، ۋىنجۋ سياقتى باستى ساياحاتشىلار قاينارى بازارلارىنا ساياحاتتى ۇگىتتەپ تانىستىرۋ قيمىلىن وتكىزۋگە ۇيىمداستىرىپ، « كۇننىڭ شۇلەن شۇعىلاسىندا، قار كورىنىسىن ساياحاتتاۋ» ماركاسىن جاراتىپ، ىشكى ولكەنىڭ اناعۇرلىم كوپ ساياحاتشىسىن باۋرادى. ءۇرىمجى قالالىق ساياحات مەكەمەسىنىڭ باستىعى جۋ شينرۇڭ بىلاي دەدى: « ءار قايسى ساياحات مەكەمەلەرىنىڭ جاساسقان توقتامىنىڭ ءبىر - بىرلەپ تياناقتانۋىنا ساي، ءۇرىمجى قىسقى ساياحات ارناۋلى پويەزىن، ايروپىلاندى مايعا الۋ سياقتىلار دا بارعان سايىن كوبەيدى، ءبىز دە شينجياڭنىڭ ۇلتتىق سالت - ساناسى، قار - مۇز بايلىعى، گۋمانيتارلىق، ءدامدى - تاعامدار سياقتىلارىن ەلىمىزدىڭ ءىشى - سىرتىنداعى ساياحاتشىلارعا كورسەتىپ، اناعۇرلىم كوپ ادامدى ءۇرىمجىگە كەلىپ ساياحاتتاۋعا باۋراپ، ىزعارلى قار - مۇزدى جالىندى شارۋاشىلىققا  اينالدىرامىز».            


بەرىپ كەت ورامالىڭدى

دوستار

الىستاعى اق ەركە