جاڭا حابارلار

شينجياڭنىڭ قىسقى ساياحاتىنىڭ شىمىلدىعى اشىلدى

    كەلۋ قاينارى: شينجياڭ حالىق راديو ىستانسياسى    2018-11-04 09:57:09  

 2018-جىلعى شينجياڭنىڭ قىسقى ساياحاتىنىڭ شىمىلدىعى اشىلدى، قىسقى ساياحاتتىڭ  بارشاعا شاتتىق سيلاۋى ءۇشىن، شينجياڭ ءتورت ماۋسىمداعى ساياحات ىستەرىن جاپپاي ۇگىتتەدى. رايونىمىزدىڭ جەر-جەرى ەرتە باستان دايىندالىپ، قار-مۇز قيمىلى مەن ساياحات لەنياسىن شىعاردى، كوپتەگەن كورىنىس رايونى مەن كورىنىس ءتۇيىنى قىسقى ساياحات نىسانىن اينالىمعا سالۋ مەزگىلىنە ءوتتى، بيىل جىل سوڭىندا، تۇتاس رايونىمىزدىڭ ەل ءىشى-سىرتىنان كەلگەن ساياحاتشىنى قابىلداۋ مولشەرىن 150 ميلليون ادام رەتكە جەتكىزۋگە كۇش سالدى.  بيىل، كۇنەس اۋدانىنىڭ نارات كورىنىس رايونى بۇرىنعى قىس مەزگىلىندە ساياحات كاسىبىن توقتاتۋ ءادىسىن وزگەرتىپ، تۇڭعىش رەت قىسقى ساياحات نىساندارىن اشىپ، ءبىرسپىرا ساياحات قيمىلى مەن تيىمدىلىك جاساۋ ساياساتىن شىعارىپ، ساياحاتشىلاردى باۋرادى. 11-ايدىڭ 1-كۇنىنەن كەلەر جىلى 3-ايدىڭ 31-كۇنىنە دەيىن، بەلەت باعاسى ساياحاتتىڭ سايابىر مەزگىلىندەگى تيىمدىلىك باعا بويىنشا جارىم باعادا ساتىلاتىن بولدى. نارات كورىنىس رايونى تيجارات ورتالىعىنىڭ مەڭگەرۋشىسى چى حۋا بىلاي دەدى: «ساياحاتشىلار ۇلتتىق سالت-سانانى سەزىنىپ، ءدامدى تاعامداردىڭ ءدامىن تاتادى، كيىم-كەشەك كورمەسى وتكىزىلەدى، كورىنىس رايونىندا بايگە، ات شانا، قاردا جۇرەتىن موتوسيكلگە وتىرۋ  سياقتى قىسقى ارناۋلى قيمىلدار وتكىزىلىپ، ساياحاتشىلار قىسقى قار-مۇز ساياحاتىنان ءلاززاتتانادى.»
    ءار جىلى 10-ايدىڭ 16-كۇنىنەن كەلەر جىلى 4-ايدىڭ 30-كۇنىنە دەيىنگى مەزگىل، قاناس كورىنىس رايونىنىڭ قىسقى تيجارات مەزگىلى، وسى قىستا، قاناس كورىنىس رايونى قار-مۇز، سالت-سانا مەرەكەسى، جاڭا جىلدى قۇتتىقتاپ قار لاقتىرۋ مەرەكەسى، قىسقى قار-مۇز فوتو سۋرەت مەرەكەسى، جالاڭ  شاڭعى جارىسىنا ۇسىنىس ەتۋ جارىسى، قار ويما ۇسىنىس ەتۋ جارىسى سياقتى بەس ءىرى نەگىزگى تاقىرىپتا قيمىل وتكىزەدى. قاناس ساياحات شەكتى جارنا سەرىكتەستىگىنىڭ تيجاراتقا جاۋاپتى مەڭگەرۋشىسى ديڭ يۇەيۇە بىلاي دەدى: «بيىلعى قىسقى ساياحاتتىڭ ەرەكشەلىگى ـــ قاردا جۇرەتىن موتوسيكل ءمىنۋدى نەگىز ەتكەن ۇلتتىق سالت-سانا مادەنيەتىن سەزىنۋ نىسانى مەن باستىسى سۋلۋ شوقى ماحاببات ساياحات لەنياسى، شۇكاي اقساقالدىڭ ۇيىنە بارۋ  سالت-سانا ساياحات لەنياسى، جازىق بۇلاق تەكشەسىنە شىعىپ تاماشالاۋ ساياحات لەنياسى جانە جىكپەلەڭ جازىعى قارتتار ءۇيى ساياحات لەنياسىن نەگىز ەتكەن ءتورت ساياحات لەنياسى. وسى ءتورت ساياحات لەنياسى ەرەكشە وزگەشەلىككە يە، سونىمەن بىرگە، تاعى قاردا جاياۋ ءجۇرۋ، ات ءمىنۋ، قاردا جۇرەتىن موتوسيكل ءمىنۋ، ات  شاناعا وتىرۋ سياقتى كوپتەگەن ساياحات فورماسىمەن قامدايدى.»
اۆتونوميالى رايوندىق ساياحاتتى دامىتۋ كوميتەتى پارتگرۋپپاسىنىڭ شۋجيى حۋ حانمين، شينجياڭ ساياحاتىنىڭ ءتورت ماۋسىمدا بىردەي دامۋىن بىرتىندەپ جۇزەگە اسىرۋ ءۇشىن، اۆتونوميالى رايوننىڭ باعىتتامالى تۇردە تاماشا قىسقى ساياحات لەنياسىن شىعارىپ، 2+1+N سايكەستى قىسقى ساياحاتتى دامىتۋ جاعدايىن قالىپتاستىراتىنىن ايتا كەلىپ، بىلاي دەدى: «مۇنداعى 2 دەپ وتىرعانى ــ التاي مەن ءۇرىمجى-سانجى ءوڭىرىن ءبىر تۇلعالاندىرۋدى جەتەكشى ەتىپ، قار-مۇز ساياحات بايلىعى كومەسكى كۇشىن كورنەكتىلەندىرىپ، قىسقى ساياحات ءتۇرىن بارىنشا اشۋ. ال 1 دەگەنىمىز ـــ وڭتۇستىك شينجياڭنىڭ ۇلتتىق سالت-سانا مادەنيەتىن، عۇرىپ-ادەت ساياحاتىن ءتۇيىن ەتىپ، ساياحات لەنياسى ارقىلى وڭتۇستىك شينجياڭنىڭ تۇتاس تۇلعالىق ساياحاتىن دامىتۋ، N دەگەنىمىز ـــ 14 ايماق، وبلىس بىرلەسىپ، ساياحاتتى ۇشتاستىرىپ دامىتىپ، 12-كەزەكتى قۇلجانىڭ قار-مۇز مادەنيەت مەرەكەسى، بۋىرىلتوعايدىڭ قىسقى بالىق اۋلاۋ مادەنيەت ساياحات قيمىلى، 2018-جىلعى قاشقاردىڭ قىسقى مادەنيەت سالت-سانا مەرەكەسى، قۇمتاع شولىندەگى دالالىق جارىسى سياقتى 196 ءتۇرلى قيمىلدىڭ ويداعىداي وتكىزىلۋىن ءتۇيىندى قولداۋ. ساياحات كاسىبىن بارىنشا جەتىلدىرىپ، ساياحات ارقىلى شينجياڭدى كوركەيتۋ ستراتەگياسىن اتقارۋ بولماق.
 


بەرىپ كەت ورامالىڭدى

دوستار

الىستاعى اق ەركە